شیخوپورہ (نمائندہ باغی ٹی وی )جی ٹی روڈ پر امامیہ کالونی چوک میں اڈہ فیس میں اوور چارجنگ کرنے پر میونسپل کارپوریشن کے عملہ اور رکشہ ڈرائیوروں کے درمیان تصادم ہوگیا جہاں اینٹوں ڈنڈوں اور سوٹوں کا آزادانہ استعمال کیا گیا جس کے نتیجہ میں 2 رکشہ ڈرائیور ارشد اور منور اور ایک ٹھیکیدار پرچی فیس صغیر احمد شدید زخمی ہوگئے۔
Category: شیخوپورہ
اشتہاری ملزمان کے شناختی کارڈز بلاک کرنے کا عمل شروع
شیخوپورہ (نمائندہ باغی ٹی وی)ڈی پی او غلام مبشر میکن کی ہدایت پر ڈسٹرکٹ پولیس نے قتل ڈکیتی اغواء برائے تاوان اور ریپ کے سنگین مقدمات میں ملوث اشتہاری ملزمان کے کمپیوٹرائزڈ قومی شناختی کارڈ بلاک کرنے کی کارروائی شروع کر دی ہے ذرائع کے مطابق ایسے مجرمان کے شناختی کارڈ بلاک کرنے سے ان کو گرفتار کرنے میں مدد ملے گی ذرائع نے بتایا ہے کہ یہ کارروائی عدالت عظمیٰ کے احکامات کی روشنی میں کی جا رہی ہے محکمہ پولیس نے اس ضمن میں تھانہ بھکھی کے قتل اغواء اور فائرنگ کے مقدمہ میں ملوث اشتہاری ملزم غلام قادر کا کمپیوٹرائزڈ قومی شناختی کارڈ بلاک کرنے کے لیے جوڈیشل مجسٹریٹ سے اجازت مانگ لی ہے۔
مفرور مجرم پولیس مقابلے میں ہلاک
شیخوپورہ (نمائندہ باغی ٹی وی) موٹروے کے کنارے گاؤں فتح پوری میں غریب گھرانے کی لڑکی کومل سے اجتماعی زیادتی کے مقدمے میں ملوث دو ڈاکو بھائی پرویز اور جنید رات گئے سرگودھا روڈ پر مبینہ پولیس مقابلے میں مارے گئے دونوں ملزمان 24 گھنٹے قبل پولیس کی حراست سے فرار ہو گئے تھے جبکہ ان کا ایک بھائی ابھی تک پولیس کی حراست میں ہے جس نے بارات کو لوٹنے کی واردات کے دوران کومل سے اجتماعی زیادتی کی تھی
ڈی پی او غلام مبشر میکن نے بتایا ہے کہ 5اور 6 جنوری کی درمیانی شب کو ایک غریب گھرانے کی بارات قصبہ خانقاہ ڈوگراں سے واپس اپنے گاؤں ککڑ گل جا رہی تھی جس میں شامل کومل بی بی کا خاندان ایک رکشہ پر سوار تھا جس کو گاؤں فتح پوری کے قریب روک کر تینوں بھائیوں نے لوٹ لیا اور منت سماجت کرنے اور پاؤں پڑنے کے باوجود دونوں ڈاکوؤں نے کومل کو گھنے درختوں میں لے جا کر زیادتی کا نشانہ بنایا اور اسکے والد اور بڑی بہن سمیت خاندان کے 7 افراد کو رسیوں میں جکڑ دیا اور ان کے سامنے بیٹی کومل کے ساتھ کئی گھنٹے تک منہ کالا کرتے رہے جسکے پانچ روز بعد پولیس نے تینوں بھائیوں کو پکڑ لیا جس کے بعد انکشاف ہوا ہے کہ ان تینوں بھائیوں نے شیخوپورہ ، گوجرانوالہ ، حافظ آباد سمیت پنجاب کے کئی اضلاع میں ڈکیتی اور راہزنی کی درجنوں وارداتیں کی ہیں اور ایک ملزم جنید چند روز قبل ہی ڈکیتی کیسوں میں ضمانت پر رہا ہو