Category: سرگودھا

بھیرہ تحصیل ہیڈ کوارٹر ہسپتال بھیرہ میں انتھسیزیا سپیشلسٹ نہ ہونے کی بنا پر آپریشن تھیٹر ایک مدت سے غیر فعال ہے جبکہ چند روز قبل ہسپتال میں تعینات ہونے والی گائناکالوجسٹ کا بھی تبادلہ کر دیا گیا ہے یہ بات ڈپٹی کمشنر سرگودھا عبداللہ نیئر شیخ اور اسسٹنٹ کمشنر محمد مرتضیٰ کو گزشتہ روز میڈیکل سپرنٹنڈنٹ ڈاکٹر محبوب احمد گوندل نے ہسپتال کے دورہ کے موقع پر بتائی انہوں نے ڈپٹی کمشنر عبداللہ نیئر شیخ کو بتایا کہ ہسپتال میں اس وقت ایک سرجن کے علاوہ کسی شعبہ کا سپیشلسٹ ڈاکٹر موجود نہیں ہے اس موقع پر پروکیورمنٹ آفیسر شجاعت گیلانی بجٹ اینڈ فنانس آفیسر عادل علوی اور دیگر عملہ بھی موجود تھا ڈپٹی کمشنر کو بتایا گیا کہ ایم پی یو کے تحت فراہم کردہ ادویات ہسپتال میں اس وقت وافر مقدار میں موجود ہیں جبکہ ان کا استعمال سپیشلسٹ ڈاکٹر کے بغیر ممکن نہیں ہسپتال میں اس وقت 14 میڈیکل افسر مریضوں کے علاج معالجہ کے لئے موجود ہیں ڈپٹی کمشنر نے اسسٹنٹ کمشنر محمد مرتضی کو حکم دیا کہ وہ ہسپتال کی ضروریات کو پورا کرنے اور ہفتہ میں دو دن انتھسیزیا اسپیشلسٹ کی موجودگی کو یقینی بنانے کے لئے اقدامات اٹھائیں ڈپٹی کمشنر نے تحصیل کمپلیکس اور اراضی ریکارڈ سنٹر کا معائنہ بھی کیا اور وہاں موجود سائلین سے گفتگو کی اور متعلقہ حکام کو ہدایت کی کہ وہ اپنی ذمہ داریوں کو دیانت داری سے ادا کریں اور سائلین کو ہر ممکن سہولت اور انکے مسائل کو بر وقت حل کریں۔

بھیرہ پاکستان پیپلز پارٹی پنجاب کے صدر قمر زمان کائرہ نے کہا ہے کہ حکومت نے 14ماہ میں ملک کا جو حال کیا ہے اس سے عام آدمی سے لیکر زمیندار، کاشتکار اور صنعتکار سب کی آنکھیں کھل گئی ہیں وہ نواحی قصبہ کلس شریف میں میڈیا سے گفتگو کر رہے تھے۔ انہون نے کہا کہ مولانا فضل الرحمان پہلے روز سے ہی الیکشن کو دھاندلی زدہ قرار دے کر نتائج قبول کرنے کو تیار نہ تھے کہ اس سے ملک کا نقصان ہو مگر ہم نے اسے سسٹم کی بقا کی خاطر قبول کیا اب حکومت کے بار بار کے یو ٹرن نے ان کی قلعی کھول کر رکھ دی ہے۔انہوں نے کہا کہ مولانا فضل الرحمان 27اکتوبر کو دھرنا کا اعلان کر چکے ہیں اس میں کراچی سے خیبر تک کے قافلے شریک ہو نگے۔ مولانا کی تحریک جے یو آئی کی تحریک ہے پیپلز پارٹی اس کی حمایت کرتی ہے۔ پیپلز پارٹی 18اکتوبر سے اپنی تحریک احتجاج مارچ کا آغاز کر رہی ہے۔ پارٹی کے چیئر مین بلاول بھٹو زرداری 20اکتوبر کو تھر 24اکتوبر کو کشمور پھر ساوتھ اور سنٹرل پنجاب میں جلسے کریں گے اور 30اکتوبر کو پارٹی کے یوم تاسیس کے موقع پر یہ احتجاج مارچ مظفر آباد میں ہو گا اس میں ہم اپنے کشمیری بھائیوں سے اظہار یکجہتی کریں گے۔

باغی ٹی وی کی رپورٹ کے مطابق شاہینوں کے شہر سرگودھا میں پنجاب کے صوبائی وزیر اطلاعات فیاض الحسن چوہان کو پریس کانفرنس کرنا مہنگا پڑ گیا

