سرگودھا(نمائندہ باغی ٹی وی) پنجاب پولیس کا ایک اور کارنامہ،مسلح پولیس اہلکار بنک سے نکلتے شہری کو اٹھا کر تھانہ لے گئے جھوٹے مقدمات میں پھنسانے کی دھمکیاں دے کر دو لاکھ روپے وصول کر لیے عیدی کے نام پر مزید بیس ہزار روپے کی ڈیمانڈ،آئے روز کی بھتہ خوری سے تنگ آکر شہریوں نے انٹی کرپشن حکام کو درخواست گزار دی،مقدمہ درج،پولیس کانسٹیبل رنگے ہاتھوں گرفتار،دیگرپولیس اہلکاروں کے خلاف انکوائری شروع،نامزدپولیس اہلکاروں کی صلح نہ کرنے اور پیروی سے باز نہ رہنے پر شہری اوراس کے اہل خانہ کو جھوٹے مقدمات پھنسانے کی دھمکیاں،متاثرہ شہری عدم تحفظ کا شکار،انصاف کے لیے الیکٹرانک میڈیا کلب پہنچ گیا تفصیلات کے مطابق چٹھہ ٹاؤن لاہور روڈکے رہائشی اعجاز میکن نے الیکٹرانک میڈیا کلب میں ظلم کی داستان سناتے ہوئے بتایا کہ میں کچھ عرصہ قبل خیام چوک میں واقع بنک الحبیب میں پیسے جمع کروا کر نکل رہا تھا کہ فہد بلال T/ASI انچارج محافظ سکواڈ ہمراہ پولیس کانسٹیبلان رانا شاہد، تحسین اور عمر چیمہ تعینات تھانہ کینٹ آگئے اور مجھے زبردستی گن پوائنٹ پر تھانہ فیکٹری ایریا میں واقع محافظ سکواڈ آفس لے آئے اور کہا کہ دو لاکھ روپے دو ورنہ تم پر پانچ کلو فرضی چرس ڈال کر 9-Cکا مقدمہ درج کر دیں گے جس پر میں نے پولیس ملازمین کی منت سماجتیں کی کہ آپ کیوں میرے ساتھ ناجائز زیادتی کر رہے ہیں لیکن انہوں نے میری ایک نہ سنی اور اپنی ڈیمانڈ پر بضد رہے جس پر انہوں نے میرے اہل خانہ کے ساتھ میرا رابطہ کروایا جس پر میرا بھائی اور رشتہ دار میری گائے فروخت کر کے رکھے ہوئے پیسے اور مزید ادھار مانگ کر دو لاکھ روپے اکٹھے کر کے لے آئے اور فہد بلال T/ASIکو دے کر میری جان بخشی کروائی چند دن پہلے رانا شاہد کانسٹیبل نے دوبارہ مجھ سے رابطہ کیا اور کہا کہ عید ی کی مد میں بیس ہزاردو ورنہ تمہیں 9-Cمیں چالان کر دیں گئے میں نے موجودہ صورتحال پر انٹی کرپشن کو درخواست گزاری اور انہوں نے ریڈ کر کے راناشاہد کا نسٹیبل کو بیس ہزار روپے مجھ سے وصول کرتے ہوئے رنگے ہاتھوں گرفتار کر لیا جبکہ دیگر ملازمین کے خلاف انکوائری جاری ہے پولیس اہلکاران مقدمہ میں صلح کے لئے ہمیں خوفزدہ کر ہے ہیں جس کی وجہ سے میں اور میرے اہل خانہ انتہائی ذہنی اذیت اور پریشانی میں مبتلا ہیں اور ہم خوف کے مارے گھر کے اندر تک محدود ہونے پر مجبور ہو چکے ہیں
