Baaghi TV

Category: راولپنڈی

  • راولپنڈی:تھانہ مری کی حدود جھیکا گلی کورٹ کے اندر دو سو افراد کا بیان دینے آنیوالے جوڑے کا اسلحہ کے دم پر اغوا

    راولپنڈی:تھانہ مری کی حدود جھیکا گلی کورٹ کے اندر دو سو افراد کا بیان دینے آنیوالے جوڑے کا اسلحہ کے دم پر اغوا

    راولپنڈی کے تھانہ مری کی حدود جھیکاگلی کورٹ کے اندر دو سو افراد کا کچہری میں سر عام اسلحے کا استعمال پولیس دیکھتی رہ گئی-

    باغی ٹی وی :تفصیلات کے مطابق راولپنڈی کے تھانہ مری کی حدود جھیکاگلی کورٹ کے اندر دو سو افراد کچہری میں اسلحہ کے ساتھ داخل ہوئے اور دفع 164 کا بیان دینے آنے والی لڑکی اور لڑکے کو اسلحہ کے دم پر اٹھا کر ساتھ لے گئے-


    سوشل میڈیا پر وائرل ویڈیو کے مطابق ملزمان نے وکلا سے بدتمیزی کی پولیس بھی اس موقع پر کچھ نہیں کر سکی جبکہ وکلا بھی عدم سیکیورٹی و تحفظ کا شکار ہوگئے احاطہ عدالت میں شدید خوف وہراس پھیل گیا-

    اسلام آباد ایئرپورٹ پر فائرنگ، ایک شخص زخمی،اے ایس ایف حکام نے معمہ الجھا دیا

    https://twitter.com/BaaghiTV/status/1443477264155480067
    رپورٹس کے مطابق اسلام آباد میں جرائم کی شرح میں تشویشناک حد تک اضافہ هو چکا ہے،چوری،ڈکیتی،راہ زنی کی وارداتیں روز کا معمول بن چکی ہیں،دن دہاڑے گولیاں چل جاتی ہین اور پولیس سب اچھا کی رپورٹ دیتی ہے،مسلح شہری وفاقی دارالحکومت میں گھومتے رہتے لیکن پولیس بے خبر رہتی، جب کوئی واقعہ ہو جاتا پھر پولیس کی دوڑیں لگ جاتی ہیں –

    نشہ آور چیز کھلا کر لڑکی سے زبردستی زیادتی کرنے والا ملزم گرفتار

    چند ماہ قبل اسلام آباد میں بڑھتے ہوئے جرائم کے پیش نظر امریکی سفارتخانے نے اپنے شہریوں کے لیے ایڈوائزری جاری کی تھی، امریکی سفارتخانے کا کہنا ہے کہ اسلام آباد میں اسٹریٹ کرائم کی شرح بڑھ گئی ہے۔امریکی سفارتخانے کے مطابق اسلحہ کی نوک پر گاڑیاں چھینی جا رہی ہیں۔ امریکی شہری اسلام آباد کے مختلف سیکٹرز میں سفر کے دوران محتاط رہیں۔ امریکی شہری قیمتی اشیا لے کر باہر نہ نکلیں۔ مارکیٹ میں زیورات پہن کر نہ جائیں۔ بینک کا اے ٹی ایم استعمال کرتے وقت احتیاط کی جائے۔

    وفاقی دارالحکومت اسلام آباد میں زمین کے تنازعہ پر قتل کے واقعات میں اضافہ

  • نیوزی لینڈ کرکٹ ٹیم کا دورہ پاکستان منسوخ ،پی سی بی کو لاکھوں کا بل آ گیا

    نیوزی لینڈ کرکٹ ٹیم کا دورہ پاکستان منسوخ ،پی سی بی کو لاکھوں کا بل آ گیا

    نیوزی لینڈ کی سیریز منسوخ ہونے کے بعد راولپنڈی کی انتظامیہ نے پاکستان کرکٹ بورڈ ( پی سی بی) کو اخراجات کی مد میں 27 لاکھ روپے کا بل تھما دیا۔

    باغی ٹی وی : میڈیا رپورٹ کے مطابق اس مد میں راولپنڈی انتظامیہ کا کہنا ہے کہ میچ کے دن سکیورٹی اہلکاروں کی ڈیوٹیاں لگائی گئیں اور انہیں کھانے میں پلاؤ اور بریانی کھلائی جاتی تھی۔

