Baaghi TV

Category: راولپنڈی

  • تحریک انصاف کے رہنما عامر کیانی اورعمران اسماعیل کے خلاف فراڈ کا مقدمہ درج

    تحریک انصاف کے رہنما عامر کیانی اورعمران اسماعیل کے خلاف فراڈ کا مقدمہ درج

    راولپنڈی: تحریک انصاف کے رہنما عامر کیانی اور عمران اسماعیل کے خلاف فراڈ کا مقدمہ درج کرلیا گیا۔

    باغی ٹی وی: تحریک انصاف کے دونوں رہنماؤں کے خلاف مقدمہ اینٹی کرپشن راولپنڈی میں درج کیا گیا ہے۔

    سابق مشیر وزیر اعلیٰ پنجاب زبیر احمد خان گرفتار

    مقدمے کے متن کے مطابق غیر منظور شدہ ہاؤسنگ سوسائٹی کی تشہیر کرکے شہریوں سے فراڈ کیا گیا، مقدمے میں ہاؤسنگ سوسائٹی کے مالک سمیت 10 ملزمان کو نامزد کیا گیا ہے۔

    ینٹی کرپشن کے مطابق نامزد ملزمان میں عامر کیانی کا بیٹا فہد کیانی بھی شامل ہے جبکہ محکمہ مال کے دو پٹواریوں کو بھی مقدمے میں نامزد کیا گیا ہے۔

    ہیکرز نے تاوان ادا نہ کرنے پرمریضہ کی برہنہ تصاویر شئیر کر دیں

    ملزمان نے موضع ہتھیال میں غیرمنظور شدہ ہاؤسنگ سوسائٹی کے نام پر شہریوں سے دھوکا کیا، ہاؤسنگ سوسائٹی کے پاس آر ڈی اے کا این او سی نہیں ہے۔

  • کوئٹہ گلیڈی ایٹرز نے پشاور زلمی کو 8 وکٹوں سے شکست دے دی

    کوئٹہ گلیڈی ایٹرز نے پشاور زلمی کو 8 وکٹوں سے شکست دے دی

    ایچ بی ایل پی ایس ایل (پاکستان سپر لیگ) کے 25 ویں میچ میں کوئٹہ گلیڈی ایٹرز نے پشاور زلمی کی جانب سے جیت کے لیے دیا گیا 241 رنز کا ہدف عبور کر کے نئی تاریخ رقم کر دی۔

    باغی ٹی وی: راولپنڈی کرکٹ اسٹیڈیم میں کھیلے گئے لیگ کے 25 ویں میچ میں کوئٹہ گلیڈی ایٹرز نے 241 رنز کا ہدف 18.2 اوورز میں 2 وکٹوں کے نقصان پر جیسن روئے کی شاندار 145 رنز ناٹ آؤٹ کے بدولت حاصل کیا۔

    راوالپنڈی کرکٹ اسٹیڈیم میں کھیلے گئے میچ میں پشاور زلمی کے کپتان بابر اعظم نے ٹاس جیت کر پہلے بیٹنگ کا فیصلہ کیا۔

    پشاور زلمی کی جانب سے بابر اعظم اور صائم ایوب نے اننگز کا آغاز کیا اور دونوں کھلاڑیوں نے اپنی ٹیم کو 162 رنز کا شاندار آغاز فراہم کیا۔کوئٹہ گلیڈی ایٹرز نے پشاور زلمی کو باآسانی 8 وکٹوں سے شکست دے دی-

    صائم ایوب 34 گیندوں پر 5 چھکوں اور 6 چوکوں کی مدد سے 74 رنز کی دھواں دھار اننگز کھیل کر آؤٹ ہوئے جبکہ بابر اعظم نے 60 گیندوں پر اپنی پہلی پی ایس ایل سنچری اسکور کی اور وہ 3 چھکوں اور 15 چوکوں کی مدد سے 115 رنز بنا کر رن آؤٹ ہوئے۔ روومین پاول 35 اور ٹام کوہلر کیڈمور 7 رنز بنا کر ناٹ آؤٹ رہے۔

    پشاور زلمی نے مقررہ 20 اوور میں 2 وکٹوں کے نقصان پر 240 رنز اسکور کیے کوئٹہ گلیڈی ایٹرز کی جانب سے ڈووین پریٹوریس نے ایک وکٹ حاصل کی۔

