Category: سرگودھا

سرگودھا ( ادریس نواز چدھڑ سے ) پٹرولیم ڈیلرز ایسوسی ایشن نے کل سے ملک بھر میں تمام پٹرول پمپس بند کرنے کا اعلان کر دیا جس سے ملک میں نئے پٹرول بحران کا خدشہ پیدا ہو گیا وزارت_پٹرولیم کی جانب سے کمیشن نہ بڑھانے پر آل پاکستان پٹرولیم ایسوسی ایشن نے 25 نومبر کو پٹرول پمپس کی بندش کی کال دے دی

تفصیلات کے مطابق :
وزارت پٹرولیم اور پیٹرولیم ڈیلرز ایسوسی ایشن کے درمیان ٹھن گئی پٹرولیم ڈیلرز کے تحفظات دور نہ ہو سکے ڈیڈ لاک برقرار کل سے ملک بھر کے تمام پٹرول پمپس بند کی کال دے دی گئی ڈویژن صدر پٹرولیم ایسوسی ایشن رؤف رحمان نے ہنگامی پریس کانفرنس کرتے ہوئے کہا کہ کل سے پٹرول کی سپلائی بند دیں گئے حکومت نے وعدے کے باوجود ڈیلرز کے 6 فیصد تک ڈیلرز مارجن کے مطالبے پر عمل درآمد نہیں کیا تنگ آمد با جنگ آمد مجبورن یہ قدم اٹھانے جارہے ہیں اس سے قبل پٹرولیم ڈیلرز ایسوسی ایشن نے ملک بھر میں 5 نومبر اور 17 نومبر کو تمام پٹرول پمپس بند کرنے کی کال دی تھی اب پھر سے 25 نومبر کو ملک بھر میں غیر معینہ مدت کے لئے ہڑتال کا اعلان کیا ھے

سرگودھا ( ادریس نواز چدھڑ سے ) ظلم و بربریت کی انتہا ھو گئی ۔ مولا بخش ھسپتال سے حاملہ عورت کو اٹھا کر باہر پھینک دیا گیا ۔ ذراٸع

تفصیلات کے مطابق :
ذراٸع کے مطابق سرگودھا کے علاقہ چوکی بھاگٹ کی رہائشی خاتون ڈلیوری کے لئیے سرکاری ھسپتال آئی تھی ڈاکٹروں نے ایڈمٹ نھی کیا ۔ خاتون مریضہ اور اسکے لواحقین صفاک ڈاکٹروں کی منت سماجت کرتے رہے ۔ سنگدل مسیحاٶں نے خاتون کا آپریشن کرنا درکنار ھسپتال میں داخل بھی نہیں کیا ۔ حالت غیر ھونے پر حاملہ خاتون مریضہ نے سڑک کنارے فٹ پاتھ پر بچے کو جنم دے دیا ۔ خون میں لت پت خاتون کے ساتھ انسانیت سوز واقع پر شہری غم وغصہ کا اظہار کرتے رہے ۔ 30سالہ پروین بی بی رات بھر ھسپتال میں بھی بے یارو مددگار پڑی رہی تھی ۔ لیڈی ڈاکٹرز نے چیک تک نہ کیا لواحقین نے شکائت کی تو ڈیوٹی ڈاکٹر نے عملے سے اٹھوا کر ھسپتال سے باہر پھینک دیا ۔ خون میں لت پت مریضہ نے بچے کو سڑک پر جنم دیا تو شہریوں نے مریضہ کی جان بچانے کے لئیے 1122 کو کال کر دی ۔ 1122 نے زندگی موت کی کشمکش میں مبتلا مریضہ کو زبردستی ھسپتال داخل کروا دیا ۔ مریضہ داخل نہ کرنے پر 1122 عملہ کے ساتھ بھی ڈاکٹر اور عملے کی تلخ کلامی ھوئی ۔سرکاری مولا بخش ھسپتال میں گائنی کے مریضوں کے ساتھ جانوروں سے بھی بتر سلوک کیا جاتا ھے شہریوں کی وزیر اعظم پاکستان عمران خان سے فوری نوٹس لینے کی اپیل ۔ متعدد ڈلیوری کے مریضوں کے ساتھ انسانیت سوز سلوک ڈاکٹروں کی روز کا معمول بن چکا ھے ۔

