Category: راولپنڈی

حکومت کی جانب سے ہر سال مختلف شعبوں میں اعلیٰ کارکردگی کا مظاہرہ کرنے اور ملک کے لیے نمایاں خدمات سر انجام دینے والی اہم شخصیات کو مختلف قومی اعزازات سے نوازا جاتا ہے۔

باغی ٹی وی : جشن آزادی کی 76 ویں سالگرہ کے موقع پر مختلف شعبوں میں نمایاں خدمات سر انجام دینے والی شخصیات کو حکومت کی طرف سے ہلال امتیاز، ستارہ امتیاز، تمغہ امتیاز اور پرائڈ آف پرفارمنس سے نوازا جائے گا، جن میں 14 صحافیوں کے نام بھی شامل ہیں۔

نجی خبررساں ادارے کے مطابق شعبہ صحافت میں نمایاں خدمات انجام دینے والے 14 نامور صحافیوں کو سرکاری اعزازات سے نوازا جائے گا، جبکہ ایک صحافی نے مبینہ طور پر ایوارڈ لینے سے انکار کردیا ہےایک صحافی کو ہلال امتیاز، ایک کو ستارہ امتیاز، دو کو صدر کی طرف سے پرائڈ آف پرفارمنس جب کہ 9 صحافیوں کو تمغہ امتیاز سے نوازا جائے گا۔

شہری کا انوکھا انداز؛ زیر سمندر پاکستانی جھنڈا لہرا دیا

رپورٹ کے مطابق اس فہرست میں زاہد ملک کو وزارت اطلاعات و نشریات کی جانب سے ہلال امتیاز، واصف ناگی کو حکومت پنجاب کی جانب سے ستارہ امتیاز، غلام محمد عارف نجمی اور سہیل سرور وڑائچ کو حکومت پنجاب جبکہ سلمان غنی کو وزارت اطلاعات و نشریات کی تجویز پر صدر پاکستان کی طرف سے پرائڈ آف پرفارمنس کے ایوارڈ ، امجد عزیز ملک، فہد سلیم ملک، سید نقی حیدر نقوی، غریدہ فاروقی، شمع جونیجو، وقار ستی، فاروق عادل، فہد حسین اور سلیم بخاری کو تمغہ امتیاز کے ایوارڈ سے نوازا جائے گا۔

نادیہ حسین کا یوم آزادی پر خصوصی پیغام

تم جسے دیکھ کے دل ہار چکے ہو صاحب
دیکھ لینا کہیں تصویر پرانی ہی نہ ہو

فاخرہ بتول

پاکستان کی نامور شاعرہ فاخرہ بتول 14 اگست 1964ء کو راولپنڈی میں پیدا ہوئی۔ میٹرک گورنمنٹ پاک اسلامیہ گرلز ہائی سکول سیٹیلائٹ ٹاؤن راولپنڈی، بی اے گورنمنٹ وقاراَنساء کالج فار وومن ٹیپو روڈ راولپنڈی اور ایم اے کی ڈگری پنجاب یونیورسٹی لاہور سے حاصل کی۔
فاخرہ بتول موجودہ دور کی مقبول ترین شاعرات کی فہرست میں شامل ہیں جس کی ایک وجہ یہ ہے وہ عام قاری کی نبض شناس ہیں اور عام لوگوں کی ترجمانی کرتے ہوئے ان کے احساسات و جذبات کو شعری پیرہن عطا کرتی ہیں ان کے ادبی اثاثے میں تقریباً ڈیڑھ درجن کے لگ بھگ کتب ہیں جن کے نام
۔ (1)۔پلکیں بھیگی بھیگی سی
۔ (2)۔چاند نے بادل اوڑھ لیا
۔ (3)۔کہو،وہ چاند کیسا تھا؟
۔ (4)۔اب بھرے شہر میں مجھے ڈھونڈو
۔ (5)-سمندر پوچھتا ھو گا
۔ (6)-دور مت نکل جانا
۔ (7)-بھُلا دیا ناں ؟
۔ (8)-گُلاب خوشبو بنا گیا ھے
۔ (9)-محبت کی نہیں تم نے
۔ (10)-محبت خاص تحفہ ھے
۔ (11)-دشتِ تنہائی میں (انتخاب)
۔ (12)-شرعادتیں (طنز و مزاح)
۔ (13)-سرگوشی (کالم)
۔ (14)۔بچٌےسارے سچٌے
۔ (بچوں کے لئے نظمیں)
۔ (15)-اُسے روکتے بھی تو کس لئے؟
۔ (16)- میراثِ ولایت (حسینی کلام)
۔ (17)- the Alien Eyes
۔ English Poems

