Category: راولپنڈی

راولپنڈی: ایمبولینس کے ذریعے منشیات اسمگلنگ کی کوشش ناکام بنادی۔

باغی ٹی وی : تفصیلات کے مطابق اے این ایف راولپنڈی نے اسلام آباد موٹروے انٹرچینج کے قریب کارروائی کرتے ہوئے ایمبولینس کے ذریعے منشیات سمگلنگ کی کوشش ناکام بنادی۔

اے این ایف حکام کے مطابق ایمبولینس کے خفیہ خانوں میں منشیات مہارت سے چھپائی گئی تھی، برآمد ہونے والی منشیات میں 24 کلوگرام چرس، ڈیڑھ کلو افیون، 1 کلو گرام آئس اور 1.9 کلوگرام ہیروئن شامل ہے-

کارروائی کے دوران منشیات لے جانے والے چارسدہ کے رہائشی ندیم اور شیر رحمان نامی 2 ملزمان کو گرفتار کیا گیا ہے، جنہیں مزید تفتیش کے لئے نامعلوم مقام پر منتقل کردیا گیا ہے۔

حافظ محمد سعید کو دو مزید مقدمات میں سزا سنا دی گئی

اس قبل بھی اے این ایف نے پورٹ قاسم پر خفیہ اطلاع پر کارروائی کےدوران 40 کلوگرام ہیروئن برآمد کی گئی، ملزمان کی جانب سے قبضے میں لی گئی منشیات برطانیہ اسمگل کرنے کی کوشش کی جارہی تھی۔

سہراب گوٹھ کے قریب رینجرز کے ہمراہ کارروائی میں ایک ملزم کو گرفتار کرکے 13کلو آئس اور ہیروئن برآمد کی گئی تھی علاوہ ازیں نجی کورئیر کمپنی پر چھاپے کے دوران 33 کلو سے زائد مشکوک مواد برآمد کیا گیا تھا ، کورئیر کمپنی کے زریعے پارسل میں مواد چھپا کر اسمگل کیا جارہا تھا دریں اثنا حالاناکہ کے قریب کار سے17 کلوگرام منشیات برآمد کرکے ایک ملزم کو گرفتار کیا گیا۔

طالبہ کو باندھ کر زبردستی زیادتی کرنیوالا مدرسہ مہتمم کا بیٹا گرفتار نہ ہو سکا

راولپنڈی: تھانہ نصیر آباد کے علاقے مصریال روڈ پر نامعلوم افراد 13 سالہ لڑکی کو قتل کر کےلاش کے ٹکڑے ٹکڑے کرکے سڑک پر پھینک کر فرار ہوگئے-

باغی ٹی وی : پولیس حکام کے مطابق گزشتہ روز صبح اہل علاقہ کی جانب سے کال موصول ہوئی کہ مصریال روڈ پر انسانی سر اور جسم کے ٹکڑے پڑے ہیں جس پر پولیس نے موقع پر پہنچ کر ریسکیو 1122 اور فرانزک سائنس لیبارٹری عملے کو موقع پر طلب کیا، موقع سے شواہد جمع کیے اور لاش کے ٹکڑے جمع کرکے ریسکیو 1122 کی مدد سے پوسٹ مارٹم کے لیے ڈسٹرکٹ ہیڈ کوارٹرز ہسپتال منتقل کردئیے۔

ڈجکوٹ:کم سن بچوں سے زیادتی کے واقعات تھم نہ سکے

قتل کی دردناک واردات کی اطلاع ملتے ہی ایس پی پوٹھوہار ڈویژن پولیس کی بھاری نفری کے ساتھ موقع پر پہنچ گئے وزیر اعلیٰ پنجاب عثمان بزدار نے واردات کا نوٹس لیتے ہوئے افسوس کا اظہار کیا اور آر پی او راولپنڈی سے رپورٹ طلب کرتے ہوئے ملزمان کو جلد گرفتار کرنے کا حکم دے دیا۔

