سرگودھا۔(اے پی پی) انجمن تاجران شہر و ضلع سرگودھا کے انتخابات کیلئے مختلف تاجر تنظیمیں متحرک ہوگئی ہیں سرگودھا چیمبر آف کامرس اینڈ انڈسٹری کے انتخابات کے بعد تاجر تنظیموں نے بھی اپنے انتخابات کروانے کیلئے اقدامات کو حتمی شکل دینا شروع کردی ہے گزشتہ کئی برس سے انجمن تاجران شہر و ضلع سرگودھا کے انتخابات نہیں ہوئے تاجروں کے آپس کے اختلافات کے باعث تاجر تنظیمیں دو دھڑوں میں تقسیم ہوکر رہ گئی ہیں اب تاجروں نے مرکزی انجمن تاجران شہر و ضلع سرگودھا کے نئے انتخابات کروانے کیلئے اقدامات شروع کردیئے ہیں اور نومبر کے وسط تک تمام دھڑوں کو متحد کرکے مرکزی انجمن تاجران شہر و ضلع سرگودھا کے انتخابات کروا ئے جانے کا امکان ہے۔
Category: سرگودھا
-
ایسا شہر جہاں مغلیہ دور سے بھی پرانا نظام رائج ہے
سرگودہا(نمائندہ باغی ٹی وی)سائنس و ٹیکنالوجی کی اکیسویں صدی کی19 بہاریں گزر جانے کے باوجود سرگودھا شہر جو چالیس لاکھ نفوس پر مشتمل ہے، شہر میں پینے کے پانی کا نظام مغل دور سے بھی پرانا ہے۔پورے شہر کی آبادی پینے کے پانی سے محروم ہے اور ہینڈ پمپ سے کین میں پا نی بھر کر لانے پر مجبور ہے۔شہریوں کا کوئی پرسان حال نہیں کئی حکومتیں آئیں اور چلی گئییں مگر عوام کو بنیادی سہولت پانی تک مہیا نہ کر سکیں.یاد رہے سرگودہا شہر کا پانی انتہائی کڑوا اور کھارا ہے جو نہ تو نہانے کیلیے استعمال ہو سکتا ہے اور نہ ہی برتن دھونے کیلیے پینا تو بہت دور کی بات ہے
-
پودے لگانے کے بعد ان کی خفاظت اصل ذمہ داری ہے،ڈپٹی کمشنر
سرگودہا(نمائندہ باغی ٹی وی) ڈپٹی کمشنر خوشاب مسرت جبیں نے کہا ہے کہ درخت قدرت کا بہترین عطیہ ہیں جو ہمارے لیے سایہ اور صاف ستھر ا ماحول پییدا کرتے ہیں -اس لیے پودوں کولگانے کے بعد اس کی حفاظت کرنا اصل ذمہ داری ہے -وہ شیلٹر ہوم میں پودے لگانے کی تقریب سے ان خیالات کا اظہار کر رہی تھیں -تقریب میں اے ڈی سی (جی)نادیہ شفیق،ڈپٹی ڈائریکٹر سوشل ویلفیئر ملک امتیاز احمد،وومن کرانسز سنٹرکی انچارج سعد یہ ملک سپر ٹنڈنٹ شیلٹر ہوم آمنہ حیات اور دیگر افسران موجو دتھے -بعد ازاں ڈپٹی کمشنر نے شیلٹر ہوم میں مقیم خواتین کی رہائش،کچن ان کے کھانے پینے کا بندوبست وغیرہ کا معائنہ کیا -ڈپٹی کمشنر نے وہاں مقیم خواتین سے گفتگو بھی کی –
-
خوشاب کی طالبہ نے صوبہ بھر کے تقریری مقابلوں میں اول پوزیشن حاصل کر لی
سرگودہا،خوشاب(نمائندہ باغی ٹی وی) ڈپٹی کمشنر خوشاب مسرت جبیں نے گورنمنٹ جوہر ڈگری کالج برائے خواتین جوہرآباد کی فورتھ ا ئیر کی طالبہ زویہ اکبر کو صوبہ بھرمیں اردو تقریری مقابلوں میں اول پوزیشن حاصل کرنے پر تعریفی سر ٹیفکیٹ دیا -ڈپٹی کمشنر نے طالبہ کی محنت کو سراہا اور ضلع کا نام روشن کرنے پر مبارکبار دی -سرٹیفکیٹ دینے کا اہتمام ڈی سی آفس میں کہا گیا تھا -اس موقع پر وہاں ایڈیشنل ڈپٹی کمشنر (جنرل) نادیہ شفیق،ڈپٹی ڈائریکٹر کالجز تنویر احمد قریشی اور طالبہ زویہ اکبر کے والدین بھی موجود تھے –
