Category: راولپنڈی

ملک کے مختلف شہروں میں پیش آنے والے ٹریفک حادثات میں 13 افراد جاں بحق اور 44 زخمی ہو گئے۔ زیادہ تر حادثات تیز رفتاری اور لاپروائی کے باعث پیش آئے۔

راولپنڈی سے لاہور جانے والی مسافر بس کو چکری انٹرچینج کے قریب حادثہ پیش آیا، جس کے نتیجے میں 5 افراد جاں بحق اور 41 زخمی ہو گئے۔ زخمیوں کو فوری طور پر اسپتال منتقل کیا گیا جہاں بعض کی حالت تشویشناک بتائی گئی ہے۔لیاقت پور میں دو موٹرسائیکلیں آپس میں ٹکرا گئیں، حادثے کے نتیجے میں 2 نوجوان موقع پر ہی جاں بحق ہو گئے۔ شیخوپورہ میں شیش محل بند روڈ ریلوے پھاٹک کے قریب تیز رفتار بس نے موٹر سائیکل سوار میاں بیوی کو کچل دیا، دونوں موقع پر جاں بحق ہو گئے۔

شیخوپورہ ہی میں ایک اور حادثہ فیصل آباد روڈ پر نواں کوٹ اسٹاپ کے قریب پیش آیا جہاں تیز رفتار بس نے رکشے کو ٹکر مار دی، جس کے نتیجے میں ایک شخص جاں بحق جبکہ 2 افراد زخمی ہو گئے۔سندھ کے شہر سانگھڑ میں نواب شاہ روڈ پر موٹر سائیکل اور رکشے کے درمیان تصادم ہوا، جس کے نتیجے میں 2 سگے بھائی جاں بحق ہو گئے۔ ٹھل میں تیز رفتاری کے باعث دو موٹر سائیکلیں آپس میں ٹکرا گئیں، حادثے میں ایک شخص زخمی ہوا۔

ادھر خیبر پختونخوا کے علاقے ہری پور میں وین اور موٹرسائیکل میں ٹکر کے نتیجے میں ایک شخص جاں بحق اور دوسرا زخمی ہو گیا۔ملک میں مسلسل بڑھتے ہوئے ٹریفک حادثات پر شہریوں نے تشویش کا اظہار کیا ہے اور ٹریفک قوانین پر سختی سے عملدرآمد کا مطالبہ کیا ہے۔

خیبر پختونخوا میں 32 ارب روپے کا اسکینڈل، غیر رجسٹرڈ ترک کمپنی کو مبینہ فائدہ

اسحاق ڈار کا انتونیو گوتریس سے ٹیلیفونک رابطہ، آئندہ ہفتے ملاقات طے

وزارت خزانہ کا نیا ماڈل ،ریاستی اداروں کی فنڈنگ کارکردگی سے مشروط

فریڈم فلوٹیلا کا نیا مشن،اٹلی سے غزہ کے لیے انسانی امداد لے کر کشتی روانہ

کیپٹن کرنل شیر خان شہید نشانِ حیدر کی آج 26 ویں برسی منائی جارہی ہے۔

کیپٹن کرنل شیر خان شہید کی 26 ویں برسی کے موقع پر فیلڈ مارشل، چیئرمین جوائنٹ چیفس آف اسٹاف کمیٹی، ائیرچیف، نیول چیف اور افواجِ پاکستان کی جانب سے شہید کو خراجِ عقیدت پیش کیا گیا،میجرجنرل انجم ریاض نے شہید کے مزار پر حاضری دی اور قبر پر پھول بھی رکھے۔

آئی ایس پی آر کا کہنا ہے کہ کرنل شیرخان شہید نے دشمن کے سامنے سیسہ پلائی دیوار بن کر وطن کے دفاع کے لیے اپنی جان قربان کی، وہ افواجِ پاکستان، پوری قوم کے لیے ہمیشہ ایک عظیم مثال اور تحریک کا ذریعہ رہیں گے،کیپٹن کرنل شیر خان کی قربانی آج بھی ہر پاکستانی کے دل میں زندہ ہے اور آنے والی نسلوں کے لیے مشعلِ راہ ہے، ہم اپنے اس عظیم ہیرو کو سلام پیش کرتے ہیں اور مادرِ وطن کے دفاع کے عزم کی تجدید کرتے ہیں۔

آج بحر الکاہل کے ممالک پر ایک خوفناک سونامی آنے کی جاپانی بابا وانگا کی پیشگوئی

کیپٹن کرنل شیر خان شہید پاکستان کے صوبہ خیبر پختونخوا کے ضلع صوابی ایک گاؤں کرنل شیر کلی پرانا نام نواں کلی میں پیدا ہوئے انھوں نے 1999 میں بھارت کے خلاف کارگل کے معرکے میں اپنی جان کا نذرانہ پیش کر کے پاک فوج کا اعلی ترین فوجی اعزاز نشانِ حیدر کا اعزاز حاصل کیا 1989 میں پاکستان ایئر فورس میں ایئر مین بھرتی ہوئے، 1992 میں پاک فوج کے افسر بن گے اور 14 اکتوبر 1994 کو 27 ویں سندھ رجمنٹ میں کمیشن حاصل کیا۔