سی پی او کے مطابق تاحال مقتول لڑکی کی شناخت نہیں ہوسکی کیونکہ لاش ناقابل شناخت ہے، ملزمان نے نامعلوم لڑکی کو بے دردی سے قتل کیا، قاتلوں کو پکڑنے کے لیے ایس ایس پی انویسٹی گیشن سید غضنفر شاہ کی سربراہی میں اعلی سطح تحقیقاتی ٹیم تشکیل دی ہے جس کو فرانزک لیبارٹری ماہرین کے ساتھ ساتھ پولیس سی آئی اے کی معاونت بھی حاصل ہوگی۔

رقص کرتے نوجوان نے خود کو خنجر سے مار ڈالاتو دوسری طرف اسٹیڈیم کی چھت گرگئی

ان کا کہنا تھا کہ ابتدائی طور پر مصریال روڈ کے مخصوص علاقے کی جیو فینسنگ مکمل کرلی ہے، کرائم سین کے قریب نصب سی سی ٹی وی کیمروں سے فوٹیجز حاصل کی جارہی ہے لاش کی شناخت کے لیے نادرا سے بھی مدد لی جائے گی، مقتولہ کی انگلیوں سے حاصل کردہ فنگر پرنٹس نادرا کو بھیجے جائیں گے۔

ان کا کہنا تھا کہ پوسٹ مارٹم رپورٹ سے پہلے کچھ بھی کہنا قبل از وقت ہوگا، ابتدائی طور پر نامعلوم ملزمان کے خلاف قتل کا مقدمہ تھانہ نصیر آباد میں درج کرلیا ہے جلد ملزمان کا سراغ لگا کر گرفتار کرلیا جائے گا بتدائی واقعہ کی تمام زاویوں پر تحقیقات کی جا رہی ہیں، اندوہناک واقعہ میں ملوث ملزمان کو گرفتار کرکے قرار واقعی سزادلوائی جائے گی۔

رات بھر زیادتی کے بعد برہنہ حالت میں نرس کو سڑک پر ملزمان پھینک گئے

تھانہ نصیر آباد کے علاقے سے نامعلوم نعش ملنے کا معاملہ،سی پی او عمر سعید کی ہدایت پر ایس ایس پی انوسٹی گیشن غضنفر علی شاہ، ایس ایس پی آپریشنز وسیم ریاض او رایس پی سی آئی اے طارق محبوب نے جائے وقوعہ او ہسپتال کا دورہ کیا،سینئر افسران نے جائے وقوعہ کا جائزہ لیا، واقعہ کی فوری اور موثر تحقیقات کے لیے تینوں سینئر افسران کی سربراہی میں الگ الگ ٹیمیں تشکیل دے دی گئی ہیں،ایس ایس پی انوسٹی گیشن کا کہنا ہے کہ علاقہ سے CCTVفوٹیج حاصل کی گئی ہیں، ہیومن انٹیلی جینس اور ٹیکنیکل وسائل بروئے کار لائے جا رہے ہیں،نعش کے فنگر پرنٹس اور ڈی این اے شناخت کے لیے بھجوائے جا رہے ہیں،ابتدائی طور پر نعش بظاہر خاتون کی معلوم ہوتی ہے، تاہم پوسٹ مارٹم رپورٹ کی روشنی میں حتمی رائے دی جا سکتی ہے،واقعہ کی تمام زاویوں پر تحقیقات کی جا رہی ہیں، اندوہناک واقعہ میں ملوث ملزم/ملزمان کو گرفتار کرکے قرار واقعی سزادلوائی جائے گی

راولپنڈی : پولیس نے شادی شدہ خاتون سے مبینہ زیادتی کرنے والے سوتیلے بھتیجے کو گرفتار کرلیا ۔

