Category: سرگودھا

سرگودھا ( ادریس نواز چدھڑ سے ) تھانہ جھال چکیاں پولیس کی بڑی کارواٸی ۔ بدنام زمانہ منشیات فروش سمیت ناجاٸز اسلحہ رکھنے والے دو ملزمان گرفتار ۔ 1500 گرام ہیروٸن و اسلحہ برآمد ۔

تفصیلات کے مطابق :
سرگودھا میں ڈی پی او سرگودھا ذوالفقار احمد کی ہدایت پر ڈی ایس پی صدر سرکل شفقت ندیم عطا کی زیرنگرانی منشیات فروشوں و ناجاٸز اسلحہ رکھنے والوں کیخلاف کارواٸی کرتے ہوٸے ایس ایچ او تھانہ جھال چکیاں انسپکٹر صاحب خان نے اسسٹنٹ سب انسپکٹرز اسد حیات بھوانہ و اعجاز پر مشتمل ٹیم کے ہمراہ بدنام زمانہ منشیات فروش احسان کو رنگے ہاتھوں گرفتار کر لیا ۔ اور اس کے قبضہ سے 1500 گرام ہیروٸن بھی برآمد کر لی ۔ علاوہ ازیں ایس ایچ او تھانہ جھال چکیاں انسپکٹر صاحب خان نے ناجاٸز اسلحہ رکھنے والوں کیخلاف کارواٸی کرتے ہوٸے دونوں ملزمان سے پسٹل 30 بور برآمد کر کے ملزمان کیخلاف منشیات فروشی و ناجاٸز اسلحہ کی دفعات کے تحت الگ الگ مقدمات درج کر لیٸے ھیں ۔ مزید تفتیش جاری ھے ۔

سرگودھا ( ادریس نواز چدھڑ سے ) ڈپٹی انسپکٹر جنرل آف پولیس محمد فیصل رانانے بطور ریجنل پولیس آفیسر سرگودھا ریجن چارج سنبھال لیا۔ ایس پی انوسٹی گیشن سر گودھا کے ہمراہ آر پی او آفس سرگودھا کے سٹاف نے ان کا پرتپاک استقبال کیا۔پولیس کے چاق و چوبند دستے نے آر پی او سرگودھا ریجن کو سلامی دی۔

تفصیلات کے مطابق :
سرگودھا میں ڈپٹی انسپکٹر جنرل آف پولیس محمد فیصل رانا نے بطور ریجنل پولیس آفیسر سرگودھا ریجن چارج سنبھال لیا۔اس سے پہلے آر پی او سرگودھا ریجن ڈی آئی جی محمد فیصل رانا بطو ریجنل پولیس آفیسر ڈیرہ غازی خان محکمہ پولیس میں اپنی خدمات سرا نجام دے چکے ہیں ۔ آر پی او آفس سرگودھا پہنچنے پر پولیس کے چاق و چوبند دستے نے ان کو سلامی پیش کی۔ایس پی انوسٹی گیشن سرگودھا محمد اکرم خان، اے ڈی آئی جی عامر مشتاق،ڈی ایس پی آر آئی بی اظہر یعقوب، ڈی ایس پی لیگل ثناء اللہ خان اور ریجنل پولیس آفس کے سٹاف نے ان کا پر تپاک استقبال کیا۔اس کے بعد آر پی او سرگودھا ریجن ڈی آئی جی محمد فیصل رانا نے آر پی او آفس کی تمام برانچز کا وزٹ کیا۔تمام افسران و اہلکاروں سے ملاقات کی۔ان کے مسائل دریافت کیے اور اے ڈی آئی جی عامر مشتاق کو انتظامی و سیکیورٹی امور مزید بہتر بنانے کے حوالے سے مناسب احکامات جاری کیٸے ۔ آر پی او سرگودھا ریجن ڈی آئی جی محمد فیصل رانا نے تمام سٹاف سے کہا کہ میں امید کرتا ہوں کہ آپ تمام لوگ اپنی پیشہ ورانہ صلاحیتوں کو عوام کے مسائل حل کرنے میں استعمال کریں گے۔ آپ پوری محنت،لگن،ایمانداری اور توجہ سے اپنے فرائض سر انجام دیں۔آر پی او آفس آنے والے لوگوں کے ساتھ مثبت رویہ رکھیں اور ان کے ساتھ خوش اخلاقی سے پیش آئیں۔ ان کی ہر ممکن حد تک میرٹ پر مدد کو یقینی بنائیں۔عوام میں احساس تحفظ کے فروغ کے لیے سروس ڈلیوری کو بہتر بنایا جائے اور عوام کے مسائل کو ترجیہی بنیادوں پر حل کریں۔