اس سلسلہ میں میں نے ڈسٹرکٹ اینڈ سیشن جج کو پولیس اہلکاران کی طرف سے دی گئی سنگین نتائج اور ناجائز مقدمات میں پھنسا کر جیل بھجوانے کی دھمکیوں پر 22A-22Bکے تحت حقوق انسانی میں درخواست گزار رکھی ہے میری الیکٹرانک میڈیا کلب توسط سے چیف جسٹس آف پاکستان،وزیر اعظم پاکستان،وزیر اعلی پنجاب اور آئی جی پنجاب پولیس سے استدعا ہے کہ مجھے اور میرے اہل خانہ کو تحفظ فراہم کیا جائے اور پولیس کو کسی بھی غیر قانونی اقدام کرنے سے روکا جائے اور میرے ساتھ زیادتی کرنے والے پولیس اہلکاروں کے خلاف سخت کاروائی کی جائے اور ان کو محکمہ پولیس سے نکالا جائے جو کہ محکمہ پولیس کی بدنامی کاباعث بن رہے ہیں
Category: سرگودھا
-
پنجاب پولیس کا ایک اور کارنامہ شہری کو بنک سے اٹھا لیا
-
ریاستی ادارے غنڈہ گردی پہ اتر آئے حکومت رٹ قائم کرنے میں ناکام
سرگودھا(نمائندہ باغی ٹی وی) پولیس کی وردی بدل گئی ۔حرکتیں تبدیل نہ ھو سکیں
تھانہ سٹی پولیس مزدور کے گھر گھس گئی۔ خواتین اور مردوں کے کپڑے پھاڑ ڈالے
چادر اور چار دیواری کا تقدس پامال کرتے ھوئے اپنی عدالت لگا لی
لین دین کے مقدمہ میں 89 شمالی میں عرفان الحق کو اٹھانے آئے تھے
اہل محلہ نے پولیس کو غنڈہ گردی کرنے پر کمرے میں بند کر دیا ، اے ایس آئی پرویز اور کانسٹیبلان منت سماجت کرتے رھے
اہل محلہ نے پولیس گردی کی ویڈیو بنالی ملزم عرفان الحق نے اپنے بیان میں کہا کہ اے ایس آئی دیگر پولیس اہلکاروں کے ساتھ زبردستی گھر میں گھسا جبکہ میں نے سپریم کورٹ سے ضمانت کروا رکھی ہے۔
اہل علاقہ نے چادر چار دیواری کا تقدس پامال کرنے پر پنجاب پولیس کے شیر جوانوںُ کو کمرے میں بند کر دیا ڈی ایس پی صدر نے موقع پر پہنچ کر پولیس ملازمین کی جان خلاصی کروائی
اہل علاقہ کو پولیس اہلکاروں کے خلاف قانونی کارروائی کی یقین دھانی کروائی گئی -
صحا فیوں پر تشدد کا معاملہ تھانہ خوشاب میں ایف آئی آر درج
سرگودہا،خوشاب(نمائندہ باغی ٹی وی )سماء ٹی وی چینل کے خوشاب سے رپورٹر رانا ظہیر
اور آپ چینل کے خوشاب سے رپورٹر مرزا عبدالستار پر تشدد کا معاملہ
تھانہ خوشاب میں رانا ظہیر کی مدعیت میں ڈاکخانہ کے تین نامزد طاہر سیف اللہ پوسٹ ماسٹر،اظہر کنڈان کلرک ڈاکخانہ،محمد اسحاق بلوچ سپرینڈنٹ ڈاکخانہ اور گیارہ نامعلوم ملازمین کیخلاف دفعات /506/47/149/342/457/ کے تحت مقدمہ درج کر لیا گیا گزشتہ روز ڈاکخانہ ملازمین نے صحافیوں پر تشدد کیا تھا اور کیمرے توڑ دیے تھے -
خوشاب میں ڈاکخانہ ملازمین کا کوریج کرنے والی صحافیوں کی ٹیم پر حملہ، بدترین تشدد سے 3 زخمی، کیمرے توڑ ڈالے
بزرگ پنشنرز کے مسائل حل کرنے کیلئے ڈاک خانہ خوشاب جانے والی میڈیا ٹیم پر ڈاکخانہ ملازمین نے بدترین تشدد کیا اور ان کے کیمرے توڑڈالے.