باغی ٹی وی : متاثرہ خاتون نے پولیس کو بتایا کہ ملزم نے بات کرنے کے بہانے کمرے میں لے جاکر زیادتی کی جب کہ پولیس نے فوری مقدمہ درج کرکے ملزم توقیر کو گرفتار کرلیا۔

شادی شدہ خاتون زیادتی کا شکار ،ملزم نے ویڈیو بھی بنا لی

ایس ایچ او کا کہنا ہے کہ مقدمہ کی میرٹ اور حقائق پر تفتیش کی جائے گی، ملزم کو ٹھوس شواہد کے ساتھ چالان کر کے عدالت سے سخت سے سخت سزا دلوائی جائے گی۔

دوسری جانب ایس پی رانا عبدالوہاب نے کہا کہ عورتوں کے ساتھ زیادتی و استحصال نا قابل برداشت ہے۔

قبل ازیں وزیراعظم عمران خان کے شہر میانوالی میں بھی خاتون زیادتی کا نشانہ بن گئی تھی میانوالی تھانہ ہرنولی پولیس نے شادی شدہ خاتون سے زیادتی کرنےوالےملزم عارف کو گرفتارکرلیا تھا ملزم نےخاتون کو بلیک میل کرنےکیلئےموبائل سے ویڈیو بھی بنائی تھی،خاتون کی درخواست پر پولیس نے مقدمہ درج کر کے ملزم کو گرفتار کیاتھا-

ماں بیٹی سے رکشہ میں زیادتی کیس کی ہوئی سماعت

ایک اور واقعہ میں لاہور کے علاقے کوٹ لکھپت کی رہائشی سے ملزم حماد نے دوستی کی اور شادی کا جھانسہ دے کر کوٹ رادھا کشن بلوایا بعدازاں ویران جگہ پر کار کے اندر اس سے زبردستی زیادتی کر ڈالی جبکہ اس کا دوست شیراز نگرانی کرتا رہا، پولیس نے مقدمہ درج کر لیا اور کہنا ہے کہ ملزمان کو جلد گرفتار کر لیں گے-

قبل ازیں بورے والا کی مجا ہد کالونی کے رہائشی محنت کش کی تیرہ سالہ بیٹی گھر کی چھت پر موجود تھی توحید عرف بلا نے اسے دبو چ لیا اور مبینہ طور پر زیادتی کا نشانہ بنا ڈالا-

اورنگی ٹاون سال 2015 بم دھماکے کا مرکزی ملزم گرفتار

راولپنڈی: پولیس نے بینک اے ٹی ایم مشین اسکیمنگ کرکے شہریوں کے لاکھوں روپے لوٹنے والے تین افراد پر مشتمل گینگ گرفتار کر لیا-

باغی ٹی وی : تفصیلات کے مطابق گینگ کے تمام افراد جدید ٹیکنالوجی میں تعلیم یافتہ ہے، ملزمان سے ٹریکنگ ڈیوائسز، بیٹریاں، سادہ اے ٹی ایم کارڈز سمیت وارداتوں میں استعمال ہونے والا دیگر سامان برآمد ہوا-

ایف آئی اے کی کاروائی،بلیک میلنگ میں ملوث دو ملزمان گرفتار

ترجمان پولیس کے مطابق ٹیکسلا پولیس نے کاروائی کرتے ہوئے اے ٹی ایم مشین اسکیمنگ میں ملوث تین رکنی گینگ گرفتار کیاہے،ملزمان عمران، فرحان اور خالد جدید انفارمیشن ٹیکنالوجی میں مہارت رکھتے ہیں، ملزمان بینک کے باہر نصب اے ٹی ایم مشین اسکیمنگ ڈیوائس سے شہریوں کے پیسے لوٹتے تھے۔

