راولپنڈی:تھانہ واہ کینٹ پولیس نے قتل کے مقدمہ میں ملوث ملزم گرفتار کر لیا,خون سفید ہوگیا، جائیداد کی لالچ میں سگے بھائی نے سگے بھائی کو بےدردی سے قتل کردیا,یہ دلخراش واقع تھانہ واہ کینٹ کی حدور میں پیش آیا تھا. چھوٹے سگے بھائی کو مکان کے تنازعہ پر بڑے بھائی نےوار چھرا کر کے قتل کردیا,انسانیت کا قاتل ملزم مقتول کو بے دردی سے قتل کرنے کے بعد روپوش ہو گیا تھا,مقتول کے بیوی کی مدعیت میں پولیس نے مقدمہ درج کر کے تفتیش مقدمہ اور تلاش ملزم شروع کی
ایس ایچ او تھانہ واہ کینٹ نے HIU کی ٹیم کے ہمراہ شب وروز انتھک محنت کر کے ملزم کی گرفتاری عمل میں لائی
آخر کارمقتول ساجد کا سگا بڑا بھائی سنگدل قاتل بشارت آفتاب گرفتارہوگیا.پولیس نے ملزم کو پیش عدالت کر کے ریمانڈ جسمانی منظور کروا کر آلہ قتل چھراکی برآمدگی عمل میں لائی
ایس پی پوٹھوہار ڈویژن سید علی نے ملزم کی گرفتاری پر یاسر SI/HIU اور ہمراہی ٹیم کو شاباش دی اور تعریفی سرٹیفکیٹ سے نوازا
Category: راولپنڈی
-
خون سفید ہوگیا جائداد کی خاطر سگے بھائی نے بھائی کو قتل کردیا
-
راولپنڈی مری سیاحوں کے تحفظ کے لئے سی پی او راولپنڈی پرعزم
راولپنڈی: سٹی پولیس آفیسر ڈی آئی جی محمد فیصل رانا نے ملکہ کہسار مری میں ملکی وغیرملکی سیاحوں کی حفاظت اور ان کو زیادہ سے زیادہ سہولیات کی فراہمی کے لئے روزانہ کی بنیاد پر اجلاس شروع کر دئیے،انہوں نے سی پی او آفس پہنچتے ہی اس حوالے سے ایک اجلاس طلب کیا جس میں ایس پی صدر ڈویژن رائے مظہر اقبال،سی ٹی او اور اے ایس پی مری فریال فرید کے علاوہ متعلقہ افسران نے شرکت کی،سی پی او فیصل رانا نے کہا کہ ملکہ کہسار مری پوری دنیا میں سیاحت کے حوالے سے پاکستان کا مستقل تعارف ہے جو لوگ یہاں پر سیاحت کے لئے آتے ہیں وہ پاکستان کے مہمان ہوتے ہیں ان کی میزبانی ریاست کر رہی ہوتی ہے پولیس ریاست کا ایسا مظبوط پلر ہے جسے ریاستی قانون نے عوام کے جان ومال کے تحفظ کے لئے بے پناہ اختیارات دئیے ہوئے ہیں جنہیں بروئے کار لاتے ہوئے ہمیں ملکہ کہسار مری میں ملکی و غیر ملکی سیاحوں کو ہر طرح سے بہتر نہیں بہترین پرامن ماحول دینا ہے تاکہ وہ مکمل ترین احساس تحفظ کے تحت سیاحت سے لطف اندوز ہو سکیں،انہوں نے کہا کہ عید الضحیٰ پر چونکہ مری میں سیاحوں کا رش غیر معمولی ہوتا ہے اسی لئے اس موقع پر مری پولیس کے افسران اور ملازمین کی چھٹیاں منسوخ کر دی گئی ہیں،ٹریفک پولیس کے اہلکاروں اور افسروں پر تو کئی گنا زیادہ ذمہ داری عائد ہوتی ہے کیوں کہ کسی قسم ٹریفک جام مری کی اہمیت و حساسیت کے پیش نظر ملکی و غیر ملکی میڈیا میں بڑی خبر بن جاتی ہے،لہٰذا سی ٹی او اپنے ماتحت افسران اور عملہ کے ساتھ مل کر عید الضحیٰ کے ایام