راولپنڈی : کشمیر یوتھ الائنس اور جناح کا پاکستان کے زیر اہتمام راولپنڈی آرٹس کونسل میں مسئلہ کشمیر کو اجاگر کرنے اور اس کے مختلف پہلوئوں سے نوجوانوں کو روشناس کرانے کے حوالے سے سوال و جواب کی نشست منعقد ہوئی جس میں صدر کشمیر یوتھ الائنس ڈاکٹر سید مجاہد گیلانی، ممبر پارلیمانی کمیٹی برائے کشمیر غزالہ سیفی، ہیڈ ایڈوائزری بورڈ پارلیمانی کشمیر کمیٹی پروفیسر ولید رسول اور اویس ربانی نے شرکت کی۔ نوجوانوں نے کشمیر کے حوالے سے پینل سے سوالات کیے جس پر پینل نے تفصیلی جواب دیئے، مقررین کا کہنا تھا کہ بھارتی کے غیر قانونی زیر تسلط کشمیر میں انسانی حقوق کی پامالی، سیاسی قیدیوں کی بدحالی، بھارتی فوج کے جنگی جرائم، بیوائوں کی عصمت دری و بے حرمتی، قتل و غارت گری سمیت کئی اندوہناک داستانیں ہیں جن کا احاطہ ایک نشست میں نہیں کیا جاسکتا، کشمیر میں ہٹلر کے پیروکاروں کا راج ہے جو کسی بھی انسانی رویے سے عاری و خالی ہیں، دہشت اور خوف کے عالم میں مقبوضہ کشمیر کے مسلمان اپنی آزادی کی جدوجہد جاری رکھے ہوئے ہیں، مقررین نے کہا کہ خصوصا 5 اگست کے بعد بھارت نے اپنے غیر قانونی قبضے کو طول دینے اور آزادی کی تحریک کو دبانے کیلئے جو گھنائونی سازشیں کیں وہ تاریخ کے صفحات کا ایک تاریک باب ہیں جس پر انسانیت شرمندہ رہے گی۔ جناح کا پاکستان سے وابستہ نوجوانوں نے تقریب میں اس عزم کا اعادہ کیا کہ ہم قائد اعظم محمد علی جناح کے فرمان کہ کشمیر پاکستان کی شہ رگ ہے پر قائم ہیں اور اپنی شہ رگ کو دشمن کے پنجے سے چھڑانے کیلئے اپنے حصے کی کاوشیں جاری رکھیں گے۔ اس موقع پر کشمیر یوتھ الائنس کے مرکزی سیکرٹری کوآرڈینیشن ڈاکٹر عبداللہ خلیل، مرکزی سیکرٹری اطلاعات نوید احمد، صدر کشمیر یوتھ الائنس اسلام آباد ڈویژن ڈاکٹر عامر زادہ، چوہدری آصف سیف، عمر ہمدانی، خنیس الرحمن بھی موجود تھے۔

راولپنڈی :گذشتہ روز قبل ہولی فیملی ہسپتال راولپنڈی سے نومولود اغواء ہونے والے بچے کو راولپنڈی پولیس نے انتھک محنتوں اور کوششوں کے بعد بازیاب کروالیا ہے ,‏باغی ٹی وی کی اطلاعات کے مطابق ہولی فیملی ہسپتال سےاغواء ہونے والا نوزائیدہ بچہ راولپنڈی پولیس نے بازیاب کر لیااور ملزم کو گرفتار کرلیا گیا ہے ۔سابق سی پی او راولپنڈی محمد احسن یونس، ایس ایس پی آپریشنز، ایس پی راول، ایس پی پوٹھوہار، اے ایس پی نیوٹاؤن اورٹیم بچے کو لےکر ہسپتال پہنچ گئے جہاں بچہ والدین کےحوالے کیا جائے گا۔ ‏راولپنڈی پولیس کی 04 روز کی دن رات محنت اور کاوشوں سے ہولی فیملی ہسپتال سے اغوا ہونے والے بچے کو راولپنڈی پولیس نے بازیاب کیا۔ CPO محمد احسن یونس کے ساتھ پولیس افسران بچے کو لے کر ہسپتال پہنچے۔ ہسپتال انتظامیہ کی جانب سے والہانہ استقبال کیا.