سرگودھا ( ادریس نواز چدھڑ سے ) ٹریفک وارڈن محکمہ ٹریفک پولیس کے افسران سمیت ملازمین کو بھی ماموں بناتا رہا ۔ ٹریفک پولیس میں جعلی چالان بکوں کے ذریعے شہریوں سے لاکھوں روپیے لوٹنے کا انکشاف ۔ ٹریفک وارڈن انسپکٹر محمد اعظم نے جعلی چالان بکیں چھپوا رکھی تھیں ۔ جعلی تیار شدہ چالان بیکس سے عرصہ دراز سے چالان کا سلسلہ جاری رکھا ہوا تھا ۔ ٹریفک وارڈن شہر کے مختلف مقامات پر دوران ڈیوٹی ناکے لگا کر شہریوں کے جعلی چالان کرتا رہا ۔ نقد چالان کی نقد رقم وصول ٹریفک وارڈن نے ڈرائیوروں سمیت شہریوں کو بھی چونا لگا دیا ۔ لاکھوں کے چلان کی رقم رقم بینک میں جمع ھی نھی ھوئی ۔ ٹریفک وارڈن انسپکٹر اعظم جعلی چلان چیٹ دے کر اصلی نوٹ وصولتا رہا ۔ سرگودھا میں ٹریفک وارڈن کی مبینہ کرپشن پر ڈی پی او ذوالفقار احمد کا سخت ایکشن ۔ ٹریفک وارڈن محمد اعظم کو معطل کر دیا گیا ۔ ٹریفک وارڈن کے خلاف تھانہ سٹی میں مقدمہ بھی درج کرلیا گیا ۔ ڈی ایس پی ٹریفک شیخ کاشف مسعود کو انکوائری کا حکم ۔ اس موقع پر ڈی پی او سرگودھا کا کہنا تھا ۔ کہ کرپشن کسی صورت برداشت نہیں کی جائے گی ۔ ملوث تمام کرداروں کے خلاف کاروائی کی جائے گی ۔

سرگودھا ( ادریس نواز چدھڑ سے ) وزیراعلیٰ پنجاب کی ہدایات کے مطابق ڈسٹرکٹ جیل شاہپور میں قیدیوں کیلیٸے ایل سی ڈیز لگا دی گٸیں ۔ سپرنٹنڈنٹ جیل میاں انصر کی کارکردگی قابل تعریف ۔

سرگودھا میں وزیراعلیٰ پنجاب کی ہدایات کے مطابق سپرنٹنڈنٹ جیل شاہپور میاں انصر نے قیدیوں کیلیٸے بیرکوں میں نٸی ایل سی ڈیز لگوا دیں ۔ اس سے قبل بھی سپرنٹنڈنٹ میاں انصر اپنی کارکردگی و خوش اخلاقی کی بدولت عوامی سماجی حلقوں و قیدیوں میں کافی مقبول ھیں ۔ جیل ذراٸع کے مطابق میاں انصر کی تعیناتی سے لیکر اب تک شاہپور جیل میں صحیح معنوں میں تبدیلی دیکھنے کو آٸی ھے ۔ افسران سے لیکر اہلکاران تک تمام اپنی ڈیوٹی کے فراٸض بخوبی اور خوش اخلاقی سے ادا کر رھے ھیں ۔ جیل میں کرپشن نہ ہونے کے برابر ھے ۔ قیدیوں کو تمام تر سہولیات فراہم کرنے اور جیل میں امن و امان و کرپشن فری کرنے میں سپرنٹنڈنٹ جیل میاں انصر انتہاٸی اہم کردار ادا کر رھے ھیں ۔ جس کی مثال اس سے قبل کم ہی ملتی ھے ۔ شاہپور جیل میں آٸے قیدیوں اور انکے لواحقین کی ملاقات کو بھی بہترین انداز سے کروایا جاتا ھے ۔ جیل افسران عوام کو ذلیل کرنے کی بجاٸے عوامی خدمت میں پیش پیش ھیں ۔ جس کی وجہ سے سپرنٹنڈنٹ جیل شاہپور میاں انصر کی مقبولیت میں دن بدن اضافہ ہوتا جا رھا ھے ۔ عوامی سماجی حلقوں نے سپرنٹنڈنٹ جیل شاہپور میاں انصر کی کارکردگی ، اور جیل میں قیدیوں کو تمام تر سہولیات فراہم کرنے اور جیل کے ماحول کو بہتر کرنے و جیل کو کرپشن فری بنانے کی خدمات کو سراہتے ہوٸے انکو خراج تحسین پیش کیا ۔