میں روازنہ کی بجائے 3/3گھنٹوں کا ایسا قابل عمل ٹریفک پلان ترتیب دیں تاکہ ٹریفک جام ہونے کے مسئلے کو کم سے کم کر کے زیرو پر لایا جا سکے،سی پی او نے کہا کہ مری میں سیاحوں کو سہولیات دینے اور ان کے تحفظ کے لئے جن وسائل کی بھی ضرورت ہو گی مجھے بتایا جائے میں ایک لمحہ ضائع کئے بغیرمہیا کروں گا کیوں کہ میرے لئے سب سے اہم مری میں ملکی و غیر ملکی سیاحوں کو سیاحت کیلئے پرامن ترین مہیا کرنا ہے یہی وزیر اعلیٰ پنجاب کا ویژن اور آئی جی پنجاب کی ہدایات ہیں جن پر من و عن اور گراس روٹ لیول تک عمل کیا جائے گا،سی پی او فیصل رانا نے کہا کہ ایس پی صدر پولیس نفری کے حوالے سے جو ڈیمانڈ کریں گے اسے پورا کیا جائے گا،عید الضحیٰ کے ایام میں خود میں بھی مری موجود رہوں گا،سی ٹی او اور ایس پی صدر بھی مری میں اپنے کیمپ آفس بنائیں گے تاکہ تمام انتظامات کو ہر لمحہ مانیٹر کیا جائے،سی پی او نے کہا کہ مری میں پولیس کی ڈیوٹی راؤنڈ دی کلاک24/7ہو گی،انہوں نے کہا کہ پولیس افسران پتریاٹہ چیئر لفٹ کے حوالے سے بھی آگاہ رہیں جس طرح چند ہفتے قبل چیئر لفٹ میں فنی خرابی کا معاملہ پیش آیا تھا اسے دوبارہ پیش نہیں آنا چاہیے۔
-
مشہور زمانہ ظفر سپاری سلاخوں کے پیچھے بند
راولپنڈی:آر اے بازار پولیس نے جوائنٹ چیک پوسٹ جھاورہ پر غریب رکشہ ڈرائیور سے لڑائی اور بعد ازاں گن تاننے کے جرم میں ن لیگ کے سابقہ امیدوار برائے چئیرمین یونین کونسل دھمیال چوھدری اسد محمود نمبردار کو گرفتار کر لیا اور مقدمہ درج کرنے کے بعد تھانے منتقل کردیا گیا.
اسد کو بچانے مشہور زمانہ ظفر سپاری تھانہ آیا، پولیس پر اپنا رعب ڈالنے کی کوشش کی پھر ھوا یہ کہ پولیس نے اسے بھی حوالات میں بند کر دیا ۔ -
راولپنڈی، نالہ لئی میں پانی کی سطح الرٹ لیول پر، انتظامیہ نے سیلاب کا الرٹ جاری کر دیا
راولپنڈی میں بارشوں کے بعد نالہ لئی کی سطح بلند ہونے پر پری الرٹ جاری کر دیا گیا
باغی ٹی وی کی رپورٹ کے مطابق پنجاب کے شہر راولپنڈی میں طوفانی بارشوں کے بعد نالہ لئی کی سطح بلند ہو گئی ہے، گوالمنڈی کے قریب نالہ لئی کی سطح الرٹ لیول تک پہنچ گئی، گوالمنڈی میں پانی کی سطح 8.6 فٹ پر پہنچ چکی ہے جس کے بعد مقامی حکومت نے الرٹ جاری کر دیا ہے. ضلعی انتظامیہ نے گوالمنڈی کے مقام پر الرٹ جاری کر دیا جبکہ انتظامیہ کا کہنا ہے کہ کٹاریاں پر پانی کی سطح 11.40 فٹ ہونے پر پری الرٹ جاری کیا جائے گا۔
قبل ازیں وفاقی وزیر ریلوے شیخ رشید احمد نے نالہ لئی کا دورہ کیا ،اس موقع پرشیخ رشید نے راولپنڈی،اسلام آباد میں جاری بارشوں کےباعث سیلابی صورتحال کاجائزہ لیا ،ممکنہ سیلابی صورتحال سے نمٹنے کیلیے راولپنڈی انتظامیہ،متعلقہ اداروں کو الرٹ رہنےکی ہدایت کی.
