5 ماہ میں 7 شادیاں کرنے والی سرگودھا کی دوشیزہ گرفتار
باغی ٹی وی – سرگودھا، جوہر کالونی کی 18 سالہ ثنا نے 5 ماہ میں 7 شادیاں کیں اور اپنے شوہروں کے گھروں کا صفایا کرکے غائب ہوگئی۔
سرگودھا کے علاقے جوہر کالونی کی رہائشی 18 سالہ ثنا نے 5 ماہ میں 7 نوجوانوں کو بے وقوف بنایا اور ان سے شادی کرکے لوٹنے کے بعد فرار ہوگئی تاہم ثنا اب قانون کے شکنجے میں آ گئی ہے اور اسے جیل بھیج دیا گیا ہے۔
پولیس کے مطابق دوشیزہ نے ایک گروپ بنا رکھا تھا جس میں اس کے جعلی ماں باپ، بھائی اور رشتہ دار شامل تھے، ثنا کے جھوٹے رشتے دار کنوارے لڑکوں کو شادی کا جھانسہ دے کر جہیز کی تیاری کے نام پر لاکھوں روپے وصول کرتے تھے جب کہ لڑکی شادی کرنے کے بعد اپنے شوہروں کے گھروں کا قیمتی سامان چوری کرکے غائب ہوجاتی تھی۔
پولیس حکام کا کہنا ہے کہ نوسرباز گروہ کا انکشاف اس وقت ہواجب لڑکی سے شادی کرنے اور لٹنے والے 2 نوجوانوں نے پولیس کو درخواست دی اور سیشن کورٹ میں اپنے اپنے نکاح نامے پیش کئے۔ پولیس نے ثنا کو گرفتار کرکے عدالت میں پیش کیا جہاں سے اسے جیل بھجوا دیا گیا۔ عدالت نے حکم دیا کہ ملزمہ کے دیگر ساتھیوں کو بھی گرفتار کرکے عدالت میں پیش کیا جائے گا۔
Category: سرگودھا
-
5 ماہ میں 7 شادیاں کرنے والی پھولن دیوی گرفتار
-
توشہ خانہ کیس کی کھلی سماعت کی جائے، عمران خان
پاکستان تحریک انصاف (پی ٹی آئی) کے چیئر مین اور سابق وزیراعظم عمران خان نے چیلنج کرتے ہوئے کہا ہے کہ توشہ خانہ کیس کی کھلی سماعت کی جائے، نوازشریف، زرداری، یوسف رضا گیلانی کے توشہ خانہ کیسز کو بھی سنا جائے، دودھ کا دودھ اورپانی کا پانی ہوجائے گا۔ چار لوگوں نے بند کمرے میں بیٹھ کر سازش کی اور پھر مجھے نااہل کروانے کا منصوبہ بنایا۔
پی ٹی آئی حکومت جاتے جاتے ہمارے لیے گڑھے کھود کر گئی،وزیراعظم
سرگودھا میں پاکستان تحریک انصاف کے جلسے سے خطاب کرتے ہوئے سابق وزیراعظم نے کہا کہ اللہ تیری عبادت اورتجھ سے ہی مدد مانگتے ہیں،سرگودھا میں سوچا نہیں تھا لوگ اتنی تعداد میں جلسے میں آئیں گے، جلسے میں بڑی تعداد میں خواتین کے آنے پرشکریہ ادا کرتا ہوں، سیلاب کی وجہ سے متاثرین مشکلوں میں ہے،قوم سیلاب متاثرین کے ساتھ کھڑی ہے،ہم سب مل کرسیلاب متاثرین کی مشکلیں کم کرنے کی پوری کوشش کریں گے، بلوچستان، سندھ، خیبرپختونخوا، گلگت بلتستان، ڈی جی خان، راجن پور میں لوگ متاثر ہوئے، ٹیلی تھون میں سوچا تھا تین گھنٹے میں چند کروڑ اکٹھے ہو جائیں گے، کم وقت میں متاثرین کے لیےساڑھے500کروڑاکٹھا کیا۔
بشریٰ بی بی کی جانب سے ملک ریاض سے ہار لینے کے سوال پر عمران نے کہا ہیرے بہت سستے ہوتے
انہوں نے کہا کہ ٹیلی تھون میں اوورسیزپاکستانیوں نے دل کھول کرپیسہ دیا،ٹیلی تھون کی تمام لائنیں مصروف ہونے کی وجہ سے کئی لوگوں کا رابطہ نہیں ہوسکا،اگر فون لائنیں مصروف نہ ہوتی تو مزید پیسے اکٹھے ہوجاتے،سیلاب متاثرین کی مدد کے لیے کنٹرول روم بنائیں گے،جہاں پرمتاثرین کومدد کی ضرورت وہاں پرامداد بھجوائیں گے۔ چیف الیکشن کمشنر تمہیں پہلی دفعہ اندازہ ہوا فارن فنڈنگ کیا ہوتی ہے،ہمیں زیادہ پیسہ بیرون ملک پاکستانیوں نے بھیجا۔
عمران خان کی سابق اہلیہ بھی پاکستان کے سیلاب متاثرین کی مددکےلیے میدان میں آگئیں