سرگودھا ( ادریس نواز چدھڑ سے ) وزیرِاعلی پنجاب سردار عثمان بزدار سے ممبر قومی اسمبلی چوہدری عامر سلطان چیمہ سمیت مختلف ارکان قومی و صوبائی اسمبلی کی ملاقات‘ چوہدری عامر سلطان چیمہ نے وزیر اعلیٰ کو حلقہ این اے 91 اور ضلع سرگودھا کے عوامی مسائل سے آگاہ کیا‘ چوہدری عامر سلطان چیمہ نے حلقہ این اے 91 میں جاری ترقیاتی سکیموں کے مکمل فنڈز فراہم کرنے کا مطالبہ کرتے ہوئے کہا کہ مکمل فنڈز کی فراہمی سے ترقیاتی سکیمیں مقررہ وقت پر مکمل ہو سکیں گی۔ انہوں نے وزیر اعلیٰ پنجاب سے مہنگائی کنٹرول کرنے اور بیروزگار نوجوانوں کو سرکاری ملازمتیں دئیے جانے کا بھی مطالبہ کیا۔وزیراعلیٰ سردار عثمان بزدارنے مسائل حل کرنے کی یقین دہانی کراتے ہوئے کہا کہ عوامی نمائندوں کے مسائل کو ذاتی سمجھ کر حل کرتاہوں۔ڈسٹرکٹ ڈویلپمنٹ پیکیج سے ہرضلع میں یکساں ترقی کا نیا باب رقم ہوگا‘وسائل پر سب سے پہلا حق پسماندہ ترین علاقوں کا ہے او رہم یہ حق واپس کررہے ہیں۔ اراکین قومی اسمبلی بھی اسی طرح عزیز ہیں جس طرح اراکین پنجاب اسمبلی۔وزیراعلیٰ عثمان بزدار نے مسائل کے حل کے لئے موقع پر احکامات جاری کئے۔

*سرگودھا:تھانہ جھال چکیاں پولیس کی بڑی کاروائی،قتل کے مقدمہ میں مطلوب اشتہاری مجرم گرفتار ۔

تفصیلات کے مطابق :
سرگودھا میں ڈسٹرکٹ پولیس آفیسر ذوالفقار احمد کی ہدایت پر سنگین مقدمات میں مطلوب اشتہاری مجرمان کے خلاف کاروائی کرتے ہوئے ایس ایچ او تھانہ جھال چکیاں انسپکٹر صاحب خان نے اسسٹنٹ سب انسپکٹرمحمد سلیم ودیگر ملازمان پر مشتمل ٹیم کے ہمراہ ریڈ کرکے قتل کے مقدمہ میں مطلوب اشتہاری مجرم ارشد ولد محمد حیات کو گرفتارکرلیا ہے۔ گرفتاراشتہاری مجرم نے یکم نومبر2019کو اپنے دیگر دوساتھیوں کے ساتھ ملکر چک ساہنوں کے رہائشی نصیر احمد کو فائرنگ کرکے ناحق قتل کردیا تھا اور گرفتاری سے بچنے کیلئے روپوش ہوگئے تھے۔ ایس ایچ او تھانہ جھال چکیاں اور انکی ٹیم نے جدید وروائتی طریقہ کار تفتیش کو اپناتے ہوئے اشتہاری مجرم کو گرفتارکرلیا ہے جبکہ قبل ازیں اسکے ساتھیوں جاوید اسلم اور شاہنواز کو بھی گرفتارکرکے انکے قبضہ سے وقوعہ میں استعمال ہونے والا اسلحہ برآمدکرکے حوالات جوڈیشل بھجوایا جاچکا ہے مزید تفتیش جاری ہے۔