-
یونیورسٹی آف میانوالی میں جونئیر پروفیسر کی بطور وائس چانسلر تعیناتی
سرگودہا.میانوالی(نمائندہ باغی ٹی وی) یونیورسٹی آف میانوالی میں جونیئر پروفیسر کو قائم مقام وائس چانسلر تعینات کرنے کی سفا ر ش کیے جانے کا انکشاف
ایچ ای ڈی نے فل ٹائم گورنر پنجاب چوہدری سرور کی بجائے قائمقام گورنر سپیکر پرویز الہی سے سمری منظور کرا لی، قائم مقام وائس چانسلر ڈاکٹر الیاس طارق پر بطور میانوالی سب کیمپس ڈائریکٹر کے ہراسمنٹ اور کرپشن کے سنگین الزامات ہیں، ڈاکٹر الیاس طارق کو تحقیقاتی کمیٹی نے کسی بھی انتظامی عہدہ کیلئے نا اہل قرار دیا،
وزیر اعظم کے حلقہ میں بننے والی نئی میانوالی یونیورسٹی میں پہلی تعیناتی کی بنیاد ہی کرپشن بن گئی،
ڈاکٹر الیاس طارق محکمہ فشریز سے ریٹائر جبکہ پشاور، لاہور، کراچی یونیورسٹیوں کے پروفیسرز کی کمیٹی نے ان کو پروفیسر شپ کیلئے نا اہل قرار دیا، ڈاکٹر الیاس طارق میانوالی کیمپس میں بطور ڈائریکٹر تعیناتی کے دوران فی میل سٹاف نے جملے کسنے پر ہراسمنٹ کا کیس کیا، ڈاکٹر الیاس طارق شعبہ کیمسٹری سرگودھا یونیورسٹی کے جونیئر ترین پروفیسر ہیں، گورنر چوہدری سرور کے بیرون ملک دورہ کے دوران ایچ ای ڈی نے سمری وزیر اعلیٰ سے منظور کروا کے قائم مقام گورنر چوہدری پرویز الہی سے بھی منظور کرا لی، -
موٹروے پر خوفناک حادثہ پانچ افراد کی جان لے گیا
سرگودھا(نمائندہ باغی ٹی وی).موٹر وے پر کلرکہار کے قریب بس اور ٹرالر کے تصادم میں جانبحق افرادکی تعداد پانچ ھو گئی.کلر کہارکے قریب حادثہ ٹرالر کے بریک فعل ھونے سے پیش آیا . موٹر وے پولیس کے مطابق حادثہ کاشکار بس سرگودھا سے ماتمی حضرات کو محرم کےجلوس میں شرکت کیلیئے تلہ گنگ لے جارھی تھی.ہسپتال ذرائع کے مطابق حادثہ میں تین افراد موقع پر جانبحق جبکہ دو زخمی ٹراما سنٹر کلرکہار میں دم توڑ گئے.بس اور ٹرالر کے تصادم میں چودہ افراد زخمی ھوئےجن میں پانچ کی حالت نازک ھے..حادثہ کے زخمیوں کو کلرکہار اور چکوال کے ھسپتالوں میں منتقل کردیا گیا.
-
ڈسٹرکٹ ہیلتھ اتھارٹی خوشاب کے زیر اہتمام سیمینار اور واک
سرگودہا،خوشاب (نمائندہ باغی ٹی وی )ڈسٹرکٹ ھیلتھ ڈیویلپمنٹ سنٹر خوشاب میں ڈینگی آگاہی سیمینار کا انعقاد کیا گیا جس کی سربراہی ڈپٹی کمشنر خوشاب مسرت جبین نے کی اس کے بعد
ڈسٹرکٹ ھیلتھ اتھارٹی خوشاب کے زیراھتمام ڈینگی آگاھی واک ڈپٹی کمشنر خوشاب محترمہ مسرت جبین صاحبہ کی زیر نگرانی ھوئی جس میں محکمہ تعلیم، محکمہ جنگلات، محکمہ بہبودآبادی اور سوشل ویلفیئر ڈیپارٹمنٹ نے شرکت کی.
ڈاکٹر راؤگلزار یوسف ڈسٹرکٹ ھیلتھ آفیسر اور میڈم سعدیہ فیروز انچارج بینظیر پروگرام نے ڈپٹی کمشنر خوشاب محترمہ مسرت جبین صاحبہ کو ڈینگی آگاھی سیمینار میں ویلکم کیا.