ملزمان کے قبضے سے ایک گاڑی، 3 موبائل فونز، نقدی اور دیگر سامان برآمد کرلیا، پولیس کا کہنا تھا کہ ملزمان سائبر کرائم میں ریکارڈ یافتہ نکلے ہیں، مقدمہ درج کرکے مزید تحقیقات کررہے ہیں۔

Olxکے ذریعے شہریوں کو لوٹنے والا گینگ گرفتار

قبل ازیں ایف آئی اے سندھ نے کارروائی کرتے ہوئے بلیک میلنگ ،جعلی اور غیر قانونی کام میں ملوث ملزمان کے خلاف کارروائی کرتے ہوئے دو ملزمان کو گرفتار کر لیا تھا ایڈیشنل ڈائریکٹر FIA/AHTC کراچی کی طرف سے دی گئی ہدایات کے مطابق گزشتہ روز کراچی کے علاقے آغا نور زمزمہ لین 7 دوسری منزل پر واقع ریاض الجنہ ٹریول اینڈ ٹورز پر چھاپہ مارکر ملزم نامزد نفیس حسین زیدی سید ولد ممتاز حسین اور سید عماد حسین ولد نفیس حسین زیدی کو گرفتار کرکے پاکستانی پاسپورٹ، جعلی سٹیمپ، سرٹیفکیٹس اور دیگر دستاویزات برآمد کر لی گئی گرفتار ملزمان پر مختلف ممالک میں ملازمت کے لیے مختلف افراد سے رقم بھی ہتھیانے کا مقدمہ درج کیا گیا-

اینٹی کرپشن افسر سے 350 تولے سونا برآمد

قبل ازیں ایف آئی اے سائبر کرائم سرکل کوئٹہ نے چائلڈ پورنوگرافی میں ملوث شخص کے خلاف کامیاب کارروائی کی ترجمان ایف آئی اے کے مطابق ایف آئی اے سائبر کرائم سرکل کوئٹہ نے آج چھاپہ مار کر ایف آئی آر نمبر 06/2022 میں ملزم سید حافظ احمد جان شاہ سکنہ سیٹلائٹ ٹاؤن کوئٹہ کو گرفتار کر لیا ملزم گوگل فوٹوز کلاؤڈ اسٹوریج میں بچوں کے فحش مواد کی بڑی مقدار کو اپنے قبضے میں رکھنے میں ملوث ہے۔ ڈیجیٹل آلات کو مناسب طریقے سے ضبط کر لیا گیا ہے اور تفصیلی تجزیہ کے لیے ڈیجیٹل فرانزک لیب کو بھیج دیا گیا-

چائلڈ پورنوگرافی کے خلاف سائبر کرائم ونگ ایف آئی اے کا آپریشن جاری

اے این ایف انٹیلیجنس اور اے این ایف راولپنڈی نے جہلم میں مشترکہ کارروائی کے دوران بھاری مقدار میں منشیات برآمد کرلی۔

ناغی ٹی وی : تفصیلات کے مطابق جہلم کی تحصیل سوہاوہ بس اسٹاپ کے قریب تلاشی کے دوران گاڑی سے 7 کلوگرام چرس برآمد ہوئی ہے برآمد شدہ منشیات کی 4 کلوگرام مقدارگرفتار ملزمہ کے ذاتی قبضے، جبکہ 3 کلوگرام مقدار گاڑی کے خفیہ خانوں سے برآمد کی گئی۔

قصور:پولیس کا سرچ آپریشن،بھاری مقدار میں منشیات برآمد ،15 ملزمان گرفتار

اے این ایف کے مطابق گاڑی میں سوار3 ملزمان جن میں راولپنڈی کے رہائشی ثاقب علی، بہزاد حیدر اور لاہور کی رہائشی نسرین بی بی نامی شامل ہیں کو گرفتار کرلیا گیا۔

اے این ایف کے مطابق ملزمان کےخلاف انسداد منشیات ایکٹ کے تحت مقدمہ درج کر لیا گیا ہے اور مزید تفتیش جاری ہے۔

