سرگودہا(نمائندہ باغی ٹی وی )سرگودھا مقامِ حیات میں ایک گھر کے دو بچے مین ٹرانسفر کی تاروں کے ساتھ لگ کے اللہ کو پیارے ہو گئے
اِیک بھائی پتنگ کی ڈور پکڑتے گھر کے ساتھ گزرتی بجلی کی مین تار کے ساتھ لٹک گیا دوسرا بھائی پہلے کو بچاتے ہوئے ساتھ لٹک گیا۔ دونوں بھائی موقع پہ جانبحق۔
ریسکیو 1122 کی گاڑیاں موقع پہ پہنچ گئیں
واپڈا کے تار گھر کی دیوار سے 6 انچ کی فاصلے سے گزر رہی ہیں۔ 5 بہنوں کے 2 بھائی خالق حقیقی کو جاملے۔۔۔۔
Category: سرگودھا
واپڈا کی لاپرواہی کی وجہ سے آج ایک گھر اجڑ گیا
افواج پاکستان ہمار افخر ہیں ،راجہ عبدالوہاب
سرگودھا۔31جولائی(اے پی پی)راولپنڈی میں تربیتی طیارے کے حادثہ میں شہید افسران اور شہریوں کیلئے دُعا گو ہیں کہ اللہ تعالیٰ انہیں اپنے جوار رحمت میں جگہ دے جبکہ کنٹرول لائن پر بھارت کی بلا اشتعال فائرنگ کے نتیجہ میں شہید اور جانبحق شہریوں کے اللہ تعالیٰ درجات بلند کرے اور زخمیوں کو صحت عطاء فرمائے۔ان خیالات کا اظہار پاکستان تحریک انصاف سپورٹس اینڈ کلچر فیڈریشن ضلع سرگودھا کے صدر راجہ عبدالوہاب نے کیا۔انہوں نے کہا کہ بھارت کی جانب سے کنٹرول لائن پر ہونیوالی بلا اشتعال فائرنگ کے جواب میں پاک فوج نے بھارت کی کئی چوکیاں تباہ کیں جس میں بھارت فوجیوں کے ہلاک اور زخمی ہونے کی اطلاعات ہیں۔راجہ عبدالوہاب نے کہا کہ پاک فوج ہمارا فخر ہے جس نے ہر موقع پر دشمن کو منہ توڑ جواب دیا ہے۔
محکمہ صحت سرگودھا ڈینگی کے خاتمہ کیلئے عملی اقدامات کررہا ہے، ڈاکٹر طارق حسن
سرگودھا۔ 31 جولائی (اے پی پی) حکومت پنجاب کے احکامات کی روشنی میں محکمہ صحت سرگودھا ڈینگی کے خاتمہ کے لئے عملی اقدامات کررہا ہے۔ محکمہ صحت سرگودہا کی جانب سے سرویلنس ٹیمیں ڈینگی لاروے کی انسپکشن کے لئے سروے کا کام مکمل کرچکی ہیں۔اِن خیالات کا اظہار محکمہ صحت کے دینگی کے فوکل پرسن ڈینگی کنٹرول ڈاکٹر طارق حسن نے اے پی پی سے گفتگوکرتے ہوئے کیا۔ انہوں نے کہاکہ ضلع بھرمیں کُل19مقامات پر ڈینگی لاروا پایا گیا اور 350مریضوں ڈینگی کا ٹیسٹ کروایا لیکن اس سلسلہ میں کسی ایک مریض میں بھی ڈینگی ٹیسٹ مثبت نہ آیا۔ انہوں نے بتایا کہ ضلع بھرمیں لاروا انسپکشن کے لیے کُل501ٹیموں نے حصہ لیا۔انہوں نے مزید بتایا کہ برسات کے موسم میں لاروا سے مکمل ڈینگی مچھر بننے کا امکان ہوتاہے۔اسی سلسلہ میں انسپکشن کے دوران پائے جانے والے لارواکو تلف کردیا گیاہے۔ڈاکٹر طارق حسن نے بتایاکہ ڈسٹرکٹ ہیڈکوارٹر ٹیچنگ ہسپتال میں ڈینگی کنٹرول پروگرام کے سلسلہ میں خصوصی وارڈ بھی بنایا گیاہے۔ ڈینگی کے خاتمہ کے لئے اور عوام کو صحت کی بنیادی سہولیات کی فراہمی کے لیے ضلعی انتظامیہ اور محکمہ صحت باہمی تعاون سے اقدامات کررہے ہیں۔انہوں نے مزید کہاکہ شہری اس موسم میں بارشی پانی کو زیادہ دیر تک کھڑا نہ رہنے دیاجائے اور صفائی کو ہر صورت یقینی بنایا جائے۔
موسمی تغیرات سے بچنے کیلئے شجر کاری ناگزیر ہے، ڈاکٹر زاہد اقبال غوری