-
ڈسٹرکٹ پولیس لائنز جوہر آباد میں پولیس دربار ،ڈی پی او خوشاب کا خطاب
سرگودہا(نمائندہ باغی ٹی وی )رانا شعیب محمود ڈسٹرکٹ پولیس آفیسر خوشاب نے ڈسٹرکٹ پولیس لائنز جوہرآباد میں دربار کا انعقاد کیا جس میں میڈم ایس پی زبیدہ پروین، ڈی ایس پی صاحبان اور ایس ایچ اوز صاحبان کے علاوہ ایلیٹ فورس، ٹریفک پولیس، لیڈیز فورس اور دفتر پولیس کا سٹاف بھی موجود تھا. ڈی پی او خوشاب نے خطاب کرتے ہوئے کہا کہ اپنے فرائض کو نہایت ایمانداری اور نیک نیتی سے سرانجام دیں. شہریوں کو زیادہ سے زیادہ ریلیف دیں اور انصاف کی فراہمی کو یقینی بنائیں، میرٹ کی پالیسی کو اپنایا جائے اور پولیس کے سافٹ امیج کو فروغ دینے کے لیے عوام دوست پالیسی اپنائیں. مزید کہا کہ پولیس ملازمین کی ویلفیئر، ریٹائرڈ پولیس ملازمین اور شہداء کی فیملیز کے لیے میرے دفتر کے دروازے ہمیشہ کھلے ہیں،
-
سرگودہا یونیورسٹی کی طالبات کی کشمیری خواتین کے حق میں واک
سرگودہا(نمائندہ باغی ٹی وی)ملک بھر کی طرح گزشتہ روز سرگودہا میں بھی جمعہ کے روز یکجہتی کشمیر کے حوالے سے پروگرامات اور ریلیوں کا انعقاد کیا گیا اس سلسلے میں سرگودہا یونیورسٹی میں شعبہ فارمیسی سے تعلق رکھنے والی میڈیکل کی طالبات نے خصوصی واک کا اہتتمام کیا جس میں یونیورسٹی کی طالبات اور پروفیسرز نے بھرپور شرکت کی اس موقع پر طالبات کا کہنا تھا کہ ہم اپنی کشمیری بہنوں سے اظہار یکجہتی کیلیے جمع ہوئی ہیں کشمیر کی طالبات بہت بلند حوصلے اور ہمت والی ہیں جو اپنے بھائیوں اور اپنے والدین کی قربانیاں دے کر بھی ڈٹی ہوئی ہیں اور بھارتی فوج کے سامنے سیسہ پلائی ہوئی دیوار بن کر کھڑی ہیں تعلیم ان کا بھی حق ہے مگر ظالم بھارتی افواج نے آج 45 روز تک کرفیو لگا کے مظلوم کشمیری طالبات کو بھی گھروں میں محصور کر دیا ہے عالمی دنیا کو چاہیے کہ فوری اس کا نوٹس لے اور بند تعلیمی اداروں کو کھولا جائے
-
محکمہ اینٹی کرپشن کی کاروائی مختلف ڈیفالٹر وں سے رقم وصول
سرگودھا۔(اے پی پی)محکمہ اینٹی کرپشن کی کاروائی مختلف ڈیفالٹر وں سے رقم ریکورکروالی، تفصیلا ت کے مطابق ڈائریکٹر جنرل اینٹی کرپشن پنجاب کی ہدایات اورڈائریکٹر اینٹی کرپشن سرگودھا کی سربراہی میں اینٹی کرپشن سرگودھا نے، سرگودھا ڈویژن میں میونسپل کارپوریشن سرگودھا کے نادہندوں کے خلاف کاروائیاں کرتے ہوئے محمد خرم انور، اسسٹنٹ ڈائریکٹر (تفتیش) اینٹی کرپشن سرگودھا کی نگرانی میں میونسپل کارپوریشن سرگودھا نے فاطمہ جناح پر واقع سرکاری دوکانات کے نادہندوں سے13لاکھ98ہزار9سو56روپے ریکور کر کے خزانہ سرکار میں جمع کروا دئیے۔اسی طرح محکمہ اینٹی کرپشن ضلع بھکر میں بھی سرگرم عمل ہے اور میونسپل کارپویشن بھکر کے نادہندوں سے محمد اصغر، اسسٹنٹ ڈائریکٹر اینٹی کرپشن بھکر کی نگرانی میں میونسپل کارپوریشن بھکر نے نادہندوں سے 10لاکھ 7سو11روپے ریکور کر کے خزانہ سرکار میں جمع کروا دئیے۔