Category: راولپنڈی

شہری کی شکایت پر سی پی او محمد احسن یونس نے نوٹس لے لیا ہے، ایس ایچ او کینٹ اعزاز عظیم، اے ایس آئ اسحٰق، اے ایس آئ عامر، محرر محمد علی، ڈی ایف سی علی، اور کانسٹیبل عابد کو معطل کر کے پولیس لائنز رپورٹ کرنے کا حکم دیا گیا ہے، شہری نے شکایت کی تھی کہ تھانہ کینٹ کے سٹاف نے مشکوک گاڑی قبضہ پولیس میں لی اور ملزمان کے خلاف قانونی کاروائ کی بجاۓ رشوت طلب کی ہے، شہری کی شکایت پر ایس ایس پی آپریشنز شعیب محمود اور ایس پی پوٹھوہار تصور اقبال کو فوری انکوائری کا حکم دیا گیا ہے، معاملہ کی مفصل انکوائری جلد از جلد مکمل کر کے رپورٹ سی پی او کو پیش کی جاۓ گی، جزا اور سزا دونوں ضروری امر ہیں، اچھے کام پر جزا کے ساتھ ساتھ غلط کام پر سزا بھی محکمانہ پالیسی کا حصہ ہے، بدعنوانی کی شکایت کسی صورت قابل برداشت نہیں ہے، ایسے فعل میں کوئ بھی ملوث پایا گیا تو اس کے خلاف کاروائ کی جاۓ گی، راولپنڈی پولیس صرف اور صرف میرٹ پر یقین رکھتی ہے اور خود احتسابی کی پالیسی کو ہر صورت یقینی بنایا جائے گا.

راولپنڈی سے چکوٹھی جانے والی مسافر وین تھانہ چھتر کلاس کی حدود میں کوہالہ ضامن آباد کے مقام پر گہری کھائی میں جا گری جس میں 3 بچوں سمیت 9 افراد جانبحق ۔

جبکہ 16 افراد زخمی ۔زخمیوں کو ایمز اور سی ایم ایچ ہسپتال مظفرآباد منتقل کر دیا گیا۔وزیر اعظم آزاد کشمیر نے حادثے پر افسوس کا اظہار کیا ہے اور حادثے کی وجوہات جاننے کے لیے رپورٹ طلب کرلی ہے۔

راولپنڈی فوڈ سیفٹی ٹیم کا ننکاری بازار میں معروف ٹریڈرز کے گودام پر چھاپہ۔62000 ساشے گٹکااور 720جعلی اور غیر قانونی انرجی ڈرنکس کی بھاری مقدار تلف کر دی گئی۔ مضر صحت گٹکے کو راولپنڈی ویسٹ منیجمنٹ کمپنی ڈمپنگ سائٹ پر تلف کیا گیا ہے۔ مزید کارروائیوں میں گجر خان، غزنی روڈ اور راول ٹاؤن میں مختلف فوڈ پوائنٹس کی چیکنگ کی گئی۔

حفظان صحت کے ناقص انتظامات پر 7 یونٹس کو بھاری جرمانے کیے گئے ہیں۔معمولی نقائص پر 32 فوڈ پوائنٹس کو وارننگ نوٹسز جاری کیے گئے ہیں۔ گٹکا ایک خاموش زہر قاتل، کینسر سمیت متعدد موذی امراض کا باعث بنتا ہے۔

راولپنڈی پولیس کے ایک ہفتہ کے دوران تین مبینہ پولیس مقابلے ہوئے۔پولیس ایک اور نیوٹاون کے علاقہ ڈبل روڈ پر مبینہ پولیس مقابلے کا دعویٰ کیا ۔19 مئی کو تھانہ بنی، 21 مئی کو تھانہ رتہ امرال اور آج نیو ٹاون میں پولیس کا مبینہ ایکشن ۔گزشتہ ایک ہفتے کے دوران تینوں مبینہ مقابلوں میں پولیس اہلکار محفوظ رہے ۔پولیس کی فائرنگ سے ایک شخص زخمی ہوگیا۔