علاوہ ازیں اے این ایف نے اسلام آباد، دامن کوہ کے قریب محسن عالم نامی ملزم کو گرفتار کرلیا ملزم کےقبضے سے 2.4 کلوگرام چرس برآمد ہوئی ہے۔ اے این ایف کے مطابق ملزم کے خلاف انسداد منشیات ایکٹ کے تحت مقدمہ درج کر لیا گیا ہے اور مزید تفتیش جاری ہے۔

اسلام آباد جرائم کا گڑھ :بحریہ ٹاؤن راولپنڈی میں دسویں کلاس کی ایک طالبہ کی خودکشی…

قبل ازیں قصور تھانہ چھانگا مانگا پولیس نے انٹیلی جنس معلومات پرسرچ آپریشن کرکے 15 ملزمان کو گرفتار کیا تھا ملزمان کے قبضہ سے ساڑھے تین کلوگرام چرس، 200 لیٹر شراب اور اسلحہ برآمد ہوا گرفتار ملزمان میں 2 ڈاکو، 5 منشیات فروش اور 8 عدالتی مفروران شامل تھے سرچ آپریشن میں ڈرون کیمروں کا استعمال کیا گیا تھا تاکہ پتنگ بازوں کی حوصلہ شکنی کی جا سکے۔ سرچ آپریشن کے دوران 55 گھروں اور 125 افراد کو چیک کیا گیا۔ سرچ آپریشن کا مقصد جرائم پیشہ ملزمان کی گرفتاری اور پتنگ بازی کا انسداد تھا۔

قبل ازیں ڈسٹرکٹ جیل جہلم میں کھجوروں کی گٹھلیوں میں مشیات اسمگل کرنے کی کوشش ناکام بنا دی گئی تھی منشیات کے مقدمے میں قید اسد خان سے اس کا دوست سہیل شہزاد جیل میں ملاقات کے لئےپہنچا اورکھانا بھی لایا جیل انتظامیہ نے جیل مینوئل کے مطابق کھانا چیک کیا تو کھجورکی گٹھلیوں میں چھپائی گئی چرس برآمد ہوئی۔

ڈسٹرکٹ جیل جہلم میں منشیات اسمگل کرنے کی کوشش ناکام بنا دی گئی

سی پی او راولپنڈی کا کہنا ہے کہ راولپنڈی پولیس نے پتنگ بازی اور ہوائی فائرنگ کرنے والوں کے خلاف گزشتہ 24 گھنٹوں میں بھرپور کریک ڈاؤن کرتے ہوئے 145 افراد کو گرفتار کر لیا ہے۔

باغی ٹی وی : سی پی او راولپنڈی کا کہنا ہے کہ پتنگ بازی پر قابو پانے کے لئے شہر کے مختلف حصوں میں 1600 سے زائد اہلکار تعینات کئے ہیں پولیس نے کاروائی کرتے ہوئے پتنگ بازی میں ملوث ساڑھے سات سو سے زائد افراد کئے جا چکے ہیں جبکہ پچھلے 24 گھنٹوں میں 150 سے زائد افراد کئے ہیں جبکہ 1 لاکھ سے زائد پتنگیں برآمد کی ہیں-

راولپنڈی پولیس نے پتنگ بازی اور ہوائی فائرنگ کرنے والوں کے خلاف گزشتہ 24 گھنٹوں میں بھرپور کریک ڈاؤن کرتے ہوئے 145 افراد کو گرفتار کر لیا ہے۔
سی پی او راولپنڈی نے شہریوں سے گزارش کی ہے کہ پتنگ بازی اور ہوائی فائرنگ جیسے خطرناک کھیل سے اجتناب کریں۔@RwpPolice pic.twitter.com/p69KHdkRbb