فاخرہ ان کی ادبی خدمات کے اعتراف میں ورلڈ نیشن رائٹرز یونین کی جانب سے انہیں ” دی بیسٹ پوئٹ آف دی ورلڈ 2017″ قرار دے کر 2017 کی بہترین شاعرہ کا ایوارڈ دیا گیا جبکہ فرینگ برڈی انٹرنشنل لٹریری ایوارڈ 2014 فرام گورنمنٹ آف البانیا اور آئی پی ٹی آر سی انٹرنیشنل ایوارڈ 2013 فرام گورنمنٹ آف چائنہ سے بھی نوازا گیا۔

غزل
۔۔۔۔۔
بھول جانے کا تو بس ایک بہانہ ہوگا
کہ بہر طور اسے یاد تو آنا ہوگا
کوئی موسم ہو ، مہکتا رہے شاداب رہے
اپنی آنکھوں کو کنول ایسا بنانا ہوگا
بند مٹھی سے جو اڑ جاتی ہے قسمت کی پری
اس ہتھیلی میں کوئی چھید پرانا ہوگا
آبلے پاؤں کے مہکیں تو مگر درد نہ دیں
دشت میں ریت کے ذروں کو بتانا ہوگا
زاویے اس کی نگاہوں کے بڑے قاتل ہیں
سامنے اس کے بہت سوچ کے جانا ہوگا
گھاؤ کتنا بھی پرانا ہو ، بہرحال اسے
کچے موسم کی شرارت سے بچانا ہوگا
ہاتھ لکھنے پہ مصر ، خوف زمانے کا بتول
پیڑ پر نام کوئی لکھ کے مٹانا ہوگا

متفرق اشعار
۔۔۔۔۔۔۔۔
امیر شہر کو احساس تھا غریبوں کا
سو اس نے بھوک کو تقسیم کر دیا ان میں

چونک کر نام پوچھنے والے
بُھول جانے کی انتہا کر دی

دن،جگہ،وقت بتانے کی بھی زحمت ہو جناب!
آپ سے شرفِ مُلاقات،کہاں مُمکن ہے ؟ ؟ ؟

البم کھول کے دیکھا تو احساس ہوا
کیسے کیسے لوگ بھُلانے پڑتے ہیں

تُو نے رستہ بدل لیا ورنہ
ہم ترے ساتھ دور تک جاتے

تم جسے دیکھ کے دل ہار چُکے ہو صاحب!
دیکھ لینا کہیں تصویر پُرانی ہی نہ ہو

اِس کیلنڈر میں کچھ نیا ہے بتول!
یہ بچھڑے کا سال ہے , کیاہے

میں نے سمجھا تھا سمندر تُم کو
”تھا“ کا مطلب تُمھیں آتا ہو گا؟

جا رہے ہو تو ساتھ لے جاؤ
اپنے سامان میں مری انکھیں

تم نے گُم کر دیا تھا دانستہ
اب بھرے شہر میں مجھے ڈھونڈو

فن سے کیسے بھوک مٹائے بچوں کی؟
سوچ رہا ہے آج کا یہ فنکار ابھی

خوابوں کو جا کے بیچ دے ، آنسو خرید لے
اتنا غیور آج کا فنکار بھی نہیں

بہت مصروف اب رہنے لگا ھے
گلی سے جو کبھی جاتا نہیں تھا

اُسے جاتے ہوئے دیکھا ہی کیوں تھا
وہ منظر آنکھ میں پتھرا گیا نا… ؟

عشق پھر ہار گیا ، زہر پیالہ جیتا
یہ عجب موڑ کہانی میں کہاں سے آیا؟

یہ کسی خواب سے جاگا ھوا منظر ہی نہ ھو
ترے ہاتھوں میں مرا ہاتھ کہاں مُمکن ہے !

