Category: سرگودھا

سرگودہا(نمائندہ باغی ٹی وی ) ڈپٹی کمشنر خوشاب مسرت جبیں نے کہا ہے کہ 6 ستمبر ڈیفنس ڈے کشمیریوں سے یکجہتی کے ساتھ بھر پور طریقے سے منایا جائیگا -انہوں نے کہا ہے کہ حکومت کی ہدایات پر سیمینار کے انعقاد اور ریلی نکالنے کا اہتمام کر لیا گیا ہے -یہ بات انہوں نے ڈی سی کانفرنس روم میں ڈیفنس ڈے کے پروگرام کے انتظامات کا جائیزہ لیتے ہوئے ایک اجلاس میں بتائی -اجلاس میں ایڈیشنل ڈپٹی کمشنر (جنرل) خوشاب نادیہ شفیق،اسسٹنٹ کمشنر خوشاب افتخار حسین بلوچ،سی ای او ہیلتھ ڈاکٹر امان اللہ،ڈپٹی ڈائریکٹر سوشل ویلفیئر امتیاز احمد مانگٹ،ڈسٹرکٹ ایمر جنسی آفیسر ریسکیو 1122 ڈاکٹر نیئر عالم خان، ڈپٹی ڈائریکٹر ڈویلپمنٹ رحمت علی باجوہ،ڈی ایم اوخیضراں علی کے علاوہ دیگر محکموں کے افسران موجود تھے – 6 ستمبر کو گورنمنٹ ٹیکنیکل ہائی سکول جوہر آباد میں ساڑھے 8 بجے سیمینار کا انعقاد ہو گا -پروگرام کے مطابق 8بجکر 58 منٹ پر سائیرن اور پرچم کشائی کی جا ئے گی -بعد ازاں پاکستان اور کشمیر کے ترانے،2منٹ کی خاموشی،قرآت نعت،ملی نغمے،تقاریر کی جائینگی اور آخر میں ڈپٹی کمشنر مسرت جبیں سیمینار سے خطاب کر یں گی -سیمینار کے بعد 10 بجے دن گورنمنٹ ٹیکنیکل ہائی سکول جوہر آبا دتا گورنمنٹ کالج چوک تک ریلی نکالی جائیگی –

ساہیوال /سرگودھا(نمائندہ باغی ٹی وی) ٹی ایچ کیو ہسپتال ساہیوال سرگودھا میں ویکسی نیٹر دن دہاڑے لڑکی کے ساتھ کمرہ میں برہنہ حالت میں رنگ رلیاں مناتے ہوئے پکڑا گیا ویکسی نیٹر نے ہسپتال میں کمرہ لے رکھا تھا جس میں سامان وغیرہ رکھا جاتا تھا موصوف لڑکی کے ساتھ کمرہ میں حرام کاری میں مصروف تھا کہ محکمہ صحت کے ذمہ دار آفیسر نے پکڑ لیا واقعے پر عوامی، سماجی، شہری، صحافی، کاروباری حلقوں نے شدید احتجاج کرتے ہوئے محکمہ صحت کے ویکسی نیٹر کی برطرف کرنے اور ایم ایس کلرک و دیگر جو عرصہ دراز سے تعینات عملہ کو ضلع بدر کیا جائے۔ٹی ایچ کیو اسپتال ساہیوال میں اس قسم کی درجنوں وارداتیں ہو چکی ہیں یہ اسپتال ومحکمہ ہیلتھ پنجاب کے لیے بدنما داغ بن چکا؛ ہے

سرگودہا(نمائندہ باغی ٹی وی )سینئر رہنما پاکستان مسلم لیگ ن وسابق رکن قومی اسمبلی حلقہ این اے 91 ڈاکٹر ذوالفقار علی بھٹی نے باغی ٹی وی سے خصوصی گفتگو میں کہا ہے کہ آ ج پھر پور ی قو م کو متحد ہو کر 6ستمبر 1965کے جذ بہ کے تحت ملک کی ترقی وخوشحالی کیلئے کام کرناہوگا کیونکہ پاکستا ن کی ترقی وخوشحالی ہما ر ی منز ل ہے وطن کے دفاع بقا و سلامتی کیلئے ہمیں اپنی حکو مت کے ہاتھ مضبوط کر نا ہو ں گے 6ستمبر یو م دفاع پاکستا ن کی تاریخ میں ایک یادگا ر د ن ہے جس د ن وطن عز یز کے عظیم سپوتوں نے قر با نیاں د ے کر اپنے اذلی دشمن بھا ر ت کے دانت کھٹے کیے تھے ہما ر ی افواج دنیا کی بہتر ین افوا ج ہیں‘ وطن عزیزکے دفاع بقاوسلامتی کیلئے حکومت افوا ج پاکستا ن اور پوری قوم ایک پیج پر ہیں ہم وطن عز یز کے تحفظ کیلئے آئندہ بھی کسی قر بانی سے در یغ نہ کریں گے۔

سرگودہا،خوشاب(نمائندہ باغی ٹی وی)وفاقی محتسب سیکرٹریٹ ریجنل آفس فیصل آباد کے کنسلٹنٹ مشتاق احمد نے وفاقی حکومت کے زیر انتظام اداروں کی بد انتظامی اور لوگوں کی شکایات کے ازالہ کے لیے ضلع کونسل خوشاب میں ایک کھلی کچہری لگائی۔کھلی کچہری میں فیسکو،سوئی گیس، پوسٹ آفس،نیشنل بینک،نادرا،پی ایل آئی،ریلوئے اور ای او بی آئی وغیرہ کے خلاف سابقہ 28درخواستوں پر غور کیا گیا۔فوری حل طلب درخواستوں پر ضروری کاروائی کرکے نمٹا دی گئیں اور بقیہ درخواستوں پر فوری ایکشن لینے کی متعلقہ محکموں کو ہدایات دی گئیں۔کھلی کچہری میں نئی 5درخواستیں وصول ہوئیں جن میں ایف آئی ائے اور سوئی گیس کے خلاف ایک ایک اور فیسکو واپڈا کے خلاف تین درخواستیں تھیں۔ ان پر کاروائی کرتے ہوئے متعلقہ محکموں کو فوری ازالہ کے لیے ہدایات جاری کی گئیں۔کھلی کچہری میں فیسکو،گیس،پوسٹ آفس، نیشنل بینک،نادرا اور دیگر وفاقی محکموں کے افسران اور سائلین موجود تھے۔