Category: شیخوپورہ

شیخوپورہ (نمائندہ باغی ٹی وی)وزیر اعظم عمران خان کی طرف سے جاری کئے جانے والے محکمہ لوکل گورنمنٹ اینڈ کمیونٹی ڈویلپمنٹ کے فنڈز سے ہونے والے ترقیاتی کاموں میں سنگین نوعیت کی بے ضابطگیوں اور مالی بدعنوانیوں کا انکشاف ہوا ہے جس سے سرکاری خزانے کو پہنچنے والے نقصان کا اندازہ کروڑوں روپے میں لگایا گیا ہے جس میں محکمہ لوکل گورنمنٹ کے بعض افسر اور ان کے منظور نظر ٹھیکیدار بتائے گئے ہیں
اس سلسلہ میں ڈپٹی کمشنر شیخوپورہ چوہدری محمد اصغر جوئیہ نے ایک تحریری شکایت پر تحقیقات کی ہدایت جاری کرتے ہوئے ایک انکوائری کمیٹی تشکیل دے دی ہے جس میں فنی افسران بھی شامل ہیں ذرائع نے بتایا ہے کہ اس درخواست میں کہا گیا تھا کہ قصبات ننگل ساہداں لبانہ روڈ غازی مینارہ رنیکے کھٹیالہ ورکاں سکیم نمبر 4 میں منظور شدہ تخمینہ جات کے مطابق کام نہیں ہوئے ان علاقوں کے ترقیاتی منصوبوں میں سب بیس6 انچ تھی مگر سب بیس ملی بھگت سے 4 انچ ڈالی گئی ہے ایک منصوبہ میں مٹی نہ ڈالنے کے باؤجود 21 لاکھ روپے کا مٹی کا بل بنا دیا گیا ہے درخواست میں کہا گیا ہے کہ یہاں تعینات کئی افسر سابقہ دور حکومت میں بھی کئی کئی برس کام کرتے رہے ہیں جو وزیر اعظم عمران خان کے ویژن کو کامیاب نہیں ہونے دے رہے اس بارے میں سٹیزن پورٹل کو بھی کئی شکایات بھیجی ہیں دریں اثناء محکمہ لوکل گورنمنٹ اینڈ کمیونٹی ڈویلپمنٹ نے ان الزامات کی تصدیق نہ کی ہے۔

شیخوپورہ (نمائندہ باغی ٹی وی)تھانہ بھکھی کی چوکی جیون پورہ کے علاقہ وی آئی پی ہاؤسنگ سوسائٹی میں چار مسلح ڈاکو ؤں نے اٹلی نیشنلٹی ہولڈر اکرم خان بلوچ کے گھر میں گھس کر اہلخانہ کر یرغمال بنا کر گھر کی تلاشی لینا شروع کردی تو اکرم خان کی 16سالہ بیٹی کے شور مچانے پر ڈاکوؤں نے اسے گھر کی چھت سے دھکا دیکر صحن میں گرادیا اور اسلحہ لہراتے ہوئے فرار ہوگئے، لڑکی کو تشویشناک حالت میں ڈی ایچ کیو ہسپتال منتقل کردیا گیا جہاں اسے تشویشناک حالت کے تحت طبی امداد دی جارہی ہے جبکہ پولیس ملزمان کا سراغ نہ لگا پائی ہے۔

شیخوپورہ (نمائندہ باغی ٹی وی) لاہور روڈ پر واقع قصبہ بیگم کوٹ سے ملحقہ بستی چاہ چیمہ والا کے قریب ایک کباڑیہ کی دوکان سے ہزاروں کی تعداد میں پولیو کی انتہائی خطرناک ٹریویلینٹ کی ویکسین کی خالی وائلز ملی ہیں جن میں سے درجنوں وائلز میں سے ویکسین کی دوا بھی پائی گئی ہے جس کی اطلاع پا کر محکمہ صحت اور انتظامیہ کے اعلیٰ افسر وہاں پہنچ گئے یہ خالی وائلز لاہور سے لا کر فروخت کی گئی تھیں محکمہ صحت کے باخبر ذرائع نے بتایا ہے کہ یہ وائلز یونسیف اور ڈبلیو ایچ او فراہم کرتا ہے اور خالی وائلز بھی مانیٹرنگ کے لیے اسلام آباد میں جمع کروائی جاتی ہیں اور ان میں پائی جانے والی دوا کے چند قطرے بھی فضاء میں ملنے کے باعث اینوائیرسٹ سیمپل پازیٹیو ہونے کا باعث بن سکتا ہے۔

شیخوپورہ (نمائندہ باغی ٹی وی)ضلع شیخوپورہ میں پرائیویٹ ہاؤسنگ کالونیوں کے پلاٹوں کی فروخت کے نام پر مبینہ طور پر اربوں روپے کا فراڈ ہو جانے کے بعد قومی احتساب بیورو نے بھی جعلی ہاؤسنگ کالونیوں کے مالکان کے خلاف کارروائی شروع کر دی ہے
باخبر ذرائع کے مطابق نیب پنجاب کی طرف سے کلیکٹر فیروز والا کو ایک مراسلہ بھیجا گیا ہے جس میں ہدایت کی گئی ہے کہ نیب آرڈی ننس 1999ء کی شق 19 کے تحت سابق صدر گرین ویو کوآپریٹیو ہاؤسنگ سوسائٹی شیخوپورہ کے صدر رفاقت علی اور اس کے زیر کفالت کے ناموں پر ممکنہ طور پر خریدی اور فروخت کی جانے والی تمام کمرشل رہائشی اور زرعی زمینوں کا ریکارڈ فوری طور پر فراہم کیا جائے جن میں ان کی ایک بیٹی دو بیٹے میاں عبدالوہاب میاں محمد ارحم اور اہلیہ روبینہ رفاقت شامل ہیں یہ ریکارڈ فوری طور پر طلب کیا گیا ہے رفاقت علی نے فراڈ وغیرہ کے الزامات کی تصدیق نہ کی ہے۔