پی ٹی آئی چیئر مین کا کہنا تھا کہ آئی ایم ایف کی غلامی کی وجہ سے ہمیں ہاتھ پھیلانے پڑتے ہیں،بیرون ملک پاکستانیوں کومتحرک کرکے ایسی اسکیمیں لائیں گے تاکہ پاکستان کی قرضوں سے جان چھوٹ جائے،لیٹروں کی لوٹ مار کی وجہ سے ہم بیرون ملک ہاتھ پھیلاتے ہیں،قرضے اتارکرہم اپنے پاؤں پرکھڑا ہو کر ایک خود دار قوم بنیں گے،سوچا نہیں تھا سرگودھا کے لوگ اتنی تعداد میں باہرنکلیں گے۔
عمران خان کا کہنا تھا کہ جب تک ملک میں انصاف کا نظام قائم نہیں ہو گا تب تک عظیم قوم نہیں بن سکتے،ہمارے ملک میں ظلم کا نظام ہے، کمزور اور طاقتور کے لیے الگ الگ قانون ہے،چھوٹا چورجیل اور بڑا چور، چوری کرے تو ملک کا وزیراعظم بن سکتا ہے،آزاد عدلیہ کے لیے مجھے بھی جیل میں ڈالا گیا،8 دن ڈی جی خان کی جیل میں گزارے، جیل میں ایک امیر چورنہیں بلکہ سارے چھوٹے چورنظرآئے، ملک کے بڑے بڑے ڈاکو مجھے اسمبلی میں نظر آئے، بڑے لیٹروں میں سے ایک ڈیزل بھی ہیں، زرداری، شریف خاندان والے بیرون سازش کے تحت لیٹروں کو مسلط کیا گیا، آپ سب حقیقی آزادی کی تحریک میں شامل ہو جائیں، جب تک یہ چوراوپربیٹھے ہیں اس ملک کا کوئی مستقبل نہیں۔
سابق وزیراعظم نے کہا کہ امریکا کو چیری بلاسم جوتے پالش کرنے والا چاہیے تھا،ڈیزل تو پہلے ہی تیار بیٹھا تھا،ملک کی سب سے بڑی بیماری زرداری ہے،زرداری نوٹ دیکھ کر اس کی مونچھیں اوپر، نیچے جانا شروع ہو جاتی ہیں، زرداری سے چلا جاتا نہیں لیکن پیسے کے پیچھے جان دینے کو تیارہیں، تینوں اکٹھے ہو گئے اور ان کے ساتھ اور سازشی پاکستان میں بیٹھے ہوئے تھے، ایک پلان انسان اور ایک اللہ بناتا ہے،اللہ نے لوگوں کے دل موڑدیئے لوگ سڑکوں پر نکل آئے، جنہوں نے سازش کی وہ ہکے، بہکے رہ گئے، قوم سڑکوں پرنکل آئی۔
انہوں نے کہا کہ پاکستان کی آزادی کے بعد پہلی دفعہ خواتین،بچے سڑکوں پرنکل آئے،25مئی کو پولیس، رینجرزنے خواتین پر شیلنگ کر کے خوف پھیلایا، میں توبھول ہی گیا ہوں میرے خلاف اب تک 17 ایف آئی آرکٹ چکی ہیں،پنجاب کے ضمنی الیکشن میں ہرحربہ استعمال کیا گیا پھربھی یہ ہارگئے،پنجاب کے ضمنی الیکشن ہارنے پر حمزہ ککڑی کو فارغ کرنا پڑا، ضمنی الیکشن ہارے تو ان کی کانپیں ٹانگنا شروع ہوگئیں، ان کو خوف تھا کہ اگر عام انتخابات کرادیئے تو دو تہائی اکثریت عمران لے گا، ضمنی الیکشن کے بعد انہوں نے ٹیکنکل طریقے سے مجھے فارغ کرانے کی سازش شروع کی، پہلی سازش حکومت گرانا، دوسری سازش مجھے راستے سے ہٹانے کی کوشش تھی، ایک بند کمرے میں یہ بھی فیصلہ ہوا، عمران خان کو مکمل طور پر سائیڈ کر دیا جائے۔
اپنی بات جاری رکھتے ہوئے عمران خان کا کہنا تھا کہ میں نے ایک ٹیپ ریکارڈ کر کے رکھوادی ہے جس میں اُن چار لوگوں کے نام ہیں جنہوں نے میری حکومت کے خلاف سازش کی اور نااہل کرنے کا منصوبہ بنایا۔ اگر مجھے کچھ ہو گیا تو وہ ٹیپ عوام کے سامنے آئے گی اور پھر عوام اُن چاروں لوگوں کو نہیں چھوڑیں گے۔ ان کے پالتو الیکشن کمشنر کو مجھے فنڈنگ کیس میں نا اہل کرنے کا کہا گیا۔
پی ٹی آئی چیئر مین نے چیلنج کرتے ہوئے کہا کہ توشہ خانہ کیس کی کھلی سماعت کی جائے،نوازشریف، زرداری،یوسف رضا گیلانی کے توشہ خانہ کیسز کو بھی سنا جائے، دودھ کا دودھ اورپانی کا پانی ہوجائے گا،توشہ خانہ کیس میں یہ سارے ذلیل ہوں گے۔
