Category: شیخوپورہ

شیخوپورہ (نمائندہ باغی ٹی وی) پنجاب بھر میں قرضوں کی فراہمی کے لیے اینٹیں تیار کرنے والے بھٹوں کی رجسٹریشن کا کام شروع ہوگیا ہے یہ بات صوبائی وزیر ڈیزاسٹر مینجمنٹ میاں خالد محمود نے یہاں میڈیا کے نمائندوں سے گفتگو کرتے ہوئے بتائی انہوں نے بتایا کہ پنجاب میں بھٹوں میں کالے تیل لکڑی کے بورے پلاسٹک وغیرہ کو جلا کر اینٹیں تیار کرنے کا بوسیدہ نظام کئی عشروں سے جاری ہے مگر اب ان بھٹوں کو آلودگی اور سموگ پر کنٹرول کرنے کی غرض سے زگ زیگ میتھڈولوجی پر منتقل کرنے کا فیصلہ کیا گیا ہے اس مقصد کے لیے حکومت پنجاب نے بھٹہ مالکان کو قرضے دینے کا فیصلہ کیا ہے جس کے لیے بھٹوں کا سروے کرنے کے لیے ضلع وار ٹیمیں تشکیل دے دی گئی ہیں پنجاب میں ان بھٹوں کی تعداد 8590 ہے جن کے مالکان کو بینک آف پنجاب کے ذریعے کامیاب جوان پروگرام کے تحت قرضے دیئے جائیں گے جس میں اپنا روزگار سکیم کے فنڈز بھی شامل ہیں انہوں نے بتایا کہ یہ قرضے ڈسٹرکٹ ویری فکیشن کمیٹیوں کی سفارش پر دیئے جائیں گے جن کا سربراہ ہر ضلع میں ایڈیشنل ڈپٹی کمشنر ریونیو کو نامزد کیا گیا ہے اور ان کمیٹیوں کے ممبران میں ڈپٹی ڈائریکٹر ماحولیات کے علاوہ بینک آف پنجاب اور ڈی ایل آر کے نمائندے بھی شامل ہیں صوبائی وزیر میاں خالد محمود نے بتایا کہ اس مقصد کے لیے بھٹہ خشت مالکان کو دس لاکھ روپے قرض دیا جائے جا جس کی واپسی دو سال میں کرنا ہوگی انہوں نے بتایا کہ قرضوں کی فراہمی کا کام 15 جنوری 2021ء سے شروع ہوگا

شیخوپورہ (نمائندہ باغی ٹی وی ) شیخوپورہ میں ٹریفک کا نظام بہتر بنانے اور تجاوزات کی بھر مار کو ختم کرنے کے لیے مین بازار شیخوپورہ میں 3 درجن میونسپل کارپوریشن کی دوکانوں کو ختم کر کے ان کے الاٹیوں کو متبادل پلاٹ دوکانوں کی تعمیر کے لیے دینے پر غور کیا جا رہا ہے محکمہ مال کے باخبر ذرائع نے بتایا ہے کہ یہ دوکانیں مقامی لوگوں کے ذاتی مکانات کے آگے نالے پر بنی ہوئی ہیں جن کی وجہ سے مین بازار کا 60 تا 70 فیصد حصہ تجاوزات کی زد میں آچکا ہے جس کے باعث روزانہ مین بازار میں بیسیوں مرتبہ ٹریفک بلاک ہوتی ہے اور شہریوں اور بالخصوص خواتین کو انتہائی مشکلات کا سامنا کرنا پڑتا ہے پہلے مین بازار میں آسانی سے ٹرک گزر جاتا تھا مگر اب وہاں سے موٹر سائیکل گزرنا بھی محال ہوگیا ہے ان ذرائع نے بتایا ہے کہ سڑک کی اراضی صوبائی حکومت کی ملکیت ہے مگر اس کا کرایہ میونسپل کارپوریشن اکٹھا کر رہی ہے اور عوام کو انتہائی اذیت کا سامنا کرنا پڑ رہا ہے ان دوکانوں کے موجودہ الاٹیوں کو تہہ بازاری کی پرچی جاری کی گئی تھی مگر انہوں نے یہاں پر پختہ تعمیرات کر لیں جس کی وجہ سے مین بازار کا بڑا نالہ بھی آئے روز بند ہونے سے علاقہ میں تعفن پھیل جاتا ہے ان ذرائع نے بتایا ہے کہ اگر مین بازار میں سرکاری اراضی پر بننے والی دوکانوں کو ختم کرنے کی تجویز اعلیٰ سطح پر منظور ہوگئی تو موجودہ الاٹیوں کو کاروبار کرنے کے لیے متبادل زمینیں دی جائیں گی اور مین بازار کی سڑک کو کشادہ کر کے اس کے درمیان ڈیوائیڈر بھی لگایا جائے گا اور اس پر مال روڈ لاہور کی طرح خوبصورت لائٹیں بھی لگائی جائیں گی یہ امر قابل ذکر ہے کہ ماضی میں بھی مین بازار کو کشادہ کرنے کی کئی بار کوششیں کی گئیں مگر روایتی ملی بھگت کے باعث یہ کوششیں بارآور ثابت نہ ہوسکی

شیخوپورہ (نمائندہ باغی ٹی وی) پاکستان ملی مسلم لیگ کے ضلعی صدرٹکٹ ہولڈر قومی اسملبی و چیئرمین کشمیر کمیٹی چوہدری شہزاد علی ورک کا کول سپلائرز ایسوسی ایشن کی جانب سے منعقدہ حلف وفاداری تقریب سے خطاب
تقریب میں مرکزی چیئرمین حاجی اسماعیل دُمڑ۔مرکزی صدر۔جنرل سیکرٹری سمیت تنظیمی عہددران اور بھٹہ مالکان کی بڑی تعداد نے شرکت کی
اپنے خطاب میں چوہدری شہزاد علی ورک نے کہا کہ کسی بھی ملک کی ترقی میں تاجر برادری کا اہم کردار ہوتا ہے تاجر معاشرے میں ریڑھ کی ہڈی کی حیثیت رکھتے ہیں،ٹیکس کی ادائیگی ہمارا قومی و اخلاقی فریضہ ہے