Category: سرگودھا

سرگودہا(نمائندہ باغی ٹی وی) مسلم لیگ ن ضلع سرگودہا کے ضلعی سیکریٹر یٹ میں شکریہ میاں محمد نواز شریف کے سلوگن کے ساتھ 28 مئی یوم تکبیر کی خصوصی تقریب ضلعی صدر مسلم لیگ چوہدری شاہنواز رانجھا کی قیادت میں جاری ہے جس میں ضلع بھر کے تحصیل (کوٹ مومن ,بھلوال ,بھیرہ ,سلانوالی شاہپور,خوشاب,پھلروان )صدور اور تنظیمی قیادت کے علاوہ سابق وائس چئیر مین سیدہ گلشن شیرازی , چئیر مین بیت المال سرگودہا رائے حامد رضا بھٹی تحصیل صدر اسد اکرم کچھیلا ,لیگل ایڈوائزر ملک ربنواز فروکہ ,محمود عالم برکی,حاجی اسلم کچھیلا ,ممبر ضلع کونسل فروا شاہ کے علاوہ سینئر رہنما مسلم لیگ ن طارق وڑائچ ایڈووکیٹ خصوصی طور پر شریک ہیں تقریب سے خطاب کرتے ہوئے عہدیدران نے کہا کہ ملک کو ناقابل تسخیر بنانے میں میاں محمد نواز شریف نے اہم کردار ادا کیا اور 28 مئی 1998 کو ایٹمی دھماکے کر کے قوم کی تاریخ بدل دی تاریخ گواہ ہے کہ اغیار کو خوش کرنے کیلیے ملک کے مخسنوں کو کبھی شہید کر دیا گیا کبھی تحتہ دار پر لٹکایا گیا کبھی معافی مانگنے پر مجبور کیا گیا اور کبھی پابند سلاسل کر دیا گیا آج میاں خاندان پر یہ تاریخ پھر سے دہرائی جا رہی ہے میاں محمد نواز شریف نے ایٹمی دھماکے کر کے نہ صرف پاکستانی قوم کا سر فخر سے بلند کیا بلکہ پوری اسلامی دنیا کا وقار بلند ہوا وہ ہمارے قومی ہیرو ہیں تمام عہدیداروں نے میاں نواز شریف سے اظہار یکجہتی کا اظہار کیا اور انہیں خراج تحسین پیش کیا ضلعی صدر مسلم لیگ چوہدری شاہنواز رانجھا نے تقریب سے خطاب کرتے ہوئے کہا کہ نواز شریف جیسے جرات مند لیڈر صدیوں میں پیدا ہوتے ہیں پوری قوم نواز شریف کے ترقیاتی کاموں کی معترف ہے بے بنیاد الزامات لگا کر میاں نواز شریف کی آواز کو دبایا نہیں جا سکتا ہمارے قائد کا قصور صرف اس ملک کو ترقی اور خوشحالی کی راہ پر گامزن کرنا ہے آج قوم غربت کی چکی میں پس رہی ہے سرگودہا کل بھی مسلم لیگ کا قلعہ تھا اور آئندہ بھی انشاء اللہ مسلم لیگ کا قلعہ ثابت ہو گا

سرگودہا,پل 111 جنوبی ( نمائندہ باغی ٹی وی)یوم شہادت خضرت علی کرم اللہ وجہہ کے موقع پر ڈیرہ چوہدری محمدعلی گجر ایڈووکیٹ چک 111 جنوبی پر خصوصی مخفل اور افطاری کا انعقاد گزشتہ روز کیا گیا جس میں MNA-NA91عامر سلطان چیمہ کے علاوہ صدر کڑانہ بار پریس کلب اسجد علی چٹھہ , سیاسی رہنما طارق وڑائچ ایڈووکیٹ,اسد گجر ایڈووکیٹ کے علاوہ وکلاء,صحافی اور سٹون کریشنگ مارکیٹ کے عہدیدران اور بڑی تعداد میں معززین علاقہ نے شرکت کی چوہدری محمد علی گجر نے اپنے بیان میں کہا کہ خضرت علی کی زندگی شجاعت و بہادری اور صبر کا عملی نمونہ ہے مہمانوں کیلیے افطاری اورکھانے کا بھی اہتمام کیا گیا تھا

