Category: سرگودھا

سرگودھا: دیارِ غیر سے محبت کی ایک اور انوکھی داستان حقیقت بن گئی۔ پولینڈ سے تعلق رکھنے والی ایک غیر ملکی خاتون پاکستان پہنچ کر سرگودھا کے رہائشی نوجوان مطیع اللّٰہ کے ساتھ رشتۂ ازدواج میں بندھ گئی۔

ذرائع کے مطابق پولینڈ کی یہ خاتون گزشتہ چند ماہ سے مطیع اللّٰہ کے ساتھ سوشل میڈیا کے ذریعے رابطے میں تھیں۔ دونوں کے درمیان دوستی نے رفتہ رفتہ گہری سمجھ بوجھ اور اعتماد کی بنیاد رکھی، جس کے بعد خاتون نے پاکستان آ کر شادی کرنے کا فیصلہ کیا۔سرگودھا پہنچنے پر خاتون نے نہ صرف مطیع اللّٰہ سے نکاح کیا بلکہ اسلام قبول کرتے ہوئے اپنا نیا اسلامی نام ’’مریم‘‘ اختیار کر لیا۔ نکاح کی سادہ مگر خوبصورت تقریب مقامی شادی ہال میں منعقد ہوئی، جس میں دلہا کے عزیز و اقارب نے بھی شرکت کی۔

مقامی ذرائع کے مطابق مریم پاکستانی روایات، رہن سہن اور خاندانی نظام سے خاصی متاثر نظر آئیں۔ انہوں نے کہا کہ مطیع اللّٰہ کے خاندان نے انہیں بے حد محبت اور احترام دیا جس نے پاکستان آنے کے ان کے فیصلے کو مضبوط کر دیا۔نکاح کے بعد دونوں نے خوشی کا اظہار کرتے ہوئے کہا کہ وہ اپنی نئی زندگی کا آغاز اللہ کے نام سے کر رہے ہیں اور امید رکھتے ہیں کہ یہ رشتہ محبت، بھروسے اور اعتماد کے ساتھ مضبوطی سے آگے بڑھے گا۔سوشل میڈیا پر اس جوڑے کی تصاویر وائرل ہو رہی ہیں اور پاکستانی صارفین ان کے لیے نیک تمناؤں کا اظہار کر رہے ہیں۔

سرگودھا میں ایک جعلی عامل کے خلاف سنگین الزامات سامنے آئے ہیں، جس نے ایک لڑکی سے "جن نکالنے” کے بہانے لاکھوں روپے بٹورنے کے بعد مبینہ طور پر اس سے زیادتی کی کوشش بھی کی۔

پولیس کے مطابق متاثرہ لڑکی نے شکایت درج کرائی ہے کہ جعلی عامل نے اسے یقین دلایا کہ اس پر "جنات” کا اثر ہے، جسے ختم کرنے کے لیے بھاری رقوم درکار ہوں گی۔ عامل نے مختلف مراحل میں تقریباً 30 لاکھ روپے وصول کیے۔ایف آئی آر کے متن میں کہا گیا ہے کہ ملزم نے جن نکالنے کے بہانے پیسے بٹورنے کے بعد متاثرہ لڑکی کو اپنے قبضے میں لے کر اس سے مبینہ زیادتی کی کوشش کی۔ مزید یہ بھی بتایا گیا ہے کہ ملزم نے لڑکی کی نازیبا ویڈیو بنا لی اور اسے بلیک میل کرتے ہوئے 20 لاکھ روپے مزید طلب کیے۔پولیس حکام نے تصدیق کی ہے کہ ملزم کے خلاف مقدمہ درج کر لیا گیا ہے، تاہم وہ تاحال گرفتار نہیں ہو سکا۔ پولیس کی جانب سے ملزم کی گرفتاری کے لیے چھاپے مارنے کا سلسلہ جاری ہے۔