کر آیا تھاگزشتہ روز پولیس دونوں بھائیوں کو ڈکیتی کی واردات میں لوٹے جانے والے سامان کے برآمدگی کے لیے گاؤں اشیر کے لے جا رہی تھی کہ راستے میں ان کا چار ساتھیوں نے پولیس پارٹی پر حملہ کر کے ان دونوں کو ہتھکڑیوں سمیت چھین لیا اور موٹرسائیکلوں پر بٹھا کر نامعلوم مقام پر لے گے رات گئے یہ دونوں ڈاکو بھائی پرویز اور جنید اپنے تین ساتھیوں کے ساتھ خانقاہ ڈوگراں کے قریب گاڑیوں کو لوٹ رہے تھے جہاں لوگوں کے اکھٹے ہو جانے پر شیخوپورہ کی طرف موٹر سایئکل پر بھاگ آئے جس کا راستے میںگاؤں اعوان بھٹیاں پرناکہ لگا کر کوئی پولیس پارٹی نے انھیں روکنے کی کوشش کی تو اس دوران انکا پولیس سے فائرنگ کا تبادلہ ہو گیا جس میں دونوں ملزمان بھائی اپنے 3ساتھیوں کی فائرنگ کی زد میں آکر مارے گئے۔
ڈی پی او غلام مبشر میکن کے مطابق فائرنگ کرنے والے تینوں ڈاکوؤں کی تلاش جاری ہے ۔ مرنے والے دونوں بھائیوں کی نعشیں ڈی ایچ کیو ہسپتال پہنچا دی گئ ہیں۔ جو گاؤں اشیر کے کے رہائشی تھے ۔ انھوں نے بتایا کہ ڈاکوؤں کی اجتماعی زیادتی کا نشانہ بننے والی 16 سالہ لڑکی گاؤں ککڑگل کے محنت کش گلزار مسیح کی بیٹی تھی جس سے زیادتی کے واقع کا بعد پاکستان کے علاوہ کئی یورپی ممالک کی انسانی حقوق کی تنظیموں نے کومل بی بی سے زیادتی پر احتجاج کیا تھا۔
شیخوپورہ پولیس کی ملی بھگت یا نالائقی
شیخوپورہ(نمائندہ باغی ٹی وی) شیخوپورہ پولیس کی ملی بھگت یا نالائقی، کینگ ریپ کے ملزمان فرار۔
ڈی پی او شیخوپورہ غلام مبشر نے نوٹس لیتے ہوئے سب انسپکٹر ارشد ڈوگر سمیت پانچ اہلکاروں کو معطل کر دیا
تھانہ صدر فاروق آباد پولیس گرفتار دو بھائیوں کو جائے وقوعہ پر لے جا رہے تھے کہ دو موٹر سائیکلوں پر سوار 4 مسلح ڈاکوؤں نے پولیس وین پر فائرنگ کردی جس سے پولیس وین کو نقصان بھی پہنچا ترجمان پولیس کے مطابق پولیس نے جوابی فائرنگ بھی کی لیکن حملہ آور دونوں ملزمان جنید اور پرویز کو پولیس حراست سے چھڑوا کر فرار ہو گئے ۔
سڑک حادثے میں دو افراد زخمی
شیخوپورہ (نمائندہ باغی ٹی وی) بس ،کار، مزدا اور ٹرالی کے درمیان تصادم
نمر کیمیکل بھکھی فیصل آباد روڑ پر بس، کار ، مزدا اور ٹرالی کے درمیان تصادم ہو گیا- حادثہ دھند کے باعث پیش آیا، حادثے میں 2 افراد زخمی ہو گئے
ریسکیو 1122 شیخوپورہ کی امدادی ٹیم نے موقع پر پہنچ کر زخمیوں کو طبی امداد دینے کے بعد ڈسٹرکٹ ہیڈ کوارٹرہسپتال منتقل کر دیا-
زخمیو میں تنویر ولد بشیر 35 سال اورفیصل ولد خوشی محمد 20 سال نواں کوٹ شامل ہیں
پولیس مقابلے میں دو ڈاکو ہلاک