دوسری جانب پنڈی میں بارشوں کے بعد فیڈر ٹرپ کرجانے کے باعث متعدد علاقوں کی بجلی چلی گئی، راولپنڈی کےمختلف علاقوں میں تیزبارش سے متاثرہ فیڈرزکی بحالی کاکام جاری ہے، ترجمان آئیسکو کے مطابق فالٹ اورٹرپنگ کےباعث31 فیڈرز پربجلی کی فراہمی تاحال متاثر ہے،ترجیحی بنیادوں پرمتاثرہ علاقوں کی بجلی بحال کرنےکیلیےکوشاں ہے،پولیس لائن،جی ٹین ٹو،جی ٹین فور،آئی ٹین ون،فیض آباد،دھمیال میں بجلی کی فراہمی متاثر ہوئی ہے.
دوسری طرف پی ڈی ایم اے حکام کا کہنا ہے طوفانی بارشوں سے ہزارہ، راولپنڈی، گوجرانوالہ، ڈی جی خان اور کشمیر کے ندی نالوں میں طغیانی آسکتی ہے۔ پہاڑی علاقوں میں لینڈ سلائیڈنگ کے پیش نظر شہریوں کو غیر ضروری سفر سے گریز کرنے کی ہدایت کی گئی ہے
-
راولپنڈی میں تیز بارش، شیخ رشید کا نالہ لئی کا دورہ
راولپنڈی میں تیز بارش کے بعد وفاقی وزیر ریلوے شیخ رشید احمد نے گوال منڈی پل کے مقام پر نالہ لئی کا دورہ کیا ہے
باغی ٹی وی کی رپورٹ کے مطابق وفاقی وزیر ریلوے شیخ رشید احمد نے نالہ لئی کا دورہ کیا ،اس موقع پرشیخ رشید نے راولپنڈی،اسلام آباد میں جاری بارشوں کےباعث سیلابی صورتحال کاجائزہ لیا ،ممکنہ سیلابی صورتحال سے نمٹنے کیلیے راولپنڈی انتظامیہ،متعلقہ اداروں کو الرٹ رہنےکی ہدایت کی.
وفاقی وزیر ریلوے شیخ رشید احمد نے اس موقع پر گفتگو کرتے ہوئے کہا کہ رواں برس مون سون میں پچھلے سالوں سےزیادہ بارشوں کاامکان ہے ،راولپنڈی شہر کو سیلابی صورتحال کا سامنا ہو سکتا ہے ،نالہ لئی ایکسپریس وے اینڈ فلڈ چینل کی تعمیر نا گزیر ہے ،
گوالمنڈی پل پر پانی کی سطح بلند اور الرٹ لیول تک پہنچ چکی ہے، پنڈی میں ابھی بھی ہلکی ہلکی بارش جاری ہے، نالہ لئی میں 8.5 فٹ پر پانی پہنچ چکا ہے، ڈی سی پنڈی نے الرٹ جاری کر دیا
دوسری جانب پنڈی میں بارشوں کے بعد فیڈر ٹرپ کرجانے کے باعث متعدد علاقوں کی بجلی چلی گئی، راولپنڈی کےمختلف علاقوں میں تیزبارش سے متاثرہ فیڈرزکی بحالی کاکام جاری ہے، ترجمان آئیسکو کے مطابق فالٹ اورٹرپنگ کےباعث31 فیڈرز پربجلی کی فراہمی تاحال متاثر ہے،ترجیحی بنیادوں پرمتاثرہ علاقوں کی بجلی بحال کرنےکیلیےکوشاں ہے،پولیس لائن،جی ٹین ٹو،جی ٹین فور،آئی ٹین ون،فیض آباد،دھمیال میں بجلی کی فراہمی متاثر ہوئی ہے.