علاقہ مکینوں کا کہنا ہے کہ ایسے جعلی عامل سماج میں خوف اور جہالت کا فائدہ اٹھا کر معصوم لوگوں کو لوٹتے ہیں، اس لیے قانون نافذ کرنے والے اداروں کو چاہیے کہ فوری کارروائی کرتے ہوئے اس ملزم کو گرفتار کر کے قرارِ واقعی سزا دی جائے تاکہ آئندہ کوئی بھی اس طرح کے گھناونے فعل کا ارتکاب نہ کر سکے۔

وزیراعلیٰ پنجاب مریم نواز نے کہا ہےکہ ایک وزیراعظم ہوا کرتا تھا جس کو الٹی سیدھی حرکتوں پر جہاز سے اتار دیا گیا کہ بھائی اترو جاؤ اور آج جب شہباز شریف کا جہاز سعودی ائیر اسپیس میں آیا تو اسے سعودی جنگی جہازوں نے سلامی دی۔

سرگودھا میں الیکٹرک بسوں کی افتتاحی تقریب سے خطاب میں مریم نواز نے کہا کہ آج سرگودھا کے لیے 33 بسوں کا تحفہ لائی ہوں، شہر کے لیے 60 بسیں رکھی ہیں، سرگودھا ڈویژن کو 105 بسوں کا تحفہ دیں گے،حیرانی ہوئی کہ پورے سرگودھا ڈویژن میں دل کے امراض کا کوئی اسپتال نہیں، میں نے اسی روز فیصلہ کیا اور سرگودھا میں نواز شریف انسٹی ٹیوٹ آف کارڈیولوجی پر کام شروع کرانے کا فیصلہ کیا، آج نواز شریف انسٹی ٹیوٹ آف کارڈیولوجی نے کام شروع کردیا ہے، دل کے امراض میں مبتلا لوگوں کو اب فیصل آباداور ڈویژن سے دور جانے کی ضرورت نہیں، پنجاب میں بدترین سیلاب آیا، تین دریاؤں میں تاریخ کا سب سے بڑا سیلاب آیا، سیلاب کے باعث27 شہر اور 5 ہزار سے زائدگاؤں متاثر ہوئے، اگر ہماری تیاری نہ ہوتی تو بہت بڑا نقصان ہونے کا اندیشہ تھا، ہم نے 25 لاکھ سے زائد افراد کو محفوظ مقام پر پہنچایا، متاثرین کو خیموں میں آباد کیا اور خوراک فراہم کی، 22 لاکھ سے زائد مویشیوں کو بھی محفوظ مقام پر پہنچایا۔

وزیراعلیٰ پنجاب نے عمران خان پر تنقید کرتے ہوئے کہا کہ ایک وزیراعظم ہوا کرتا تھا جس کو الٹی سیدھی حرکتوں پر جہاز سے اتار دیا گیا کہ بھائی اترو جاؤ، آج جب شہباز شریف کا جہاز سعودی ائیر اسپیس میں آیا تو اسے سعودی جنگی جہازوں نے سلامی دی، یہ جنگی جہازوں کی سلامی کسی سیاسی لیڈر کو نہیں بلکہ پاکستان کو دی گئی ہے،اڈیالا میں موجود شخص کو نہیں پتا کہ پاکستان اب آگے بڑھ گیا، وہ قصہ دیرینہ ہے، شہباز شریف کی تذلیل کرنے کوشش کی گئی، آج سعودی عرب میں جو عزت ملی دنیا دیکھتی رہ گئی، سعودی عرب نےکہا کہ پاکستان پر حملہ سعودی عرب پر حملہ تصور ہوگا، کبھی دیکھی ہے اتنی بڑی سفارتی کامیابی، سعودی عرب کے ساتھ کانٹریکٹ ایک کاغذ کا ٹکڑا نہیں، یہ دفاعی معاہدہ بہت بڑا کارنامہ ہے، حرمین شریفین کی پاسبانی کا شرف پاکستان کو ملا ہے۔

