Category: سرگودھا

سرگودہا(نمائندہ باغی ٹی وی )کچی آبادی ڈیرہ سائیں جمال، حمید ٹاﺅن، سلیمانپورہ و دیگر ملحقہ آبادیوں میں رشوت لے کر سینکڑوں گھروں میں غیر قانونی میٹروں کی بھرمار،شکایات پرعملدرآمد کی بجائے فیسکو افسران نے بھی مبینہ چمک کے عوض آنکھیں بند کر لیں،تفصیل کے مطابق متعلقہ لائن مینوں کے ذریعے جعلی دستاویزات پرسینکڑوں میٹر اب تک لگائے جا چکے ہیں اسی طرح بااثر افراد کی طرف سے استعمال شدہ یونٹس کو تقسیم کرنے کےلئے دو ، دو میٹرلگا کر نہ صرف صارفین کی حق تلفی کی جا رہی ہے بلکہ قومی خزانے کو بھی خطیر نقصان پہنچایا جا رہا ہے ،غیر قانونی میٹر لگوانے کےلئے لائن مینوں نے ہی اس کی الگ سے فیس تیس ہزار روپے تک مقرر کر رکھی ہے ، اور غیر قانونی کام بلا رکاوٹ انجام پا جاتا ہے جبکہ قانونی امور بلا جواز اعتراضات لگا کر سائلین کو ذلیل و خوار کرنا معمول بن چکا ہے ، سائلین کا کہنا ہے کہ اس سلسلہ میں متعدد مرتبہ شکایات کر چکے ہیں، گزشتہ روز بھی علاقے میں غیر قانونی میٹروں کی تنصیب کے موقع پر ایس ڈی او فیکٹری ایریاوقار حیدر کو اطلاع کی گئی جنہوں نے کاروائی کی بجائے اپنا فون ہی بند کر دیا،سائلین نے چیف ایگزیکٹو آفیسر فیسکو اور وفاقی محتسب سے نوٹس لینے کا مطالبہ کیاہے ۔

سرگودہا،سلانوالی (نمائندہ باغی ٹی وی) میونسپل کمیٹی سلانوالی کا سعید بازار میں تجاوزات کرنے والوں کے خلاف کاروائی سامان بجلی وغیرہ ضبط کرلیا تگصیلات کے مطابق میونسپل کمیٹی سلانوالی کا عملہ نے شکایات پر سعید بازار میں دوکانداروں کے خلاف کاروائی کرتے ہوٸے ان کا سامان ضبط کرلیا دوکانداروں کے غیر اخلاقی رویہ کی وجہ سے عملہ کو پولیس کا سہارا لینا پڑا جس پرمقامی انتظامیہ نے دوکانداروں کے خلاف بھی کاروائی کا حکم دے دیا ۔

سرگودہا(نمائندہ باغی ٹی وی )سید شہباز حسین نقوی، ڈائریکٹر اینٹی کرپشن سرگودھا تعینات
سید شہباز حسین نقوی نے ڈائریکٹر اینٹی کرپشن سرگودھا کا چارج سبھالتے ہی اینٹی کرپشن سرگودھا ریجن کے تمام افسران سے خصوصی میٹنگ کی۔
پروفیشنل اور بلیک میلر درخواست بازوں کے خلاف کاروائیاں کر کے اور اُن کو بلیک لسٹ کریں تفصیلات کے مطابق سید شہباز حسین نقوی، نے ریجنل ڈائریکٹر اینٹی کرپشن سرگودھاکا چارج سبھالتے ہی اینٹی کرپشن سرگودھا ریجن کے تمام انکوائری، تفتیشی اور لیگل افسران سے خصوصی میٹنگ کی جس میں تمام افسران نے اپنا اپنا تعارف کروایا، اپنی برانچ اور کام کے متعلق نئے تعینات ہونے والے ریجنل ڈائریکٹر صاحب کو بریف کیا۔میٹنگ کے دوران ڈائریکٹر اینٹی کرپشن سرگودھا نے کہا کہ ڈائریکٹر جنرل اینٹی کرپشن پنجاب اور موجودہ حکومت کا ویژن کے مطابق کرپٹ مافیا کے خلاف کاروائیاں بلاامتیاز جاری رکھیں، ڈائریکٹر اینٹی کرپشن سرگودھا نے تمام افسران کو سختی سے ہدایت کی کہ کسی بے گناہ کو چالان نہ کریں اور گنہگار کو نہ چھوڑیں، اس کے علاوہ جتنے بھی پرانے کیسز ہیں اُن کو جلد از جلد میرٹ پر یکسو کر کے چالان عدالت میں جمع کروائیں،پروفیشنل اور بلیک میلر درخواست بازوں کی لسٹ تیارکریں اور اُن کے خلاف 182کی کاروائیاں کر کے اور اُن کو بلیک لسٹ کروائیں، اس کے علاوہ اُنہوں نے کہا کہ کسی کے خلاف انتقامی کاروائی نہ کریں، کسی کو سنے بغیر کوئی فیصلہ نہ کریں۔سید شہباز حسین نقوی، ڈائریکٹر اینٹی کرپشن سرگودھا نے نثار احمد جوئیہ، اسسٹنٹ ڈائریکٹر(مانیٹرنگ)، اینٹی کرپشن سرگودھا کو ہدایت جاری کیں کہ روزانہ کی بنیاد پر تین تین افسران کے ساتھ کیس ٹو کیس بریفنگ میٹنگ کروائیں جس میں ہر افسر کیس کی مکمل بریفنگ دے گا، ڈائریکٹر اینٹی کرپشن سرگودھا نے تمام افسران کو ہدایت کی وہ ایمانداری سے کام کریں، اس محکمہ کی ساکھ کو مزید بہتر کریں اورو ہ کرپشن اور کرپٹ مافیا کے خلاف سیسا پلائی دیوار کی طرح ڈٹ کر مقابلہ کریں گے اور ارض وطن پاکستان کو کرپشن جیسی لعنت سے پاک کرنے میں اپنا اپنا کلیدی کردار ادا کریں