سرگودھا۔ 31 جولائی (اے پی پی) غیر موافق موسمی تغیرات سے بچنے کیلئے شجر کاری ناگزیر ہے،جبکہ یہ مختلف بیماریوں کے روکنے کا بھی موجب ہے۔ پاکستان میں ٹمبر مافیا نے جنگلات اجاڑ دیئے ہیں جس کی وجہ سے موسمی تبدیلیوں کے باعث پاکستان پر مختلف موسمی اثرات مسائل کا موجب بن سکتے ہیں۔ ان خیالات کا اظہار سیاسی سماجی شخصیت ڈاکٹر زاہد اقبال غوری نے کیا۔ انہوں نے کہا کہ حکومت کو چاہیئے کہ وہ سرکاری ملازمین کی پروموشن درخت لگانے سے مشروط کرے اور جو بھی افسر یا ملازم جتنے زیادہ درخت لگائے گا اور ان کی دیکھ بھال کریگا اسے اتنی جلدی ترقی دی جائے۔اس طرح پاکستان میں مختلف محکموں میں کام کرنیوالے لاکھوں ملازمین کروڑوں درخت لگا سکتے ہیں اور اس طرح حکومت کا بلین ٹری لگانے کا منصوبہ بھی پایہ تکمیل کو پہنچے گا۔ڈاکٹر زاہد اقبال غوری نے کہا کہ درخت کٹنے کی وجہ سے موسم میں نمایاں تبدیلی دیکھنے میں آرہی ہے جو آنیوالے دنوں میں مزید مختلف مسائل کا سبب بن سکتی ہے۔
حکومت عوامی مسائل کے فوری و یقینی حل کیلئے کوشاں ہے، انصر مجید خان
سرگودھا۔ 31 جولائی (اے پی پی) پاکستان تحریک ِ انصاف کی عوامی حکومت عوامی مسائل سے بخوبی آگاہ اور ان کے فوری و یقینی حل کے لئے کوشاں ہے تاکہ عوام کو حقیقی ریلیف میسر آسکے۔ حکومت ملک و قوم کے بہتر مستقل اور انہیں باوقار مقام پر سرفراز کرنے کے لئے ہر ممکنہ اقدامات کا سلسلہ جاری رکھے گی۔ ان خیالات کا اظہار صوبائی وزیر انصر مجید خان نے غیرملکی دورہ کے بعد سرگودھا واپسی پر اخبار نویسوں کے ساتھ بات چیت کرتے ہوئے کیا۔ انہوں نے کہا کہ وزیر اعظم عمران خان ملک و قوم کو سابق حکمرانوں کی بداعمالیوں کے نتیجہ میں پیدا ہونے والے مسائل سے نکال کر ترقی و خوشحالی کی شاہرہ پر گامزن کرنے کے لئے روایت شکن و انقلابی اقدامات کا سلسلہ جاری رکھے ہوئے ہیں اور اس سلسلہ میں گراس روٹ لیول پر کام کیاجارہا ہے تاکہ ایک روشن صبح طلوع ہوسکے۔ صوبائی وزیر نے مزید کہا کہ وفاقی کابینہ کے اجلاس میں وقت اور حالات کی نزاکت و ضرورت کے تحت بہت سے اہم فیصلے کئے گئے تاکہ حقیقی بہتری و تبدیلی آسکے۔صوبائی وزیر انصر مجید خان نے کہا کہ پنجاب حکومت بھی وزیر اعلیٰ عثمان بزدار کی قیادت میں وزیراعظم عمران خان کے ویژن کی تکمیل کے لئے سرگرداں ہے تاکہ نئے پاکستان کا قیام یقینی بنایا جاسکے جہاں کسی بھی اہل وطن کو کسی بھی مسئلہ کا سامنا نہ ہو بلکہ انہیں دہلیز پر جملہ بنیادی سہولیات کی فراہمی ممکن ہوسکے۔
گراں فروشی پر 2لاکھ 47 ہزار روپے کے جرمانے
سرگودھا۔ 31 جولائی (اے پی پی) اسسٹنٹ کمشنر ساہیوال سید صابر حسین شاہ، پرائس مجسٹریٹ ساہیوال ملک محمد ممتاز فروکہ نے تحصیل بھر میں غیر قانونی پٹرول وڈیزل ایجنسیوں اور گراں فروشوں کے خلاف ایکشن لیتے ہوئے 2لاکھ 47ہزار روپے کے مجموعی جرمانے کر کے رقم قومی خزانے میں جمع کروا دی۔ تفصیلات کے مطابق حکومت پنجاب اور ڈپٹی کمشنر سرگودھا کے احکامات پر عملدرآمد کرتے ہوئے پرائس کنٹرول ایکٹ 1977 ء کے تحت ماہ جولائی 2019 میں اسسٹنٹ کمشنر ساہیوال سید صابر حسین شاہ، پرائس مجسٹریٹ ساہیوال ملک ممتاز فروکہ نے ذخیرہ اندوز، گراں فروشوں، غیر قانونی پٹرول وڈیزل ایجنسیوں کے مالکان کو مجموعی طور پر 2لاکھ 45ہزار روپے کے جرمانے کر کے رقم سرکاری خزانے میں جمع کروادی اور درجنوں دکانیں سیل وسینکڑوں دکانداروں کو وارننگ دی گئی۔