سرگودھا ( ادریس نواز چدھڑ سے ) بارش نہ ہونے اور محکمہ زراعت کی جانب سے کاشتکاروں کو بروقت آگاہی نہ دینے کے باعث سرگودھا میں کنو کی فصل بری طرح متاثر ہوئی ہے اور اس کا سائز بھی گزشتہ سالوں کی نسبت کم ہے جس کو مد نظر رکھتے ہوئے اس سال ایکسپورٹ کی مد میں ہمیں 50% کم آمدن ہوگی اس کی بڑی وجہ کرایوں میں تین گنا اضافہ‘ کھاد اور سپرے کے نرخ بڑھنے کی وجہ سے کاشتکاروں کیلئے ان چیزوں کو خریدنا مشکل تھا جس کے باعث اس سال کنو کی فصل گزشتہ سال کی نسبت 40% کم ہوگی ان خیالات کا اظہار سرگودھا چیمبر آف کامرس اینڈ انڈسٹری کے صدر شعیب احمد بسراء نے صحافیوں سے بات چیت کرتے ہوئے کیا انہوں نے کہا کہ گزشتہ سال کنو کی فصل بہتر ہونے کی وجہ سے 250ملین کی آمدن ہوئی تھی اب مجموعی طور پر فصل بہتر نہ ہونے کے باعث یہ 50%تک کم ہوگی اس کی بڑی وجہ سٹریس سنٹر اور محکمہ زراعت کے عملہ کی جانب سے کاشتکاروں کو بروقت آگاہی نہ دینا ہے شعیب احمد بسراء نے کہا کہ پاکستان کا کنو دنیا بھر میں اپنا ایک الگ مقام رکھتا ہے اور اس سے وابستہ لاکھوں خاندان اپنا روزگار کما رہے ہیں مگر دیگر محکموں کی طرح حکومت زراعت پر توجہ دینے کی بجائے اس کو ختم کرنے پر لگی ہے جس کے ذمہ دار محکمہ زراعت کے افراد ہیں پاکستان کو 250ملین کی آمدن ہوتی ہے جو ہر گزرتے دن کیساتھ کم ہورہی ہے حکومت کو اس طرح توجہ دینی ہوگی اور اس سلسلہ میں سرگودھا چیمبر آف کامرس اپنا بھرپور کردار ادا کرتا رہے گا۔

*سرگودھا:تھانہ جھال چکیاں پولیس کی کاروائی،بدنام زمانہ منشیات فروش سمیت چار ملزمان گرفتار، ہیروئن 1کلو160گرام وناجائزاسلحہ برآمد ۔

تفصیلات کے مطابق :
سرگودھا میں ڈسٹرکٹ پولیس آفیسر ذوالفقار احمد کی ہدایت پرمنشیات فروشوں وناجائزاسلحہ رکھنے والوں کے خلاف کاروائی کرتے ہوئے ایس ایچ او تھانہ جھال چکیاں انسپکٹر صاحب خان نے سب انسپکٹر محمد آصف اور اسسٹنٹ سب انسپکٹرمحمد سلیم ودیگر ملازمان پر مشتمل ٹیم کے ہمراہ تھانہ کے مختلف علاقوں میں بدنام زمانہ منشیات فروش نصر امان سے ہیروئن1کلو160گرام، ظفر عباس سے بندوق12بور ، غضنفر علی سے پسٹل 30بوراور شان علی سے پسٹل30بور برآمد کرکے گرفتارملزمان کے خلاف منشیات فروشی وناجائزاسلحہ رکھنے کی دفعات کے تحت الگ الگ مقدمات درج کرلیے گئے ہیں مزید تفتیش جاری ہے۔