شہری نے ڈولفن ٹیم کو موبائل سنیچنگ کی اطلاع دی جس پر ڈولفن فورس نےموٹرسائیکل سوار ملزمان کا تعاقب کیا۔پولیس کو تعاقب کرتا دیکھ کے ملزمان نے فائرنگ شروع کر دی۔
زخمی شخص کے قبضہ سے مبینہ 03 موبائل فون اور پسٹل برآمد ہونے کا دعوی۔زخمی کو ہسپتال منتقل کیا گیا ہے جس کی شناخت پریڈ کروائ جاۓ گی۔

انسپکٹر جنرل آف پنجاب انعام غنی کی ٹریفک ہیڈ کواٹر راولپنڈی آمد۔آر پی او راولپنڈی عمران احمر ،سی پی او راولپنڈی احسن یونس اور دیگر سینئر افسران بھی ان کے ہمراہ تھے۔
چیف ٹریفک آفیسر راولپنڈی رائے مظہر اقبال نے آئی جی پنجاب اور دیگر سینئر افسران کا پرتپاک استقبال کیا۔

ریڈیو اسٹیشن88.6 ،کانسٹیبل غلام اصغر شہید ڈرائیونگ سکول،ون ونڈو لائسنسنگ سسٹم اور پولیس ویلفیئر مرکز سمیت دیگراہم برانچز کا معائنہ بھی کیا۔ریڈیو اسٹیشن88.6 کے معائنہ کے دوران شہریوں سے لائیو کال کے ذریعے بات چیت بھی کی۔

صوبہ پنجاب میں پہلی بارشہریوں کو پیپر لیس لائسنسنگ سسٹم فراہم کرنے پرراولپنڈی ٹریفک پولیس کی تعریف کی۔ آئی جی پنجاب نے راولپنڈی ٹریفک پولیس کی طرف سے جدید ٹیکنالوجی کے استعمال کے ذریعے شہریوں کو فراہم کردہ سہولیات کو سراہا۔

ٹریفک پولیس کی طرف سے جدید ٹیکنالوجی کے استعمال کے ذریعے شہریوں کوسہولیات فراہم کی جا رہی ہیں۔راولپنڈی ٹریفک پولیس جدید ٹیکنالوجی سے استعفادہ حاصل کر رہی ہے۔آئی جی پنجاب انعام غنی

ون ونڈو لائسنسنگ سسٹم ،پکار اپلیکشن،باڈی کیم، ای چالاننگ پیمنٹ سسٹم وغیرہ راولپنڈی ٹریفک پولیس کے وژن کے اہم حصے ہیں۔ راولپنڈی ٹریفک پولیس نے شبانہ روز محنت اور عوام الناس کی خدمت کے ذریعے اندرون و بیرون ملک نیک نامی اور شہرت حاصل کی ہے۔

راولپنڈی پولیس کے ڈی ایس پی سہیل ممتاز کورونا کے خلاف جنگ لڑتے ہوۓ شہید ہوگئے۔ ڈی ایس پی کورونا کے مرض میں مبتلا ہونے کے بعد راولپنڈی انسٹیٹیوٹ آف یورالوجی میں زیر علاج تھے۔آپ بطور ایس ڈی پی او کوٹلی ستیاں اپنے فرائض سرانجام دے رہے تھے، فرض کی ادائیگی کے دوران موذی مرض کا شکار ہوئے۔

شہید ڈی ایس پی کی نماز جنازہ ایس او پیز کے مطابق ادا کی جاۓ گی۔شہید کے اہل خانہ کے غم میں برابر کے شریک ہیں اور دکھ کی اس گھڑی میں ان کے ساتھ کھڑے ہیں۔ڈی ایس پی سہیل ممتاز انتہائی محنتی، ملنسار اور شفقت بھری شخصیت کے مالک تھے۔

راولپنڈی پولیس کورونا کے خلاف جنگ میں فرنٹ لائن پر کردار ادا کرتی رہے گی تاہم افسران و اہلکار فیس ماسک، گلوز، سینیٹائزر اور دیگر حفاظتی اقدامات پر عملدرآمد کو یقینی بناۓ، سی پی او راولپنڈی محمد احسن یونس
نے اپنے جذبات کا اظہار کیا۔