انہوں نے کہا کہ ہم تو 27 ویں شب کو شب دعا منا رہے تھے، مدینہ میں ان کے خلاف چور، چور کے نعرے لگے اور مقدمہ میرے خلاف توہین مذہب کا درج کیا گیا، شہباز گل پرجنسی تشدد کیا گیا، میں نے یہ کہا جنہوں نے تشدد نہیں روکا ان کیخلاف قانونی کارروائی کروں گا، اس پر میرے خلاف دہشت گردی کا کیس بنادیا گیا،مجھ پر دہشت گردی کا مقدمہ درج کرنے پر دنیا میں مذاق اڑایا گیا، دہشتگردی مقدمے کا مقصد مجھے کسی طرح راستے سے ہٹانا چاہتے ہیں،بتایا جائے کونسا معاشرہ کسٹوڈین تشدد کی اجازت دیتا ہے،حلیم عادل شیخ پر بھی تشدد کیا گیا، 27 مقدمات درج کیے گئے، مسلم لیگ (ن) والے چاہتے ہیں نواز شریف کی طرح مجھے بھی نا اہل کیا جائے، نواز شریف نے لندن میں اربوں روپے کے چار مہنگے فلیٹس خریدے، دس سال پہلے نوازشریف سے منی ٹریل مانگی آج تک نہیں دی،مریم نوازکہتی تھی لندن تو کیا ملک میں بھی کوئی پراپرٹی نہیں،مریم نواز جتنے سیدھے منہ سے جھوٹ بولتی ہیں کبھی کسی کو نہیں بولتے سنا، اللہ تعالیٰ حق اور سچ کو سامنے لیکر آتا ہے، نواز شریف جب پکڑا گیا تو حسین نواز نے لندن فلیٹس کو تسلیم کیا، لندن کے چار بڑے محلات کی مالکہ مریم نوازہیں،قوم کا پیسہ چوری کر کے لندن کے فلیٹ خریدے گئے تھے ن لیگ والوں میرا نواز شریف کیس سے موازنہ نہ کرو،مسلم لیگ والوں میرا سب کچھ اورجینا مرنا پاکستان میں ہے۔
سابق وزیراعظم کا کہنا تھا کہ ایک طرف جب قوم کی خواتین جاگ جائیں تو انقلاب آجاتا ہے، باپ اگر ن لیگ اور بچے، بیوی سارے تحریک انصاف میں ہوتے ہیں، ماں بچے کی شکل کو دیکھ کر پہچان جاتی ہیں، ماؤں کو پتا ہے(ن) لیگ اور زرداری چورہیں، قوم کے پیسوں سے لندن کے فلیٹس خریدے گئے،26سال سے ان کی کرپشن کے خلاف جدوجہد کر رہا ہوں، قوم کا جوپیسہ سکولز، ہسپتال، سڑکوں، بجلی بنانے پر لگنا تھا وہ چوری کیا گیا، کرپشن پورے ملک کو تباہ کردیتی ہے، یہ چوری کا پیسہ بیرون ملک بھیجتے ہیں،آج کل چیری بلاسم سیلاب متاثرین کے پاس صرف تصویریں کھنچوانے کے لیے جارہا ہے، شہبازشریف اگر متاثرین کی مدد کے لیے سیریس ہیں تو اپنا اور بھائی کا آدھا پیسہ ملک میں واپس لے آئے،شہبازشریف جب سے اقتدارمیں آیا ہے ملک کی شرمندگی ہورہی ہے۔
انہوں نے کہا کہ شہبازشریف دوسروں سے کہتا ہے ملک میں پیسہ لیکر آؤ، یہ خود ملک کا پیسہ چوری کر کے بیرون ملک لے جاتے ہیں، دنیا کا کوئی ایک سربراہ بتا دیں جس کا پیسہ بیرون ملک ہواوروہ اقتدارمیں ہو،ان کوہمارے اوپرمسلط کیا گیا ہے،آپ نے میرے ساتھ کھڑا ہونا ہے ہم نے ان لوگوں سے حقیقی آزادی چھیننی ہے۔ انہوں نے سازش کر کے ہماری حکومت گرائی، حکومت کے اکنامک سروے کے مطابق پی ٹی آئی حکومت میں معاشی ترقی 6 فیصد گروتھ تھی،کورونا کے باوجود یہ 17 سال بعد پاکستان کی بہترین معاشی کارکردگی تھی،کورونا کے باوجود ہماری ریکارڈ ایکسپورٹ تھی،ریکارڈ ٹیکس ریونیو اکٹھا کیا گیا، ہمارے دور میں کسانوں نے سب سے زیادہ پیسہ کمایا،آئی ایم ایف پروگرام کے باوجود ہم نے مہنگائی کو کنٹرول میں رکھا، 17 سے 18 فیصد مہنگائی تھی، آج مہنگائی 45 فیصد سے اوپر چلی گئی ہے، بجلی کے بل دیتے ہوئے لوگوں نے دو گولیاں ڈسپرین کی بھی ساتھ کھائیں،ہماری حکومت نے ہر خاندان کو 10لاکھ علاج کی انشورنس دی،چارماہ پہلے ڈاکٹرز ہسپتال میں میرے دوست نے کہا پہلی دفعہ ہیلتھ کارڈ پر دل کا آپریشن کیا،آئی ایم ایف پروگرام کے باوجود ہم نے مہنگائی کو کنٹرول اور عوام کوسبسڈی دی، آج سازش کرنے والے بتائیں ملک کا جوحال ہے کون ذمہ دارہے؟
-
اسلامیہ کالج پشاور کے طالب علم کی مبینہ خودکشی، سرگودھا میں 12 سالہ بچے کی پھندا لگی لاش برآمد
پشاور: اسلامیہ کالج یونیورسٹی پشاورکے طالب علم نے مبینہ خودکشی کر لی-