سرگودھا ( ادریس نواز چدھڑ سے ) اسسٹنٹ کمشنر سرگودھا عمر دراز گوندل قبضہ مافیا کے خلاف سرگرم۔ چک نمبر74 جنوبی میں 127کنال، 5 مرلے سرکاری زمین ناجائز قابضین سے واگزار کروا لی ۔ زرعی زمین کی مالیت تقریبا 3 کروڑ 50 لاکھ روپے سے زائد بنتی ہے۔ اس موقع پر اے سی عمردراز گوندل کا کہنا تھا کہ حکومت پنجاب کی ہدایت کے مطابق قبضہ گروپوں سے سرکاری اراضی واگزار کرانے کا سلسلہ جاری ہے، کسی بھی شخص کو سرکاری اراضی پر قبضہ کرنے نہیں دیا جائے گا۔ اب تک اربوں روپے مالیت کی سرکاری اراضی واگزار کرائی گئی ہے۔ ناجائز قابضین کو تاوان لگایا جا رہا ہےاور واگزار کروائی گئی زمین کو عارضی کاشت اسکیم کی پالیسی کے تحت نیلام کیا جائے گا۔

سرگودھا ( ادریس نواز چدھڑ سے ) اسسٹنٹ کمشنر عمر دراز گوندل نے پرائس لسٹیں نمایاں جگہوں پر آویزاں نہ کرنے اور مقرر کردہ قیمتوں سے زائد اشیائے خوردونوش فروخت کرنے پر 10دکاندار گرفتار کروادیئے جبکہ متعدد کو بھاری جرمانے بھی کئے ۔

تفصیلات کے مطابق :
سرگودھا میں اسسٹنٹ کمشنر عمردراز گوندل نے قینچی موڑ ‘ نیوسٹیلائٹ ٹاٶن ٹاہلی چوک اور لاری اڈا روڈ سمیت دیگر علاقوں میں قائم کریانہ ‘ چکن ‘ بیف ‘ مٹن اور فروٹ کی مختلف دکانوں اور سہولت بازار کا معائنہ کیا ۔ بعض دکانوں پر ریٹ لسٹیں موجود نہ تھیں جبکہ کئی دکانوں میں نمایاں جگہوں پر ہوئی تھیں ۔ معائنہ کے دوران صارفین کی جانب سے کئی دکانداروں کی جانب سے ناقص اشیاءکی زائد نرخوں پر فروخت کی شکایات کیس اور موقع پر ثبوت بھی دیئے جس پر اے سی نے 10 دکانداروں کو موقع پر گرفتار کروادیا ۔ انہوںنے کئی دکانداروں کو بھاری جرمانے بھی عائد کئے ۔ اس موقع پر ان کاکہنا تھا کہ ذخیرہ اندوزوں ‘مصنوعی مہنگائی اور گراں فروش کو کسی صورت برداشت نہیں کیا جائیگا۔
٭٭٭٭٭