-
وفاقی وزیر کے حلقے میں لوڈشیڈنگ عوام پریشان
راولپنڈی ( نمائندہ باغی ٹی وی )وفاقی وزیرسرورخان اورسرفرازافضل کے حلقہ پی پی12کے علاقے اشرف کالونی میں صفدرپلازہ ٹرانسفارمرسے منسلک اہل علاقہ شدید اذیت کا شکارہیں رات کو اکثرفیوز کی خرابی کے باعث پانچ پانچ گھنٹے لائیٹ نہیں ہوتی گزشتہ رات5گھنٹے سے زائد لائٹ بند رہی،کچھ دیر کے لئے لائیٹ آئی اورصبح پھرلائیٹ بند ہوگئی جوشام 6بجے تک بند ہے،مذکورہ علاقے میں 120سے بھی کم وولٹیج ہیں لیکن واپڈاکا عملہ یا کوئی منتخب نمائندہ مسائل کے حل کیلئے تیا رنہیں،آئیسکوواپڈا کے مقامی کمپلینٹ آفس کے رابطہ نمبرپربہت کم رابطہ ہوتا ہے،اہل علاقہ نے منتخب نمائندوں اور آئیسکوچیف سے مطالبہ کیا ہے کہ مذکورہ مسائل کوفوری حل کرکے عوام کو ریلیف دیا جائے۔
-
پڑھا لکھا پنجاب، طلباء کو مزدور بنا دیا گیا
پڑھا لکھا پنجاب، طلبا کو مزدور بنا دیا گیا،مری کی یونین کونسل پھگواڑی کے ایلمنٹری سکول کے بچے سکول کا بلڈنگ میٹیریل ڈھونے لگے.
باغی ٹی وی کی رپورٹ کے مطابق مری کی یونین کونسل پھگواڑی میں سکول کے بچوں کو پڑھائی کی بجائے وزنی بلاکس اٹھانے پر مجبور کیا جاتا ہے اور اس میں سکول انتظامیہ ملوث ہے، طلبا کو اساتذہ پڑھانے کی بجائے کام پر لگا دیتے ہیں او ان سے وزنی کنکریٹ اٹھوائے جاتے ہیں.