پریس کانفرنس کے دوران صحافیوں نے اخبارات کو اشتہارات کی بندش، سی پی این ای اور اے پی این ایس کی جانب سے مقامی اخبار کو ممبر شپ نہ دینے، نئی میڈیا پالیسی،صحافیوں کے بے روزگار ہونے پر تابڑ توڑ سوال کئے تو فیاض الحسن چوہان بے بس نظر آئے

صحافیوں نے پریس کانفرنس کے دوران احتجاج کرتے ہوئے کہا کہ چالیس سالوں میں سرگودھا کا کوئی اخبار لسٹ میں نہیں آیا جس پر فیاض الحسن چوہان کا کہنا تھا کہ اے پی این ایس، سی پی این اے والے زیادتی کریں گے تو ایکشن لیا جائے گا، نئی پالیسی جو میڈیا کے حوالہ سے لے کر آئے ہیں، پنجاب میں کسی کو شکایت نہیں ہونی چاہئے،اے پی این ایس اور سی پی این اے کے نمائندے سن لیں جو اخبار ممبر شپ کے لئے اپلائی کرتا ہے اگر آپ نے ممبر نہ بنایا تو اسکے خلاف ایکشن ہو گا

شاہینوں کے شہر سرگودھا میں صحافیوں نے پریس کانفرنس میں فیاض الحسن چوہان کو کھری کھری سنا دیں#baaghitv #pakistan #punjab #PTIGovernment #sargodha @SargodhaDeAwaz

@Fayazchohanpti pic.twitter.com/KjFXXEawry

— Baaghi TV باغی ٹی وی (@BaaghiTV) October 10, 2020

صحافی نے سوال کیا تو فیاض الحسن چوہان نے کہا کہ میں سمجھتا ہوں میں نے بتا دیا، ساری دنیا دیکھ رہی ہے صحافی آپس میں لڑ رہے ہیں

صحافی نے کہا کہ جو پی ٹی آئی کا ممبر ہو گا اسکے اخبار کو اشتہار ملین گے،وہ لسٹ میں آئے گا جس پر فیاض الحسن چوہان نے کہا کہ ایسا نہیں ہے

پریس کانفرنس کے دوران صحافی کھڑے ہو گئے اور انہوں نے فیاض الحسن چوہان کے سامنے کھڑے ہو کر بھی احتجاج کروایا

سرگودھا۔ تھانہ سلانوالی پولیس نے کارروائی کرکے چالوبھٹی سے شراب کشید کرتے ملزم رنگے ہاتھوں گرفتارکرلیے اوراْن کے قبضہ سے سینکڑوں لیٹر شراب ولہن برآمد کرلیا گیا۔ ڈسٹرکٹ پولیس آفیسرفیصل گلزار کی ہدایت پرمنشیات فروشوں کے خلاف کارروائی کرتے ہوئے ایس ایچ او تھانہ سلانوالی نوید اکرم نے سب انسپکٹر افضال احمد ساجد وغیرہ پر مشتمل ٹیم کے ہمراہ چک نمبری124جنوبی ڈیرہ مال مویشی ازان زاہد اقبال ریڈ کرکے ملزم زاہد اقبال ولد رانا تاج علی سکنہ ہائے چک نمبری124جنوبی کو بذریعہ چالوبھٹی شراب کشید کرتے ہوئے رنگے ہاتھوں گرفتارکرلیا ہے۔ گرفتارملزم کے قبضہ سے آلات چالوبھٹی گیس سلنڈر، چولہا، مٹی کا دورااور تگاری وغیرہ سمیت سینکڑوں لیٹر لہن اور100لیٹر شراب برآمدہوئی۔ گرفتارملزم کے خلاف منشیات فروشی کی دفعات کے تحت مقدمہ درج کرلیا گیا ہے مزید تفتیش جاری ہے۔