    یدف کے تعاقب میں کوئٹہ گلیڈی ایٹرز کی جانب سے جیسن روئے نے 5 چھکوں اور 20 چوکوں کی مدد سے 63 گیندوں پر طوفانی 145 رنز ناٹ آؤٹ اسکور کیے۔ محمد حفیظ بھی 2 چھکوں اور 6 چوکوں کی مدد سے 18 گیندوں پر 41 رنز بنا کر ناٹ آؤٹ رہے،وِل شمیڈ 26 اور مارٹن گپٹل 21 رنز بنا کر آؤٹ ہوئے۔

    پشاور زلمی کی جانب سے مجیب الرحمان اور وہاب ریاض نے 1،1 وکٹ حاصل کی۔

    واضح رہے کہ اس سے قبل پی ایس ایل میں سب سے بڑا کامیاب ہدف 207 رنز تھا جو ملتان سلطانز نے 2022 میں لاہور قلندرز کے خلاف حاصل کیا تھا۔

  • راولپنڈی رنگ روڈ کرپشن اسکینڈل،دوبارہ تحقیقات کا آغاز

    راولپنڈی رنگ روڈ کرپشن اسکینڈل،دوبارہ تحقیقات کا آغاز

    راولپنڈی رنگ روڈ کرپشن اسکینڈل کی تفتیش دوبارہ شروع کر دی گئی

    اینٹی کرپشن نے ذولفی بخاری، توقیر شاہ اورغلام سرورکیخلاف دوبارہ انکوائری شروع کر دی ،اینٹی کرپشن کی جانب سے پی ٹی آئی رہنماوں کو آئندہ چند روز میں تفتیش کیلئے طلب کیا جائے گا، محکمہ اینٹی کرپشن کے مطابق رنگ روڈ پروجیکٹ پرحکومتی منظوری کے بغیر 2 ارب 60 کروڑ روپے خرچ کئے گئے، رنگ روڈ اسکینڈل کی از سرنو تحقیقات کا آغاز کردیا گیا ہے،جو بھی افسر یا سیاسی افراد ملوث پائے گئے تو انکے خلاف تحقیقات ہوں گی،

    راولپنڈی رنگ روڈ منصوبے میں بے ضابطگی،چیئرمین نیب ان ایکشن، بڑا حکم دے دیا

    جہانگیر ترین سے میری دوستی، رنگ روڈ منصوبے بارے وفاقی وزیر ہوا بازی کا ایکبار پھر بڑا اعلان

    اگلی سپر پاور چین ہو گا، سینئر صحافی و اینکر پرسن مبشر لقمان کے اہم انکشافات

    سول ایوی ایشن اتھارٹی ،طیارہ حادثات میں مرنیوالوں کا قاتل کون؟ ہم نہیں چھوڑیں گے، مبشر لقمان کا دبنگ اعلان

    وہ قوم جو ہر سال 200 ارب جلا ڈالتی ہے، سنیے سینئر اینکر پرسن مبشر لقمان کی زبانی

    جہازکریش، حقائق مت چھپاؤ ، جواب دو، مبشر لقمان کا پالپا کو کھلا چیلنج

    کاش. پی آئی اے والے یہ کام کر لیتے تو PK8303 کا حادثہ نہ ہوتا، سنیے مبشر لقمان کی زبانی اہم انکشافات

    رنگ روڈ منصوبہ ، کرپشن کیس میں اہم پیشرفت

    تحریک انصاف کے دور حکومت میں رنگ روڈ کی لمبائی 22 کلو میٹر سے بڑھا کر 68 کلو میٹر کردی گئی، اس سے 12 نجی ہاؤسنگ سوسائیٹیز کے مالکان کو فائدہ ہوا تھا۔ اس اسکینڈل میں عمران خان کی کابینہ میں شامل کئی وفاقی وزرا اور معاون خصوصی و مشیروں کے نام آئے تھے۔ جن میں غلام سرور، زلفی بخاری، شیخ رشید اور شہزاد اکبر بھی شامل تھے۔ گزشتہ برس نیب نے رنگ روڈ منصوبے میں مبینہ طور پر اربوں روپے کی بدعنوانی، بے ضابطگیوں اور غیر قانونی طور پر زمین لینے کے معاملے کی تحقیقات کا حکم بھی دیاتھا۔

  • شمالی وزیرستان: سیکورٹی فورسزکی کارروائی،2 سپاہی شہید،2 دہشتگرد ہلاک اور 2 گرفتار