آبادی کے لحاظ سے مری کی سب سے بڑی یوین کونسل پھگواڑی ہے جس کے نمب رومال کیوریاں کے ایلیمنٹری اسکول کے بچوں کو سیمنٹ کے بلاکس اٹھانے پر لگا دیا طلبا سارا دن بلاکس / بلڈنگ میٹیریل اٹھاتے رہتے ہیں، سکول میں پڑھائی زیرو ہو چکی ہے،
باغی ذرائع کے مطابق گزشتہ کئ سالوں سے یہاں بیش بہا فنڈز منظور ہوئے لیکن اساتذہ اور ٹھیکیداروں کی ملی بھگت سے آج بھی یہاں کے سکول کی حالت کھنڈرات جیسی ہے
محمد اویس -
جعلی زرعی ادویات بیچنے والوں کے خلاف سخت ایکشن
راولپنڈی۔ (نمائندہ باغی ٹی وی ) جعلی زرعی ادویات وکھادوں کی روک تھام کے سلسلہ میں شکایات کے ازالہ کیلئے منفرد نوعیت کاکمپلینٹ مینجمنٹ سسٹم متعارف کرادیا جس کے تحت شکایت موصول ہونے کے 24 گھنٹوں کے اندر کارروائی عمل میں لائی جاتی ہے۔زرعی اجلاس کے موقع پر ایڈیشنل سیکرٹری زراعت ٹاسک فورس پنجاب رانا علی ارشد نے کہا کہ زراعت ہماری معیشت کا سب سے بڑا شعبہ ہے اور زیادہ تر لوگوں کا روزگار بھی اسی شعبہ سے منسلک ہے۔موجودہ حکومت کے نئے اقدامات کی بدولت محکمہ زراعت کی کارکردگی کا گراف بھی بلندی کی طرف بڑھ رہا ہے۔انہوں نے مزید کہا کہ زرعی ٹاسک فورس کے تحت جعلی زرعی ادویات وکھادوں کے ناسور کو جڑ سے اکھاڑ نے کیلئے متعدد عملی اقدامات اٹھائے گئے ہیں۔شکایات درج کرانے کیلئے عوامی مقامات، پیسٹی سائیڈزوفرٹیلائزر دکانات اور سرکای دفاتر پر بینرزآویزاں کر دئیے گئے ہیں۔جعلی زرعی ادویات وکھادوں کے گھناونے دھندے میں ملوث کالی بھیڑیں کسان اور زراعت کی دشمن ہیں۔ٹاسک فورس کے تحت جاری عملی کارروائیوں کے نتیجہ میں یہ جلد میدان چھوڑ کر بھاگ جائیں گے۔
-
کسانوں کو زرعی اراضی کی الاٹمنٹ بڑی خبر آگئی
راولپنڈی:(نمائندہ باغی ٹی وی ) پنجاب حکومت نے بنجر زمینوں کی آبادکاری کرنے والے کسانوں کو سوا لاکھ ایکڑ زمین کی الاٹ منٹ کرنے کا فیصلہ کر لیا۔محکمہ زراعت پنجاب کے ترجمان نے میڈیا کو بتایاکہ پنجاب کابینہ نے لینڈ لیز پالیسی کے تحت صوبے کے30اضلاع میں ایک لاکھ 20 ہزار 7 سو ایکڑ زمین کسانوں کو الاٹ کرنے کا فیصلہ کیا ہے۔باغی ٹی وی کو موصول اطلاعات کے مطابق کسانوں کو ساڑھے بارہ ایکڑ تک رقبہ الاٹ کیا جائے گا۔اس ضمن میں سٹیٹ لینڈ کی ڈسپوزل پالیسی کے بھی جامع اصولوں کی منظوری دی گئی ہے۔
-
بچوں کے ساتھ جنسی زیادتی کی روک تھام کے حوالے سے سیمینار کا انعقاد
