Category: شیخوپورہ

شیخوپورہ (نمائندہ باغی ٹی وی ) وزیر اعظم عمران خان کی طرف سے جاری کیئے جانے والے محکمہ لوکل گورنمنٹ اینڈ کمیونٹی ڈویلپمنٹ کے فنڈز سے ہونے والے ترقیاتی کاموں میں سنگین نوعیت کی بے ضابطگیوں اور مالی بدعنوانیوں کا انکشاف ہوا ہے جس سے سرکاری خزانے کو پہنچنے والے نقصان کا اندازہ کروڑوں روپے میں لگایا گیا ہے جس میں محکمہ لوکل گورنمنٹ کے بعض افسر اور ان کے منظور نظر ٹھیکیدار بتائے گئے ہیں اس سلسلہ میں ڈپٹی کمشنر شیخوپورہ چوہدری محمد اصغر جوئیہ نے ایک تحریری شکایت پر تحقیقات کی ہدایت جاری کرتے ہوئے ایک انکوائری کمیٹی تشکیل دے دی ہے جس میں فنی افسران بھی شامل ہیں

ذرائع نے بتایا ہے کہ اس درخواست میں کہا گیا تھا کہ قصبات ننگل ساہداں لبانہ روڈ غازی مینارہ رنیکے کھٹیالہ ورکاں سکیم نمبر 4 میں منظور شدہ تخمینہ جات کے مطابق کام نہیں ہوئے ان علاقوں کے ترقیاتی منصوبوں میں سب بیس6 انچ تھی مگر سب بیس ملی بھگت سے 4 انچ ڈالی گئی ہے ایک منصوبہ میں مٹی نہ ڈالنے کے باؤجود 21 لاکھ روپے کا مٹی کا بل بنا دیا گیا ہے درخواست میں کہا گیا ہے کہ یہاں تعینات کئی افسر سابقہ دور حکومت میں بھی کئی کئی برس کام کرتے رہے ہیں جو وزیر اعظم عمران خان کے ویژن کو کامیاب نہیں ہونے دے رہے اس بارے میں سٹیزن پورٹل کو بھی کئی شکایات بھیجی ہیں دریں اثناء محکمہ لوکل گورنمنٹ اینڈ کمیونٹی ڈویلپمنٹ نے ان الزامات کی تصدیق نہ کی ہے

شیخوپورہ(نمائندہ باغی ٹی وی) ڈی پی او غلام مبشر میکن کی خصوصی ہدایت کے مطابق جرائم پیشہ افراد کے خلاف کاروائیاں جاری ہیں اس سلسلہ میں جرائم میں ملوث افراد کے خلاف سپیشل سرچ آپریشن علاقہ تھانہ سٹی فاروق آباد میں کیا گیا ہے

دوران سرچ آپریشن متعدد افراد کو بذریعہ بائیو میٹرک ڈیوائس چیک کیا گیا۔چیک کردہ افراد میں سے مسمیان جنید عارف,سفیان,شاہ رخ اور ناصر مسیح سے 40 لیٹر دیسی شراب,محمد شاہد سے پسٹل 30 بور اور سید عدنان سے 300 گرام چرس برآمد کر کے مطابق قانون کاروائی عمل میں لائی گئی۔ڈی ایس پی صدر سرکل عمران عباس چدھڑ کی زیر نگرانی ہونے والے اس سپیشل سرچ آپریشن میں ایس ایچ او تھانہ سٹی فاروق آباد سلیم اللّه خاں اور سرکل کی نفری کے علاوہ ایلیٹ فورس کو بھی شامل کیا گیا۔

شیخوپورہ (نمائندہ باغی ٹی وی)پنجاب ایمرجنسی سروس ریسکیو1122 شیخوپورہ کی کارکردگی ہمیشہ کی طرح گزشتہ ماہ بھی مثالی رہی ریسکیو1122 شیخوپورہ کویکم فروری2021سے28 فروری2021 تک مجموعی طور پر32709 فون کالز موصول ہوئیں جن میں سے 1962 ایمرجنسی کالز تھیں ان میں 741روڑ ٹریفک ایکسیڈنٹس،948میڈیکل ایمرجینسیز، 26 آگ لگنے کے واقعات، 62لڑائی جھگڑے، 01ڈوبنے،01 عمارت گِرنے اور183متفرق ایمرجنسیز تھیں

ان تمام ایمرجینسیزمیں 7.6منٹ اوسطاََٹائم برقرار رہا ریسکیو1122 شیخوپورہ نے بروقت رسپانس کاروائی کرتے ہوئے مجموعی طورپر 2053 لوگوں کو ریسکیو کیاجن میں 388 افرادکوموقع پر ابتدائی طبی امداد فراہم کی گئی جبکہ1580افراد کو ابتدائی طبی امداددیتے ہوئے ہسپتال منتقل کیاان میں 85 افراد ایسے بھی تھے جو موقع پر ہلاک ہوئے

علاوہ ازیں پیشنٹ ٹرانسفر سروس کے تحت مریضوں کو بہتر طبی سہولیات فراہم کرنے کیلئے ضلع شیخوپورہ سے کل611مریضوں کو لاہور کے بڑے ہسپتالوں میں شفٹ کیااس موقعہ پر انچارج ریسکیو 1122 شیخوپورہ انجینئر رانااعجاز احمد کاکہناتھاکہ ریسکیو 1122 کا ادارہ عوام کا ادارہ ہے اور ہم عوا م کی فلاح کے لئے کام جاری رکھیں گے ہمارا مقصد عوام میں احساس تحفظ پیدا کرنا ہے۔