Category: سرگودھا

کمشنرسرگودہا ڈویژن ڈاکٹر فرح مسعود محکمہ معدنیات اور لیبر کی کارکردگی کے جائزہ اجلا س کی صدارت کر رہی ہیں۔ اجلاس میں ایڈیشنل کمشنر شہباز حسین نقوی‘ ڈپٹی ڈائریکٹر معدنیات راشد لطیف اور اسسٹنٹ ڈائریکٹر لیبر ہمایوں محسن شریک ہیں۔ کمشنر نے محکمہ مائنز اور لیبر پر زور دیاکہ وہ مزدوروں کی فلاح وبہبود اور ان کی حفاظت کیلئے وضع کردہ قوانین پر من عن عمل درآمد کو یقینی بنائیں۔ مائنز ورکرز کاتحفظ ریاست کی بنیادی ذمہ داری ہے اور ان کے حقوق کو کسی صورت پست پشت نہیں ڈالا جاسکتا۔ انہوں نے ڈویژن بھر میں کل مائنز اور لیز پر دی گئی مائنز کے علاوہ کام کرنے والے ورکرز اور ان کو فراہم کردہ طبی سہولیات اور ان کے بچوں کی تعلیم کی تفصیلات بھی طلب کر لی ہیں۔

کمشنرسرگودہا ڈویژن ایڈمنسٹریٹر میٹروپولیٹن کارپوریشن سرگودہا ڈاکٹر فرح مسعود میٹروپولیٹن کارپوریشن کی کارکردگی کے جائزہ اجلاس کی صدارت کر رہی ہیں۔اجلاس میں چیف کارپوریشن آفیسرطار ق پرویا، ڈپٹی میٹروپولیٹن آفیسر سروسز و انفراسٹرکچر محمد احسان، ڈپٹی میٹروپولیٹن آفیسر پلاننگ ملک محمد حیات اور ڈپٹی ڈائریکٹر ٹیکنیکل رانا شاہدعمران سمیت دیگر متعلقہ افسران بھی شریک ہیں۔ کمشنر نے میٹروپولیٹن کارپوریشن کے سرکاری واجبات کی وصولی میں ناقص کارکردگی کے حامل اہلکاروں اور افسران کی تفصیلات طلب کرتے ہوئے اگلے اجلاس میں ایسے اہلکاروں کو از خود حاضر ہونے کی ہدایت کی ہے ۔ انہوں نے کہاکہ کلین اینڈ گرین مہم کے دوسرے مرحلے کا آغاز کر دیاگیا ہے ۔مہم کے دوران صفائی ستھرائی اورسینی ٹیشن کے ساتھ ساتھ فلٹریشن پلانٹس کی صفائی اور پانی کے ٹیسٹ کئے جائیں گے ۔ کمشنر نے صفائی کے بعد دکانوں اورگھروں کے باہر دوبارہ کوڑا پھینکنے والے افراد کو بھاری جرمانے کرنے اور بعض مقامات پر کچرا کو آگ لگانے کا نوٹس لیتے ہوئے ایسے عناصر کے خلاف بھی کارروائی کرنے کی ہدایت کی۔انہوں نے موسم سرما میں لنڈا بازار اور ڈرائی فروٹ کی ریڑھیوں کو بازاروں گلی محلوں میں لگانے کی بجائے مخصوص جگہ تلاش کر کے وہاں پر منتقل کرنے کی ہدایت کی۔ اجلاس کو بتایا گیا کہ شہر میں سیوریج اور واٹر سپلائی کے کنکشن کی نشاندہی ‘پانی کے سیمپل اور بقایاجات کی وصولی کیلئے پائلٹ پراجیکٹ بھی شروع کیاجارہاہے۔اس طرح اتوار چھٹی کے روز اندرون شہر کے بازاروں اوریونین کونسلوں میں صفائی کو یقینی بنانے کیلئے عملہ صفائی اورسینی ٹیشن اہلکاروں کی ڈیوٹیاں لگادی گئی ہیں۔ ہر یونین کونسل میں تین تین صفائی سکواڈ کے افراد حاضر رہیں گے ۔کمشنر ڈاکٹر فرح مسعود نے نہر لوئر جہلم کینال کی خوبصورتی کو یقینی بنانے او رتجاوزات کے خاتمہ کیلئے مشینری کرایہ پر حاصل کرنے کی بھی ہدایت کی۔ انہوں نے میٹروپولیٹن کے جاری ترقیاتی منصوبوں کو بروقت مکمل کرنے ‘ انسداد ڈینگی مہم کا دائرہ قبرستانوں کے علاوہ دیگر مقامات تک پھیلانے اورآوارہ کتوں کی تلفی کی مہم کو مزید تیز کرنے کی بھی ہدایت کی ۔