پاک فوج کا سرگودھا کے علاقے گورنہ پٹھاناں میں ریسکیو اینڈ ریلیف آپریشن جاری ہے

پنجاب کے دیگر اضلاع کی طرح سرگودھا کا علاقہ گورنہ پٹھاناں بھی سیلاب سے متاثرہوا،گورنہ پٹھاناں میں سیلاب میں محصور افراد کو ریسکیو کرنے کیلئے پاک فوج کے تازہ دم دستے پہنچ گئے،پاک فوج کے دستے کشتیوں اور دیگر ریسکیو آلات سے لیس ہیں جنہیں مقامی انتظامی کا تعاون بھی حاصل ہے،سیلاب میں گھرے افراد کو پاک فوج کے جوانوں نے کشتیوں کے ذریعے ریسیکو کرکے محفوظ مقامات پر منتقل کرنا شروع کردیا،پاک فوج نے ریسکیو آپریشن کے ساتھ ساتھ متاثرین سیلاب کیلئے فری میڈیکل کیمپس بھی قائم کئے ہیں،ریسکیو کئے جانے والے افراد میں بزرگ شہری، بچے اور خواتین بھی شامل ہیں،متاثرین سیلاب کی جانب سے پاک فوج کے ریسکیو اینڈ ریلیف آپریشن کو سراہا جا رہا ہے،پاک فوج مشکل کی اس گھڑی میں عوام کے ساتھ شانہ بشانہ کھڑی ہے

طلبہ کی الیکٹر ک بائیکس کیلئے چارجنگ اسٹیشن قائم کرنے کا اعلان، چھ ہزار سرکاری سکولوں میں اے آئی اور کمپیوٹر لیب، 50ہزار نئے کلاس روم بنانے کے اعلانات
وزیراعلیٰ مریم نواز شریف نے تمام سرکاری سکولوں میں چیئر، ڈیسک اور دیگر فرنیچر کی فراہمی کا بھی اعلان کیا
وزیراعلیٰ مریم نواز کی طلباء و طالبات کو آزادی اظہار کے اختیار کو ذمہ داری سے استعمال کرنے اور ہر خبر کی تصدیق کرکے آگے پھیلانے کی ہدایت
جو 9 مئی کو ایک سیاسی جماعت نے کیا، وہی دہشت گرد کرتے ہیں اور وہی دشمن کرتا ہے، شخصیات سے اختلاف ہوسکتا ہے،ملک سے نہیں:مریم نواز شریف
سرکاری سکولوں کے طلبہ کو پرائیویٹ سکولوں کے برابر یابرتر دیکھنا چاہتی ہوں، پنجاب کے ہر بچے اور بچی کوآگے بڑھتا دیکھنا میری خواہش ہے،طلبہ کو تعلیم دینے کے بعد خود روزگار کیلئے وسائل مہیا کریں گے
سی ایم بننا آسان ہے، مگر عوام کی خدمت محنت طلب کام ہے، سی ایم بننے کا مقصد گاڑیوں میں بیٹھنا اور پروٹول انجوائے کرنانہیں
بچوں سے کہتی ہوں دھرتی ماں کے خلاف کبھی قدم مت اٹھانا، فتنہ فساد کا ایندھن بننے محفوظ رہنا، ملک کا نقصان اوردھرتی ماں کو شرمندہ نہ ہونے دینا
جس ایئر فورس پرحملے کیے گئے، اسی ایئر فورس نے دشمن کے پانچ طیارے گرا کر نام روشن کیا، جن وردیوں کو ڈنڈوں پرٹانکا گیا، انہی وردی پوشوں نے ملک کی حفاظت کی
طلبہ کے ہاتھ میں بندوق نہیں بلکہ قلم اور لیپ ٹاپ دیکھنا چاہتے ہیں،پاکستان کے ساتھ ہیں فتنہ فساد والوں کے ساتھ نہیں، اگلے چار سالوں میں طلبہ کا مستقبل روشن کیلئے ہر اقدام کروں گی یہ میرا وعدہ ہے
پنجاب میں وسائل پہلے بھی تھے، پیسہ بھی تھا مگر اب پیسہ عوام پر ہی لگ رہا ہے،جیبوں میں نہیں جارہا روٹی سستی کرنے کیلئے محنت کرنا پڑتی ہے
صوبائی وزیر تعلیم کی محنت ہر طرف نظر آتی ہے، راناسکندر حیات، سیکرٹری ہائر ایجوکیشن اور پوری ٹیم کو شاباش دیتی
وزیراعلیٰ مریم نوازشریف کا یونیورسٹی آف سرگودھا میں لیپ ٹاپ اور ہونہار سکالرشپ کی تقریب سے خطاب