باغی ٹی وی : پولیس کے مطابق تہکال کی حدود میں قائم نجی ہاسٹل میں اسلامیہ کالج یونیورسٹی پشاور کے شعبہ ریاضی کے طالب علم شاہد احمد کی لاش پنکھے سے لٹکی ہوئی ملی۔
طالبہ نے یونیورسٹی کی تیسری منزل سے چھلانگ لگا لی
پولیس کے مطابق طالب علم کا تعلق چترال سے تھا اور فوری طور پر اس کی موت کی وجوہات سامنے نہیں آسکی ہیں جب کہ پوسٹ مارٹم کے بعد متوفی کی لاش اس کے آبائی علاقے منتقل کردی گئی ہے واقعے کی تحقیقات شروع کردی گئی ہیں۔
دوسری جانب سرگودھا کے علاقے جوہر کالونی میں ایک مکان سے 12 سالہ لڑکے کی پھندہ لگی لاش برآمد ہوئی ہے پولیس کے مطابق 12 سالہ محمد رحمان کی چارپائی سے لٹکی اور گلے میں پھندا لگی لاش ملی۔
پولیس کے مطابق اہل خانہ نے بیان دیا کہ ان کی کسی سےدشمنی نہیں، بچے کو گھر میں اکیلا چھوڑ کر شاپنگ کے لیے گئے تھے، رات کو گھر واپس آئے تو بچےکی موت کا معلوم ہوالاش کو ڈی ایچ کیو ٹیچنگ اسپتال منتقل کردیا گیا ہے اور پوسٹ مارٹم کے بعد ہی موت کی وجہ سامنے آسکے گی۔
قبل ازیں لاہور کی ویمن یونیورسٹی کی طالبہ نے مبینہ طور پر خودکشی کی کوشش کی ہے اور یونیورسٹی کی عمارت کی تیسری منزل سے چھلانگ لگائی ہےجس کےباعث طالبہ شدید زخمی ہو گئی تھی،طالبہ کو طبی امداد کےلئےسروسزہسپتال منتقل کردیا گیا تھا،طالبہ یونیورسٹی کیوں گئی اس پر بھی تحقیقات جاری ہیں-
یونیورسٹی انتظامیہ نے واقعہ کی تفصیلات سےآگاہ کرتےہوئےکہا تھاکہ لڑکی بی ایس فزکس کی طالبہ ہے اوراس نے شعبہ سوشل سائنسزکی تیسری منزل سے چھلانگ لگائی ہےطالبہ کی چھلانگ لگانے کی وجہ پتا نہیں چل سکی تا ہم واقعے میں طالبہ کی ٹانگیں فریکچرہوئیں واقعہ کی انکوائری کےلیے 4 رکنی کمیٹی تشکیل دی گئی ہے طالبہ کی عمر 22 برس ہے اور اسکا تعلق لاہور سے ہی ہے، یونیورسٹی میں چھٹیاں ہیں-
لاہور میں اسلحے کی نمائش کرنے پر 4 ملزمان گرفتار
-
مہنگائی کرنے سے بہتر ہے حکومت چھوڑ دی جائے،مریم نواز
پاکستان مسلم لیگ ن کی نائب صدر مریم نواز نے کہا ہے کہ آج اگرڈالرآسمان پر اور معیشت وینٹی لیٹر پر ہے تو اس کے ذمہ دار پی ٹی آئی چیئر مین ہیں، اگر حکومت کو پٹرول کی قیمت بڑھانی پڑے تو اسکے ذمہ دارعمران خان ہیں۔
سرگودھا میں مسلم لیگ ن کے جلسے سے خطاب کرتے ہوئے مریم نواز نے کہا کہ یہ شہر سرگودھا سے پیار کرنے والوں کا شہر ہے، نوازشریف لندن میں بیٹھ کر جلسے کو دیکھ رہے ہیں، کہا جاتا تھا میرے والد کی ختم ہو گئی، آج ہر جگہ قائد ن لیگ کے نعرے لگ رہے ہیں، نوازشریف نے پاکستان سے لوڈ شیڈنگ کاخاتمہ کیا اور ملکی معیشت کو درست سمت میں گامزن کیاتھا۔
انہوں نے کہا کہ ایک کھلنڈرے اور نااہل کو پاکستان کےعوام پر مسلط کیا گیا، نااہل کے آنے کے بعد لوڈ شیڈنگ دوبارہ شروع ہو گئی، معیشت تباہ ہو گئی، 4سال میں ملک کوتباہ کرنے والا شہبازشریف سے 4 ہفتوں کا حساب مانگ رہا ہے، عمران خان ایک منٹ بھی اپنی کارکردگی پربات نہیں کر سکتا، لیگی قائد کو لوگ کہہ رہےہیں کہ واپس آجاوَآپ کی ضرورت ہے۔
لیگی نائب صدر نے کہا کہ پہلے اس جھوٹے شخص نے 35 پنکچر کا ڈرامہ کیا لیکن ثبوت نہیں دیا، جب سے شہبازشریف کی حکومت آئی یہ نالائق40تقریریں کرچکے ہیں، ایک تقریرمیں بھی یہ اپنی کارکردگی پرنہیں بولا، یہ ایک منٹ بھی اپنی کارکردگی پربولنے کے قابل نہیں، یہ ازل کا جھوٹا شخص ہیں۔ اب جعلی خط لے آیا اس کا بھی کوئی ثبوت نہیں دیا۔