— Punjab Police Official (@OfficialDPRPP) February 18, 2022

انہوں نے کہا کہ پتنگ بازی پر قابو پانے کے لئے پولیس کا جو کردار ہے وہ ادا کر رہی ہے ہمارے تمام سینئیر آفیسر ایس ایس پی ڈی ایس پی یہاں موجود ہیں وہاً پر ان والدین کا بھی کردار ہے جو ان کاموں میں ملوث ہیں یہ بڑا خونی کھیل ہے-

سی پی او راولپنڈی نے شہریوں سے گزارش کی ہے کہ پتنگ بازی اور ہوائی فائرنگ جیسے خطرناک کھیل سے اجتناب کریں۔

راولپنڈی میں پتنگ بازی پرعائد پابندی ہوا میں اڑا دی گئی شہر میں ہونے والی پتنگ بازی کے باعث ایک بچہ جاں بحق اور متعدد زخمی ہو چکے ہیں۔

میڈیا رپورٹس کے مطابق پتنگ بازی پر عائد پابندی کے نتیجے میں ڈھوک کالا خان میں ایک بچہ چھت سے گر کر جاں بحق ہو گیا ہے پولیس ذرائع کے مطابق بچہ چھت سے پتنگ پکڑنے کی کوشش کر رہا تھا کہ توازن برقرار نہیں رکھ سکا اور گر کر جاں بحق ہو گیا۔

غیر برادری میں شادی ،باپ نے بیوی اور بیٹیوں کو مار کر خودکشی کر لی

باخبر ذرائع کے مطابق صرف راولپنڈی کی حدود میں پتنگ بازی کے دوران کی جانے والی ہوائی فائرنگ اور ڈور پھرنے سے 60 افراد زخمی ہو چکے ہیں ترجمان ریسکیو کے مطابق زخمی ہونے والے افراد کو راولپنڈی کے مختلف اسپتالوں میں علاج معالجے کے لیے داخل کیا گیا ہے۔

بھائی کے قاتل کو گرفتار نہ ہوئے توخود کو تھانے کے سامنے آگ لگا دوں گا، اینکر پرسن طارق متین

پتنگ بازی کی وجہ سے اسلام آباد ایکسپریس وے، مری روڈ، اڈیالہ روڈ، لالہ زار، پرانا ایئرپورٹ روڈ، گلزار قائد، کار چوک، ڈھیری، لال کرتی، کھنہ پل اور جھنڈا چیچی پل سمیت شہر کی مختلف اہم شاہراہوں پر پتنگ لوٹنے والے بچوں اور بڑوں کی بھاگ دوڑ متعدد گاڑیوں کے ایکسیڈنٹس کا سبب بن رہی ہے اور لڑائی جھگڑے بھی ہو رہے ہیں۔

جبکہ افسوسناک بات یہ ہے کہ پولیس قانون پر عمل درآمد یقینی بنانے کے بجائے صرف خاموش تماشائی کا کردار ادا کرتی دکھائی دیتی ہے جبکہ دوسری جانب یہ بھی سوالات زیرگور ہیں کہ شہر میں پتنگ بازی پر پابندی عائد ہے تو پتنگوں اور ممنوعہ ڈور کی دستیابی شہر میں کس طرح ممکن ہو رہی ہے؟ ممنوعہ اشیا فروخت کرنے والوں کے خلاف کریک ڈاؤن کیوں نہیں کیا جا رہا؟

چائلڈ پورنوگرافی میں ملوث ملزم گرفتار،فحش مواد برآمد

راولپنڈی: دوسری شادی کی خواہش پر بیوی نے شوہر کو قتل کردیا اور موقع سے فرار ہوگئی۔

باغی ٹی وی : پولیس کے مطابق 50 سالہ مقتول ذوالفقار علی دوسری شادی کرنا چاہتا تھا جس پر بیوی روبینہ نے فائرنگ کرکے اسے قتل کردیا اور موقع سے فرار ہوگئی۔