    انتظامیہ کے مطابق کیوی ٹیم جب پریکٹس کے لیے آتی تھی تو روٹ لگتا تھا اور جب تک ٹیم گراؤنڈ میں رہتی تھی نفری تعینات رہتی تھی۔

    ٹی20 ورلڈکپ2021 : نیوزی لینڈ گرین شرٹس کا سامنا کرنے سے پریشان

    واضح رہے کہ نیوزی لینڈ نے 17 ستمبر کو پاکستان کیخلاف ون ڈے اورٹی20 سیریزسکیورٹی خدشات کو جواز بناکر اچانک ختم کرنے کا اعلان کردیا تھا جس کے اگلے دن ٹیم پاکستان سے روانہ ہوگئی تھی نیوزی لینڈ کے بعد انگلینڈ نے بھی پاکستان کا دورہ منسوخ کردیا نیوزی لینڈ کے دورہ کے پیچھے پاکستان بھارتی سازش کو بے نقاب کرچکا ہے نیوزی لینڈ اور انگلینڈ دونوں ممالک کو دنیا بھر میں تنقید کا نشانہ بنایا جا رہا ہے۔

    اس حوالے سے نیوزی لینڈ کی وزیراعظم نے کہا تھا کہ سیریز نہ ہونے پر سب کو کتنا افسوس ہے اس بات کا مکمل اندازہ ہے لیکن کھلاڑیوں کی حفاظت کے لیے نیوزی لینڈ کرکٹ کے فیصلے کی مکمل حمایت کرتی ہوں ہمارے لیے کھلاڑیوں کا تحفظ سب سے اہم ہے ساتھ ہی ،وزیراعظم عمران خان سے ٹیم کا خیال رکھنے پر شکریہ ادا کیا-

    نیوزی لینڈ کرکٹ ٹیم نے دورہ پاکستان ختم کرنے کا اعلان

    اس حوالے سے وفاقی وزیر داخلہ شیخ رشید کا کہنا تھا کہ نیوزی لینڈ کے پاس بھی کوئی اطلاع نہیں تھی، صرف بہانہ بنایا گیا، اس کے پیچھے کیا ہے آئندہ کچھ روز میں پتا چلے گا۔

    نیوزی لینڈ کرکٹ کے چیف ایگزیکٹو ڈیوڈ وائٹ نے پیغام جاری کرتے ہوئے کہا تھا کہ نیوزی لینڈ حکومت کی جانب سے سیکیورٹی الرٹ جاری کیا گیاہے جس کی بنیاد پر سیریز منسوخ کرنے کا فیصلہ کیا ہے ہمارے لیے کھلاڑیوں کی سیکیورٹی اولین ترجیح ہے ، موجودہ حالات میں ہمارے پاس یہی آپشن تھا ، پی سی بی نے سیریز کیلئے بہترین میزبانی کی ۔ ہمارے کھلاڑی محفوظ ہیں اور بہترین انتظامات کیئے جارہے ہیں-

    انگلینڈ کرکٹ بورڈ نے پاکستان کا واجب الادا قرض اتارنے میں کوتاہی برتی ہے سابق کپتان مائیکل…

    انگلینڈ کرکٹ ٹیم کا دورہ سیکیورٹی وجوہات کی بنا پر منسوخ نہیں ہوا برطانوی…

    پاکستان نے نیوزی لینڈ سے کرکٹ ٹیم کی واپسی کا معاملہ سفارتی سطح پر اٹھا دیا

  • سینئر صحافی سی آر شمسی کی نماز جنازہ ادا کردی گئی, بڑی تعداد میں صحافی برادری کی شرکت

    سینئر صحافی سی آر شمسی کی نماز جنازہ ادا کردی گئی, بڑی تعداد میں صحافی برادری کی شرکت