مریم نواز نے کہا کہ عمران خان نے غیر ملکی سازش کا بھی جھوٹا ڈرامہ کیا، اب ایک اورڈرامہ کیا کہ میرے قتل کی سازش ہو رہی ہے، آج اگرڈالرآسمان پراورمعیشت وینٹی لیٹرپرہےتواس کےذمہ دار پی ٹی آئی چیئر مین ہیں، اگر حکومت کو پٹرول کی قیمت بڑھانی پڑے تو اسکے ذمہ دارعمران خان ہیں، شریف برادران کیلئے کسی چیز کی قیمت ایک روپے بڑھانا بہت مشکل کام ہے، ان کو عوام کا احساس ہے۔
مریم نواز نے کہا کہ وزیراعظم شہباز شریف آپ کی طرح نہیں وہ آلواور پیاز کی قیمت ٹھیک کرنے آئے ہیں، نوازشریف کہتا ہے حکومت چھوڑ دوں گا لیکن عوام پر بوجھ نہیں ڈالوں گا، عمران خان کی تباہی کا ٹوکرا اپنے سر نہیں لے سکتے، موجودہ حکومت کو خیر باد کہنا بہتر ہے، خیرباد کہہ کر میدان میں آ کر مقابلہ کر لو۔
عوام کو مخاطب کرتے ہوئے انہوں نے کہا کہ نوازشریف اگر عوام کی خاطر حکومت چھوڑتا ہے تو پھر کیا دو تہائی اکثریت دوگے؟ عمران خان اگلے الیکشن میں دھاندلی کی تیاری کر چکا تھا، ہم نے ان کی حکومت گرا کر اس کے 12 سالہ پلان کو فیل کر دیا، عمران تم چاہے اُلٹے لٹک جاؤتمہارا کھیل ختم ، تم نے سرجھکا کرآئی ایم ایف کی شرائط کومانا۔
ان کاکہنا تھا کہ جس بندے نے ہمیشہ زکوٰۃ سے گزارا کیا اسے خود مختاری، آزادی کے بھاش نہیں دینے چاہئیں، یہ ناپاک زبان سے ریاست مدینہ کی بات کرتا ہے، حمزہ پر مرغی کے ریٹ بڑھانے کا الزام لگاتا ہے، مرغی کے ریٹ تب بڑھے تھے جب بنی گالہ میں منوں مرغیاں جلائی جاتی تھیں، کہتا ہے مریم نے امریکی سفارتکار کا استقبال کیا، عمران خان تم نے مریم نہیں تم نے پنجاب اور پاکستان کی ہر بیٹی کو گالی دی ہے، ہم مہمانوں کی قدرکرنا جانتے ہیں، تمہیں منہ توڑ جواب دے سکتی ہوں، عمران اس وقت سے ڈرو جب ماؤں، بہنوں کے ہاتھ تمہارے گریبان تک پہنچیں گے، عمران خان ایک فتنے کا نام ہیں۔
لیگی نائب صدر کا کہنا تھا کہجس، جس نے اس سانپ کو دودھ پلایا اس نے اسے ہی ڈس لیا، یہ اتنا بڑا فتنہ ہے، کہتا ہے اسٹیبلشمنٹ ساتھ نہ دے تو جانور ہیں، کہتا ہے میڈیا میرے جھوٹوں کو سپورٹ کرے تو ٹھیک نہ کرے تو غیرملکی ایجنٹ، کہتا ہے جب تک کُرسی پربیٹھا رہوں تو زندہ باد، اگرنہ رہوں تو ایٹم بم گرادو، عمران خان نے آئین توڑا، رات کو عدالتیں کھلی، اس دن سے لیکرججزکوگالیاں دیتا ہے۔ آج دوپہر تک سپریم کورٹ کو گالی اچانک انہوں نے سوموٹو لیا تو شادیانے بجا رہا ہے۔
مریم نواز نے کہا کہ اگر سپریم کورٹ نے شہبازشریف کے خلاف سوموٹولیا تو بڑی مہربانی، ایک سوموٹو بشیر میمن کے الزامات پر بھی لیا جائے، شہزاد اکبر نیب، ایف آئی اے کو استعمال کر رہا تھا، ایک سوموٹواس کے خلاف بھی ہونا چاہیے، فارن فنڈنگ کیس میں بھی ایک سوموٹوہونا چاہیے، سپریم کورٹ سے عرض کرنا چاہتی ہوں پاگل شخص کی خاطرعدلیہ کے ترازو کو جھکنے مت دیں، کہتا ہے سازشیوں کے چہرے پہچان لیے، وہ یہ بات نوازشریف، مجھے نہیں اداروں کو کہتا ہے، اپنے جلسوں میں افواج پاکستان کیخلاف باتیں کرتا ہے، صدرعلوی کا بیٹا عباد علوی کھلے عام فوج کیخلاف باتیں کر رہا ہے۔
-
دوست کے ساتھ جانے والی لڑکی اجتماعی زیادتی کے بعد قتل
سرگودھا: ہفتہ قبل دوست کے ساتھ جانے والی لڑکی کو دوست نے ساتھیوں کے ساتھ مل کر اجتماعی زیادتی کے بعد قتل کردیا۔
باغی ٹی وی : پولیس حکام کے مطابق سرگودھا میں ایک ہفتہ قبل دوست کے ساتھ گئی لڑکی کی لاش مل گئی ہے اور مرکزی ملزم کو بھی گرفتار کرلیا گیا ہے۔