سرگودھا پولیس کے مایہ ناز سب انسپکٹر رانا محمد امین کی ریٹائرمنٹ کے موقع پر ایس ایچ او تھانہ کوٹ مومن فاروق حسنات کی طرف سے ایک پر وقار تقریب کا انعقاد کیا گیا۔ اس تقریب کے مہمانِ خصوصی ڈی ایس پی کوٹ مومن ملک غلام عباس تھے جبکہ کوٹ مومن سرکل کے تمام ایس ایچ اوز اور ان کے عملہ نے شرکت کی۔ اس موقع پر ریٹائر ہونے والے سب انسپکٹر رانا محمد امین نے محکمہ پولیس میں گزارے گئے وقت کو یادگار قرار دیا اور اس تقریب کے انعقاد پر شکریہ ادا کیا۔ جبکہ مہمانِ خصوصی ملک غلام عباس نے کہا کہ رانا امین نے ایک شاندار کیریئر کا اختتام کیا ہے اس کی محکمانہ خدمات کو یاد رکھا جائے گا۔ رانا آمین نے اپنے کیریئر کا آغاز بطور کنسٹیبل کیا اور سب انسپکٹر کے عہدہ پر ترقی پا کر مختلف تھانوں میں بطور ایس ایچ او اور تفتیشی افسر اپنے فرائض سر انجام دیے۔ تقریب کے اختتام پر ریٹائر ہونے والے سب انسپکٹر رانا محمد امین کو تحائف دے کر رخصت کیا گیا۔

بھیرہ پاکستان پیپلز پارٹی کے سابق وفاقی وزیر گل محمد جکھرانی اور سندھ اسمبلی کے رکن ڈاکٹر لال چند گزشتہ روز نجی دورہ پر سملانوالا بھیرہ آئے اور تحریک انصاف ضلع سرگودھا کے ڈپٹی جنرل سیکرٹری سابق ناظم ندیم اکرم خان سے ملاقات کی اور ان کی طرف سے دیئے گئے عشائیہ میں شرکت کی اس موقع پر سابق ناظم ظفراللہ خان اور صفدرعباس خان بھی موجود تھے

کمشنرسرگودہا ڈویژن ڈاکٹر فرح مسعود محکمہ معدنیات اور لیبر کی کارکردگی کے جائزہ اجلا س کی صدارت کر رہی ہیں۔ اجلاس میں ایڈیشنل کمشنر شہباز حسین نقوی‘ ڈپٹی ڈائریکٹر معدنیات راشد لطیف اور اسسٹنٹ ڈائریکٹر لیبر ہمایوں محسن شریک ہیں۔ کمشنر نے محکمہ مائنز اور لیبر پر زور دیاکہ وہ مزدوروں کی فلاح وبہبود اور ان کی حفاظت کیلئے وضع کردہ قوانین پر من عن عمل درآمد کو یقینی بنائیں۔ مائنز ورکرز کاتحفظ ریاست کی بنیادی ذمہ داری ہے اور ان کے حقوق کو کسی صورت پست پشت نہیں ڈالا جاسکتا۔ انہوں نے ڈویژن بھر میں کل مائنز اور لیز پر دی گئی مائنز کے علاوہ کام کرنے والے ورکرز اور ان کو فراہم کردہ طبی سہولیات اور ان کے بچوں کی تعلیم کی تفصیلات بھی طلب کر لی ہیں۔

کمشنرسرگودہا ڈویژن ایڈمنسٹریٹر میٹروپولیٹن کارپوریشن سرگودہا ڈاکٹر فرح مسعود میٹروپولیٹن کارپوریشن کی کارکردگی کے جائزہ اجلاس کی صدارت کر رہی ہیں۔اجلاس میں چیف کارپوریشن آفیسرطار ق پرویا، ڈپٹی میٹروپولیٹن آفیسر سروسز و انفراسٹرکچر محمد احسان، ڈپٹی میٹروپولیٹن آفیسر پلاننگ ملک محمد حیات اور ڈپٹی ڈائریکٹر ٹیکنیکل رانا شاہدعمران سمیت دیگر متعلقہ افسران بھی شریک ہیں۔ کمشنر نے میٹروپولیٹن کارپوریشن کے سرکاری واجبات کی وصولی میں ناقص کارکردگی کے حامل اہلکاروں اور افسران کی تفصیلات طلب کرتے ہوئے اگلے اجلاس میں ایسے اہلکاروں کو از خود حاضر ہونے کی ہدایت کی ہے ۔ انہوں نے کہاکہ کلین اینڈ گرین مہم کے دوسرے مرحلے کا آغاز کر دیاگیا ہے ۔مہم کے دوران صفائی ستھرائی اورسینی ٹیشن کے ساتھ ساتھ فلٹریشن پلانٹس کی صفائی اور پانی کے ٹیسٹ کئے جائیں گے ۔ کمشنر نے صفائی کے بعد دکانوں اورگھروں کے باہر دوبارہ کوڑا پھینکنے والے افراد کو بھاری جرمانے کرنے اور بعض مقامات پر کچرا کو آگ لگانے کا نوٹس لیتے ہوئے ایسے عناصر کے خلاف بھی کارروائی کرنے کی ہدایت کی۔انہوں نے موسم سرما میں لنڈا بازار اور ڈرائی فروٹ کی ریڑھیوں کو بازاروں گلی محلوں میں لگانے کی بجائے مخصوص جگہ تلاش کر کے وہاں پر منتقل کرنے کی ہدایت کی۔ اجلاس کو بتایا گیا کہ شہر میں سیوریج اور واٹر سپلائی کے کنکشن کی نشاندہی ‘پانی کے سیمپل اور بقایاجات کی وصولی کیلئے پائلٹ پراجیکٹ بھی شروع کیاجارہاہے۔اس طرح اتوار چھٹی کے روز اندرون شہر کے بازاروں اوریونین کونسلوں میں صفائی کو یقینی بنانے کیلئے عملہ صفائی اورسینی ٹیشن اہلکاروں کی ڈیوٹیاں لگادی گئی ہیں۔ ہر یونین کونسل میں تین تین صفائی سکواڈ کے افراد حاضر رہیں گے ۔کمشنر ڈاکٹر فرح مسعود نے نہر لوئر جہلم کینال کی خوبصورتی کو یقینی بنانے او رتجاوزات کے خاتمہ کیلئے مشینری کرایہ پر حاصل کرنے کی بھی ہدایت کی۔ انہوں نے میٹروپولیٹن کے جاری ترقیاتی منصوبوں کو بروقت مکمل کرنے ‘ انسداد ڈینگی مہم کا دائرہ قبرستانوں کے علاوہ دیگر مقامات تک پھیلانے اورآوارہ کتوں کی تلفی کی مہم کو مزید تیز کرنے کی بھی ہدایت کی ۔