سرگودھا ( ادریس نواز چدھڑ سے ) واٹر سپلائی کا تباہ حال نظام عوامی مسائل میں اضافہ کا باعث، زیر زمین پانی مضر صحت، واٹر سپلائی کے تالاب گندگی کے ڈھیر میں تبدیل، لوگ مختلف مہلک امراض کا شکار اور دور دراز سے پانی لانے یا خرید کر استعمال کرنے پر مجبور ہوگئے ۔

تفصیلات کے مطابق :
سرگودھا میں میٹروپولیٹین حکام اور واٹر سپلائی ذمہ داتان کے ساتھ مقامی انتظامیہ کی مجرمانہ غفلت اور ممبران اسمبلی کی حالات سے چشم پوشی کے باعث صورت حال ابتر ہوچکی ہے، سرگودھا کے زیر زمین مضر صحت پانی کی وجہ سے آبادی کا انحصار واٹر سپلائی پر ہوتا ہے مگر زیر زمین بچھی ہوئی واٹر سپلائی اور سیوریج لائنیں بوسیدہ اور اکثر علاقوں میں سیوریج کا پانی مکس ہوجانے کی وجہ سے یہ پانی بھی قابل استعمال نہیں رہتا، دوسری جانب واٹر سپلائی کے تالاب بھی گندگی کا ڈھیر بن چکے ہیں ۔ واٹر سپلائی تالابوں کی کئی عشروں سے تالابوں کی صفائی نہ ہونے سے حالات ابتر ہیں، انہی عوامل کی وجہ سے لوگ شدید مسائل اور مختلف بیماریوں کا شکار ہیں اور پانی خرید کر یا دور دراز علاقوں سے بھر کر لانے پر مجبور ہیں اور کوئی پرسان حال نہیں ۔
عوام کا مطالبہ ہے کہ ارباب اختیار اس سنگین صورت حال کا فوری نوٹس لیتے ہوئے حالات کی بہتری کیلئے حقیقی کردار ادا کریں تاکہ اہل سرگودھا کو اس مستقل عذاب سے نجات مل سکے ۔

سرگودھا ( ادریس نواز چدھڑ سے ) تحصیل بھلوال میں دیرینہ دشمنی پر مخالفین کی فائرنگ سے ایک نوجوان جانبحق دوسرا شدید زخمی ۔

تفصیلات کے مطابق :
سرگودھا کے علاقے پرانا بھلوال کے رہائشی صدام ولد محمد الیاس ساکن پرانا بھلوال کی محمدنوید وغیرہ کے ساتھ پرانی دشمنی چلی آرہی تھی گزشتہ شام نوید نامی شخص نے صدام اور اسکے ساتھی مقیط احمد ساکن منظور حیات کالونی پر فائرنگ کردی جس کے نتیجہ میں مقیط احمد نامی نوجوان فائر لگنے سے موقع پر جانبحق ہوگیا جبکہ صدام گولی لگنے سے شدید زخمی ہوگیا جسے تحصیل ہیڈکوارٹر ہسپتال پہنچا دیا گیاتھانہ بھلوال پولیس نے جاعہ وقوعہ پر جاکر قتل ہونیوالے مقیط احمد کی نعش کو پوسٹمارٹم کیلئے تحصیل ہیڈکوارٹرہسپتال بھلوال پہنچا دیااور ابتدائی کاروائی شروع کردی

سرگودھا ( ادریس نواز چدھڑ سے ) ذخیرہ اندوزوں سے برآمد چینی کو مقرر کردہ نرخوں 90 روپے فی کلو کے حساب سے صارفین کو فراہم کرنے کےلیٸے شہر کے مختلف مقامات پر ضلعی انتظامیہ نے تاجروں سے ملکر سٹالز لگا دیٸے ہیں ۔ اسسٹنٹ کمشنر سرگودھا عمر دراز گوندل نے ان سٹالز کا معائنہ کیا ۔ اور چینی کی مقررہ قمیت پر فروخت کا جائزہ بھی لیا ۔ اس موقع پر اے سی سرگودھا عمردراز گوندل کا کہنا تھا ۔ کہ چینی ذخیرہ کرنیوالوں کیخلاف کریک ڈاٶن کا سلسلہ جاری ھے ۔ اور یہ سلسلہ چھٹی والے دن بھی جاری رھے گا ۔ تحصیل سرگودھا میں جن افراد نے چینی ذخیرہ کی ھے ۔ انکیخلاف متعدد کارواٸیاں کی جا رہی ھیں ۔ اور ایف آٸی آر و جرمانے بھی کیٸے جا رھے ھیں ۔