کرنل شیر خان کارگل آپریشن کے دوران 12 ویں ناردرن لائٹ انفنٹری میں تعینات تھے 1999 میں گلٹری، ٹائیگر ہل کے علاقے میں 17,000 فٹ بلندی پر دفاعی پوسٹس قائم کیں، جہاں بھارتی فوج کے مسلسل 8 حملے ناکام بنائے 5 جولائی کو 2بٹالینز نے محاصرے کے بعد حملہ کیا۔ شیر خان نے شاندار جوابی حملہ کیا اور پوسٹ واپس حاصل کی، لیکن مشین گن فائر سے شہید ہوگئےبھارتی لیفٹیننٹ جنرل موہیندر پوری نے ان کی بہادری کو سراہا۔

امریکی صدر ٹرمپ نے ٹیکس و اخراجات کے ’’بگ بیوٹی فل بل‘‘ پر دستخط کر دیے

کارگل کی جنگ کے دوران انہوں نے اپنی پوسٹ کو دشمن کے متعدد حملوں سے بچایا، زخمی ہونے کے باوجود سپاہیوں کی قیادت جاری رکھی اور آخری دم تک لڑتے رہےان کی شجاعت کا اعتراف خود بھارتی فوج نے بھی کیا اور انہی کے بیان پر پاکستان نے انہیں سب سے بڑا فوجی اعزاز نشانِ حیدر عطا کیا، کیپٹن کرنل شیر خان شہید کی قربانی ہمیں یہ سبق دیتی ہے کہ وطن کے دفاع کے لیے کوئی بھی قیمت زیادہ نہیں آج بھی قوم ان کے ایثار اور بہادری کو سلام پیش کرتی ہے۔

چیئرمین جوائنٹ چیفس آف اسٹاف کمیٹی جنرل ساحر شمشاد مرزا سے جنوبی افریقہ کی فضائیہ کے سربراہ نے ملاقات کی، جس میں باہمی دلچسپی کے مختلف امور اور دوطرفہ تعاون پر تبادلہ خیال کیا گیا۔

آئی ایس پی آر کے مطابق دونوں افواج کے درمیان روابط کو مزید وسعت دینے کیلئےعملی اقدامات پرگفتگو کی گئی، چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے علاقائی امن و استحکام کیلئے پاکستان کی کوششوں کو اجاگر کیا۔

آئی ایس پی آر کے مطابق جنوبی افریقی فضائیہ کے سربراہ لیفٹیننٹ جنرل وائز مین سیمو مبامبو نے پاک فوج کی پیشہ ورانہ صلاحیتوں کو سراہا اور دہشت گردی کے خلاف جنگ میں ان کی قربانیوں کا اعتراف کیا،قبل ازیں جنوبی افریقی فضائیہ کے سربراہ کی جوائنٹ سٹاف ہیڈکوارٹرز آمد پر چاق و چوبند دستے نے گارڈ آف آنر پیش کیا۔

سابق پارلیمانی سیکرٹری چوہدری عدنان قتل کیس میں نامزد سابق سینیٹر چوہدری تنویر کی ضمانت بعد از گرفتاری منظور کر لی گئی۔

ایڈیشنل سیشن جج چوہدری ماجد حسین نے وکلاء کے دلائل مکمل ہونے کے بعد محفوظ کیا گیا فیصلہ سنایا عدالت نے چوہدری تنویر کو 10،10 لاکھ روپے کے دو مچلکے جمع کروانے کا حکم دیا ہے اس سے قبل کیس میں وکلاء کی جانب سے تفصیلی دلائل دیے گئے تھے، جس کے بعد عدالت نے گزشتہ روز فیصلہ محفوظ کیا تھا۔

واضح رہے کہ چوہدری تنویر اس کیس میں گرفتار تھے اور انہوں نے ضمانت کے لیے عدالت سے رجوع کیا تھا چوہدری عدنان کو 12 فروری کی شام پولیس لائنز گیٹ کے قریب فائرنگ کر کے قتل کیا گیا تھا، ملزمان کے خلاف تھانہ سول لائنز راولپنڈی میں قتل کا مقدمہ درج ہے چوہدری عدنان 2018 میں راولپنڈی سے پنجاب اسمبلی کے حلقہ پی پی 11 سے پی ٹی آئی کے ٹکٹ پر رکن صوبائی اسمبلی منتخب ہوئے تھےتاہم 9 مئی کے واقعات کے بعد پارٹی سے علیحدگی کے باعث وہ حالیہ الیکشن میں آزاد حیثیت میں میدان میں اترے تھے۔