وزیراعلیٰ پنجاب مریم نوازشریف نے یونیورسٹی آف سرگودھا میں لیپ ٹاپ اور ہونہار سکالر شپ کی تقریب سے خطاب میں اہم اعلانات کیے۔ وزیراعلیٰ مریم نوازشریف نے اگلے سال سے ہونہار سکالرشپ کی تعداد مزید بڑھانے کااعلان کیا۔ وزیراعلی مریم نوازشریف نے پنجاب کے سکولوں میں 50ہزار نئے کلاس روم بنانے اور ہر سرکاری سکول میں ٹائلٹ اور دیگر سہولتیں فراہم کرنے کا اعلان کیا۔ وزیر اعلیٰ مریم نوازشریف نے چھ ہزار سرکاری سکولوں میں اے آئی اور کمپیوٹر لیب فراہم کرنے کا اعلان کیا اور تمام سرکاری سکولوں میں چیئر، ڈیسک اور دیگر فرنیچر کی فراہمی کا اعلان کیا۔ وزیراعلیٰ مریم نوازشریف نے طلبہ کی الیکٹر ک بائیکس کے لئے چارجنگ اسٹیشن قائم کرنے کا بھی اعلان کیا۔ وزیراعلیٰ مریم نوازشریف نے یونیورسٹی آف سرگودھا میں لیپ ٹاپ اور ہونہار سکالر شپ کی تقریب سے خطاب کرتے ہوئے کہا کہ سرکاری سکولوں کے طلبہ کو پرائیویٹ سکولوں کے برابر یابرتر دیکھنا چاہتی ہوں۔ میرا وزیر اعلیٰ بننا پنجاب کے تمام بیٹے اوربیٹیوں کے لئے اعزاز ہے۔بیٹی بہادر ہوتو آگے بڑھنے سے کوئی نہیں روک سکتا۔نوازشریف کی بیٹی ہوں جو وعدہ کرتی ہوں پورا کرتی ہوں۔(جاری۔۔۔۔)
(ہینڈآؤٹ 423)
وزیراعلیٰ مریم نوازشریف نے کہا کہ پنجاب کے ہر بچے اور بچی کوآگے بڑھتا دیکھنا میری خواہش ہے۔طلبہ کو تعلیم دینے کے بعد خود روزگار کے لئے وسائل مہیا کریں گے۔ریاست ماں کی طرح ہوتی اور ماں کو تو ہر بچے کا احساس ہوتا ہے۔ وزیراعلیٰ مریم نوازشریف نے کہا کہ آسان کاروبار کے لئے ایک لاکھ 10ہزار سے زائد افراد کو 61ارب روپے کے قرضے دیئے جاچکے ہیں۔ آسان کاروبار سکیم کے تحت پنجاب میں تقریباً55ہزار نئے بزنس شروع ہوچکے ہیں۔ پاکستان مسلم لیگ(ن) کی پارلیمانی پارٹی میں پراجیکٹس کی سمری بتانے میں اڑھائی گھنٹے لگے۔ صوبائی وزیر تعلیم رانا سکندر حیات کی محنت ہر طرف نظر آتی ہے۔ صوبائی وزیر راناسکندر حیات، سیکرٹری ہائر ایجوکیشن اور پوری ٹیم کو شاباش دیتی ہوں۔وزیراعلیٰ مریم نوازشریف نے کہا کہ طلبہ میرا شکریہ ادا نہ کرے لیپ ٹاپ اور ہونہار سکالر ان کا حق ہے۔پنجاب کا کوئی بچہ وسائل کی کمی کی وجہ سے تعلیم سے محروم نہیں رہے گا۔ سرکاری سکولوں کے بچوں کو اب زمین پر نہیں بیٹھناپڑے گا۔ وزیراعلی مریم نواز شریف نے کہا کہ مجھے جیل اور ڈیتھ سیل میں ڈالا گیا، مگر آج اللہ تعالیٰ کے فضل وکرم سے یہاں کھڑی ہوں۔سی ایم بننا آسان ہے، مگر عوام کی خدمت محنت طلب کام ہے۔ سی ایم بننے کا مقصد گاڑیوں میں بیٹھنا اور پروٹول انجوائے کرنانہیں۔ وزیراعلیٰ مریم نوازشریف نے کہا کہ پنجاب میں وسائل پہلے بھی تھے، پیسہ بھی تھا مگر اب پیسہ عوام پر لگ رہا ہے،جیبوں میں نہیں جارہا ہے۔عوام کے لئے آٹا روٹی اور سبزی وغیرہ سستی کرنے کے لئے محنت کرنا پڑتی ہے۔ دل کرتا ہے مگر ڈیڑھ سال میں کبھی چھٹی نہیں کی۔ ویک اینڈپر چھٹی کروں تو احساس جرم ہونے لگتا ہے۔ جس طرح لیپ ٹاپ میں وائرس کا خیال رکھا جاتا ہے، ملک کو سنبھال کر رکھنا ہے، کوئی سیا سی وائر س نہ آجائے۔ ہر تقریب میں کہتی ہوں،آپ کے والدین کی محنت کی کمائی ہے، کسی کا آلہ کار بنکراسے ضائع نہ کرے۔ وزیراعلیٰ مریم نوازشریف نے کہا کہ بچوں سے کہتی ہوں کہ دھرتی ماں کے خلاف کبھی قدم مت اٹھانا۔ بچوں سے یہ بھی کہتی ہوں کہ فتنہ فساد کا ایندھن بننے محفوظ رہنا۔ میرے بچوں ملک کا نقصان اوردھرتی ماں کو شرمندہ نہ ہونے دینا۔ فتنہ فساد والوں کے بہکاوے میں آنے والے آج جیلوں میں پڑے ہیں، ان کے والدین کا سوچ کر پریشانی ہوتی ہے۔جو 9 مئی کو ایک سیاسی جماعت نے کیا، وہی دہشت گرد کرتے ہیں اور وہی دشمن کرتا ہے۔ شخصیات سے اختلاف ہوسکتا ہے،ملک سے نہیں۔ سیاسی جہدوجد میں ہم نے بھی اختلاف کیا، مگر ملک کے خلاف نہیں گئے۔ سیاسی تعصب سے بالا تر ہو کر سوچیں کہ شہداء کی یاد گاریں اور عسکری تنصیبات جلانا کہاں کی سیاست ہے؟۔ جس ایئر فورس پرحملے کیے گئے، اسی ایئر فورس نے دشمن کے پانچ طیارے گرا کر نام روشن کیا۔ وزیراعلیٰ مریم نوازشریف نے کہا کہ جن وردیوں کو ڈنڈوں پرٹانکا گیا، انہی وردی پوشوں نے ملک کی حفاظت کی۔جو پاک سرزمین کے غدار ہیں، وہ کسی کے وفادار نہیں۔انہوں نے کہا کہ مہذب قوم بن کر فیک نیوز کے بارے میں غور کریں۔ آزادی اظہار کے اختیار کو ذمہ داری سے استعمال کریں۔ مرفیک نیوز دوسروں کی پگڑیاں اچھالنا مہذب لوگوں کا وطیرہ نہیں۔ ہر خبر کی تصدیق کریں، پھر آگے پھیلائیں۔ طلبہ کے ہاتھ میں بندوق نہیں بلکہ قلم اور لیپ ٹاپ دیکھنا چاہتے ہیں۔ وزیراعلیٰ مریم نوازشریف نے کہا کہ ہم پاکستان کے ساتھ ہیں فتنہ فساد والوں کے ساتھ نہیں۔ اگلے چار سالوں میں طلبہ کا مستقبل روشن کے لئے ہر اقدام کروں گی یہ میرا وعدہ ہے۔ تعلیم ہی بہتر مساوات قائم کرتی ہے برابری سطح پر سر اٹھا کر جیئیں اور ملک و قوم کا نام روشن کریں۔ وزیراعلیٰ مریم نوازشریف نے طلبہ کے ساتھ تصویریں بھی بنوائیں۔