پولیس کے مطابق 3 ملزمان نے لڑکی کو قتل کے بعد لاش گڑھے میں چھپا دی تھی اور ملزمان نے لڑکی کو اجتماعی زیادتی کے بعد قتل کیا مرکزی ملزم لڑکی کو ورغلا کرفیصل آباد لےگیا تھا مرکزی ملزم نے اعتراف کیا کہ لڑکی کواجتماعی زیادتی کےبعد قتل کیا گیا۔
ماموں نے ملزمان کے ساتھ مل کر اپنی سولہ سالہ بھانجی کواغوا کر لیا۔
پولیس کے مطابق دیگر دو ملزمان کی گرفتاری کیلئے چھاپے مارے جارہے ہیں-
واضح رہے کہ قبل ازیں تھانہ شہزاد ٹاؤن کے علاقے چٹھہ بختاور میں ماموں نے ملزمان کے ساتھ مل کر اپنی سولہ سالہ بھانجی کواغوا کر لیا تھا مقدمے کی مدعی تعظیم بی بی نے اپنی درخواست میں موقف اختیار کیا تھا کہ میری جواں سالہ بیٹی کو میرے اپنے بھائی نے دیگر ملزمان کے ساتھ مل کر اغوا کر لیا۔
عمران خان کے دو موبائل چوری
تھانہ شہزاد ٹاؤن پولیس نےدرخواست پر فوری ایکشن لیتے ہوئے مقدمہ درج کرلیا تھا اس موقع پر اے ایس آئی اختر عباس منڈ کا کہنا تھا کہ مقدمے میں نامزد تمام ملزمان کو بہت جلد گرفتار کر لیا جائے گا۔اور لڑکی کو برآمد کرلیا جائے گا۔اے ایس آئی اختر نے فوری ایکشن لیتے ہوئے دو ملزمان کو گرفتار کرلیا تھا-
-
سرگودھا : تھانہ جھال چکیاں کے علاقہ میں خواتین کے مساٸل کے حل و آگاہی کیلیٸے کھلی کچہری کا انعقاد ۔
سرگودھا ( ادریس نواز چدھڑ سے ) خواتین کو ان کے جائز قانونی حقوق کی آگاہی کے لئے اینٹی وومن ہراسمنٹ سیل کے زیر اہتمام کھلی کچہری و سیمینار کا انعقاد کیا گیا جس میں خواتین کے مسائل دریافت کیے گئے اور مناسب قانونی کارروائی کی یقین دہانی کرائی گئی۔
ڈی پی او سرگودھا ڈاکٹر رضوان احمد خان کی ہدایت پر تھانہ جھال چکیاں کے علاقے چک 54 شمالی میں مدینہ ویلفیئر آرگنائزیشن کے تعاون سے اینٹی وومن ہراسمنٹ سیل کے زیر اہتمام ہونے والی کھلی کچہری میں ڈی ایس پی صدر سرگودھا ملک عثمان کا کہنا تھا کہ
خواتین کو جنسی ہراسگی، کم عمری میں شادی، جائیداد سے محرومی جیسے جرائم سے آگاہی ضروری ہے قوانین میں ایسے جرائم کی سخت سزائیں مقرر کی گئی ہیں۔ انہوں نے کہا کہ گھر سے بھاگ کر پسند کی شادی کرنے والی اکثر خواتین گھر واپس نہیں پہنچ پاتیں اور غلط ہاتھوں میں چلی جاتی ہیں جس سے نہ صرف ان کی زندگی تباہ ہوتی ہے بلکہ خاندان کیلئے بھی شرمندگی کا باعث بنتی ہیں جبکہ فوکل پرسن اینٹی وومن ہراسمنٹ سیل سب انسپکٹرعمارہ اکرم اور سب انسپکٹر شازیہ نورین نے خواتین کے حقوق سے متعلق آگاہی دی اور بتایا کہ کس طرح قانونی طریقہ کار اپناتے ہوئے اپنے حقوق کی حفاظت کی جاسکتی ہے۔ اس موقع پر خواتین کے مسائل دریافت کیے گئے جن پر مناسب قانونی کاروائی کرنے کی یقین دہانی بھی کروائی گئ ۔ اس موقع پر صدر مدینہ ویلفیٸر آرگناٸزیشن سمیرا عبدالخالق ، ناٸب صدر ادریس نواز چدھڑ سمیت خواتین کی کثیر تعداد نے شرکت کی ۔ -
سرگودھا : خاتون محتسب پنجاب کا معاون ٹیم کے ہمراہ سرگودھا کا دورہ ۔
