Category: سرگودھا

سرگودہا(نمائندہ باغی ٹی وی )صوبائی وزیر قانون راجہ محمد بشارت کیبنٹ کمیٹی لا اینڈ آرڈر کے اجلاس کی صدارت کر رہے ہیں جبکہ صوبائی وزیر محمد ہاشم ڈوگر، انصر مجیدخان ، محترمہ ساجدہ آہیر صاحبہ ایم پی اے ۔محترمہ جویریہ ظفر آہیر صاحبہ وفاقی پارلیمانی سیکرٹری اوورسیز پاکستانی ۔ان کے علاوہ ڈویژن سرگودھا کے تمام پالیمنٹیریئنز ۔ آئی جی پنجاب پولیس، ایڈیشنل چیف سیکرٹری ھوم بھی شریک ہیں کمشنر سرگودھا ڈویژن ظفراقبال شیخ نے محرم الحرام کے حوالے سے مکمل بریفنگ دی اور محترمہ ساجدہ آہیر صاحبہ ایم پی اے کی جانب سے خوشاب میں کئی روز سے بند پڑے ضاف پانی کا مسلہ اٹھانے پر صوبائی وزیر قانون کی کمشنر سرگودھا کو جلد ازجلد مسلہ ہل کرنے کی ہدایت اور تمام ڈی پی اواز کو ہدایت کی کہ وہ اپنے اپنے اضلاع میں محرم الحرام کے دوران امن کی فضا کو یقینی بنائیں

سرگودھا(نمائندہ باغی ٹی وی )ڈائریکٹر جنرل اینٹی کرپشن پنجاب جناب گوہر نفیس کی ہدایت پر اینٹی کرپشن سرگودھا نے ڈویژن میں کرپٹ مافیا کے گرد گھیرا تنک کر تے ہوئے محمد شفیق ہیڈ کلرک، محکمہ جنگلات کورشوت لیتے ہوئے رنگے ہاتھوں گرفتار کر لیا تفصیلات کے مطابق ڈائریکٹر اینٹی کرپشن سرگودھاعارف رحیم کے حکم پرمحمد اصغر گجر، اسسٹنٹ ڈائریکٹر اینٹی کرپشن سرگودھا نے ریڈ کر کے ملزم کو رشوت لیتے ہوئے رنگے ہاتھوں دھر لیا۔ملزم محمد شفیق سے رشوت کی رقم 10ہزار روپے نشان زدہ نوٹ موقع سے برآمد کرکے مقدمہ نمبر12/2019تھانہ اینٹی کرپشن بھکر میں درج کر لیا۔

سرگودہا،نورپورتھل (نمائندہ باغی ٹی وی) ڈپٹی کمشنر خوشاب میڈم مسرت جبیں کی ہدایت پر
تحصیل انتظامیہ نورپورتھل کی طرف سے محرم الحرام کے دوران علاقہ میں امن وامان اور مذہبی ہم آہنگی برقرار رکھنے کےلیے ترجیحی بنیادوں پر ضروری اقدامات اٹھاۓ جارہے ہیں۔ اس حوالے سے اے سی آفس نورپورتھل میں اسسٹنٹ کمشنر چودھری محمدجعفر گجراور ڈپٹی سپرنٹنڈنٹ پولیس مہرجاوید اقبال نے اے ،بی اور سی کیٹگری کے محرم جلوسوں کے لائسنس ہولڈرزاور مجالس عزاءکے منتظمین کے ساتھ ایک خصوصی میٹنگ کا انعقاد کیا۔ جس میں ایس ایچ او تھانہ نورپورتھل سلیم اللہ خان ،ایس ایچ او تھانہ جوڑاکلاں عبدالغفار خان ،سیکورٹی انچارج ملک سکندراتراء اور محمداسحاق جاڑا نے بھی شرکت کی۔ اس موقع پر اسسٹنٹ کمشنر اور ڈپٹی سپرنٹنڈنٹ پولیس نے یوم عاشور کے موقع پر علاقہ میں امن وامان اور مذہبی آہنگی برقرار رکھنے سمیت دیگر ضروری ہدایات جاری کیں۔ انہوں نے کہا کہ مجالس عزاء اورماتمی جلوسوں کا انعقاد مقررہ اوقات میں کیا جاۓ ،محرم کے جلوسوں کو سخت سیکیورٹی انتظامات کے ساتھ مقررہ اوقات میں مقررہ راستوں سے گزارا جاۓ اور اس سلسلہ میں تحصیل انتظامیہ کے ساتھ تعاون کیا جاۓ۔ اس موقع پر تمام لائسنس ہولڈرز اور مجالس منتظمین نے انتظامیہ کو اپنےبھرپور تعاون کی یقینی دہانی کرائی

سرگودہا،خوشاب (نمائندہ باغی ٹی وی )ڈپٹی کمشنر خوشاب مسرت جبیں نے ضلعی امن کمیٹی کے اجلاس کی صدارت کر تے ہوئے کہا ہے کہ محرم الحرام اور یوم عا شور کے موقع پر روایتی امن کو قائم رکھنے کے لئے تمام ممکنہ انتظامات کئے جائیں گے اور کسی کو امن میں خلل ڈالنے کی ہر گز اجازت نہیں دی جائے گی۔ وہ اپنے آفس کے کمیٹی روم میں اجلاس کی صدارت کرتے ہوئے ان خیالات کااظہار کر رہی تھیں۔ اجلاس میں ایم پی اے ساجدہ بیگم،ڈی پی او را نا شعیب محمود، اے ڈی سی (جی) نادیہ شفیق،اے ڈی سی(آر) عدیل حیدر، اسسٹنٹ کمشنر خوشاب افتخار احمد بلوچ، ڈی ایس پی سپیشل برانچ اکبر نیازی،کمیٹی کے ممبران اعجاز شاکری،عابد شیرازی،عنصرنائچ،مولانا زبیر،اور دیگر ممبران نے شرکت کی۔ ڈی پی او رانا شعیب محمود نے محرم الحرام کے حوالے سے سیکیورٹی پلان اورٹریفک پلان پر تفصیل سے روشنی ڈالی۔ انھوں نے کہا کہ محرم الحرام کے دنوں میں ضلعی انتظامیہ اور پولیس بھر پور طریقے سے ڈیوٹی سر انجام دیں گے۔ تاہم کمیٹی کے ممبران بھی امن کے قیام اور دیگر مسائل کے حل کیلئے انتظامیہ اور پولیس سے تعاون کریں۔ اجلاس میں عابد شیرازی، راجہ منصور، اعجاز شاکری اور دیگر ممبران نے محرم روٹس کی ضروری مرمت، خوشاب میں پینے کے صاف پانی کی عدم دستیابی، مجلس کے دوران بجلی کی فراہمی کو یقینی بنانے سید معروف شاہ دربار پر سیکورٹی بڑھانے اور دیگر ایشوز پر بات کی۔ ڈپٹی کمشنر نے کہا کہ محرم سے قبل صفائی ستھرائی،روٹس کی مرمت اور دیگر کام بر وقت کر لئے جائینگے۔