سرگودھا:ڈسٹرکٹ بار کی طرف سے حوصلہ افزائی سرگودھا پولیس کیلئے اعزاز ہے۔ ڈی پی او فیصل گلزار
سرگودھا:دووکلاء بھائیوں کا قتل کسی سانحہ سے کم نہیں تھا میری ٹیم نے دن رات محنت کی اورمجرمان کو ڈھونڈ نکلالا اور ہم سب کا سر فخر سے بلند کیا اور آئندہ بھی ہم نے ملکر اس مقدمہ کو منطقی انجام تک پہنچانا ہے اور مجرمان کو قرار واقعی سزا دلوانے میں اپنا اپنا کردار ادا کرنا ہے۔ ان خیالات کا اظہار ڈسٹرکٹ پولیس آفیسر فیصل گلزار نے ڈسٹرکٹ بار کی طرف سے پولیس کے اعزاز میں منعقد ہ تقریب میں خطاب کرتے ہوئے کیا۔ اس موقع پر ایس پی انوسٹی گیشن سرگودھا سید محمد عباس کا کہنا تھا کہ آیئے عہدکریں کہ ہم ظالم کا ساتھ کبھی نہ دیں گے اور ایک دوسرے کی چھوٹی چھوٹی غلطیوں سے درگزر کریں گے اور انصاف کے حصول سے اپنا کردار ادا کریں گے جبکہ دیگر مقررین میں سے سابقہ صدر ڈسٹرکٹ بار ارشد علی ہنجرا نے کہا کہ پولیس کی طرف سے کی گئی کاوش قابل ستائش ہے۔پولیس نے ایک ایسا مقدمہ ٹریس کیا جوہمارے لئے انتہائی تکلیف دہ تھا۔طیب حسین شیرازی نے کہا کہ سمیع اللہ میرا بیٹا تھا اور شاگرد تھا پوری بار غمزدہ تھی جتنا غم ہمیں تھا اتنا ہی غم پولیس کیطرف سے محسوس ہورہا تھا۔لقمان باجوہ مدعی مقدمہ نے کہا کہ میں نے اپنی برادری اور اہل علاقہ کیطرف سے شکریہ ادا کرتا ہوں میں سوجاتا تھا لیکن پولیس جاگ رہی ہوتی تھی ہم پولیس کیطرف سے کیے گئے کاوش اور مقدمہ کی پیش رفت سے مطمئن ہیں۔ڈی پی او فیصل گلزار کی نگرانی میں انتہائی پروفیشنل طریقہ سے مقدمہ کی تفتیشی کی گئی یہ ایک اندھا مقدمہ تھا جس کو ٹریس کرنا انتہائی مشکل کام تھا جس کو بطریق احسن نہ صرف ٹریس کیا گیا بلکہ ملزمان کو بھی گرفتارکیا گیا۔

سرگودھا:تھانہ پھلروان پولیس کی کاروائی، راہزنی کے مقدمہ میں مطلوب اشتہاری گرفتار
سرگودھا:ڈسٹرکٹ پولیس آفیسر فیصل گلزارکی ہدایت پر سنگین وارداتوں میں مطلوب اشتہاری مجرمان کے خلاف کاروائی کرتے ہوئے ایس ایچ او تھانہ پھلروان ذیشان اقبال نے سب انسپکٹر محمد آصف وغیرہ پر مشتمل ٹیم کے ہمراہ ریڈ کرکے راہزنی کے مقدمہ میں مطلوب اشتہاری مجرم غلام شبیر عرف شبو ولد محمد اشرف قوم پڑھیار سکنہ رتوکالا پھلروان کو گرفتارکرلیا ہے۔ گرفتاراشتہاری مجرم نے ماہ اکتوبر2019میں اپنے دیگر ساتھیوں کے ساتھ ملکر رتوکالا کے رہائشی لیاقت علی کے گھر میں زبردستی داخل ہوکر اسلحہ کے زور پر نقدی اور زیورات چھینے اور فرار ہوگئے تھے۔اشتہاری مجرم گرفتاری سے بچنے کیلئے روپوش ہوگیا تھا ایس ایچ او تھانہ پھلروان اور انکی ٹیم نے جدید ٹیکنالوجی کی مدد سے گرفتارکرکے حوالات جوڈیشل بھجوایا دیا ہے مزید کاروائی جاری ہے۔

صوبائی وزیر لیبر و انسانی وسائل پنجاب انصر مجید خان نیازی کی ایگری ٹیک اسکندر آباد آمد۔
جنرل مینجرایگری ٹیک جاوید خان سے ملاقات۔ لیبرز کے مسائل کے حوالے سے ملاقات میں تفصیلی تبادلہ خیال صوبائی وزیر لیبر و انسانی وسائل پنجاب انصر مجید خان نیازی کی میپل لیف سیمنٹ اور پاک ایگری ٹیک کے لیبرز کے ساتھ ملاقات ، ان کو درپیش مسائل سنے۔ کھانے کا انتظام ریسٹ ہاؤس میپل لیف سیمنٹ پر کیا گیا تھااس موقع پرفوكل پرسن ٹو ليبر منسٹر رحمت ا لهی وزیر ،رانا سمیع ممبر گورننگ باڈی PESSI پنجاب ، سعد اللہ نیازی ، سليم گل ، ملک طارق اور مسعود خان نیازی بھی موجود تھے

ویلڈن ڈی پی او سرگودہا فیصل گلزار یہ آئی ٹی انچارج ضلع سرگودہا ملک قیصر اعوان ہیں یہ ڈی پی او سرگودہا کی ٹیم کا وہ نایاب ہیرا ہے جو ضلع میں کسی بھی ہونے والے جرم کا سراغ لگانے میں مرکزی کردار ادا کرتے ہیں اور مشکل سے مشکل کیس کو ٹریس کرنے کیلئے جدید ٹیکنالوجی کا سہارا لیکر اپنا دن رات ایک کرتے ہوئے اپنے کپتان کو مایوس نہیں ہونے دیتے وکلاء ڈبل مرڈر کیس کو حل کرنے پر ڈی پی او سرگودہا فیصل گلزار ، اور ان کی پوری ٹیم کو مبارکباد پیش کرتے ہیں جن کی زبانی روز محنت سے یہ اندھا قتل پکڑا گیا

باغی ٹی وی کی رپورٹ کے مطابق سیالموڑ تھانہ لکسیاں کی حدود میں ڈاہر کالونی مین روڈ پر گھات لگائے ڈاکوؤں نے اسلحہ کے زور پر جانوروں کے بیوپاری کو لوٹ لیا. ڈاکو بیوپاری سے دو لاکھ روپے لوٹ کر فرار ہوگئے. پولیس نے موقع پر پہنچ کر تحقیقات شروع کردیں.