Category: شیخوپورہ

شیخوپورہ (نمائندہ باغی ٹی وی سے) اس سال سکھ مذہب کے بانی بابا گورو نانک دیو جی کے 550 ویں جنم دن کی تقریبات میں پہلے سے زیادہ تعداد میں دنیا بھر سے سکھ یاتریوں کی آمد کی وجہ سے شیخوپورہ میں بھی ہوٹل اور ریستوران کے علاوہ رہائشی کلبوں کے مالکان اور تاجروں کے کاروبار کو فروغ ملا ہے اس سال پہلی مرتبہ یورپی ممالک سے آنے والے سکھ یاتری شیخوپورہ اور مریدکے کے رہائشی کلبوں اور ہوٹلوں میں قیام کر رہے ہیں اور مقامی بازاروں میں بھی اپنے عزیز و اقارب کے لیے خریداری کر رہے ہیں

شیخوپورہ (نمائندہ باغی ٹی وی سے) پولیس نے محلہ معراج پورہ میں ہمسایہ کی 12 سالہ بیٹی ملائکہ کو زیادتی کے بعد گلا دبا کر قتل کرنے کے مقدمہ کے ملزم خرم کو گرفتار کر لیا ہے پولیس نے مقتولہ ملائکہ کی نعش پوسٹ مارٹم کروانے کے بعد اس کے والد مدثر علی کے سپرد کر دی جس کو ہزاروں سوگواروں کی موجودگی میں محلہ معراج پورہ جنڈیالہ شیر خان روڈ کے قبرستان میں سپرد خاک کر دیا گیا ہے

شیخوپورہ (نمائندہ جنگ سے) آل پاکستان کلرکس ایسوسی ایشن محکمہ لائیو سٹاک شیخوپورہ یونٹ کے نئے عہدیداروں کا چناؤ مکمل ہو گیا ہے جن میں صدر شاہد اقبال چیمہ جنرل سیکرٹری فیاض گجر سینئر نائب صدر اول طاہر محمود علوی سینئر نائب صدر دوئم میاں محمد لطیف نائب صدور شفقت علی محمد فاروق ایڈیشنل جنرل سیکرٹری رانا سفارش علی ڈپٹی جنرل سیکرٹری زاہد اصغر فنانس سیکرٹری رانا محمد جمیل ڈپٹی فنانس سیکرٹری ولائت حسین سیکرٹری انفرمیشن یاسین بھٹی اور آفس سیکرٹری محمد نواز ورک شامل ہیں

شیخوپورہ (نمائندہ باغی ٹی وی سے) محکمہ پولیس کے ذرائع کے مطابق جے یو آئی سمیت متحدہ اپوزیشن کے پلان بی کے تحت احتجاجی پروگراموں کے دوران عوام کے جان و مال کی حفاظت اور ٹریفک کی روانی برقرار رکھنے کے انتظامات کر لیئے گئے ہیں ان ذرائع نے بتایا ہے کہ موٹروے سمیت ضلع شیخوپورہ کی تمام بڑی شاہرات پر پولیس کی عارضی چوکیاں بنا دی گئیں ہین جن کا مقصد عوام کی جان و مال کی حفاظت ہے

شیخوپورہ (نمائندہ باغی ٹی وی سے) گورنر پنجاب کی اہلیہ بیگم چوہدری پروین سرور نے کہا ہے کہ انسانیت کی خدمت کرنے والے لوگ ہمارے معاشرے کا سرمایہ ہیں ان لوگوں کی جس قدر بھی قدر کی جائے کم ہے ریسکیو 1122 کا عملہ اپنی جانوں کو خطرہ میں ڈال کر لوگوں کے جان و مال کو بچاتا ہے موجودہ حکومت تعلیم اور صحت کے میدان میں ترقی کی خاطر خصوصی توجہ دے رہی ہے ان خیالات کا اظہار انہوں نے باغ جناح شیخوپورہ میں کمیونٹی ایکش فار ڈیزاسٹر رسپانس کے تربیتی پروگرام کے اختتام پر منعقدہ تقریب اور گاؤں مہمونوالی میں سابق نیول چیف چوہدری آصف سندھیلہ کی کوششوں سے بننے والے گورنمنٹ ووکیشنل ٹریننگ انسٹیٹیوٹ کے معائینہ کے بعد واٹر فلٹریشن پلانٹ کی افتتاحی تقریب سے خطاب کرتے ہوئے کیا بیگم چوہدری پروین سرور نے کہا کہ ماضی میں عوام کو صاف پانی کی فراہمی پر خصوصی توجہ دینے کی ضرورت تھی مگر ایسا نہ ہونے کی وجہ سے عوام میں جگر اور معدے کے امراض بڑھ رہے ہیں موجودہ حکومت کی پوری کوشش ہے کہ یونین کونسل کی سطح پر صاف پانی کی فراہمی کو یقینی بنایا جائے بیگم چوہدری پروین سرور نے کہا کہ تربیت یافتہ افراد ہی محفوظ معاشرہ کی ضمانت ہوتے ہیں ریسکیو 1122 کا ادارہ مثالی کارکردگی کا مظاہرہ کر رہا ہے اور ہر آڑے وقت میں اس کے عملے نے مشکلات میں گھرے لوگوں کی جانیں بچانے کی خاطر مثالی کردار ادا کیا ہے اس موقع پر خطاب کرتے ہوئے صوبائی وزیر ڈیزاسٹر مینجمنٹ میاں خالد محمود نے کہا کہ ریسکیو 1122 کی طرف سے ریسکیو سکاؤٹوں کی رجسٹریشن اور پھر ان کے درمیان سیفٹی کلچر کو فروغ دینے کی غرض سے مقابلے کروانے کا اقدام قابل تحسین ہے تقریب سے ڈسٹرکٹ آفیسر ایمرجنسی رانا اعجاز احمد اسسٹنٹ کمشنر شبیر حسین بٹ تحریک انصاف کے رہنما چوہدری کنور عمران سعید خان اور دیگر مقررین نے خطاب کیا باغ جناح میں ریسکیو سروس کا صنعتی اداروں کی ٹیموں اور یونین کونسلوں کی ٹیموں کے مابین مقابلے بھی کروائے گئے

شیخوپورہ (نمائندہ باغی ٹی وی) ڈی پی او شیخوپورہ غازی محمد صلاح الدین نے اپنےدفتر کے ہیڈ آف برانچز کے ساتھ میٹنگ کی جس میں تمام سٹاف کو ہدایت کی کہ افسران بالا کی جانب سے موصول ہونیوالی اور میری طرف سے جاری ہنیوالی ہدایات پر بروقت عملدرآمد کیا جائے۔ دفتر میں آنیوالے افرد کی داد رسی کی جائے اور انکے مسائل بروقت حل کئے جائیں۔ اپنے ماتحت عملہ کو اپنی کار کردگی بہتر بنا نے کی ہدایت کی۔ غفلت اور لاپرواہی کو کسی صورت برداشت نہیں کیا جائے گا۔ انہوں شرقپور، مریدکے اور صفدر آباد میں مستقل طور پرخدمت مرکز کاؤنٹرکے قیام کا حکم دیا۔ فیروزوالہ میں کر یمنل ریکارڈ مینجمنٹ سسٹم کے تحت CRO آفس قائم کرنے کے لئے اقدامات کرنے کی ہدایت کی۔ دفتر میں موجود ملازمیں میں سے چھانٹی کر کے فالتو ملازمان کو پولیس لائن ٹرانسفر کر دیا۔