ہاتھ سے ہاتھ چھوٹ جاتے ہیں
کوئی آسان ہے وفا کرنا ؟

ہونی ہے تو اک بار ہی ہو جائے محبت
یہ بھُول ہے ایسی کہ دوبارہ نہیں کرتے

یہ شُمارہ ہے زندگی کا اگر
ہجر اِس میں شمار ہے صاحب!

تم کو واپس بُلا رہا ہے یہ دل
کیا کوئی التجا ضروری ہے؟

یونہی دیکھا ہے بس گھڑی کی طرف
آپ کا انتظار تھوڑی ہے

میں نے خوشبو کی حقیقت پوچھی
پھول خاموش رہا دیر تلک

گھاؤ دل کا تو بھر گیا لیکن
ترا احسان بھولتا ہی نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تلاش ، ترتیب و ترسیل : آغا نیاز مگسی

راولپنڈی: پاکستان کے 76 ویں یوم آزادی کے موقع پر پاکستان ملٹری اکیڈمی کاکول میں آزادی پریڈ کا انعقاد کیا جائے گا-

باغی ٹی وی :سرکاری خبررساں ادارے کے مطابق پاکستان کی 76 ویں سالگرہ پر، پاکستان ملٹری اکیڈمی کاکول میں شاندارآزادی پریڈ کا اہتمام کیا جا رہا ہے آزادی پریڈ کا اہتمام 13 اور 14 اگست کی درمیانی شب کیا جائے گا ،چیف آف آرمی سٹاف جنرل سید عاصم منیر آزادی پریڈ کی شاندار تقریب کے مہمان خصوصی ہوں گے-

رپورٹ کے مطابق پاکستان ملٹری اکیڈمی کے کیڈٹس اپنے مخصوص انداز میں ڈرل پیریڈ کی مہارت کا شاندارمظاہرہ پیش کریں گے اس موقع پر سرزمین پاکستان اور مادرِ وطن کے شہداء کو خصوصی خراج تحسین پیش کیا جائے گا –

اوورسیز پاکستانی نے سمندر کی تہہ میں پاکستانی پرچم لہرا دیا

دوسری جانب لاہور کے گریٹر پارک میں یوم آزادی کی تقریب کا انعقاد کیا گیا ہے، جس میں شاندار آتشبازی کی جائے گی،کمشنر لاہور کے مطابق گریٹر اقبال پارک میں رات 12 بجے شاندار آتشبازی کا مظاہرہ ہوگا ، اور فائر ورکس کی تقریب 10 سے 15 منٹ کے دورانیے پر مشتمل ہوگی، ایل ڈی اے سٹی اور گلبرگ میں بھی آتشبازی کا مظاہرہ ہوگا-

14 اگست کی صبح حضوری باغ میں جشن آزادی کی مرکزی تقریب ہوگی، جس میں نگراں وزیر اعلی محسن نقوی مہمان خصوصی ہوں گے، 14 اگست کی شام نشتر کمپلیکس میں جشن آزادی میگا میوزیکل پروگرام ہوگا، اور گلوکار راحت فتح علی خان جشن آزادی میوزیکل پروگرام میں فن کا مظاہرہ کریں گے، شہریوں کیلئے میوزیکل پروگرام میں انٹری اوپن ہے۔

قومی پرچم کو نذر آتش کرکےالزام پارٹی پرعائد کرنے کی منصوبہ بندی کی جا رہی …

راولپنڈی کی ضلعی انتظامیہ کی جانب سے عوامی مسلم لیگ کے سربراہ شیخ رشید کی رہائش گاہ لال حویلی کے باہر تجاوزات کے خلاف آپریشن کیا گیا،جس پر شیخ رشید کا شدید ردعمل سامنے آیا ہے-

باغی ٹی وی : راولپنڈی کی ضلعی انتظامیہ کے مطابق لال حویلی کے باہر سے تجاوزات ہٹادی گئی ہیں، تجاوزات کے خلاف آپریشن میں میونسپل کارپوریشن سمیت راولپنڈی پولیس کے اہلکاروں نے حصہ لیا جس پر ردعمل دیتے ہوئے شیخ رشید نے نامعلوم مقام سے ایک وڈیو پیغام جاری کیا-

لال حویلی اور خاندان کے گھروں پر پولیس کا گرینڈ آپریشن، سابق وزیرداخلہ شیخ رشید کا نامعلوم مقام سے اہم ویڈیو پیغام جاری pic.twitter.com/V1uQCtuAmq

