Category: سرگودھا

سرگودھا کی تحصیل بھیرہ کے گاؤں گھوگھیاٹ میں ہجوم نے احمدی برادری کی 118 سال پرانی عبادت گاہ میں توڑ پھوڑ کی۔

باغی ٹی وی: ترجمان احمدیہ کمیونٹی عامرمحمود کے مطابق 16 اپریل کی شب 11 بجے کےقریب ہجوم گُھگھیات میں احمدیوں کی عبادت گاہ کے میناروں اور گنبد کو توڑنے آئے یہ سب اس وقت ہوا جب پولیس وہاں موجود تھی تاہم پولیس اہلکاروں نے مشتعل ہجوم کو روکنے کی کوشش نہ کی۔

ملک بھر میں مزید بارشوں کی پیشگوئی

تاہم سرگودھا کے ڈسٹرکٹ پولیس آفیسر فیصل کامران کا کہنا ہے کہ پولیس حالات کی نزاکت کوسمجھتے ہوئےکوئی ایسا کام نہیں کرنا چاہتی جس سے حالات کشیدہ ہوں ، تاہم ایک مذہبی جماعت کے جن کارکنوں نے احمدیوں کی عبادت گاہ پر توڑ پھوڑ کی حملہ آوروں کے خلاف درخواست موصول ہونے کے بعد مقدمہ درج کیا جا رہا ہے اور اس سلسلے میں پولیس سختی سے قانون پر عملدرآمد یقینی بنائے گی-

عامرمحمود نے کہا کہ یہ عبادت گاہ کافی قدیم ہےیہ 1905 میں تعمیر کی گئی تھی اوریہاں بسنے والے احمدیوں کے مقامی مکینوں کے ساتھ تعلقات ہمیشہ مثالی رہے ہیں،حملہ آور کون ہیں اور کہاں سےآئے ہیں یہ بات پولیس بھی جانتی ہےلیکن یوں معلوم ہوتا ہےکہ پولیس ان لوگوں کے زیر اثر ہے اور ان کے خلاف کارروائی نہیں کرنا چاہتی۔

طور خم بارڈر پر پہاڑی تودہ گرنے سے متعدد کنٹینرز اور مال بردارگاڑیاں ملبے تلے دب گئیں

عمار محمود نے کہا کہ ہجوم اور سرکاری اہلکاروں کی طرف سے احمدیوں کی عبادت گاہوں پر حملہ اور مسمار کرنا پاکستان کے آئین اور جسٹس تصدق حسین جیلانی کے 2014 کے فیصلے کی صریح خلاف ورزی ہےانہوں نے مطالبہ کیا کہ یہ سب فوری طور پر بند ہونا چاہئے اور مذہبی اقلیتوں کا تحفظ یقینی بنایا جانا چاہیئے-

بی بی سی کی رپورٹ کے مطابق گھوگھیاٹ کی مرکزی جامع مسجد کے امام قاری خلیل الرحمٰن نے پولیس کو جو درخواست دی ہے اس میں الزام لگایا گیا کہ قادیانی عبادت گاہ کے اندر بچوں کو قرآن پڑھایا جا رہا تھا جس کی تعلیم وہ شرعی و قانونی طور پر نہیں دے سکتے۔

سی ٹی ڈی کا راجن پور میں آپریشن، کالعدم تنظیم کے 2 دہشتگرد اپنے ہی …

انہوں نے کہا کہ موقع پر موجود پولیس گارڈ کو اس بارے آگاہ کیا گیا تو اس نے معلم کو منع کیا ، مگر معلم باز نہ آیا اور اس نے عبادت گاہ سے باہر آکر مبینہ طور پر مجھے قتل کی دھمکیاں دیں۔

سرگودھا ضلعی انتظامیہ کے ترجمان نے موقف اختیار کیا ہے کہ یہ ایک حساس ایشو ہے جوکہ قبل ازیں ڈسٹرکٹ امن کمیٹی کے اجلاس میں زیرِ بحث آ چکا ہے اور ضلعی امن کمیٹی نے ہی متفقہ طور پر احمدیوں کی عبادت گاہ کے باہر بورڈ لگانے کی منظوری دی تھی۔