سرگودھا:ڈسٹرکٹ بار کی طرف سے حوصلہ افزائی سرگودھا پولیس کیلئے اعزاز ہے۔ ڈی پی او فیصل گلزار
سرگودھا:دووکلاء بھائیوں کا قتل کسی سانحہ سے کم نہیں تھا میری ٹیم نے دن رات محنت کی اورمجرمان کو ڈھونڈ نکلالا اور ہم سب کا سر فخر سے بلند کیا اور آئندہ بھی ہم نے ملکر اس مقدمہ کو منطقی انجام تک پہنچانا ہے اور مجرمان کو قرار واقعی سزا دلوانے میں اپنا اپنا کردار ادا کرنا ہے۔ ان خیالات کا اظہار ڈسٹرکٹ پولیس آفیسر فیصل گلزار نے ڈسٹرکٹ بار کی طرف سے پولیس کے اعزاز میں منعقد ہ تقریب میں خطاب کرتے ہوئے کیا۔ اس موقع پر ایس پی انوسٹی گیشن سرگودھا سید محمد عباس کا کہنا تھا کہ آیئے عہدکریں کہ ہم ظالم کا ساتھ کبھی نہ دیں گے اور ایک دوسرے کی چھوٹی چھوٹی غلطیوں سے درگزر کریں گے اور انصاف کے حصول سے اپنا کردار ادا کریں گے جبکہ دیگر مقررین میں سے سابقہ صدر ڈسٹرکٹ بار ارشد علی ہنجرا نے کہا کہ پولیس کی طرف سے کی گئی کاوش قابل ستائش ہے۔پولیس نے ایک ایسا مقدمہ ٹریس کیا جوہمارے لئے انتہائی تکلیف دہ تھا۔طیب حسین شیرازی نے کہا کہ سمیع اللہ میرا بیٹا تھا اور شاگرد تھا پوری بار غمزدہ تھی جتنا غم ہمیں تھا اتنا ہی غم پولیس کیطرف سے محسوس ہورہا تھا۔لقمان باجوہ مدعی مقدمہ نے کہا کہ میں نے اپنی برادری اور اہل علاقہ کیطرف سے شکریہ ادا کرتا ہوں میں سوجاتا تھا لیکن پولیس جاگ رہی ہوتی تھی ہم پولیس کیطرف سے کیے گئے کاوش اور مقدمہ کی پیش رفت سے مطمئن ہیں۔ڈی پی او فیصل گلزار کی نگرانی میں انتہائی پروفیشنل طریقہ سے مقدمہ کی تفتیشی کی گئی یہ ایک اندھا مقدمہ تھا جس کو ٹریس کرنا انتہائی مشکل کام تھا جس کو بطریق احسن نہ صرف ٹریس کیا گیا بلکہ ملزمان کو بھی گرفتارکیا گیا۔