سپریم کورٹ: آئندہ ہفتے کی سماعت کےلیے بینچز تشکیل

چودھری تنویر خان نے ہائیکورٹ راولپنڈی میں خود کو سرنڈر کیا تھا جس کے بعد جسمانی ریمانڈ مکمل ہونے پر انہیں جوڈیشل ریمانڈ پر جیل بھیج دیا گیا تھا، اڈیالہ جیل میں طبیعت خراب ہونے پر انہیں راولپنڈی انسٹیٹیوٹ آف کارڈیولوجی (آر آئی سی) منتقل کیا گیا تھا عدالت سے ضمانت کی منظوری اور سپرنٹنڈنٹ اڈیالہ جیل کو روبکار موصول ہونے کے بعد سابق سینیٹر چوہدری تنویر خان کو رہا کرنے کا عمل مکمل کیا جائے گا۔

ٹرمپ کا کینیڈا کے ساتھ تمام تجارتی بات چیت ختم کرنے کا اعلان

سابق وزیراعظم عمران خان کی بہن علیمہ خان نے کہا ہے کہ میرا خیال ہے مائنس عمران خان ہی ہوگیا ہے۔

اڈیالہ جیل کے باہر میڈیا سے گفتگو میں صحافی نے سوال کیا کہ کیا مائنس عمران خان ہوچکا ہے؟ عمران خان نے کہا تھا کہ میری منظوری ہوگی؟ اس پر علیمہ خان نے کہا کہ میرا خیال ہے مائنس عمران خان ہی ہوگیا ہے کے پی کے ارکان اسمبلی کہتے ہیں کہ علی امین گنڈاپور بہت طاقتور ہیں ہم اس کو ناں نہیں کہہ سکتے؟ سوال پر علیمہ خان کا کہنا تھاکہ بوجھ نہیں اٹھا سکتے تو گھر جائیں۔

دوسری جانب پی ٹی آئی رہنما سلمان اکرم راجا نے کہا ہے کہ کے پی بجٹ 23 تاریخ کو پاس کرنا ضروری نہیں تھا-

اڈیالہ جیل کے باہر میڈیا سے گف گو کرتے ہوئے بیرسٹر سلمان اکرم راجہ نے کہا کہ 25 مارچ کے بعد عمران خان سے میری صرف دو ملاقاتیں ہوئیں، ملاقاتیں نہ کرانا سوچی سمجھی منصوبہ بندی ہے، بانی کے بنیادی حقوق کا کسی کو کوئی پاس نہیں ہے، عدالتی احکامات کا بھی کسی کوئی پاس نہیں، عدالتیں خود اپنے احکامات پر عمل کرانے سے گریزاں ہیں۔

کے پی اسمبلی کے بجٹ سے متعلق ان کا کہنا تھا کہ کے پی بجٹ 23 تاریخ کو پاس کرنا ضروری نہیں تھا، آج امکان تھا بانی سے کوئی واضح ہدایات مل جاتیں، جب تک ممکن تھا ہم بجٹ روک سکتے تھے ہمارے پاس 30 جون تک وقت تھا تب تک بانی کی ہدایات بھی آجاتیں ہم سمجھتے ہیں بجٹ پر ہمیں مشاورت جاری رکھنی چاہیے تھی، پارٹی میں سوالات اٹھتے ہیں بجٹ کیوں 23 تاریخ کو پاس ہوا؟ سیاسی کمیٹی کا فیصلہ تھا جتنا ممکن ہوسکے 30 تاریخ تک مشاورت ہونی چاہیے مگرکے پی اسمبلی نے بظاہر عجلت سے کام لیا۔

واضح رہے کہ خیبرپختونخوا اسمبلی نے وزیراعلیٰ گنڈاپور کی بانی پی ٹی آئی سے ملاقات کے بغیر ہی بجٹ منظور کر لیا نئے مالی سال کے لیے صوبائی بجٹ کی منظوری گزشتہ شب دی گئی بجٹ کی منظوری سے پہلے تقریر میں علی امین گنڈاپور نے کہا تھا کہ بانی پی ٹی آئی سے جب بھی ملاقات ہوئی ان کی ہدایت کے مطابق بجٹ میں تبدیلیاں لائیں گے۔

محکمہ داخلہ پنجاب نے اٹک جیل میں قیدیوں پر مبینہ تشدد میں ملوث 5 اہلکاروں کو معطل کر دیا ہے۔