پی اے ایف کالج سرگودھا میں فاؤنڈرز ڈے کا انعقاد کیا گیا

ترجمان پاک فضائیہ کے مطابق ایئر چیف مارشل ظہیر احمد بابر سدھو اس موقع پر مہمان خصوصی تھے ۔ اس موقع پر خطاب کرتے ہوئے ایئر چیف مارشل ظہیر احمد بابر سدھو کا کہنا تھا کہ 1953ء سے قائم شدہ پی اے ایف کالج سرگودھا ایک قابلِ فخر تاریخ اور اعلیٰ میراث کا حامل ہے ۔یہ کالج بہترین پیشہ ورانہ صلاحیتوں کے حامل افراد کی نرسری رہی ہے جو کہ دیانتداری، خلوص اور خدمت جیسی اعلیٰ اقدار کے ساتھ ساتھ خود سے بڑھ کر فرض سے لگن کے جذبے سے سرشار تھے۔پی اے ایف کالج سرگودھا کو پاک فضائیہ کے عالمی شہرت یافتہ فضائی جنگجو پیدا کرنے کا اعزاز بھی حاصل ہے ۔تیزی سے تغیر پذیر اور غیر مستحکم قومی سلامتی کا ماحول ایسی تربیت یافتہ تکنیکی افرادی قوت کا متقاضی ہے جو اس ٹیکنالوجی سے بھرپور ماحول کا مقابلہ کر سکے۔

ترجمان پاک فضائیہ کے مطابق ایئر چیف نے بچوں کی کامیابی پر انکے والدین کو بھی مبارکباد دی اور بہترین کارکردگی پر اساتذہ کی کاوشوں کو سراہا۔ سپورٹس کی چیگ ول شیلڈ بھی اقبال ہاؤس کے نام ہوئی، ہم نصابی سرگرمیوں میں بہترین کارکردگی پر جنرل سروس ٹریننگ کپ عالم ہاؤس نے جیتا ۔اکیڈمکس کی چیف آف دی ائیر سٹاف ٹرافی منیر ہاؤس نے حاصل کی۔سال کا چیمپئین ہاؤس بننے پر اقبال ہاؤس کو قائداعظم شیلڈ سے نوازا گیا۔ ایئر وائس مارشل (ریٹائرڈ) آصف مقصود، پرنسپل پی اے ایف کالج، سرگودھا نے کالج کی سالانہ رپورٹ پیش کی۔ تقریب میں حاضر سروس اور ریٹائرڈ دفاعی اہلکاروں سمیت ریٹائرڈ اساتذہ، سینئر بیوروکریٹس اور پری کیڈٹس کے والدین کی بڑی تعداد موجود تھی ۔

عسکری قیادت کا پاک فضائیہ کے آپریشنل ایئر بیس پر جاری کثیر ملکی عسکری مشق کا جائزہ

ذمہ داریاں جانتے ہیں، وطن عزیز کے دفاع کیلیے ہر لمحہ تیار ہیں ،سربراہ پاک فضائیہ

سربراہ پاک فضائیہ نے 54 ویں کمبیٹ کمانڈرز کورس کی گریجویشن تقریب میں دشمن کو دیا اہم پیغام

سرگودہا:ضیاء الامت فاؤنڈیشن کی جانب سے سیلاب زدگان کی بحالی اور امداد کے لیے جانے والی ٹیم کے لیے کنٹری ہیڈ ضیاء الامت فاؤنڈیشن جعفر ماجد کی سرکردگی میں سیمینار کا انعقاد کیا گیا جس میں خدمات سر انجام دینے والی میڈیکل ٹیم کو پرائڈ آف پرفارمنس ایوارڈز،سرٹیفیکیٹس اور پھولوں سے نوازا گیا۔

یہ تقریب پرائم کاسٹل ہوٹل سرگودھا میں منعقد ہوئی جس میں ملک و بیرون ملک سے آئے ہوئے لوگوں نے شرکت کی۔اس خوبصورت تقریب کی صدارت خلیفہ مجاز پیر مشتاق شاہ الازہری نے کی۔نظامت کے فرائض اسامہ رؤف نے احسن طریقے سے نبھائے۔

خلیفہ مجاز حضرت پیر مشتاق شاہ الازہری نے امت مسلمہ بالخصوص ضیاء الامت فاؤنڈیشن کے تمام ورکرز کے لیے خصوصی دعا کروائی اور ان کے لیے ہمیشہ کامیاب و کامران ہونے کی دعا دی۔
مہمان خصوصی یو۔کے سے تشریف لائے ہوئے مرزا ارشد جمیل مینجر ضیاء الامت فاؤنڈیشن اورڈائریکٹر کمشنر آفس سرگودھا رانا شاہد تھے۔جب کہ مہمانان اعزاز معروف ادیبہ و شاعرہ پروفیسر نمرہ ملک تلہ گنگچئیر مین پی ایچ اے سرگودھا شفیق نیازیاور چیئرمین مسلم ہینڈز سرگودھا ریجن شاہد رفیق تھے۔