سرگودھا میں خاتون محتسب پنجاب نبیلہ حاکم علی نے معاون ٹیم کے ہمراہ سرگودہا کا دورہ کیا اور ڈپٹی کمشنر آفس میں عدالت کے دوران خواتین سے متعلق سرگودہا ڈویژن کے 17 ریونیو کیسز کی سماعت کی. ان کیسز میں ضلع سرگودھا کے 05, میانوالی کے 10 اور بھکر کے 02 کیس شامل تھے۔کنسلٹنٹ عبدالرشید، انچارج پراپرٹی برانچ حافظ فاروق انور کے علاوہ اسسٹنٹ کمشنر عظیم شوکت اعوان موجود تھے۔خاتون محتسب پنجاب نبیلہ حاکم علی نے کہا کہ حکومت پنجاب نے خواتین کو وراثتی جائیداد دلانے اور ان کے حقوق کے تحفظ کیلئے خاتون محتسب کا الگ ادارہ قائم کیا اور یہ عدالت حکم عدولی پر ہائی کورٹ کے اختیارات کی طرح توہین عدالت کی کارروائی کی مجاز ہے۔انہوں نے کہا کہ پراپرٹی رائٹس ایکٹ 2021 کے تحت خواتین کو وراثتی جائیداد کا حق دلایا جائیگا۔خاتون محتسب کی عدالت فوری کارروائی کرتے ہوئے 60 روز کے اندر فیصلے کررہی ہے۔نبیلہ حاکم علی نے کہا کہ خاتون محتسب کی عدالت قبضہ شدہ جائیداد کا مارکیٹ ریٹ پر کرایہ ادا کرنے کا ملزمان کو حکم بھی دے سکتی ہے۔خاتون محتسب پنجاب نے مزید کہا کہ خواتین کی جائیداد کے تحفظ کو یقینی بنایا جائیگا۔انہوں نے کہا کہ سائلین کے گھروں کے نزدیک کیسز کی سماعت سے عوام کو آسانی ملتی ہے ہم صدقہ جاریہ سمجھ کر فرائض انجام دے رہے ہیں۔نبیلہ حاکم علی نے کہا کہ خواتین کو وراثتی جائیداد سے محروم کرنے کے مائنڈ سیٹ کو تبدیل کرنے کی ضرورت ہے جس کے لئے عوام میں شعور و آگاہی کی ضرورت ہے۔انہوں نے کہا کہ خواتین اپنے حقوق کے دفاع اور ہراسمنٹ سے متعلق فوری داد رسی کیلئے خاتون محتسب کے دفتر سے رجوع کریں۔
-
سرگودھا : ڈی پی او ڈاکٹر رضوان احمد خان کی سلانوالی کے نمبرداران سے میٹنگ ۔
*سرگودھا:ڈی پی او ڈاکٹر رضوان احمد خان کا کمیونٹی پولیسنگ کی طرف ایک اور قدم، ٹی ایم اے آفس سلانوالی میں علاقہ کے نمبرداران سے میٹنگ*
سرگودہا:جرائم پیشہ عناصر کے خلاف کاروائی کیلئے پولیس کاساتھ دیں، کسی بھی مجرمانہ سرگرمی کی اطلاع پولیس کو دیں۔ ان خیالات کا اظہار ڈسٹرکٹ پولیس آفیسر ڈاکٹر رضوان احمد خان نے کمیونٹی پولیسنگ کے تحت ہوئے ٹی ایم اے آفس سلانوالی میں مختلف علاقوں کے نمبرداران سے میٹنگ کے دوران خطاب کرتے ہوئے کیا۔ انہوں نے کہا کہ اپنے اپنے علاقوں میں ٹھیکری پہرہ لگوائیں چوکیداری ،نظام شروع کروائیں اور جرائم پیشہ افراد کی نشاندہی کریں، معمولی نوعیت کے تنازعات گاؤں کی سطح پر کمیٹیاں بنا کر حل کیےئ جائیں زمین کے تنازعہ میں پولیس ریونیو کے افسران کے ساتھ ملکر کام کرے گی نمبرداران کو قانون کے مطابق عزت دی جائے گی۔ تمام ایس ایچ اوز کو ہدایات جاری کر دی گئی ہیں آپ اپنے درمیان جرائم پیشہ عناصر کو جگہ نہ دیں۔ مختلف علاقوں سے آئے ہوئے نمبرداران نے مسائل کے حل کے لیے اپنی اپنی تجاویز پیش کیں جن پر عملدرآمد کیلئے یقینی دہانی کرائی گئی۔ اس موقع پر ڈی ایس پی سلانوالی محمد جہانگیر جوئیہ، ایس ایچ او تھانہ سلانوالی ذیشان اقبال، ایس ایچ ا وتھانہ شاہ نکڈر شاہد نواز بھی موجود تھے۔(ترجمان سرگودھا پولیس) -
سرگودھا : جماعت اسلامی کے زیراہتمام کشمیری بھاٸیوں سے اظہار یکجہتی کیلیٸے ریلی کا انعقاد ۔
سرگودھا میں یوم یکجہتی کشمیر کے موقع پر شاہینوں کے شہر سرگردھا میں جماعت اسلامی کے زیر اہتمام کشمیری بھائیوں سے اظہار یکجہتی کے لئے ریلی نکالی گئی جس میں جماعت اسلامی کے کارکنوں سمیت شہریوں کی بڑی تعداد نے شرکت کی ریلی 47 پل جماعت اسلامی آفس سے شروع ہو کر کچہری بازار پہنچ کر اختتام پذیر ہوئی ۔