    راولپنڈی :سینئرصحافی اور پی ایف یو جے کے سابق سیکرٹری جنرل صحافی رہنما چوہدری رحمت اللہ شمسی(سی آ ر شمسی)کو کری روڈ قبرستان میں سپرد خاک کردیا گیا قبل ازیں نماز جنازہ شہباز شریف پارک راولپنڈی میں ادا کی گئی. نماز جنازہ میں چیئرمین پیمپر ا سیلم بیگ،جسٹس ریٹائرڈ عبادالرحمن لودھی، پیپلزپارٹی کے رہنما نیئر بخاری، اور صحافی رہنماوں افضل بٹ،ناصر زیدی،مزدور رہنما چوہدری یاسین، سیکرٹری پریس کلب انور رضا, سینئر صحافی مطیع اللہ جان, سینئر صحافی شمشاد مانگٹ ,مرحوم کے فرزند سعد عمر، سیاسی و سماجی رہنماؤں ،صحافیوں کی کثیر تعداد سمیت سینکڑوں افراد نے شرکت کی، سی آر شمسی گزشتہ روز دل کا دورہ پڑنے سے انتقال کر گئے تھے,جنازے میں شریک سابق صدر پریس کلب افضل بٹ سمیت دیگر صحافیوں نے کہا کہ شمسی صاحب ورکرز کی آواز تھے, ان کی وفات سے کبھی خلا پر نہیں ہوگا, مرحوم کی رسم قل اتوار بعد نماز عصر ان کی رہائش گاہ اصغرمال روڈ ادا کی جائے گی۔

  • راولپنڈی پولیس کے افسر کو ڈانس پارٹی میں شرکت کرنا مہنگا پڑ گیا

    راولپنڈی پولیس کے افسر کو ڈانس پارٹی میں شرکت کرنا مہنگا پڑ گیا

    راولپنڈی :بحریہ ٹاؤن کے علاقے میں کئی غیرقانونی کلب اور آئس بار کام کررہے ہیں جن کے خلاف کئی دفعہ شہریوں نے رپورٹ درج کرائی اور پولیس نے ایکشن بھی لیا, حال ہی میں ٹوئٹر پر ایک صارف اسرار احمد راجپوت نے ٹوئٹ کی جس میں ایک ویڈیو ساتھ منسلک تھی اور صارف نے کہا کہ ‏میں بھی حیران تھا کہ بحریہ ٹاؤن میں ڈانس کلبز و آئس پارٹیز منعقد کروانے والے گرفتار کیوں نہیں ہوتے؟ اب آپ خود دیکھ لیں ‎@RwpPolice کے سینئر افسران ساتھ بطور PSO ڈیوٹی کرنے والے SI فضل اکبر بذات خود ڈانس پارٹی میں شرکت کر رہے
    ‎@raosardarali نیک کام کا آغاز اپنے محمکہ سے کریں

    صارف کے جواب میں راولپنڈی پولیس نے کہا کہ ‏‎‎سی پی او محمد احسن یونس نے ویڈیو سامنے آنے پر معاملہ کا نوٹس لیتے ہوئے سب انسپکٹر فضل اکبر کو معطل کردیا ہے، مذکورہ کے خلاف انکوائری اور کاروائی کا حکم دے دیا ہے اور سی پی او راولپنڈی احسن یونس نے کہا ہے کہ غیر پیشہ ورانہ طرز عمل قابل قبول نہیں، پولیس افسران کو اپنے برتاؤ اور کردار میں محتاط رہنا ہوگا۔

  • راولپنڈی طوفانی بارش: شیخ رشید کی لال حویلی کے سامنے 3 فٹ سے زائد پانی کھڑا ہو گیا

    راولپنڈی طوفانی بارش: شیخ رشید کی لال حویلی کے سامنے 3 فٹ سے زائد پانی کھڑا ہو گیا

    راولپنڈی، وزیرداخلہ شیخ رشید کی لال حویلی کے باہر 3 فٹ سے زائد پانی کھڑا ہوگیا-

    باغی ٹی وی : تفصیلات کے مطابق راولپنڈی میں طوفانی بارش سے متعدد نشیبی علاقے زیر آب آگئے ،ندیم کالونی، آر اے بازار، جاویدکالونی، ہزارہ کالونی میں بھی پانی داخل ہو گیا گاڑیاں اور موٹر سائیکلیں پانی میں ڈوب گئیں-

    جبکہ وزیرداخلہ شیخ رشید کی لال حویلی کے باہر 3 فٹ سے زائد پانی کھڑا ہوگیا-

    واضح رہے کہ وزیراعظم عمران خان سے وزیر داخلہ شیخ رشید احمد نے ملاقات کی ہے اسلام آباد میں ہونے والی وزیراعظم اور وزیر داخلہ کی اس ملاقات میں افغانستان کی تازہ ترین صورتحال پر تبادلہ خیال کیا گیا۔

    ذرائع کے مطابق وزیرداخلہ نے بارڈر مینجمنٹ کی صورتحال سے وزیراعظم کو آگاہ کیا اور افغانستان سے انخلا اور پاکستان آنے والے غیرملکیوں سے متعلق بریفنگ دی وزیر داخلہ نے وزیر اعظم عمران خان کو طورخم اور چمن بارڈر کی صورتحال سے بھی آگاہ کیا۔