— Sheikh Rashid Ahmed (@ShkhRasheed) August 13, 2023

سابق وزیر داخلہ شیخ رشید احمد نے کہا ہے کہ گزشتہ رات پولیس لال حویلی پر ریڈ کرکے ان کا قیمتی سامان ساتھ لے گئی گزشتہ رات پولیس نے لال حویلی اور میرے بھائی بہنوں کے گھر پر چھاپہ مارا، پولیس گھر سے قیمتی سامان، ڈرائیور اور ملازمیں کو ساتھ لے گئی یومِ آزادی پر 50 سال سےمنارہاہوں، پولیس لاؤڈ اسپیکر، آتش بازی کا سامان اور اسٹیج اٹھا کر لے گئی، لال حویلی کے راستے بند کیے گئے تو رات 10 بجے فیصلہ کریں گے کہ آتش بازی کہاں کریں۔

وزیراعظم شہباز شریف کے لیےالوداعی گارڈ آف آنر کی تقریب ملتوی

سابق وفاقی وزیر نے کہا کہ مجھ پر 3 خودکش حملے ہوئے ہیں، اب کوئی دہشت گردی کا واقعہ ہوا تو ذمے دار موجودہ حکمران ہوں گے، پولیس لال حویلی سے کیمرے، لیپ ٹاپ اور موبائل فون بھی لے گئی، لال حویلی کے باہر سے تمام بیریئرز ہٹا دیئے گئے ہیں، جو سیکیورٹی وجوہات پر لگائے گئے تھے ہم پاکستان کے شہداء، غازیوں اور ملک بنانے والوں کو سلام پیش کرتے ہیں۔

انہوں نے کہا کہ عوام تیار رہے ہو سکتا ہے یومِ آزادی کا جلسہ راجہ بازار، کمیٹی چوک یا چاندنی چوک پر ہو، ہر 3 گھنٹے کے بعد ویڈیو پیغام جاری کروں گا اگر کوئی مسئلہ ہے تو مجھ سے بات کریں، ہم سیاسی جلسہ نہیں کر رہے بلکہ یومِ آزادی کی تقریب ہے۔

واضح رہے کہ شیخ رشید کی جانب سے 13اگست کی رات آتش بازی کا اعلان کیا گیا ہے جبکہ ذرائع کا بتانا ہے کہ ضلعی انتظامیہ نے لال حویلی کے باہر آتش بازی کی تاحال اجازت نہیں دی ہے۔

پی ٹی آئی رہنما منزہ حسن نے پارٹی سے علیحدگی اختیار کر لی

فوجی حراست میں 102 ایسے افراد کی فہرست سامنے آ گئی ہے جو 9 مئی کے واقعات میں ملوث ہیں۔

باغی ٹی وی: رپورٹ کے مطابق بریگیڈئر ریٹائرڈ جاوید اکرام بھی کورکمانڈر ہاؤس پر حملے میں ملوث ہونے کی وجہ سے فوجی حراست میں ہیں، اٹارنی جنرل کی سپریم کورٹ میں پیش کردہ رپورٹ کے مطابق 102 ملزمان میں جی ایچ کیو پر حملے میں ملوث 7 افراد اور کور کمانڈرہاؤس لاہورپرحملے میں ملوث27 افراد بھی شامل ہيں 10 افراد بنوں گیریژن، 5 افراد ملتان، 10 افراد گوجرانوالہ ،5 میانوالی گیر یژ ن، 14 ایف سی قلعے اور 3 افراد بلوچ رجمنٹ سینٹر پر حملوں میں ملوث ہونے کے باعث فوجی حراست میں ہیں۔

تمام افسران مل کر کام کریں ،ہم نے پاکستان کو آگے لے کر جانا ہے …

9 مئی کو قومی احتساب بیورو (نیب) نے چیئرمین پی ٹی آئی عمران خان کو القادر ٹرسٹ کیس میں اسلام آباد ہائیکورٹ کے احاطے سے گرفتار کیا تھا جس کے بعد احتجاج کرنے والے تحریک انصاف کے کارکنان نے فوجی تنصیبات اور سرکاری املاک پر حملے کیے جس میں جناح ہاؤس لاہور اور ریڈیو پاکستان پشاور کی عمارت کو بھی نذر آتش کیا گیا۔