راولپنڈی پولیس
یاد رہے راولپنڈی پولیس کے سابق سی پی او احسن یونس کی یہ ایک بڑی کاوش ہے جنہیں حال ہی میں کچھ گھنٹے قبل آئی جی آپریشن لاہور تعینات کردیا گیا ہے.

راولپنڈی:وزیراعلیٰ پنجاب سردار عثمان بزدار نے گورنمنٹ وقارالنسا پوسٹ گریجویٹ کالج برائے خواتین راولپنڈی کو یونیورسٹی کا درجہ دینے کا اعلان کرتے ہوئے کہا ہے کہ راولپنڈی شہر کی تعمیرو ترقی کیلئے 132ارب کی لاگت کے371ترقیاتی منصوبوں پر کام ہورہا ہے راولپنڈی کیلئے رنگ روڈ اور نالہ لئی ایکسپریس وے جیسے میگا پراجیکٹس شر وع کئے جارہے ہیں اوریہ منصوبے گیم چینجر ثابت ہوں گے وقار النسا کالج کواپ گریڈ کر کے وقارالنسا یونیورسٹی کادرجہ دینے کے ساتھ راولپنڈی کے لئے رنگ روڈ اور نالہ لئی ایکسپریس وے کی بھی منظوری دے دی ہے آج کا دن راولپنڈی کا دن ہے اوراس ضمن میں راولپنڈی کے شہریوں اوراس شہر کے وکیل شیخ رشید احمد اور ارکان اسمبلی مبارکباد پیش کرتاہوں وقارالنساء یونیورسٹی میں پہلے مرحلے میں 4فکلیٹیز قائم کی جائیں گی اور ابتدائی طورپر وقار النساء یونیورسٹی کو1 ارب روپے کا فنڈ فراہم کیا جائے گاان خیالات کا اظہار انہوں نے گزشتہ روز گورنمنٹ وقار النساء پوسٹ گریجویٹ کالج برائے خواتین راولپنڈی میں منعقدہ تقریب سے خطاب کے دوران کیا تقریب سے وفاقی وزیر داخلہ شیخ رشید احمد،صوبائی و زیر ہائر ایجوکیشن راجہ یاسر ہمایوں اورپرنسپل گورنمنٹ وقار النساء پوسٹ گرایجویٹ کالج برائے خواتین نے بھی تقریب سے خطاب کیاوزیراعلیٰ نے کہا کہ راولپنڈی شہر کی تعمیرو ترقی کیلئے 132ارب کی لاگت کے371ترقیاتی منصوبوں پر کام ہورہا ہے راولپنڈی کیلئے رنگ روڈ اور نالہ لئی ایکسپریس وے جیسے میگا پراجیکٹس شر وع کئے جارہے ہیں اوریہ منصوبے گیم چینجر ثابت ہوں گے راولپنڈی کے عوام نے ہمیشہ وزیراعظم عمران خان پرغیر مشروط اعتماد کا اظہار کیااور یہ محبت یکطرفہ نہیں بلکہ ر اولپنڈی کے مسائل حل کریں گے اورراولپنڈی کو پنجاب کا مثالی شہر بنایا جائیگا انہوں نے کہا کہ راولپنڈی میں وقار النساء یونیورسٹی کا قیام خوش آئند ہے اور خواتین کیلئے تعلیم حکومت پنجاب کی ترجیحات میں سرفہرست ہے۔