    شیخ رشید نے کہا کہ وزارت داخلہ میں افغانستان سے متعلق سہولت سینٹر 24 گھنٹے کام کر رہا ہے۔

  • طالبعلم کے والد نے مدرسے کو سازش کے تحت بدنام کرنے کے لیے معلم کیخلاف بدفعلی کا جھوٹا اوربے بنیادمقدمہ درج کرادیا۔

    طالبعلم کے والد نے مدرسے کو سازش کے تحت بدنام کرنے کے لیے معلم کیخلاف بدفعلی کا جھوٹا اوربے بنیادمقدمہ درج کرادیا۔

    راولپنڈی:طالبعلم کے والد نے مدرسے کو سازش کے تحت بدنام کرنے کے لیے معلم کیخلاف بدفعلی کا جھوٹا اوربے بنیادمقدمہ درج کرادیا۔قاری عثمان نے آر پی او، سٹی پولیس آفیسرراولپنڈی سے جے آئی ٹی کی تشکیل کا مطالبہ کردیا۔ جبکہ اصل حقائق یہ ہیں کہ مبینہ طور پر بدفعلی کا شکار بچہ وقوعہ سے چار روز قبل مدرسے میں داخل ہوا اور شرارتیں کرنے اور بچوں کے آپس میں لڑائی کرنے پر جب مبینہ ملزم قاری عثمان نے بچے کو ڈانٹا تو بچے نے طبیعت خراب ہونے کا بہانا کیا جس پر فوری طورپر طبعی امداد کے لیے سول ہسپتال منتقل کیا گیا۔ہسپتال کے عملے نے طبعی امداد دی اور عملے نے بتایا کہ بچہ فرحان حسین سانس کی مرض کا پرانا مریض ہے،جبکہ فرحان کے والد نے اثرورسوخ استعمال کرکے بدفعلی کا بے بنیاد مقدمہ درج کروایا۔جبکہ مدعی مقدمہ نے تھانے میں جو درخواست دی اس میں بدفعلی کا کوئی ذکر نہیں تھا،

    ایف آئی آر کا متن

    ایف آئی آر کے متن میں بدفعلی کی بابت تحریر ہے جبکہ میڈیکل میں کمر درد،چھاتی درد،گردن اور پیٹ درد بیان کیا گیا،ایم ایل آر کا اندراج کے مطابق 5ستمبر 2021کو ہسپتال میں گیا جبکہ ایم ایل آر میں تاریخ وصولی 4ستمبر 2021درج ہے۔
    ایم ایل آر کی کاپی

    مدعی مقدمہ نے جھوٹا مقدمہ درج کرواکے مدرسے اور معلم کو بدنام کرنے کی سازش رچائی۔قاری عثمان نے آر پی او، سٹی پولیس آفیسر راولپنڈی سے مطالبہ کیا کہ اس واقعہ کی شفاف تحقیقات کرنے کے لیے جے آئی ٹی تشکیل دی جائے تاکہ اصل حقائق منظر عام پر آسکیں اور جھوٹا مقدمہ درج کرانے والے مدعی مقدمہ کیخلاف کاروائی کی جائے۔

  • راولپنڈی: نایاب نسل کے ہرن کا کتوں کے ذریعےغیر قانونی شکار

    راولپنڈی: نایاب نسل کے ہرن کا کتوں کے ذریعےغیر قانونی شکار

    راولپنڈی کے نواحی علاقے چونترہ میں نایاب نسل کے ہرن کا غیر قانونی شکار کیا گیا-

    باغی ٹی وی : نجی خبررساں ادارے ہم نیوز کے مطابق مقامی افراد کی جانب سے خونخوار کتوں کے ذریعے ہرن کا شکار کیا گیا نایاب نسل کے نر ہرن کو کتوں نے شدید زخمی کردیا۔

    وزیراعظم آزاد کشمیر کی آرمی چیف سے ملاقات

    شکاریوں نے نایاب نسل کے ہرن کو رسی سے کچھ دیر باندھے رکھا تاہم بعد ازاں ہرن کو ذبح کرکے اس کا گوشت تقسیم کردیا۔