باغی ٹی وی کی رپورٹ کے مطابق ڈاک خانہ ملازمین کے تشدد سے سماء ٹی وی کے رانا ظہیر، آپ نیوز کے ستار مرزا اور ہم نیوز کے وقاص شامل ہیں. زخمی صحافیوں کو ڈی ایچ کیو ہسپتال جوہر آباد میں داخل کروا دیا گیا ہے. خوشاب میںپیش آنے والے اس واقعہ کی جوہر آباد خوشاب سمیت ملک بھر کی تمام صحافتی تنظیموں نے شدید مذمت کی ہے اور صحافیوں پر بلاوجہ بہیمانہ تشدد کرنے والے ڈاکخانہ ملازمین کے خلاف کاروائی کا مطالبہ کیا ہے.
رانا ظہیر جو اس واقعہ میںبری طرح زخمی ہوئے ہیں. خوشاب میںالیکٹرونک میڈیا کے صدر ہیں. وادی سون پریس کلب کے عہدیداران الطاف چغتائی، ملک احمد سعید اعوان اور ملک زاہد فاروق اعوان و دیگر نے اس افسوسناک واقعہ کی سخت مذمت کرتے ہوئے ڈی سی او خوشاب سے فوری کاروائی کا مطالبہ کیا ہے.
پی ایف یو جے اور پاکستان میڈیا کونسل نے بھی اس واقعہ کی شدید مذمت کی ہے.
-
شاہ نکڈر چار افراد کی گھر میں گھس کر فائرنگ ماں بیٹا جاں بحق
سرگودھا (شاہ نکڈر )چارافرادکی گھرمیں گھس کرفائرنگ نمبردارکی بیوی بیٹاجاں بحق جبکہ ایک بیٹی زخمی ملزمان فائرنگ کرتےہوئےفرار تفصیلات کے مطابق تھانہ شاہ نکڈرکےعلاقہ چکاسہراب والاکےرہائشی نمبرداراللہ دتہ کےگھرمیں چارافرادگھس آئےاوراندھادھندفائرنگ کردی ملزمان کی فائرنگ سےاللہ دتہ نمبردارکاجواں سالہ بیٹاخاورخان بیوی نوربھری موقع پرجاں بحق ہوگئی جبکہ بیٹی نادیہ بی بی شدیدزخمی ہوگئی ملزمان فائرنگ کرتےہوئےموقع سےفرارہوگئےوجہ عنادسابقہ دشمنی بتائی گئی ہے
-
سرگودہا پنجاب ہیلتھ کئیر کمیشن حرکت میں آ گیا جانیے اس خبر میں
سرگودہا(نمائندہ باغی ٹی وی)پنجاب ہیلتھ کیئر کمیشن نے15عطائیوں کے اڈے سیل کر دیے _تفصیلات کے مطابق کمیشن کی ٹیم نے شہر اور کوٹ مومن کے مختلف علاقوں میں واقع 68علاجگاہوں پر چھاپے مارکر غیر قانونی طور پر کام کر نے والی عام علاجگاہوں ،دندان ساز وں اور دواخانوں کو بند کر دیا ۔
ممتاز ڈینٹل کیئر،ابو بکرکلینک،ہاشمی کلینک،اسلم دواخانہ،ندیم کلینک،ارشد ڈینٹل سروس،آد م کلینک،جاوید دندان سازکو سر بمہر کر دیا گیا ۔
بلال ڈینٹل میٹریل اینڈ کلینک،نورکلینک، الشفا کلینک اورارشد علی کلینک بھی بند کر دیے گئے ۔
کمیشن نے ضلع میں اب تک 1,856علاجگاہوں پر چھاپے مار کر442عطائیوں کے کاروبار بند کیے ہیں جبکہ 506عطائیوں کی دکانوں پر کاروبار تبدیل کر دیے گئے ہیں ۔ -