یاد رہے کہ اپریل میں اٹک ڈسٹرکٹ جیل کے واش روم سے ایک قیدی کی لاش پراسرار حالت میں برآمد ہوئی تھی۔ جیل حکام کا مؤقف تھا کہ قیدی نے ڈوری سے خودکشی کی، جبکہ لاش دیگر قیدیوں کو واش روم کی کھڑکی سے لٹکتی ہوئی ملی۔محکمہ داخلہ کی جانب سے جاری نوٹیفکیشن کے مطابق، ڈپٹی سپرنٹنڈنٹ سرمد حسن، اسسٹنٹ سپرنٹنڈنٹ مشتاق احمد، چیف وارڈن محمد رفیق، ہیڈ وارڈن ظفر اور وارڈن محمد ایوب کو 90 دن کے لیے معطل کر دیا گیا ہے۔

محکمہ داخلہ کے ترجمان کا کہنا ہے کہ ان افسران کو اختیارات کے ناجائز استعمال، نااہلی اور بدانتظامی پر معطل کیا گیا ہے، کیونکہ یہ ایک قیدی پر مبینہ تشدد میں ملوث پائے گئے۔ان کے خلاف پنجاب ایمپلائز ایفیشنسی، ڈسپلن اور اکاؤنٹیبلٹی ایکٹ 2006 کی شق 6 کے تحت کارروائی کی گئی ہے۔جیل قوانین کے تحت کسی قیدی پر تشدد کی اجازت نہیں، اور محکمہ داخلہ اختیارات کے غلط استعمال کے خلاف ’زیرو ٹالرنس‘ پالیسی پر عمل پیرا ہے۔

واضح رہے کہ اس سے قبل اٹک جیل کے سپرنٹنڈنٹ عارف شہباز کو بھی ان کے عہدے سے ہٹا کر لاہور منتقل کیا جا چکا ہے۔

فرانس اور یورپی ممالک کا ایران اسرائیل کشیدگی کے حل کے لیے سفارتی پیشکش کا اعلان

ایران کے بوشہر پر حملہ خطے میں جوہری تباہی لا سکتا ہے،آئی اے ای اے سربراہ کا انتباہ

برطانیہ نے ایران سے سفارتی عملہ سیکیورٹی خدشات کے باعث واپس بلا لیا

اسحاق ڈار کی ترکی میں یوتھ ایوارڈ تقریب میں شرکت، صدر اردگان کو خراج تحسین

پاک فوج کے زیراہتمام چکلالہ گیریژن راولپنڈی میں سول ایوارڈز کی پروقار تقریب ہوئی جس میں نیشنل کمانڈ اتھارٹی سے وابستہ 47 سائنسدانوں اور انجینئرز کو اعزازات سے نوازا گیا-

پاک فوج کے شعبہ تعلقات عامہ (آئی ایس پی آر) کی جانب سے جاری بیان کے مطابق صدر کی جانب سے نیشنل کمانڈ اتھارٹی کے تحت کام کرنے والے ممتاز سائنسدانوں اور انجینئرز کو ان کی نمایاں خدمات پر سول اعزازات سے نوازا گیا یہ اعزازات چیئرمین جوائنٹ چیفس آف اسٹاف کمیٹی / ڈپٹی چیئرمین ڈیولپمنٹ کنٹرول کمیٹی جنرل ساحر شمشاد مرزا (نشانِ امتیاز ملٹری) نے ایک باوقار تقریب کے دوران چکلالہ گیریژن، راولپنڈی میں تقسیم کیے۔

https://x.com/zarrar_11PK/status/1934912935542804593

آئی ایس پی آر نے کہا کہ تقریب کے دوران مجموعی طور پر 47 افسران کو اعزازات دیے گئے، 10 افسران کو ستارہ امتیاز21 افسران کو صدارتی تمغہ برائے حسن کارکر دگی عطا کیا گیا، 16 افسران کو تمغہ امتیاز سے نوازا گیا یہ اعزازات نیشنل کمانڈ اتھارٹی کے سائنسدانوں اور انجینئرز کی ان خدمات کا اعتراف ہیں جو انہوں نے قومی دفاع، ٹیکنالوجی اور اسٹریٹجک صلاحیتوں کے فروغ کے لیے انجام دیں۔

آئی ایس پی آر کے مطابق جنرل ساحر شمشاد مرزا نے اپنے خطاب میں ایوارڈ یافتگان کو خراج تحسین پیش کیا اور ان کی خدمات کو پاکستان کے اسٹریٹجک پروگرام اور قومی سلامتی کے لیے ریڑھ کی ہڈی قرار دیا، انہوں نے سائنس اور ٹیکنالوجی کے شعبے میں خودانحصاری کے حصول کی اہمیت پر زور دیا اور مستقبل میں بھی اسی جذبے سے کام جاری رکھنے کی تلقین کی، تقریب میں اعلیٰ عسکری و سویلین حکام، سائنسدانوں، انجینئرز اور ان کے اہلخانہ نے شرکت کی۔