    اس حوالے سے پنجاب وائلڈ لائف ڈیپارٹمنٹ کا کہنا ہے کہ شکاریوں کے خلاف کارروائی کررہے ہیں نایاب نسل کا ہرن ہوگ ڈیئر دریائے سندھ کے کنارے پایا جاتا ہے۔ممکن ہے یہ ہرن دریائے سندھ سے ہوتا ہوا ندی کے ذریعے چونترہ کے علاقے میں آگیا ہو۔

    پاکستان میں کورونا کے باعث مزید 79 اموات

    لو جی نئی مصبیت آگئی:شادی ہال مالکان کو گرفتار کرنےکا حکم

    بابائے حریت سید علی گیلانی کی میت پر بھارتی ناظم الامور طلب:پاکستان کا سخت احتجاج

    افغان طالبان افغانستان کے آخری محاذ پر بھی فتح حاصل کرنے میں کامیاب

  • راولپنڈی میں 5 سالہ بچی برساتی پانی میں ڈوب کر جاں بحق

    راولپنڈی میں 5 سالہ بچی برساتی پانی میں ڈوب کر جاں بحق

    راولپنڈی میں وقفے وقفے سے ہونے والی بارشوں کے باعث ندی نالوں میں طغیانی آئی ہے 5 سالہ بچی برساتی پانی میں ڈوب کر جاں بحق ہو گئی ۔

    باغی ٹی وی : تفصیلات کے مطابق ریسکیو حکام نے بتایا کہ پانی میں بہہ جانے والی5 سالہ بچی کی لاش مل گئی ہے جبکہ ڈھوک رتہ میں پانی میں ڈوبنے والی بھینسیں کو بحفاظت نکال لیا گیا ہے ۔

    واضح رہے کہ راولپنڈی میں وقفے وقفے سے ہونے والی بارشوں کے باعث ندی نالوں میں طغیانی آئی ہے جبکہ وزیر اعلیٰ پنجاب سردار عثمان بزدار متعلقہ حکام کو دفاتر میں بیٹھنے کی بجائے فیلڈ میں نکلنے کی ہدایات جاری کر چکے ہیں ۔

    وزیر اعلیٰ پنجاب سردار عثمان بزدار کی جانب سے کہا گیا کہ کسی بھی صورتحال سے نمٹنے کیلئے انتظامیہ، پی ڈی ایم اے اور ریسکیو 1122 تمام انتظامات مکمل رکھیں، امدادی سرگرمیوں کیلئے ہمہ وقت تیار رہا جائے ، وزیراعلیٰ نے نشیبی علاقوں سے فوری نکاسی آب کا حکم دیا۔

    راولپنڈی میں موسلا دھار بارش: نشیبی علاقوں میں واسا عملہ ہیوی مشینری کے ساتھ موجود ہے ترجمان واسا

    سردار عثمان بزدار نے کہا کہ نکاسی آب کیلئے تمام وسائل بروئے کار لائے جائیں، ضروری مشینری کے ذریعے نکاسی آب کو کم سے کم وقت میں یقینی بنایا جائے، نکاسی آب کے کاموں میں غفلت قطعاً برداشت نہیں کی جائے گی، شہریوں کو کسی قسم کی مشکل کا سامنا نہیں ہونا چاہئے ۔

    دوسری جانب ترجمان واسا کا کہنا تھا کہ منیجنگ ڈائریکٹر واسا راجہ شوکت محمود اور عملہ و ہیوی مشینری فیلڈ میں موجود ہے کسی بھی قسم کی ہنگامی صورتحال سے نمٹنے کیلئے تیار ہیں –

    ترجمان واسا نے کہا تھا کہ نشیبی علاقوں میں واسا عملہ ہیوی مشینری کے ساتھ موجود ہے نالہ لئی میں کٹاریاں کے مقام پر پانی کا لیول 6 فٹ جبکہ گوالمنڈی پل پر 4 فٹ ہے-

    راولپنڈی میں موسلا دھار بارش نشیبی علاقے زیر آب ،نالہ لئی میں پانی کی سطح 6 فٹ تک بلند

  • راولپنڈی میں موسلا دھار بارش: نشیبی علاقوں میں واسا عملہ ہیوی مشینری کے ساتھ موجود ہے ترجمان واسا

    راولپنڈی میں موسلا دھار بارش: نشیبی علاقوں میں واسا عملہ ہیوی مشینری کے ساتھ موجود ہے ترجمان واسا