شیخوپورہ(نمائندہ باغی ٹی وی) پولیس مقابلہ کے دوران دو ڈاکو مارے گئے جبکہ ڈاکووٴں کی فائرنگ سے ایک ڈرائیور پولیس کانسٹیبل شدید زخمی ہو گیا ڈسڑکٹ پولیس آفیسر شیخوپورہ غلام مبشر میکن کے مطابق ڈاکو کوٹ عبدالمالک کے قریب راہگیروں سے لوٹ مار کررہے تھے کہ اطلاع ملنے پر جب پولیس وین پہنچی تو ڈاکووٴں نے فائرنگ کردی دو طرفہ فائرنگ کے تبادلہ میں دو ڈاکو ہلاک ہو گئے
اور دو اندھیرے کا فائدہ اٹھاتے ہوے فرار ہوگئے۔فرار ڈاکووٴں کی گرفتاری کے لیے علاقےکا محاصرہ کرکے سرچ آپریشن جاری ہے جبکہ ہلاک ڈاکووٴں اور زخمی کانسٹیبل کو ڈسڑکٹ ہیڈ کوارٹر ہسپتال شیخوپورہ منتقل کردیا گیا ہے
بھارت کا اصل چہرہ دنیا کو دکھانا ہوگا، شہزاد ورک
شیخوپورہ (نمائندہ باغی نمائندہ باغی) بھارت کا اصل چہرہ اب دنیا کو دکھانا ہوگا
ٹکٹ ہولڈر قومی اسمبلی و چیئرمین کشمیر کمیٹی چوہدری شہزاد علی ورک نے اپنے ایک بیان میں کہا ہے بھارت اپنے ناجائز مقاصد کے حصول کیلئےکس حد تک جا سکتا ہے، اس کا اندازہ ہم مقبوضہ کشمیر میں ہونے والے مظالم سے لگا سکتے ہیں۔ساری دنیا جانتی ہے گزشتہ سات دہائیوں سے بھارتی افواج ریاستی سرپرستی میں نہتے کشمیریوں پر مظالم ڈھا رہی ہے۔اسی طرح بھارت نے مشرقی پاکستان کو بنگلہ دیش بنانے کیلئے جو بھیانک کردار اداکیا، وہ ہم کیسے بھول سکتے ہیں۔ 2015 میں بھارتی وزیر اعظم نریندر مودی نے اپنے دورہ بنگلہ دیش کے دوران نہایت ڈھٹائی سے اعتراف کیا کہ بھارت نے پاکستان توڑنے میں کردار ادا کیا تھا۔
بھارت آج بھی بلوچستان میں دہشت گردی اور انتہا پسندی کو فروغ دیتا ہے۔ہمیں یہ بھی یاد ہے کہ پاکستان میں سی پیک منصوبہ کی بنیاد پڑتے ہی بھارت نے اسے سبوتاژ کرنے کیلئے اربوں کھربوں روپے کا فنڈ مختص کر دیا تھا۔جہاں تک پاکستان مخالف پروپیگنڈہ کی بات ہے تو ہمیں معلوم ہے کہ کس طرح بھارتی نیوز چینلز پاکستان کے خلاف زہر اگلتے ہیں۔ کس طرح برسوں سے بھارتی فلموں میں پاکستان اور افواج پاکستان کے خلاف غلیظ پروپیگنڈہ کیا جاتا ہے۔ کس طرح بھارتی ڈراموں کے ذریعے باقاعدہ منصوبہ بندی کیساتھ ثقافتی یلغار کی جاتی ہے۔برسوں پہلے بھارتی وزیر اعظم اندرا گاندھی نے ایک انٹرویو میں کہا تھا کہ ہم نے بھارتی فلموں کے ذریعے بھارتی ثقافت پاکستان کے گھر گھر میں داخل کر رکھی ہے، اب ہمیں اس سے جنگی محاذ پر لڑنے کی ضرورت نہیں۔ ہم بخوبی آگاہ ہیں کہ بھارت ہمارے ساتھ کیا کچھ کرتا رہا ہے۔لیکن سوال یہ ہے کہ ہم خود اپنے ملک کیساتھ کیا کر رہے ہیں؟ بھارتی پروپیگنڈہ کا کیا جواب دے رہے ہیں؟ پاکستان کا کونسا چہرہ دنیا کو دکھا رہے ہیں؟ بھارت سے شکوہ کرنے اور عالمی برادری سے اپیل کرنے کے بجائے ، کیا ہم نے کبھی اپنے دامن پر نگاہ ڈالی ہے؟ سوال یہ پیدا ہوتا ہے کہ بھارت دشمنی کا واویلا اپنی جگہ ، ہم کیا کر رہے ہیں؟