    شمالی وزیرستان: سیکورٹی فورسزکی کارروائی،2 سپاہی شہید،2 دہشتگرد ہلاک اور 2 گرفتار

    راولپنڈی: شمالی وزیرستان کے علاقے اسپن وام میں سیکورٹی فورسز اور دہشت گردوں کے درمیان جھڑپ میں 2 سپاہی شہید ہوگئے۔

    باغی ٹی وی:آئی ایس پی آر کیجانب سے جاری بیان کے مطابق شمالی وزیرستان کے علاقے اسپن وام میں سیکورٹی فورسز کی دہشتگردوں کےخلاف کارروائی کی-

    آئی ایس پی آر کے مطابق شدید فائرنگ کے تبادلےمیں سپاہی عمران اللہ او رسپاہی افضل خان شہید ہوگئےسیکورٹی فورسزکےآپریشن میں 2 دہشتگرد بھی مارے گئےجبکہ 2 کو گرفتار کرلیا گیا دہشتگردوں کے قبضے سے سے اسلحہ اور گولہ بارود بھی برآمد کرلیا گیا۔

    آئی ایس پی آر کے مطابق دہشت گرد سیکورٹی فورسز کے خلاف کارروائیوں اور معصوم شہریوں کے قتل میں ملوث تھے-

    آئی ایس پی آر کے مطابق علاقے میں کلئیرنس آپریشن جا رہی ہے۔

  • 27 فروری اس بات کا ثبوت ہے کہ پاکستانی پر اُمن قوم ہے، آئی ایس پی آر

    27 فروری اس بات کا ثبوت ہے کہ پاکستانی پر اُمن قوم ہے، آئی ایس پی آر

    راولپنڈی: چیئرمین جوائنٹ چیفس آف سٹاف کمیٹی اور تینوں مسلح افواج کے سربراہان نے’ا”پریشن سوئفٹ ریٹارٹ "کے 4 سال مکمل ہونے پر پاکستان کی مسلح افواج کو خراج تحسین پیش کیا ہے۔

    باغی ٹی وی: پاک فوج کے شعبہ تعلقات عامہ کا کہنا ہے کہ بھارت نے پلواما فالس فلیگ آپریشن کے بعد بزدلانہ حملے کی کوشش کی، پاکستان نے جرات مندی سے بھارتی مذموم عزائم کو ناکام بنایا۔


    آئی ایس پی آر نے کہا کہ 27 فروری اس بات کا ثبوت ہے کہ پاکستانی پر امن قوم ہے، مسلح افواج وطن کے دفاع کے لیے ہمہ وقت تیار ہے، کسی بھی مہم جوئی کا بھرپورطاقت سے جواب دیا جائے گا۔


    لیکن جنگ کو واپس دشمن پر لے جانے کے لیے، اگر کبھی، ہم پر جارحیت مسلط کی جاتی ہے کسی بھی فریب کے نتیجے میں کسی بھی مہم جوئی کا سامنا کرنا پڑے گا، اس کا ہمیشہ پاک فوج کی بھرپور طاقت سے مقابلہ کیا جائے گا-


    واضح رہے کہ 27 فروری 2019 میں پلوامہ حملے کے جھوٹے پروپیگنڈے اور کنٹرول لائن پار کرنے کی غلطی پر پاکستان نے بھارت کو "آپریشن سوئفٹ ریٹارٹ” کی صورت میں کرارا جواب دیا تھا۔

    چار سال پہلے آج ہی کے دن پاک فضائیہ کے شاہینوں نے دو بھارتی جنگی طیارے مار گرائے تھے اور بھارتی ونگ کمانڈر ابھی نندن کو گرفتار کرلیا تھاگرفتاری کے بعد ابھی نندن نے پاک فوج کی رحم دلی کا مظاہرہ بھی دیکھا کے جب بھارتی ونگ کمانڈر کو چائے پلائی گئی-

    ابھی نندن نے تعریف کرتے ہوئے کہا تھا کہ پاکستانی چائے بہت اچھی ہے۔ جس کے بعد ” Tea Is Fantastic” بھارتی فضائیہ کی ناکامی کا استعارہ بن گیا۔

  • سپریم کورٹ آئین ،قانون کی بالادستی قائم کرےگی توملک میں معاشی اوراقتصادی استحکام آئےگا،شیخ رشید