سی پی او راولپنڈی عمر سعید ملک نے قتل واردات کا نوٹس لیتے ہوئے ایس ایچ او تھانہ صدربیرونی کو فوری ملزمہ کو گرفتار کرنے کا حکم دے دیا۔

دوسری شادی کی خواہش، بیوی نے شوہر کی انگلیاں توڑ دیں

قبل ازیں متحدہ عرب امارات (یو اے ای) میں ایک خاتون نے دوسری شادی کی خواہش پر اپنے شوہر کی انگلیاں توڑ دیں تھیں متحدہ عرب امارات کی ریاست الفجیرہ میں میاں بیوی کے درمیان معمولی سے بات پر جھگڑا ہوگیا، دونوں نے ایک دوسرے کو زدوکوب کیا اور مارا پیٹا شوہر نے تھپڑ مارا جس کی وجہ سے اس کی بیوی کی سماعت پر فرق پڑا اور اسے سننے میں مشکلات پیش آنے لگیں اس دوران بیوی نے خود کو کمرے میں بند کرلیا شوہر نے دروازہ توڑنے کی کوشش کی جس پر مشتعل بیوی نے اچانک دروازہ کھول کر شوہر کی انگلیاں پھنسا دی۔

حسنین شاہ کو کرائے کے قاتلوں کے ذریعے قتل کرائے جانے کا انکشاف

دروازے میں ہاتھ آنے سے شوہر کی انگلیوں کی ہڈیاں ٹوٹ گئیں اور ایمرجنسی میں اسپتال جانا پڑا اس دوران بیوی تھانے پہنچ گئی اور شوہر کیخلاف مقدمہ درج کرانے کی درخواست کی جس پر پولیس نے بتایا کہ آپ کے شوہر نے پہلے ہی آپ پر مقدمہ کر رکھا ہے وہ اپنے شوہر کے دوسری عورت سے شادی کرنے کے فیصلے اور اسے ازدواجی حقوق دینے سے انکار پر طیش میں آگئی تھی۔

پولیس نے دونوں کو گرفتار کرکے فیملی کورٹ میں پیش کیا متحدہ عرب امارات کی فوجداری عدالت نے ایک 25 سالہ ایشیائی خاتون کو دوسری عورت سے شادی کرنے کے بارے علم ہونے پر شوہر کی انگلیاں توڑنے کے جرم میں 6 ماہ قید اور ملک بدری کی سزا سنائی –

گجرات پولیس نے اغوا ہونے والا 2 سال کا بچہ بازیاب کروا لیا:اغوا کار کون؟سُن کرسب…

اس سے قبل پنجاب کے صوبائی دارالحکومت لاہور میں شوہر نے بیوی پر تیزاب پھینک دیا تھا ڈی آئی جی آپریشنز ڈاکٹر محمد عابد خان نےواقعہ کا نوٹس لیا اور ایس پی سٹی حفیظ الرحمان بگٹی کی قیادت میں شفیق آباد پولیس نے بروقت کاروائی کی، شفیق آباد پولیس نے کاروائی کرتے واقعہ میں ملوث ملزم عاقب کو گرفتار کر لیا .ترجمان پولیس کا کہنا ہے کہ واقعہ گھریلو ناچاقی لڑائی جھگڑا پر پیش آیا,زخمی خاتون کو طبی امداد کے لئے ہسپتال منتقل کیا جو علاج معالجہ کے بعد گھر واپس آ گئی ،ملزم کے خلاف مقدمہ درج کر لیا گیا ہے اور تفتیش جاری ہے، ایس پی سٹی حفیظ الرحمان بگٹی کا کہنا ہے کہ خواتین پر تشدد اور جنسی استحصال کرنے والوں کے خلاف فوری قانونی کاروائی عمل میں لائی جا رہی ہے,

ہائی کورٹ نے ریپ کیس میں متاثرہ کمسن بچی کا بیان بھی قابل تسلیم گواہی قراردیا