اس میں کوئی شک نہیں کہ اقلیتوں کے حوالے سے پاکستان کا ریکارڈ، بھارت سے بہت بہتر ہے۔ مذہبی آزادی بھی بھارت سے کہیں زیادہ ہے کشمیریوں پر بھارتی مظالم کا سلسلہ تو برسوں سے جاری تھا لیکن اب اس نے مقبوضہ کشمیر کے جداگانہ تشخص کو بھی ختم کر کے اسے ہڑپ کر لیا ہے۔ یہ کوئی معمولی بات نہیں تھی اگر ہم سفارتی سطح پر مضبوط ہوتے تو دنیا میں ہلچل مچا دیتے
بھارتی نیٹ ورک کا سب سے بڑا ہدف پاکستان ہے۔ چین سمیت وہ ممالک بھی اس شیطانی نیٹ ورک کی کاروائیوں کا نشانہ بنتے ہیں، جن کیساتھ بھارت کا کوئی نہ کوئی تنازعہ جاری ہے۔ اس بھارتی نیٹ ورک کے دو بنیادی مقاصد ہیں۔ پہلا یہ کہ بھارت مخالف ممالک کے خلاف منفی خبریں پھیلائی جائیں۔ انہیں بد نام کیا جائے۔ ان ممالک کے منفی پہلووں کو بڑھا چڑھا کر دنیا کے سامنے پیش کیا جائے۔دوسرا مقصد اس نیٹ ورک کا یہ ہے کہ بھارت کے چہرے کی کالک کو دنیا کی نظروں سے اوجھل رکھا جائے۔بھارت کا روشن اور ماڈریٹ چہرہ اقوام عالم میں اجاگر کیا جائے۔ رپورٹ بتاتی ہے کہ اپنے مذموم مقاصد کے حصول کیلئے اس بھارتی نیٹ ورک نے بہت سی معروف اور غیر معروف غیر سرکاری تنظیموں (NGOs) ، تھینک ٹینکوں، اور فیک نیوز پلیٹ فارموں کیساتھ انتہائی مضبوط تعلقات استوار کر رکھے ہیں۔ان تنظیموں کی مدد سے یورپی پارلیمان اور مختلف یورپی اداروں میں اثر و رسوخ حاصل کیا جاتا ہے تاکہ بھارت دوست اور پاکستان مخالف نقطہ نظر اور بیانیے کی ترویج کی جاسکے ۔پاکستان مخالف جعلی خبریں بنانے اور پھیلانے کا فریضہ سرانجام دیتی ہے۔یہ گمراہ کن خبریں تسلسل کیساتھ بھارت کے مقامی میڈیا اورعالمی صحافتی اداروں تک پہنچائی جاتی ہیں۔ اسی طرح دنیا کے مختلف ممالک میں موجود 97 غیر معروف میڈیا نیٹ ورکس کے ذریعے بھی پاکستان کو بدنام کرنے کی مہم چلائی جاتی ہے۔ پاکستان مخالف خبروں اور معلومات کو بڑھا چڑھا کر پیش کیا جاتا ہے
ڈینگی لاروے کی تلفی کا عمل شروع
شیخوپورہ (نمائندہ باغی ٹی وی ) شیخوپورہ کی پانچوں تحصیلوں میں ڈینگی کے لاروے کی تلفی کے سلسلہ میں محکمہ صحت،میونسپل کمیٹیوں کا عملہ فعال کردار ادا کرے۔ وہ قبرستانوں ٹائر شاپس،جوہڑکا روزانہ کی بنیاد پر معائنہ کریں اور اس سلسلہ میں عوام کو آگاہی دیں تاکہ گھروں کی چھتوں پر کچرا اور دیگر سامان میں بارشی پانی کھڑا نہ ہو ان خیالات کا اظہار ڈپٹی کمشنر محمد اصغر جوئیہ نے ڈینگی کے حوالے سے ایک اجلاس سے خطاب کرتے ہوئے کیا۔