    سپریم کورٹ آئین ،قانون کی بالادستی قائم کرےگی توملک میں معاشی اوراقتصادی استحکام آئےگا،شیخ رشید

    راولپنڈی: سابق وزیر داخلہ شیخ رشید کا کہنا ہے کہ سپریم کورٹ آئین ،قانون کی بالادستی قائم کرےگی توملک میں معاشی اوراقتصادی استحکام آئےگا-

    باغی ٹی وی: شیخ رشید نے کہا کہ 90 روزمیں انتخاب آئین اورقانون کی ریڈلائن ہے،پی ڈی ایم فیصلہ کرلے انتخاب میں جانا ہے عذاب یا احتساب میں،دیکھنا ہوگا کہ ملک کوسول نافرمانی کی طرف کون اور کیوں لےکرجارہا ہے-

    سابق وزیر داخلہ نے کہا کہ اب عدالتوں پرحملہ آورہوئے تو تولگ پتہ جائے گا،غریب ڈیفالٹ ہوگیا ہے ملک ڈیفالٹ ہونے کے دہانے پر ہے ، ساری قوم کی نظریں سپریم کورٹ پرلگی ہوئی ہیں، سپریم کورٹ کا فیصلہ ہی ملک بچاسکتا ہے-

    شیخ رشید نے کہا کہ حکمران سپریم کورٹ کوتقسیم کرکے1997کی تاریخ دہرانہ چاہتےہیں لیکن ناکام ہو ں گے-

  • راولپنڈی موٹر وے ٹول پلازہ پر فائرنگ،حساس ادارے کے 4 اہلکار زخمی

    راولپنڈی موٹر وے ٹول پلازہ پر فائرنگ،حساس ادارے کے 4 اہلکار زخمی

    راولپنڈی : موٹروے ٹول پلازہ پر فائرنگ کا واقعہ پیش آیا جس میں حساس ادارے کے تین اہلکار گولیاں لگنے اور ایک گرنے کے باعث زخمی ہوگیا۔

    باغی ٹی وی : پولیس کے مطابق راولپنڈی کے تھانہ نصیرآباد کی حدود میں موٹروے ٹول پلازہ پر لاہور سے اسلام آباد آنے والی گاڑی میں سوار افراد سے ایم ٹیگ بیلنس زیرو پر ٹول ٹیکس کا مطالبہ کیا گیا جس پر انہوں نے جدید ہتھیارسے فائرنگ کی اور بیریئر توڑ کر ایک گاڑی چھوڑ کرفرار ہوگئےجسےنیشنل ہائی وے اتھارٹی نے قبضے میں لے کر پولیس کے حوالے لیا۔

    پولیس کا کہنا تھا کہ فائرنگ ملزم سید حسنین شاہ نے کی جو ایم ٹیگ کی سہولت استعمال کرنا چاہتا تھا، بیلنس زیرو ہونے پر ٹول ٹیکس کا مطالبہ کیا گیا جس پر ملزم نے فائرنگ کردی اور ٹول پلازہ بیرئیر کو توڑ کر فرار ہوا۔

    زخمیوں کی شناخت محمد ذیشان، سید عامر شہزاد اور عمل بلال، نائیک محمد صابر کے ناموں سے ہوئی جنہیں طبی امداد سی ایم ایچ منتقل کردیا گیا ہے۔ زخمیوں کی حالت خطرے سے باہر ہے جبکہ پولیس اور نیشنل ہائی وے اتھارٹی نے گاڑی سے دو ملزمان کو گرفتار کر کے جدید ہتھیار اور دو گاڑیاں قبضے میں لے لیں۔

    پولیس نے گاڑی کی رجسٹریشن سے گھر پر چھاپا مارا، جہاں سے ملزم فرار ہوگیا، پولیس نے مرکزی ملزم کے باپ سید امتیاز شاہ اور بھائی کو گرفتار کرلیا، گھر کی تلاشی میں بھاری ہتھیار بھی برآمد کرلیے، پولیس نے دو گاڑیوں کو قبضے میں لے کر تھانہ مورگاہ منتقل کردیا۔

    ملزمان معروف پولٹری بزنس کے مالکان ہیں، ملزمان کے خلاف تھانہ نصیر آباد اور مورگاہ میں الگ الگ مقدمات درج کرکے مزید تحقیقات کی جارہی ہے۔