سرگودھا ( ادریس نواز چدھڑ سے ) ضلعی انتظامیہ کا عوام کو ریلیف فراہم کرنے کیلئے انقلابی اقدام ”موبائل ڈومیسائل سروس ‘ ‘ کا اجراء‘ موبائل ڈومیسائل وین تعلیمی اداروں میں جا کر موقع پر طلبہ کو ڈومیسائل جاری کرے گی ۔ افتتاحی تقریب گورنمنٹ سنٹرل ماڈل ہائیر سکینڈری سکول میں منعقد ہوئی ۔ تقریب کے مہمان خصوصی ایڈیشنل ڈپٹی کمشنر ہیڈکوارٹر ارشد احمد وٹو تھے ۔ تقریب میں چیف ایگزیکٹو ایجوکیشن اتھارٹی ریاض قدیر بھٹی ‘ اسسٹنٹ کمشنر عمر دراز گوندل کے علاوہ اساتذہ اور طلبہ نے شرکت کی ۔ اے ڈی سی ہیڈکوارٹر ارشد احمد وٹو نے دیگر مہمانوں کے ہمراہ موبائل ڈومیسائل وین کاباضابطہ افتتاح کیا اور سکول کے طلبہ کو موقع پر ڈومیسائل جاری کئے گئے ۔ اس موقع پر ارشد احمد وٹو نے خطاب کرتے ہوئے کہاکہ ڈومیسائل طلبہ کیلئے اہم دستاویزہے جس کے حصول کو انتہائی آسان بنادیاگیا ہے ۔ انہوں نے بتایا کہ پہلے مرحلہ میں تحصیل سرگودہا میں موبائل ڈومیسائل سروس شروع کی جارہی ہے ۔ موبائل وین شیڈول کے مطابق پہلے مرحلے میں سکولوں کادورہ کرے گی جہاں ڈومیسائل کے حصول کے خواہش مند طالب علم کو اپنا یا والد کا شناختی کارڈ ‘ فوٹو اور ب فارم فراہم کرنا ہو گا ۔ دیگر ضروری کارروائی موقع پر کر کے ڈومیسائل کااجراءکیاجائیگا ۔ انہوں نے بتایا کہ اس اقدام سے طلبہ کو مختلف دفاتر کے چکر نہیں لگانے پڑیں گے اور نہ ہی ان کا وقت ضائع ہو گا ۔ انہوںنے مزید بتایاکہ موبائل ڈومیسائل سروس مرحلہ وار دیگر تحصیلوں میں بھی شروع کی جائے گی ۔اس کا مقصد عوام کو زیادہ سے زیادہ ریلیف فراہم کرنا ہے ۔ انہوںنے طلبہ پر زور دیاکہ وہ حکومت کی اس سہولت سے ضرور فائدہ اٹھائیں ۔ بعدازاں انہوں نے طلباءمیں ڈومیسائل بھی تقسیم کئے ۔

سرگودھا ( ادریس نواز چدھڑ سے ) تھانہ جھال چکیاں پولیس کی بڑی کارواٸی ۔ اشتہاری مجرمان کیخلاف کریک ڈاٶن کا سلسلہ جاری ۔ راہزنی و نقب زنی اور اغوا کے مقدمہ میں مطلوب پانچ اشتہاری ملزمان گرفتار ۔

تفصیلات کے مطابق :
سرگودھا میں ڈی پی او سرگودھا ذوالفقار احمد کی ہدایت پر ڈی ایس پی صدر سرکل شفقت ندیم عطا کی زیرنگرانی ایس ایچ او تھانہ جھال چکیاں انسپکٹر صاحب خان کا اپنی ٹیم کے ہمراہ اشتہاری مجرمان کیخلاف کریک ڈاٶن کا سلسلہ جاری ھے ۔ ایس ایچ او تھانہ جھال چکیاں انسپکٹر صاحب خان نے اشتہاری مجرمان کیخلاف کارواٸی کرتے ہوٸے راہزنی و نقب زنی اور اغوا کے مقدمہ میں مطلوب اشتہاری ملزمان مبشر ، محمد اکرم ، اظہر ماچھی ، ممتاز اور نعیم کو گرفتار کر لیا ۔ اس موقع پر ایس ایچ او تھانہ جھال چکیاں صاحب خان کا کہنا تھا ۔ کہ جراٸم پیشہ افراد و اشتہاری مجرمان کیخلاف کریک ڈاٶن کا سلسلہ جاری رھے گا ۔ تھانہ جھال چکیاں کے علاقہ میں جراٸم پیشہ افراد کیلیٸے کوٸ گنجاٸش نہیں ۔ علاقہ میں جراٸم کو کنٹرول کرنا اور امن و امان کی فضا کو قاٸم رکھنا میری اوّلین ذمہ داری ھے ۔ تمام ساٸلین کیلیٸے میرے دفتر کے دروازے کھلے ھیں ۔ ساٸلین کو میرٹ پہ اور بروقت انصاف کی فراہمی کو یقیی بنایا جا رہا ھے ۔ اشتہاری ملزمان کیخلاف کامیاب کارواٸی اور علاقہ میں امن و امان کی صورتحال قاٸم رکھنے پر ایس ایچ او تھانہ جھال چکیاں انسپکٹر صاحب خان کو عوامی سماجی حلقوں نے خراج تحسین پیش کیا ۔