تقریب میں ڈائریکٹر الکرم سائنس کالج و بزم الکرم ڈاکٹر یوسف ملک، ربیعہ عمر ایڈووکیٹ،ثمن حیات ایڈووکیٹ اسلام آباد نے خصوصی طور پر شرکت کی ۔اس موقع پہ الکرم سائنس کالج سرگودھا کی میڈیکل ٹیم اور سٹاف،سٹوڈنٹس اورملک کے طول و عرض سے والنٹیرز نے شرکت کی۔تقریب سے خطاب کرتے ہوئے کنٹری ہیڈ ضیاء الامت فاؤنڈیشن جعفر ماجد نے بتایا کہ ضیاء الامت فاؤنڈیشن نے سیلاب کی تباہ کاریوں کے دوران متاثرہ علاقوں میں دن رات کام کیامتاثرہ علاقوں میں گھر گھر جا کے راشن،کپڑے اور میڈیسن پہنچائی گئیں اور اس مقصد کے لیے ایسے ایسے علاقوں کا دورہ کیا جہاں کوئی اور نہیں گیا تھا۔موسم،حالات اور وبائی امراض کے باوجود جس ہمت سے ٹیم نے کام کیا وہ لائق صد تحسین ہے۔

مرزا شاہد جمیل نے اپنی خصوصی گفتگو میں ضیاء الامت فاؤنڈیشن بالخصوص خواتین ونگ کی کارکردگی کو سراہا اور ان کی ہمت و حوصلے کو داد دیتے ہوئے کہا کہ سیلاب کی تباہ کاریوں کے دوران ان کی خدمات ناقابل فراموش ہیں۔تاریخ ان خواتین کے بے مثال جذبے کو ہمیشہ یاد رکھے گی۔

سیلاب زدہ علاقوں میں خواتین ونگ کو لیڈ کرنے والی معروف ادیبہ و صحافی نمرہ ملک نے اپنے خطاب میں سیلابی ایریا میں خواتین کے کردار پہ روشنی ڈالتے ہوئے بتایا کہ کئی ایسے علاقے بھی تھے جہاں کی خواتین کو شعور ہی نہیں کہ ان کی عمر کیا ہے،ان کے حقوق کیا ہیں اور ان کو ہنگامی صورتحال میں کیا کرنا چاہیے ۔خواتین نے ان علاقوں کا دورہ کیا،وبائی اور نسوانی امراض سے نبرد آزما خواتین کی دادرسی کی،میڈیسن دیں،ان کے نسوانی امراض سے آگاہی کے بعد ان کو دوائیاں مہیا کیں۔بستی یاراں مانجھی خیل میں اک خاتون نے اس جذبے سے متاثر ہو کے کہا تھا کہ ہم قیامت کے دن آپ کے لیے اللہ کے سامنے گواہی دیں گے کہ آپ اس مصیبت زدہ دور میں کئی کلومیٹر کندھوں تک پانی سے گزر کر یہاں ہم تک پہنچے ہیں۔

ایڈووکیٹ ربیعہ عمر نے اپنے خطاب میں ضیاء الامت فاؤنڈیشن کے جذبے کو سلام پیش کیا اور ان کی خدمات کو سراہا اور مشن ضیاء الامت کے لیے ویمن ونگ کی خدمات کی یقین دہانی کروائی

اس موقع پہ خلیفہ مجاز پیر مشتاق شاہ الازہری اور مہمانان خصوصی نے شیلڈز،سرٹیفیکیٹس اور پھولوں کے گلدستے ضیا الامت فاؤنڈیشن کی لیڈر شپ، پروفیسر نمرہ ملک،عدیل اعوان،ڈاکٹر احسان،ڈاکٹر یوسف ملک،ڈاکٹر خان،ڈاکٹر ابراہیم، منیب، احسن شبیر،میڈیا کوآرڈینیٹر طیب نوید، حنا شہزادی، شانیہ چوہدری ،اسامہ رؤف ایڈووکیٹ، ربیعہ عمر ایڈووکیٹ،ڈاکٹر احمد،الکرم سائنس کالج کے میڈیکل سٹوڈنٹس،ضیاء الامت فاؤنڈیشن کی میڈیکل ٹیم اور رضا کاروں میں تقسیم کیے۔آخر میں پرتکلف عشائیہ پیش کیا گیا۔