انٹر پول کے ذریعے اشتہاری ملزم گرفتار خبر آگئی
سرگودھا(نمائندہ باغی ٹی وی) انٹر پول کے ذریعے قتل کے مقدمہ میں مطلوب اشتہاری مجرم مسقط سے گرفتار تفصیلات کے مطابق ڈسٹرکٹ پولیس آفیسر حسن مشتاق سکھیرا کی ہدایت پر قتل کے مقدمہ میں مطلوب اشتہاری ملزم حسن امجد ولد محمد امجد کو بذریعہ انٹرپول مسقط سے گرفتارکرلیا گیا ہے۔گرفتارملزم حسن امجد نے اپنے ساتھی مبشر کے ساتھ ملکر سال 2015 میں بلدیاتی الیکشن میں ملزمان کی مرضی سے ووٹ نہ دینے پر محمد شفیق عرف ظفری کو ناحق قتل کردیا تھا اور گرفتاری سے بچنے کے لئے بیرون ملک مسقط فرار ہوگیا تھا۔جس پر بذریعہ ریڈ وارنٹ ملزم کی گرفتاری کا تحرک کیا گیا اور انٹر پول کے ذریعے ملزم کو مسقط میں گرفتار کر لیا گیا ملزم حسن امجد کو انٹرپول کے ذریعے مسقط سے علامہ اقبال ائیرپورٹ لاہور پرایف آئی اے حکام نے تھانہ صدر پولیس کے حوالے کر دیا ہے۔
-
نئے پاکستان کا پوسٹ ماسٹر جلاد بن گیا تازہ خبر
سرگودہا،خوشاب(نمائندہ باغی ٹی وی)نئے پاکستان میں پوسٹ ماسٹر جلاد بن گیا بزرگ پنشنرز کے مسائل اجاگر کرنے پر ڈسٹرکٹ الیکٹرانک میڈیا کلب خوشاب کے صدر اور نجی ٹی وی چینل کے نمائندے رانا ظہیر ساجد پر ڈاکخانہ خوشاب کے افسران اور ملازمین نے حملہ کر دیا کیمرے توڑ ڈالے.حملے میں رانا ظہیر اور اس کی ٹیم کو شدید زخمی کر دیا۔اس کے علاوہ نجی چینلز کے نمائندگان ستار مرزااور وقاص شاید زخمی ہیں ۔زخمیوں کو ریسیکو1122
نے DHQ ھسپتال شفٹ کر دیا۔صحافی تنظیموں کی شدید مذمت سامنے آگئی حکومتی عہدیداروں سے کاروائی کا مطالبہ کر دیا -
محکمہ پولیس میں سستی، کاہلی کے مرتکب اہلکاروں کے لئے کوئی جگہ نہیں ہےایس پی انویسٹی گیشن سرگودہا نے بتا دیا
سرگودھا(نمائندہ باغی ٹی وی) ایس پی انویسٹی گیشن سرگودھا امتیاز محمود نے کہا ہے کہ پولیس محدود وسائل کے باوجود عوام کی حفاظت اور جرائم کی بیخ کنی کےلئے رات دن کوشاں ہے، محکمہ پولیس میں سستی، کاہلی کے مرتکب اہلکاروں کے لئے کوئی جگہ نہیں ہے، کارکردگی دکھانے والے اہلکاروں و افسران کو شاباش دی جاتی ہے اور غفلت کے مرتکب اہلکاروں کے خلاف سخت محکمانہ قانونی کارروائی عمل میں لائی جاتی ہے تا کہ پولیس کا مورال بلند رہے۔ اشتہاری، مفروروں، اور جرائم پیشہ عناصر کے خلاف عید الفطر کے موقع پر کریک ڈاﺅن کے لئے ٹیمیں تشکیل دے دی گئی ہیں اور ضلع بھر کے تمام ایس ایچ اوز کو ہدایت کی گئی ہے کہ وہ جرائم پیشہ افراد کو منطقی انجام تک پہنچانے کےلئے دیا گیا ٹارگٹ پورا کریں، اس ضمن میں کوئی سستی، کوتاہی برداشت نہیں کی جائے گی، ایس پی انویسٹی گیشن نے بتایا کہ آج سے ضلع بھر میں عید کے ایام تک سکیورٹی کے فول پروف انتظامات کیے گئے، اندرون شہر تمام بازاروں میں پولیس ٹیموں نے اپنی ڈیوٹیاں سنبھال لی ہیں۔ سفید کپڑوں میں ملبوس اہلکاروں کی بڑی تعداد بھی شہر کے بازاروں میں تعینات کی گئی ہے تا کہ عید کی خریداروں کےلئے آنے والے حضرات بالخصوص خواتین اور بچوں کو کوئی پریشانی لاحق نہ ہو۔ پارکوں میں بھی سکیورٹی بڑھا دی گئی ہے۔ قبل ازیں ایس پی انویسٹی گیشن امتیاز محمود نے اعلیٰ کارکردگی پر ڈی ایس پی سٹی سرکل خالد حسین تارڑ، ایس ایچ او سیٹلائٹ ٹاﺅن شہزاد فیض، انسپکٹر عبدالرزاق، سب انسپکٹراعجاز الحق قریشی، اے ایس آئی نواز اور دیگر کو شیلڈیں دیں۔ اس موقعہ پر الیکٹرانک میڈیا کلب کے سرپرست اکرم عامر، صدر سیف خان، جنرل سیکرٹری جنید خان، عمیرضیاء،سفیان وحید، گلزار علی سید، صدر یونین آف جرنلسٹس ذوالفقار ہاشمی، ملک کامران، میاں ریاض،عدیل چوہدری، سجاد اکرم، نعیم فیصل، اشرف ندیم سمیت صحافیوں، معززین شہر کی کثیر تعداد موجود تھی۔
-
سورج قہر برسانے لگا درجہ حرارت 48 ڈگری سینٹی گریڈ تک پہنچ گیا
سرگودہا(نمائندہ باغی ٹی وی)سرگودہا شہر اور اس کے گردونواح میں موسم شدت اختیار کر گیاسورج نے قہر برسانا شروع کر دیا درجہ حرارت 45 سے 48 ڈگری سینٹی گریڈ تک پہنچ گیا جس سے زندگی مفلوج ہو گئی شدید گرمی کی وجہ سے شہر کے بازار اور گلیاں سنسان نظر آنے لگے چرند،پرند،اور جانور بھی گرمی سے بد حواس نظر آنے لگے لوگ گھروں میں محصور ہو گئے شہریوں کا کہنا ہے کہ روزہ کی حالت میں باہر نکنا محال ہو گیا ہے
شدید گرمی سے پیاس کی شدت میں اضافہ ہوتا ہے اور جسم کام کرنے کے قابل نہیں رہتا جبکہ بعض علاقوں میں لوڈ شیڈنگ کا سلسلہ بھی جاری ہے اور بعض علاقوں میں وولٹیج پوری نہ ہونے کے باعث شہری تبدیلی سرکار کو کوستے نظر آتے ہیں مساجد میں معمول کی نمازوں میں اور تراویح کی نمازوں میں خصوصی بارش کیلیے دعائیں کی جا رہی ہیں جبکہ محکمہ موسمیات کا کہنا ہے کہ عید کے روز تک بارش کا کوئی امکان نہیں اور عید کے روز بھی شدید گرمی ہو گی