ر اولپنڈی میں خواتین کیلئے اعلی تعلیم کے بہترین مواقع میسر ہیںراولپنڈی ڈویژن میں 60گرلز کالج بیٹیوں کو اعلی تعلیم کے مواقع فراہم کررہے ہیں انہوں نے کہا کہ تعلیم اورصحت کے شعبوں میں دوررس اور دیرپا تبدیلیاں لانے کیلئے میں اور میری ٹیم دن رات کوشاں ہیں ہم محض بلندوبانگ دعوے کرنے کے قائل نہیں بلکہ کام کر کے دکھاتے ہیں حکومت پنجاب تمام شہروں اور علاقوں کی یکساں ترقی کے ویژن پر عمل پیرا ہے تعلیم اورصحت بھی ہماری ترجیحات میں شامل ہیں رواں مالی سال میں صحت کے بجٹ میں مجموعی طور پر124 فیصد،سکول ایجوکیشن کے بجٹ میں 29 فیصداور خاص طور پر ہائر ایجوکیشن کے بجٹ میں 286فیصد اضافہ کیا ہے انہوں نے کہا کہ پنجاب میں مجموعی طور پر21 یونیورسٹیاں قائم کی جا رہی ہیں 6یونیورسٹیاں قائم ہو چکی ہیں جبکہ9 یونیورسٹیوں کے قیام کی منظوری دی جاچکی ہے اوراس طرح صوبے میں مزید6یونیورسٹیوں کے قیام کیلئے اقدامات کئے جارہے ہیں انہوں نے کہا کہ راولپنڈی ڈویژن میں 4 یونیورسٹیاں ہیں جبکہ اٹک میں یونیورسٹی کے قیام کیلئے اقدامات کئے جارہے ہیںپنجاب میں رحمت اللعالمینؐ  سکالرشپ پروگرام کامیابی سے جاری ہے اور اب تک ذہین اورنادار طلباء کو 27کروڑ38لاکھ روپے کے 10574سکالر شپ دیئے جاچکے ہیں جبکہ پیف میں 677 مزید سکالر شپ دیئے جائیں گے حکومت پنجاب اس سال1 ارب روپے کے 29142 رحمت اللعالمینؐ سکالر شپ دے گی انہوں نے کہا کہ اسلامیہ یونیورسٹی بہاولپور، غازی یونیورسٹی ڈی جی خان، اوکاڑہ یونیورسٹی، گورنمنٹ کالج یونیورسٹی فیصل آباد، یونیورسٹی آف چکوال اور بہاؤالدین ذکریایونیورسٹی میں ’’سیرت چیئر‘‘ قائم ہوچکی ہے جس کے تحت محقیقین کو ریسرچ کیلئے معاونت فراہم کی جائے گی عشرہ شان رحمت اللعالمینؐمیں سکول، کالج، یونیورسٹی کے طلبہ سمیت زندگی کے تمام شعبہ سے تعلق رکھنے والے افراد کی شمولیت کو یقینی بنانے کی کاوش کی گئی ہیں قبل ازیں وفاقی وزیر داخلہ شیخ رشید احمد نے کہاکہ سردار،عثمان بزدار کا شکریہ اداکرتا ہوں ،آج میری زندگی کا بڑا اہم دن ہے بڑا پراجیکٹ نالہ لئی 25 دسمبر کو شروع ہوگا ڈاکٹر قدیر نے کہا تھا کہ بچیوں کی تعلیم پر کام کرناشیخ رشید احمد نے کہاکہ انگریز نے ڈھوک سے لیبر لینی تھی مگر میں نے ان ڈھوک کے لفظ پر تعلیمی ادارہ بنایا اس قوم کو کوئی شکست نہیں دے سکتا جس قوم کی بیٹی پرھی لکھی ہے ہم نے 60 تعلیمی ادارے بنائے 79 سالوں میں کسی نے کنٹونمنٹ میں کالج نہیں بنایا تھا ، ڈھوک حسو کے کالج میں 5ہزار بچیاں کالج میں پڑھ رہی ہیں ، ہماری بیٹی پڑھی لکھی ہے ،سی ایس ایس میں راولپنڈی کے رکشہ ڈرائیور کی بیٹی نے ٹاپ کیا ، ماِں بچہ ہسپتال کا بھی جلد افتتاح کریں گے ، پھر نالہ لئی کا افتتاح کروں گا اس موقع پروزیر اعلیٰ عثمان بزدار نے شیخ رشید احمد کے ہمراہ وقار النساء پوسٹ گریجویٹ کالج کو یونیورسٹی کا درجہ دینے کی تختی کی نقاب کشائی کی ۔