  • جیل بھرو تحریک: آج پنڈی کے کمیٹی چوک پرگرفتاریاں دیں گے:شیخ رشید

    جیل بھرو تحریک: آج پنڈی کے کمیٹی چوک پرگرفتاریاں دیں گے:شیخ رشید

    راولپنڈی: عوامی مسلم لیگ کے سربراہ شیخ رشید نے جیل بھرو تحریک میں گرفتاری دینے کا اعلان کردیا۔پی ٹی آئی رہنماؤں کے ہمراہ پریس کانفرنس میں شیخ رشید نے کہا کہ جیل بھرو تحریک کے سلسلے میں آج پنڈی کے کمیٹی چوک پرگرفتاریاں دیں گے جن میں 6 ایم این ایز اور 14 ایم پی اے خود پہلے گرفتاریاں دیں گے۔

    انہوں نے کہا کہ عامر کیانی سب سے پہلے گرفتاری دیں گے۔شیخ رشید کا کہنا تھا کہ پاکستان کے لیے اگلے 72 گھنٹے اہم ہیں، کسی کا باپ بھی اب الیکشن نہیں روک سکتا۔

    ادھر کل پاکستان تحریک انصاف وائس چیئرمین شاہ محمود قریشی کو 30 روز کیلئے نظر بند کردیا گیا۔پاکستان تحریک انصاف کے چیئرمین عمران خان نے بدھ 22 فروری سے جیل بھرو تحریک کے آغاز کا اعلان کیا تھا، جس کے بعد شاہ محمود قریشی، اسد عمر، عمر سرفراز چیمہ سمیت دیگر رہنماؤں نے کارکنوں کے ہمراہ لاہور میں گرفتاری دی۔

    محکمہ داخلہ پنجاب کی جانب سے جاری نوٹیفکیشن کے مطابق پی ٹی آئی کے وائس چیئرمین شاہ محمود قریشی کو 30 دن کیلئے نظر بند کردیا گیا۔ڈپٹی کمشنر لاہور کی سفارش پر محکمہ داخلہ پنجاب نے شاہ محمود قریشی کی نظر بندی کا نوٹیفکیشن جاری کیا۔

    دوسری طرف تحریک انصاف خیبرپختوںخوا نے جیل بھروتحریک بغیر کسی گرفتاری کے ملتوی کرنے کا اعلان کردیا۔پشاور میں سینٹرل جیل کے باہر موجود پارٹی قیادت بھی تصویریں بنوانے کے بعد گرفتاری دیے بغیر روانہ ہوگئی۔پولیس کی جانب سے پی ٹی آئی کے سابق ارکان اسمبلی کے گھروں کے باہر اعلانات کیے گئے۔ پشاور، سوات، مردان سمیت دیگر شہروں میں بھی پولیس رہنماؤں کوگرفتاری کےلیے بلاتی رہی۔

    پولیس کا کہنا تھا کہ جو گرفتاری دینا چاہتا ہے آجائے قانونی کارروائی مکمل کریں گے مگر پشاور سے کسی پی ٹی آئی رہنما نے گرفتاری نہیں دی۔

    خیال رہے کہ لاہور کے بعد آج پشاور میں پاکستان تحریک انصاف کے رہنما اور کارکن جیل بھرو تحریک کے تحت گرفتاریاں دینے کے لیے سینٹرل جیل کے باہر جمع ہوئی تھی۔رہنما تحریک انصاف پرویزخٹک کا کہنا تھا کہ عمران خان نےکہاہے ابھی واپس آجاؤ۔ کل پنجاب میں پھر گرفتاریاں دی جائیں گی، اس کے بعد پھر پشاور میں نکلیں گے۔

  • 30اپریل تک عمران خان پر ایک اور حملہ ہوسکتا ہے،شیخ رشید کادعویٰ

    30اپریل تک عمران خان پر ایک اور حملہ ہوسکتا ہے،شیخ رشید کادعویٰ

    راولپنڈی: سابق وزیرداخلہ شیخ رشید نے دعویٰ کیا ہے کہ 30اپریل تک عمران خان پر ایک اور حملہ ہوسکتا ہے-

    باغی ٹی وی : شیخ رشید نے کہا کہ یہ عمران خان کے ساتھ الیکشن لڑنے کے لیے تیار نہیں ہیں،صدر مملکت الیکشن کی تاریخ دینے کااختیار رکھتے ہیں،صدر علوی کو کہتا ہوں پیر کو الیکشن کی تاریخ دیں یا استعفیٰ دیں-