راولپنڈی :گلوبل پیس اینڈ ہارمنی بین الاقوامی تنظیم اپسما اور بیفپ کے اشتراک سے انعم ڈگری کالج راولپنڈی کینٹ میں بچوں کے جنسی تشدد اور منشیات کے رجحان کی روک تھام کے لئے ایک تربیتی نشست کا اہتمام کیا گیا جسمیں راولپنڈی و چکلالہ کینٹ کے سکول مالکان اساتذۂ اور سول سوسائٹی کے نمائندوں نے شرکت کی. اجلاس کا آغاز تلاوت قرآن پاک سے کیا گیا اور نعت رسول مقبول پیش کی گئی اجلاس کی صدارت کرتے ہوئے ڈائریکٹر ہیومن ریسورس گلوبل پیس اینڈ ہارمنی ملک عبدالصبور نے کہا کہ پچھلے چند ماہ میں ہمارے علاقے میں بچوں کے ساتھ جنسی زیادتی کے چار واقعات رپورٹ ہوئے جو اس بات کا ثبوت ہے کہ اب ہم اور ہمارا علاقہ بھی ان درندوں سے محفوظ نہیں اسی طرح منشیات کا بچوں میں استعمال بڑھتا جارہا ہے ان دونوں موذی رجحانات کی روک تھام کیلئے اپنی ذمہ داری کو محسوس کرتے ہوئے ہمیں اسکی روک تھام کیلئے اقدامات کرنے چاہئیں اسی لیے ایک اگاہی مہم کا آغاز کیا گیا اور اسی سلسلے میں آج یہ اجلاس منعقد کیا گیا ہے. انہوں نے کہا کہ انشاء اللہ اگلے مرحلے میں سیمینار کا انعقاد کیا جائے گا جن میں اساتذۂ اور والدین کو ٹریننگ دی جائے گی کہ وہ کیسے اپنے بچوں کو ان جنسی درندوں اور منشیات کے استعمال سے بچا سکتے ہیں اور انشاءاللہ یہ سیمنار علاقے کے تمام سکولوں میں منعقد کئے جائیں گے. اجلاس سے خطاب کرتے ہوئے گلوبل پیس اینڈ ہارمنی کی صدر محترمہ کرن ہاشمی صاحبہ نے ملک عبدالصبور کی اس کاوش کو سراہتے ہوئے کہا کہ گلوبل پیس اینڈ ہارمنی اس سلسلے میں سکولوں میں سیمنار میں تربیت یافتہ لوگ مہیا کرے گی جو اساتذہ اور والدین کو ٹریننگ دیں گے انہوں نے کہا کہ انشاء اللہ اس اقدام سے ہم ان رجحانات کو ختم کر سکتے ہیں ضرورت اس امر کی ہے کہ معاملے کی سنگینی اور اہمیت کا احساس کیا جائے انہوں نے تمام شرکا سے کہا کہ آپ اپنی تجاویز ہمیں بھیجیں انشاءاللہ ان تجاویز کی روشنی میں ایک جامع حکمت عملی ترتیب دی جائے گی. اجلاس میں محترمہ غنوی صاحبہ نے اگلے مرحلے میں سیمنار کے انعقاد اور ان میں دی جانے والی تربیت کے خدوخال سے شرکا کو آگاہ کیا. اجلاس سے جنرل سیکرٹری اپسما راولپنڈی کینٹ اور صدر اپسما راولپنڈی کینٹ نے بھی اپنے خیالات کا اظہار کرتے ہوئے اس مہم کو کامیاب بنانے کیلئے ساتھ دینے اور اگلے مرحلے میں سیمینار کا انعقاد کرنے کا اعلان کیا. اجلاس سے مہمان خصوصی ڈویژنل صدر اپسما جناب ابرار خان صاحب نے خطاب کرتے ہوئے کہا کہ اپسما نہ صرف اس مہم کے آغاز کرنے میں گلوبل پیس اینڈ ہارمنی اور ملک عبدالصبور کے اس قدم کے ساتھ کھڑی ہے بلکہ پورے ڈویژن میں مدد کرنے کو تیار ہے. انہوں نے کہا کہ بلاشبہ جن لوگوں کے بچے جنسی زیادتی کا شکار ہو رہے ہیں اسی طرح منشیات کے عادی بن رہے ہیں نہ صرف ان بچوں کی زندگیاں برباد ہوئیں ہیں انکے مستقبل تباہ و برباد ہوگئے ہیں بلکہ پورے کے پورے خاندان تباہ ہو گئے ہیں لہذا اس بات کا انتظار کئے بغیر کہ خدانخواستہ ہمارے بچے انکا شکار بنیں ہمیں احطیاطی تدابیر اختیار کرنی چاہیے اور یہی وہ طریقہ ہے جس سے ان رجحانات کی حوصلہ شکنی کی جاسکتی ہے.