سرگودھا ( ادریس نواز چدھڑ سے ) پولیس کے بروقت ریسپانس اور موثر حکمت عملی سے ایک بڑے حادثے کو ہونے سے پہلے ہی روک لیا گیا ۔
سرگودھا سیال موڑ کے قریب آئیل ٹینکر سے تیل کے اخراج کی اطلاع ملی ۔ آئیل ٹینکر تیل کی بڑی مقدار لے کر کراچی سے راولپنڈی جا رہا تھا ۔ سرگودھا پولیس کی بھاری نفری اطلاع ملتے ہی موقع پر پہنچ گئی ۔ سرگودھا پولیس نے سڑک کی نا کہ بندی کر کے ٹریفک روک دی ۔ ریسکیو 1122 کی ٹیمیں بھی موقع پر پہنچ گئیں ۔ تیل کی محفوظ ترسیل کے لیٸے اقدامات کیٸے جارہے ہیں ۔

سرگودھا ( ادریس نواز چدھڑ سے ) تحصیل سلانوالی ٹی ایم اے ہال میں ہلڑ بازی ۔ نمبرداران کے منعقدہ اجلاس میں بدنظمی پیدا ہوئی ۔ بدنظمی تحصیل اور ضلع قیادت کے الیکشن پر ہوئی ۔

تفصیلات کے مطابق :
ذراٸع کے مطابق نمبرداران نے ضلعی صدر کو بطور صدر ماننے سے صاف انکار کردیا ۔ تحصیل بھر کے نمبرداران نے ضلعی صدر کا کٹھا چھٹا کھول دیا ۔ ضلعی صدر نے ہمارے حقوق کا تین لاکھ روپے میں سودا کیا، نمبرداران کے سنگین الزامات ۔ نمبرداران کا کہنا تھا کہ ضلعی صدر بغیر کسی الیکشن کے خود ساختہ صدر بن گیا،ضلعی سطح پر فل فور الیکشن کروائے جائیں ورنہ نتائج کے زمہ دار ضلعی قیادت ہو گی، ضلعی صدر اپنا مینڈیٹ کھو چکا ہے فوری طور پر نئے الیکشن کروائے جائیں، ضلعی صدر ٹی ایم اے ہال سلانوالی میں منعقدہ اجلاس میں بطور مہمان خصوصی شریک تھے

سرگودھا ( ادریس نواز چدھڑ سے ) انسداد دہشتگردی سرگودھا کی عدالت کے جج خاور رشید نے تاجر کو تاوان کیلئے اغواہ کر کے قتل کرنے والے چار ملزمان کو چار، چار بار سزائے موت، دو دو لاکھ روپے فی کس جرمانہ کی سزا کا حکم سنا دیا ۔

تفصیلات کے مطابق :
سرگودھا میں تھانہ سٹی بھلوال کے علاقہ سے 9 دسمبر 2018ءکو ملزمان مدثر صدیق، شرافت علی، آفتاب احمد، ماجد علی نے تاوان حاصل کرنے کیلئے تاجر جاوید اقبال کو اغواءکر لیا تھا، ملزمان نے تاوان کی رقم نہ دینے پر تاجر کو قتل کر دیا تھا ۔ جس کا مقدمہ تھانہ سٹی میں قتل، اغواءاور دہشتگردی کی دفعات کے تحت درج ہوا ۔ چونکہ یہ ایک بلاٸنڈ کیس تھا ۔ جس میں مجرمان کی گرفتاری پولیس کیلیٸے ایک چیلنج تھی ۔ تاجر کے بیہمانہ قتل پر شٹر ڈاٶن ہڑتال بھی کی گٸی تھی ۔ اس وقت کے تعینات ایس ڈی پی او بھلوال سرکل ڈی ایس پی ملک غلام عباس بھسین اور ایس ایچ او چوہدری عبدالمجید جٹ نے دن رات کی انتھک محنت اور جدید ٹیکنالوجی کا استعمال کرتے ہوٸے ملزمان کو گرفتار کیا ۔ اس وقت ڈی ایس پی بھلوال ملک غلام عباس بھسین اور ایس ایچ او چوہدری عبدالمجید جٹ کی اس کامیاب کارواٸی پر اھل علاقہ نے انکو خراج تحسین پیش کیا تھا ۔ پولیس نے چالان مرتب کر کے عدالت میں پیش کیا، بعد از سماعت عدالت نے جرم ثابت ہونے پر چاروں ملزمان کو چار چار بار سزائے موت، دو دو لاکھ روپے جرمانہ کا حکم سنایا، فیصلہ کے وقت عدالت کے باہر سکیورٹی کے سخت انتظامات کیے گئے تھے، ملزمان کو سکیورٹی کے کڑے حصار میں جیل سے عدالت لایا اور واپس منتقل کیا گیا۔