    شیخ رشید نے کہا کہ خواجہ آصف نے اعتراف کیا ہے کہ ملک کوبحران میں دھکیلنے میں الیکشن کمیشن نے عزت ہیں کمائی ملک ڈیفالٹ ہوچکا ہے، یہ کہتے تھے اسٹیٹ کو ڈیفالٹ کہنے والا غدار ہے، مریم نواز نے کہا یہ میری حکومت نہیں ہے، تو بتائیں کس کی حکومت ہے؟-

    سربراہ عوامی لیگ کا کہنا تھا کہ آدھا سامان جیل مین چھوڑ کر آیا ہوں، عمران خان کہے گا تو سب سے پہلے گرفتاری دوں گا،20سے 30 تاریخ تک فیصلہ ہوجائےگا،پہلے ایف آئی آر لکھوائی ہے کہ آصف زرداری سمیت 5 میرے مجرم ہوں گے،گرفتاری اور ضمانت کے بعد ایک نیا شیخ رشید سامنے آیا ہے-

    انہوں نے کہا کہ ان قیمتوں کو بڑھانے پر آئی ایم ایف خوش نہیں ،انہیں علم ہے یہ سب چور ہیں،قوم سے پوچھتا ہوں 10ماہ گزر گئے نوازشریف کیوں وطن واپس نہیں آرہے-

    سابق وزیر داخلہ نے دعوی کیا کہ صوبوں اور مرکز کے انتخابات اکٹھے ہوں گے-

  • شیخ رشید کا جیل سے ریٹرننگ افسر کے نام خط

    شیخ رشید کا جیل سے ریٹرننگ افسر کے نام خط

    راولپنڈی: شیخ رشید کا جیل سے ریٹرننگ افسر کے نام خط

    باغی ٹی وی : شیخ رشید نے آر او کو لکھے گئے خط میں کہا ہےکہ براہ مہربانی میری پارٹی کو قلم دوات کا نشان فراہم کیا جائے، عوامی مسلم لیگ کا این اے 62 سے امیدوار ہوں اور خود پیش ہونا چاہتا ہوں۔

    شوکت ترین کیخلاف پیکا قانون کے تحت مقدمہ درج

    شیخ رشید نے اپنے خط میں کہا کہ میرے خلاف سیاسی بنیادوں پر مقدمات درج کیے گئے ہیں، ڈپٹی سپرنٹنڈنٹ جیل نے ملی بھگت سے مجھےاسکروٹنی میں شامل ہونے سے روکا، میں نے ملک میں صاف و شفاف الیکشن کے انعقاد کا بیان دیا ہے۔

    سابق وزیر نے خط میں مزید کہا کہ ایڈووکیٹ سردار رازق خان میرے وکیل ہیں میں خود بھی پیش ہونا چاہتا ہوں۔16 بار وزیر رہا ہوں،لال حویلی میری نہیں شیخ صدیق کی ملکیت ہے-

    پنجاب میں الیکشن کی تاریخ کا اعلان نہ کرنے پر چیف الیکشن کمشنر اور گورنر پنجاب…

    واضح رہے کہ شیخ رشید کو این اے 62 کے ضمنی انتخابات میں کاغذات نامزدگی کی سکروٹنی کے لیے آر او نے طلب کیا تھا شیخ رشید کو اڈیالہ جیل حکام نے ریٹرننگ افسر (آر او) کے سامنے پیش ہونے کی اجازت دینے سے انکار کر دیا تھا

    جیل ذرائع کا کہنا تھا کہ آر او این اے 62 کی جانب سے شیخ رشید کو پیش کرنے کی ہدایت تھی تاہم اس میں واضح ڈائریکشن نہیں تھی، آر او این اے 62 نوشین اسرار نے اڈیالہ جیل حکام کو خط لکھا تھا۔

    دوسری جانب شیخ رشید کے مقرر نمائندے شیخ راشد کی موجودگی میں آر او نے سابق وزیر کے کاغذات نامزدگی درست قرار دے دیئے۔
    13 فروری تک شیخ رشید کے کاغذات نامزدگی پر اعتراضات داخل کئے جاسکتے ہیں-

    کراچی : ضمنی انتخابات کے لیے کاغذات نامزدگی کی اسکروٹنی کا آخری دن