جماعت اسلامی کے زیر اہتمام 5 فروری یوم یکجہتی کشمیر کے موقع پر ریلی نکالی گئ ریلی 47 پل جماعت اسلامی کے آفس سے شروع ہوئی اور شہر کے اکثر مقامات سے ہوتی ہوئی اندرون شہر کچہری بازار پہنچ کر اختتام پذیر ہوئی اس موقع پر جماعت اسلامی جبکہ کمپنی باغ سے ضلعی انتظامیہ کی جانب سے ریلی نکالی گئی ریلی میں جماعت اسلامی کے کارکنوں سمیت شہریوں کی بڑی تعداد نے شرکت کی اور کشمیری بھائیوں کے ساتھ اظہارِ یکجہتی کرتے ہوئے بھارت کے خلاف شدید نعرہ بازی کی اس موقع پر شرکا نے پارٹی پرچم کے ساتھ پلے کارڈ اور بینرز بھی اٹھا رکھیں تھے جن پر بھارتی غاصبانہ کے قبضہ کی پرزور الفاظ میں مزمت کی گئ ،ریلی کشمیریوں سے اظہارِ یکجہتی کے لئے انسانی ہاتھوں کی زنجیر بھی بنائی گئ اس موقع پر ریلی سے خطاب ہوئے امیر شہر جماعت اسلامی میاں انعام الحق قیصر، محمدد حسین اعوان اور پروفیسر ڈاکٹر خالد کے خطاب کیا انہوں نے کہا کہ آج کا دن منانے کا بنیادی مقصد یہ ہے کہ ہم مظلوم کشمیری بھائیوں کو یہ باور کراسکیں کہ وہ جدوجہد آزادی کی تحریک میں تنہا نہیں ہیں بلکہ پوری پاکستانی قوم مشکل کی اس گھڑی میں اپنے بھائیوں کے شانہ بشانہ کھڑے ھیں ۔ انہوں نے کہا کہ اب وقت آگیا ھے کہ سلامتی کونسل اقوام متحدہ کی پاس کردہ قراردادوں کے مطابق کشمیری بھائیوں کے مستقبل کا فیصلہ کیا جائے اور بھارتی ظلم و بربریت کو ختم کیا جائے جماعت اسلامی کے زیر اہتمام نکالی گئی کشمیر ریلی شہر بھر سے گھومتے ہوئے کچہری بازار پہنچ کر اختتام پذیر ہوئی اس موقع پر شہر بھر کی فضا کشمیریوں سے رشتہ کیا لاالہ الااللہ کے نعرہ سے گونجتی رہی -
سرگودھا میں یوم یکجہتی کشمیر کے حوالہ سے تقریب کا انعقاد ۔
سرگودھا ( بیوروچیف ادریس نواز چدھڑ سے ) کمشنر نبیل جاوید نے کہا . کہ مستحکم پاکستان مقبوضہ کشمیر کی آزادی کی ضمانت ہے ۔پاکستانی قوم کا ہر فرد مظلو م کشمیری بھائیو ں کے ساتھ ھے اور کشمیر کی آ زادی کے لئے ان کی اخلاقی و سفارتی امداد جا ری رکھی جاٸے گی۔شہیدوں کا خون ضرور رنگ لا ئے گا ، کشمیر کے پر امن حل کےلئے ضروری ہے کہ اقوام متحدہ کی قراردادوں کے مطابق کشمیری عوام کو اپنی قسمت کا فیصلہ کر نے کا حق دیا جائے۔ اس سلسلے میں عالمی اداروں کو موثر کر دار ادا کرنا چاہیٸے ۔ وہ یوم یکجہتی کشمیر کے سلسلہ میں جنا ح ہال کمپنی باغ میں منعقدہ تقریب سے خطاب کر رہے تھے ۔ تقریب میں ڈپٹی کمشنر محمد اصغر جوئیہ ، ایس پی انویسٹیگیشن اکرم خان نیازی، اے ڈی سی جی طلحہ زبیر، اسسٹنٹ کمشنر سرگودھا عظیم شوکت اعوان، سمیت سرکاری افسران و ملازمین ، سمیت شہریو ں نے بڑی تعداد میں شرکت کی۔ ڈپٹی کمشنر محمد اصغر جوئیہ نے کہا کہ مضبوط پاکستان کشمیریوں کی مضبوط آواز ہے ۔ پوری قوم اپنے اندر اتحاد، اتفاق، باہمی بھاٸی چارے اور ہم آہنگی کو مستحکم بنا ئے تاکہ پاکستان کی کشمیریوں کے حق میں آواز کو تقویت مل سکے۔ انہوں نے کہا کہ پاکستان نے ہمیشہ کشمیریوں کی آزادی اور ان پر ہونے والے جبر و استعداد اور ظلم و ستم کو دنیا کے ہر فورم پر اٹھایا ہے ۔وقت نے قائد اعظم محمد علی جناح اور علامہ اقبال کے دو قومی نظریہ کو ثابت کر دیا ہے ۔تقریب میں مختلف سکو لوں کے طلبہ نے ٹیبلو ز اور نغموں کے ذریعے کشمیر کے انسانی المیہ کا اظہارکیا۔تقریب کے شرکاءنے ایک منٹ کی خاموشی اختیار کر کے اہل کشمیر کے ساتھ محبت و یگانگت کا اظہار کیا۔اس موقع پر پاکستان اور کشمیر کے قومی ترانے بجائے گئے۔ سی او ایجوکیشن ریاض قدیر بھٹی نے پاکستان کی سلامتی اور اہل کشمیر کی آزادی کےلئے خصوصی دعا بھی کروائی ۔تقریب کے اختیام پر کمشنر نبیل جاوید اور ڈپٹی کمشنر محمد اصغر جوئیہ کی قیادت میں جناح ہال سے سول ہسپتال چوک تک ریلی بھی نکالی گئی۔