اس موقع پرایڈیشنل ڈپٹی کمشنر جنرل احسان الحق سی ای او ہیلتھ ڈاکٹر محمد اشرف، ڈسٹرکٹ ہیلتھ آفیسر ڈاکٹر عادل شہزاد، ڈپٹی ڈائریکٹر لیبر نوید سرور ڈپٹی ڈائریکٹر لو کل گورنمنٹ عارف طفیل ڈپٹی ڈی ایچ اوز کے علاوہ دیگر محکموں کے افسران نے شرکت کی انہوں نے کہاکہ عوام کو چاہئے کہ وہ ڈینگی کی ٹیموں کے ساتھ مکمل تعاون کریں اور ان کے بتائے ہوئے ایس او پیز پر عمل کریں۔
دارالامان شیخوپورہ میں سنگنین بد عنوانیوں کا انکشاف
دارالامان شیخوپورہ میں سنگنین بد عنوانیوں کا انکشاف
شیخوپورہ (نمائندہ باغی ٹی وی )سوشل ویلفیئر شیخوپورہ کے زیر انتظام چلنے والے دارالامان شیخوپورہ میں جاری سنگین بدعنوانیوں اور بے ضابطگیوں کے انکشافات کا سلسلہ جاری،خاتون شہری کی طرف سے سیکرٹری سوشل ویلفیئر اینڈ بیت المال پنجاب کو دی گئی درخواست میں انکشاف کیا گیا ہے کہ ایڈیشنل سپرنٹنڈنٹ دارالامان شیخوپورہ سحرش فاروق نے غیر ذمہ داری، بد عنوانیوں اور بے ضابطگیوں کی انتہا کر رکھی ہے اور ایک نائب قاصدہ نبیلہ کے ذریعے نہ صرف دارالامان میں مقیم خواتین اور لڑکیوں کو فونز کالز کروا کر ان سے من مرضی کے پیسے بٹورتی ہے بلکہ فراہم کئے جانے والے کھانے میں بھی بدعنوانیاں کی جارہی ہیں اور غیر معیاری کھانا فراہم کرکے اخراجات میں بھاری رقم درج کی جاتی ہے جس سے اسے روزانہ ہزاروں روپے اس کرپشن کی مد میں حاصل ہورہے ہیں جبکہ دیگر امور میں بھی بے ضابطگیاں جاری ہیں قبل ازیں بھی دارالامان کی انتظامیہ پر بعض شہریوں کی طرف سے سنگین الزامات عائد کئے گئے تھے مگر کوئی موثر کاروائی عمل میں نہ لائے جانے کے باعث یہ ادارہ بے مہار چل رہاہے تاہم دارلامان کے ذرائع نے ان الزامات کی تصدیق نہ کی ہے۔
کمپنی باغ میں تجاوزات کی بھرمار، شہری پریشان
شیخوپورہ (نمائندہ باغی ٹی وی )کمپنی باغ شیخوپورہ میں تجاوزات کی بھرمار نے سیر کیلئے آنے والے شہریوں کو پریشان کرکے رکھ دیا، انتظامیہ کو نشاندہی کرنے کے باوجود کاروائی نہ کی گئی جس پر شہری سراپا احتجاج بن گئے،
شہریوں نے بتایا کہ کمپنی باغ میں قائم دودھ دھی شاپ کا مالک مختلف پلاٹوں پر اپنا قبضہ جمائے ہوئے ہے اور کمپنی باغ کے اندر اور باہر باؤنڈری پر بھی کرسیاں لگا کر ان راستوں کو روکے ہوئے ہے تو دوسری طر ف یہاں سے اٹھنے والا تعفن اور بدبو بھی ناک میں دم کئے ہوئے ہے جس سے سیر کیلئے آنے والے شہری گزرنے سے قاصر ہیں
اس صورتحال کے باعث شہریوں کی ایک بڑی تعداد نے کمپنی باغ کا رخ کرنا چھوڑ د دیا سمجھانے پر بدکلامی کرتا ہے، شہریوں نے ڈپٹی کمشنر محمد اصغر جوئیہ سے فوری نوٹس لینے اور اس تکلیف دہ صورتحال سے شہریوں کونجات دلائیں۔