سرگودہا (نمائندہ باغی ٹی وی)پاکستان تحریک انصاف ملک کو بحرانوں سے نکالنے کا عزم لے کر میدان میں اتری ہے حالیہ معاشی مشکلات ملک میں پھیلے معاشی کینسر کے علاج کی وجہ سے نظر آرہی ہیں جاری معاشی اصلاحات کے اثرات جلد سامنے آنا شروع ہو جائیں گے ان خیالات کا اظہار صوبائی وزیر معدنیات عنصر مجید خان نیازی نے تحریک انصاف کے راھنما مہر شاہد اقبال کی جانب سے دئیے جانے والے افطار ڈنر سے خطاب کرتے ہوئے کیا افطار ڈنر کا اہتمام جم خانہ کلب سرگودہا میں کیا گیا تھا صوبائی وزیر نے مزید کہا کہ معاشی استحکام کی جانب سفر جاری ہے جس کے اثرات اسٹاک ایکسچینج اور ڈالر پر نظر آنا شروع ہوگئے ہیں اپوزیشن ملک کی ترقی کو روکنا چاہتی ہے اور عمران خان قرضوں میں ڈوبی معیشت کو پاؤں پر کھڑا کرنا چاہتے ہیں دونوں میں مقابلہ جاری ہے سابق ضلع ناظم ملک امجد علی نون نے کہا کہ حکومت ایک مضبوط بلدیاتی نظام کے ذریعے پسے ہوئے طبقوں کو اوپر اٹھانا چاہتے ہیں ان کی خواہش ہے کہ ترقیاتی کام وزیر اعلی کی بجائے براہ راست اس علاقے کا نمائندہ خود کروائے اور اس کے دائرے اختیار میں موجود محکموں کی کارکردگی کو بھی وہ خود مانیٹر کرے آنے والا بلدیاتی نظام دنیا کے بہترین نظاموں میں سے ایک نظام ہوگا ضلعی صدر تحریک انصاف انصر ہرل نے اپنے خطاب میں کہا کہ بلدیاتی انتخابات میں مکمل منصوبہ بندی کے ساتھ جائیں گے ورکروں کو زیادہ سے زیادہ اس نظام کے تحت عوام کی خدمت کرنے کا موقع ملے گا سنئیر سیاستدان ملک عزیز الحق نے عمران خان کے اچانک دورہ سرگودہا میں روایات کا توڑنا قرار دیتے ہوئے اسے مثبت قرار دیا ہے ان کا کہنا تھا کہ پہلے ایسے کسی دورے کے لئے پوری انتظامیہ اور مسلم لوگ کو متحرک کیا جاتا تھا لیکن اس بار ایسا کچھ نہیں ہوا انہوں نے کہا کہ وزیر اعظم کے دورہ سرگودہا کے فوائد صحت عامہ کی سہولتوں میں عوام کو جلد نظر آئیں گے افطار ڈنر میں حلقہ پی پی 29 کے ایم پی اے کے امیدوار خالقداد پڑہاڑ سابق ناظم محمود بخش گیلانی ،سابق ناظم ملک ارشد،نعیم جسپال سمیت اھم سیاسی و سماجی شخصیات نے شرکت کی مہر شاہد اقبال نے تمام مہمانوں کا شکریہ ادا کرتے ہوئے کہا کہ تحریک انصاف کے ورکر بالکل مایوس نہیں اور عمران خان کے پیچھے کھڑے ہیں ورکر سمجھتے ہیں کہ عمران ملک اور اس عوام کے لئے نجات دہندہ ثابت ہونگے

خوشاب(نمائندہ باغی ٹی وی) وزیراعظم عمران خان بغیر کسی پروٹوکول اور بغیر اطلاع کے سرگودہا کےاچانک دورے کے بعد خوشاب پہنچ گئے سرکاری ہسپتال میں قائم بچہ وارڈ کا دورہ کیا ایک ہی بستر پہ موجود تین تین بچوں کو دیکھ کر انتہائی تشویش کا اظہار کیا ایک وارڈ میں ڈیوٹی پر صرف ایک لیڈی ڈاکٹر موجود تھی عملہ بھی ناکافی تھا وزیر اعظم ایم ایس پر برس پڑے بوڑھے مریضوں کی عیادت کی صفائی کا بھی خاص انتظام نہ تھا اور ادویات بھی میسر نہ تھیں وزیر اعظم نے سب کی خبر لی اور آگے روانہ ہو گئے ڈی سی اوز اور ضلعی انتظامیہ کو خبر تک نہ تھی میڈیا پر خبر دیکھ کر حواس باختہ ہو گئے

خوشاب,سرگودھا(نمائندہ باغی ٹی وی)وزیر اعظم پاکستان عمران خان آج ہنگامی دورے کر رہے ہیں ابھی کچھ ہی دیر پہلے سرگودہا کا دورہ کرنے کے بعد وہ اب خوشاب کیلیے روانہ ہو گئے ہیں اب کے ہمراہ ان کے عملے کے علاوہ سینیٹر فیصل جاوید بھی ہیں انتظامیہ کی دوڑیں لگ گئیں