ملک میں 9 مئی کو ہونے والی شرپسندی کے بعد قانون نافذ کرنے والے اداروں نے سخت ایکشن لیتے ہوئے متعدد شرپسندوں کو گرفتار کیا جب کہ اس موقع پر تحریک انصاف کے مرکزی رہنماؤں کو تھری ایم پی او کے تحت نظر بند کیا گیا۔

وزیر اعظم شہباز شریف نے الیکشن نئی مردم شماری کے بعد کرانے کا اعلان کردیا

راولپنڈی : وفاقی وزیر اطلاعات مریم اورنگزیب نے کہا ہے کہ اینا لاگ اور شارٹ ویو ٹیکنالوجی کا دور ختم ہو چکا ہے، اب جدید ٹیکنالوجی کا دور ہے-

باغی ٹی وی : وفاقی وزیر اطلاعات مریم اورنگزیب کا روات میں ریڈیو پاکستان کے 1000 کلو واٹ ڈیجیٹل ڈی آر ایم میڈیم ویو ٹرانسمیٹر کا سنگ بنیاد رکھنے کے بعد میڈیا سے گفتگو کرتے ہوئے کہا کہ ریڈیو پاکستان آج انتہائی اہم سنگ میل عبور کرنے جا رہا ہے، ریڈیو پاکستان کی تاریخ میں پہلی مرتبہ 1000 کلو واٹ ڈیجیٹل ڈی آر ایم میڈیم ویو ٹرانسمیٹر کا پہلی مرتبہ اجراءہو رہا ہے-

مریم اورنگزیب نے کہا کہ ریڈیو کے بیشتر ٹرانسمیٹرز اپنی طبعی مدت پوری کر چکے تھے،ریڈیو پاکستان کو ڈیجیٹل آر ایم میڈیم ویو ٹرانسمیٹرکی ضرورت تھی، وزیراعظم، وزیرخزانہ اور وفاقی وزیر منصوبہ بندی کےتعاون پر مشکورہوں،اینا لاگ اورشارٹ ویو ٹیکنالوجی کا دور ختم ہو چکا ہے، اب جدید ٹیکنالوجی کا دور ہے-

کینیڈا میں چھوٹا طیارہ گرکر تباہ ،6 افراد ہلاک

وفاقی وزیر نےکہاکہ وزیراعظم کی خصوصی ہدایت پرریڈیو پاکستان کو جدید ٹیکنالوجی پر منتقل کیا جا رہا ہے،ریڈیو پاکستان کی ٹرانسمیشن اب 52 سے زائد ممالک میں ڈیجیٹل میڈیم ویو کے ذریعے پہنچ سکے گی،ریڈیو کے میڈیم ویو کے 20 ٹرانسمیٹرز میں سے 14 ٹرانسمیٹرز اپنی طبعی عمر پوری کر چکے ہیں،نئی ٹیکنالوجی کی تنصیب سے بجلی کے استعمال میں بھی بچت ہوگی-

پرتشدد انتہاپسندی کی روک تھام کا بل آج سینیٹ میں پیش کیا جائے گا

مریم اورنگزیب نے کہا کہ یہ منصوبہ دو سال میں مکمل ہوگا، ایک گروہ نے حملہ آور ہو کر 9 مئی کو ریڈیو پاکستان کے آرکائیو کو جلایا، اسی گروہ نے 2014ءمیں پی ٹی وی پر حملہ کیا، ریڈیو پاکستان اور پی ٹی وی قومی اثاثہ ہیں ہم نے نہ صرف پشاور ریڈیو کی بحالی کا آغاز کیا بلکہ ریڈیو پاکستان کو جدید ٹیکنالوجی سے استوار کیا جا رہا ہے، ڈیجیٹل ٹیکنالوجی کے ذریعے اوورسیز پاکستانیز تک ریڈیو کی آواز پہنچ سکے گی، ریڈیو پاکستان کا تمام آرکائیو ڈیجیٹل ہو گیا ہے، وزیراعظم شہباز شریف جلد اس کا افتتاح کریں گے-

یورپین ائیر لائنز کو پاکستان کی فضائی حدود سے متعلق نئی ہدایات جاری