سرگودھا، باپ بیٹے کو قتل کرنے پر مجرم کو 2 بار سزائے موت کا حکم
سرگودھا۔ 31 جولائی (اے پی پی) ڈسٹرکٹ اینڈ سیشن جج کی عدالت نے زیادتی مقدمہ میں صلح نہ کرنے باپ بیٹے کو قتل کر دینے کے مجرم کو 2 بار سزائے موت جبکہ 4 افراد کو عدم ثبوت کی فراہمی کی وجہ سے بری کر دیا گیا۔ عدالت نے مجرم کو تین لاکھ روپے جرمانہ بھی ادا کرنے کا حکم دیا۔ پولیس ذرائع کے مطابق مورخہ27 جون 2016 ء کو تھانہ اربن ایریا کی حدود میں زیادتی کے کیس میں صلح نہ کرنے پر مجرم اسد علی نے اڑھائی سالہ سبحان اور اس کے والد کو فائرنگ کر کے قتل کر دیا،جبکہ سات سالہ مدثر شدید زخمی ہو گیا تھا،ایڈیشنل ڈسٹرکٹ اینڈ سیشن جج سرگودھا فرحان مدثر نے مقدمہ کی سماعت کے بعد فیصلہ سناتے ہوئے ملزم اسد علی پر الزامات ثابت ہونے پر 2 بار سزائے موت اور تین لاکھ روپے جرمانہ کی سزا سنا دی،جرمانے کی سزا مقتولین کے ورثاء کو ادا کی جائیگی۔
غیر قانونی گیس ری فلنگ ناقص سلنڈر ز،13 افراد گرفتار
غیر قانونی گیس ری فلنگ ناقص سلنڈر ز،13 افراد گرفتار
سرگودھا۔ 31 جولائی (اے پی پی) غیر قانونی طورپر گیس ری فلنگ کرنے اور ناقص سلنڈرز کے استعمال پر 13 دکاندار اور ڈرائیورز کو گرفتار کرلیاگیا۔ غیر قانونی طورپر گیس ری فلنگ اور ناقص سلنڈرز استعمال کرنے والے محمدعارف، افتخاراحمد، سکندرحیات، فاروق اعظم، عبدالرؤف، ناظم حسین اور دیگر 13 افراد جن میں 8 دکاندار اور 5 ڈرائیورز بھی شامل ہیں کے خلاف مقدمات درج کر لئے گئے ہیں۔تا جر بر ا در ی کے حقیقی تحفظات دور کیے بغیر ملکی معیشت مستحکم نہیں ہو سکتی، چو ہد ر ی محمد سعید
سرگودہا۔ 30 جولائی (اے پی پی) ایگزیکٹو ممبر سرگودہا چمبر آف کا مر س ا ینڈانڈسٹر ی چو ہد ر ی محمد سعید نے کہا ہے کہ تا جر بر ا در ی کے حقیقی تحفظات دور کیے بغیر ملکی معیشت مستحکم اور ر یو نیو میں اضافہ ممکن نہیں حکو مت ر یو نیو ٹار گٹ سمیت دیگر اہداف اسی صور ت میں حاصل کر سکے گی جب تا جر بر ا در ی کے حقیقی تحفظات دور کرد یئے جا ئیں وفاقی بجٹ کے بعد ا ب تک صنعتی وتجارتی سرگر میاں جمو د کا شکار ہیں کارو باری حجم سکڑ ر ہے ہیں جس سے تا جر بر اد ر ی میں تشویش فطری سی با ت ہے ان خیا لات کا اظہارانہوں نے ہنڈا سنٹر میں تا جر و ں کے ایک وفدسے با ت چیت کرتے ہو ئے کیاانہوں نے کہا کہ حکو مت ا گر پالیسیوں میں ترامیم کے ذریعے تا جر بر ادری کے تحفظات دور کر ے تو ا س کا فا ئد ہ برا ہ را ست قومی معیشت کو ہو گا حکومت کو ایسی پالیسیا ں مرتب کرنی چاہیے جس سے کا رو با ر ی دوست ماحو ل پیدا ہو۔
سلانوالی،پہاڑی پر کا م کر تا مز دور پتھر لگنے سے جاں بحق ہو گیا
سرگودہا۔ 30 جولائی (اے پی پی) پہاڑی پر کا م کر تا مز دور پتھر لگنے سے جاں بحق ہو گیا تفصیلا ت کے مطا بق سلا نوا لی کی پہاڑ ی نمبر116بلا ک 5میں مزدور ڈر لنگ کر رہے تھے کہ اچانک ا و پر سے پتھر آ گرے زد میں آ کر قر با ن حسین نا می مزدور شد ید زخمی ہو گیا جسے فور ی طور پر ڈسٹرکٹ ہیڈ کوا ر ٹر ہسپتا ل سرگودہا منتقل کیا گیا جہاں پر و ہ زخموں کی تا ب نہ لا تے ہو ئے دم توڑ گیا جسے بعد ازاں ا س کے آ با ئی گا ؤ ں لا لیاں میں سپرد خا ک کر د یا گیا۔