اجلاس میں دیگر شرکا نے اپنی تجاویز پیش کیں اور اپنے خیالات کا اظہار کرتے ہوئے مکمل ساتھ دینے کا اعلان کیا اجلاس میں راجہ وسیم سیفی صاحب نے قرارداد پیش کی کہ نصاب میں جنسی تشدد کی روک تھام اور منشیات کے استعمال کے نقصانات پر مبنی مضامین شامل کئے جائیں اور جشن آزادی کے موقع پر اعلان کیا جائے کہ اگلا سال نوجوانوں کا سال قرار دیا جائے جسے اجلاس میں موجود شرکاء نے کثرت رائے سے منظور کیا.
اجلاس میں گلوبل پیس اینڈ ہارمنی کے ممبران سکول مالکان سول سوسائٹی اور بزنس کمیونٹی کے نمائندوں نے شرکت کی. شرکا میں
محترم جناب چوہدری امجد صاحب صدر اپسما راولپنڈی کینٹ میزبان محفل اور ڈائریکٹر انعم سکول و ڈگری کالج راول ٹاون راولپنڈی کینٹ
کو آرگنائزر محترم راجہ محمد وسیم سیفی (جنرل سیکرٹری اپسما و ڈائریکٹر کیڈٹ فاونڈیشن سکول ساجد بخاری روڈ راولپنڈی کینٹ
نقیب محفل محترم نعیم اکبر صاحب جوائنٹ سیکرٹری اپسما و ڈائریکٹر نعیم اسلامیہ ماڈل سکول پیپلز کالونی راولپنڈی کینٹ
محترم محمد نیاز احمد ڈائریکٹر رائزنگ سٹار سکول سسٹم گرجا روڈ پوٹھوہار ٹاون راولپنڈی
محترم نوید احمد صاحب رائزنگ سٹار سکول راولپنڈی کینٹ
محترم عبدالغفور جدون صاحب ڈائریکٹر ہاکس سکول غازی آباد راولپنڈی کینٹ
محترم اکبر خان صاحب ڈائریکٹر ڈاکٹر اے قیو خان سکول گرجا روڈ راولپنڈی
محترمہ عنبرین صاحبہ عنبرین سکول سسٹم گرجا روڈ
محترم محمد کامران صاحب گرین لینڈ سکول
محترم سعید صاحب بیسٹ ایجوکیشن سکول
محترم راجہ ماجد صاحب حدیقہ الاطفال سکول بوائز
محترم قاری اعجاز صاحب حدیقہ الاطفال سکول گرلز
محترم عمران جنجوعہ صاحب نیو حسین پبلک سکول
محمد اشفاق صاحب Asf سکول سسٹم
محترم جناب شیراز شیخ صاحب بزنس کمیونٹی
محترم جناب ڈاکٹر عبداللہ چئیرمین سول سوسائٹی اسلام آباد
محترم جناب راجہ حبیب صاحب اسسٹنٹ ڈائریکٹر ہیومن ریسورس پاکستان گلوبل پیس اینڈ ہارمنی
محترم جناب ملک حسنات کلیم ممبر گلوبل پیس اینڈ ہارمنی
محترمہ غنوی صاحبہ گلوبل پیس اینڈ ہارمنی
محترم فہد احمد صاحب پی ٹی وی
محترم ارشاد شیخ صاحب ممبر گلوبل پیس اینڈ ہارمنی
محترم ملک ماجد صاحب میڈیا کواڈینیٹر بزم فروغ فکر اقبال پاکستان
عبدالحمید صاحب سابقہ چئیرمین سٹوڈنٹس ویلفیئر سوسائٹی علامہ اقبال کالونی راولپنڈی کینٹ
تمام شرکاء نے بچوں کے جنسی تشدد اور منشیات کے استعمال کی روک تھام کیلئے آگاہی مہم کے آغاز کو سراہا اور اس کا حصہ بنتے ہوئے اپنے اداروں میں سیمنار منعقد کرانے کا اعلان کیا. آخر میں اس آگاہی مہم کی کامیابی اور ملک پاکستان کے استحکام کیلئے دعا کی گئی.