    راولپنڈی میں موسلا دھار بارش کا سلسلہ جاری،واسا راولپنڈی ہائی الرٹ۔

    باغی ٹی وی : ترجمان واسا کے مطابق منیجنگ ڈائریکٹر واسا راجہ شوکت محمود اور عملہ و ہیوی مشینری فیلڈ میں موجود ہے کسی بھی قسم کی ہنگامی صورتحال سے نمٹنے کیلئے تیار ہیں –

    ترجمان واسا کے مطابق نشیبی علاقوں میں واسا عملہ ہیوی مشینری کے ساتھ موجود ہے نالہ لئی میں کٹاریاں کے مقام پر پانی کا لیول 6 فٹ جبکہ گوالمنڈی پل پر 4 فٹ ہے-

    ترجمان واسا کے مطابق ایم ڈی واسا راجہ شوکت محمود نکاسی آب کے عمل کی نگرانی کیلئے فیلڈ میں موجود ہیں ائیر پورٹ روڈ، کمیٹی چوک نڈر پاس، لیا قت باغ، جاوید کالونی،ڈھوک کھبہ، صادق آباد، سیٹلائٹ ٹاؤن ،جامع مسجد روڈ اور مری روڈ پربھی ٹیمیں موجود ہیں-

    راولپنڈی میں موسلا دھار بارش نشیبی علاقے زیر آب ،نالہ لئی میں پانی کی سطح 6 فٹ تک بلند

  • افواج پاکستان کی قیادت افغان صورت حال پراراکین پارلیمنٹ کو کل اعتماد میں لے گی

    افواج پاکستان کی قیادت افغان صورت حال پراراکین پارلیمنٹ کو کل اعتماد میں لے گی

    افواج پاکستان کی قیادت ملکی داخلی سلامتی اور افغان صورت حال پر کل اراکین پارلیمنٹ کو کل اعتماد میں لے گی آرمی چیف جنرل قمر جاوید باجوہ سے بھی کمیٹیوں کی ملاقات ہوگی-

    باغی ٹی وی :تفصیلات کے مطابق سینیٹ اور قومی اسمبلی کی دفاعی کمیٹیوں کے اراکین کل جنرل ہیڈ کوارٹر(جی ایچ کیو) کا دورہ کریں گے جہاں اراکین کو بدلتی افغان صورت حال اور پاکستان کی پالیسی سے آگاہ کیا جائے گا۔

    رپورٹس کے مطابق سینیٹ دفاعی کمیٹی کی سربراہی مشاہد حسین سید کریں گے جبکہ قومی اسمبلی دفاعی کمیٹی کے سربراہ امجد علی خان ہوں گے۔

    ذرائع کے مطابق کمیٹیوں کے اراکین کو کل صبح ساڑھے9 بجے جی ایچ کیو پہنچنے کی ہدایت کردی گئی جبکہ سیکرٹری دفاع، سیکرٹری خارجہ اور سیکرٹری قومی سلامتی کو بھی نوٹسز جاری کردیئے گئے ہیں۔

    پاکستانی طالبان کو افغان طالبان کی بات ماننا ہوگی چاہے اچھی لگے یا بُری ذبیح…

    ذرائع کا کہنا ہے کہ آرمی چیف جنرل قمر جاوید باجوہ سے بھی کمیٹیوں کی ملاقات ہوگی جبکہ ترجمان افواج پاکستان میجرجنرل بابر افتخار بھی بریفنگ میں شرکت کریں گے۔

    واضح رہے کہ اپنے ایک بیان میں شاہ محمود قریشی نے کہا کہ افغانستان کواگرتنہاچھوڑاتواس کانقصان سب کوہوگا افغانستان کی صورتحال بگڑتی ہےتوسب متاثرہوں گے طالبان قیادت کےسب سےرابطےہیں،90کی دہائی کی غلطیوں سےسب کوسیکھناچاہیے۔

    اگر افغانستان سے مثبت پیغام آرہا ہے تو اس کی حوصلہ افزائی کرنی چاہیے شاہ محمود قریشی

    انہوں نے کہا کہ اس وقت دنیامیں پاکستان کی تعریف ہورہی ہے،پی آئی اےنےموجودہ صورتحال میں اہم کرداراداکیا افغانستان کے لوگ کئی دہائیوں سے جنگ کا سامنا کر رہے ہیں،وہاں کے لوگ امن چاہتےہیں،اگر افغانستان سے مثبت پیغام آرہا ہے تو اس کی حوصلہ افزائی کرنی چاہیے۔

    طاقت ورامریکا نے بے بسی کے عالم میں‌ کابل ائیرپورٹ کی سکیورٹی طالبان کے سپرد کر دی