سرگودھا(نمائندہ باغی ٹی وی )ڈسٹرکٹ پولیس آفیسر سرگودھا حسن مشتاق سکھیرا کی ہدایت پر ڈرائیونگ لائسنس کے حصول کے لیے طریقہ کار کو انتہائی آسان بنا کر عوام کو ریلیف دیا جارہا ہے ان خیالات کا اظہار ڈسٹرکٹ آفیسر ٹریفک پولیس سرگودھا محمد اعظم نے ایک ملاقات کے دوران میڈیا کے نمائندوں سےگفتگو کرتے ہوئے کیا انہوں نے بتایا کہ ڈرائیونگ لائسنس کی تجدید اور گمشدگی لائسنس کے بعد اس کی ڈپلیکیٹ کاپی کے حصول کا عمل انتہائی آسان کردیا گیا ہے کسی بھی شہری کو اس سلسلہ میں کوئی پریشانی کا سامنا نہیں کرنا پڑے گا اس عمل کو ون ونڈو آپریشن کے ذریعے ایک ہی جگہ پر کر دیا گیا ہے تاکہ عوام کو ایک ہی جگہ پر سہولت میسر ہو سکے اس ضمن میں ڈسٹرکٹ پولیس آفیسر سرگودھا حسن مشتاق سکھیرا کی ذاتی کاوشِ عوام کے لیے فائدہ مند اور آسان طریقے سے لائسنس کے حصول کو میرٹ پر جاری کرنا ممکن ہوگیا ھے ڈسٹرکٹ آفیسر ٹریفک محمد اعظم نے بتایا کہ آئندہ سے لرنر لائسنس کا پیریڈ مکمل ہونے کے بعد ٹیسٹ کے روز ایک ہی دن میں لائسنس ٹیسٹ کے بعد اس کو آن لائن کرنے کے بھی خصوصی انتظامات کیے گئے ہیں آئندہ ٹیسٹ والے دن ہی تمام امیدواروں کے تمام مراحل کو ایک ہی دن میں مکمل کرکے کے فوٹو بائیومیٹرک کاعمل مکمل ہوگا اور ڈاکخانہ کا عملہ بھی ٹکٹ لے کر پولیس لائن کے گراؤنڈ میں ہی موجود ہوگا یہاں سے امیدوار ٹکٹ خرید کر اسی وقت اپنے فارم پر لگا کر اپنا عمل مکمل کروائیں گے اور تین روز کے اندر کسی بھی شہری کو اس کا لائسنس جاری ہو جائے گا انہوں نے کہا کہ ان تمام اقدامات کا مقصد عوام کو زیادہ سے زیادہ سہولیات کی فراہمی ہے

سرگودہا(نمائندہ باغی ٹی وی)بھاگٹانوالہ میں قائم کو آپریٹو فارمز پر کئی عرصے سے انور نامی دکاندار نے ناجائز قبضہ کر رکھا ہے اس سلسلے میں اے ڈی سی جی سرگودہا محمد شعیب نے بھاگٹانوالہ کا دورہ کیا اور قابض جگہ کا معائنہ کیا اس موقع پر چئیر مین کوآپریٹو فارمز چوہدری کاشف ریاض گجر نے انہیں صورتحال سے آگاہ کیا علاقے کی بڑی تعداد ان کے ہمراہ تھی اے ڈی سی جی نے انہیں اس معاملے میں تعاون کی یقین دہانی کرائی کاشف ریاض کا کہنا تھا کہ علاقے کی فلاح و بہبود کیلیے کام کرتے رہیں گے اور کسی دباؤ میں نہیں آئیں گے

سرگودہا،بھیرہ(نمائندہ باغی ٹی وی)بھیرہ ،دھوری روڈ پر نہر شاہپور برانچ میں موٹر سائیکل گرنے سے خاتون سمیت 3 افراد ڈوب گئے
ایک شخص جاں بحق ۔۔۔خاتون زخمی جبکہ محمد یار کی تلاش جاری
موٹر سائیکل سوار دھوری سے بھیرہ آ رہے تھے کہ چراگاہ کے قریب موٹرسائیکل بے قابو ہو کر نہر شاہپور برانچ میں جا گرا۔
محمد یار کی تلاش جاری ہے ۔۔۔۔ زخمی خاتون کو تحصیل ہسپتال بھیرہ منتقل کر دیا گیا

سرگودہا(نمائندہ باغی ٹی وی)سرگودہا یونیورسٹی روڈ سے نا معلوم شخص کی لاش ملی ہے چن ون پلازے کے قریب نامعلوم شخص مردہ خالت میں پایا گیا ہے متعلقہ حکام کو اطلاع کر دی گئی ہے تاحال کوئی بھی محکمہ نہیں پہنچا

سرگودھا(نمائندہ باغی ٹی وی) 49 ٹیل کے قریب پلازہ کے تہہ خانہ سے نامعلوم شخص کی نعش برآمد کر کی گئی
تھانہ کینٹ پولیس اطلاع ملنے پر موقع پر پہنچ گئی نعش کو قبضہ میں لیکر پوسٹ مارٹم کیلئے ڈی ایچ کیو منتقل کر دیا پولیس کے مطابق
نعش کی تاحال شناخت نہیں ہو سکی۔ تحقیقات شروع کر دی ہیں۔
پوسٹ مارٹم کے بعد ہی اصل صورتحال واضح ہو گی۔