Category: شیخوپورہ

شیخوپورہ (نمائندہ باغی ٹی وی) ریجنل پولیس آفیسر شیخوپورہ سہیل حبیب تاجک نے ڈی پی او آفس شیخوپورہ میں سٹی سرکل کے تمام ایس ایچ اوز اور تفتیشی افسران کے ساتھ خصوصی میٹنگ کی۔ جس میں فرداً فرداً ہر افسر سے اس کے مقدمات کی انویسٹی گیشن کے بارے میں پوچھا۔ اور سٹی سرکل کے کرائم کے بارے میں سرکل آفیسر اے ایس پی توحید میمن سے آگاہ کیا۔اس موقع پر ڈی پی او شیخوپورہ غازی محمد صلاح الدین بھی موجود تھے۔

شیخوپورہ(نمائندہ باغی ٹی وی) صوبائی وزیر میاں خالد محمود کی بلدیہ دفتر آمد، پی ٹی آئی ورکرز اور بلدیہ ملازمین سے خطاب کیا جس میں موجودہ صفائی کی تمام صورتحال پر تبادلہ خیال کیا گیا جس پر میاں خالد محمود نے ان تمام مسائل کو ترجیح بنیادوں پر حل کرنے کے لیے احکامات جاری کیے اور کہا کہ مجھے کسی بھی جگہ کرپشن نظر نہیں آنی چاہیے اور یہی ہماری جماعت کا ویژن ہے اس اجلاس میں پی ٹی آئی سینئر قیادت نے شرکت کی جس میں چوہدری ڈاکٹر سلیم گجر چودھری اقبال گوپے را شاہنواز سرا اجلاس کی صدارت صوبائی وزیر میاں خالد محمود اور سی ای او بلدیہ شیخوپورہ احسن سندھو نے کی

شیخوپورہ(نمائندہ باغی ٹی وی) ڈی پی او شیخوپورہ غازی محمد صلاح الدین کا اسلحہ کی نمائش کرنے والوں اور اسلحہ لہرانے والوں کے خلاف گرینڈ آپریشن .

شیخوپورہ پولیس نے مختلف علاقوں میں کاروائی کرتے ہوئے علاقے میں خوف وحراس کی علامت بنے ہوئے افراد کو گرفتار کر لیا۔ تفصیل کے مطابق تھانہ خانقاہ ڈوگراں پولیس نے کاروائی کرتے ہوئے سالار بھٹیاں گاوں سے الطاف عرف طافو بھٹی گروپ کو اپنے 06 ساتھیوں سمیت اسلحہ کی بھاری مقدار کےساتھ گرفتار کر لیا۔ ملزمان عرصہ دراز سے علاقہ میں اسلحہ کی نمائش کر کے دہشت کی علامت بنے ہوئے تھے. جس سے لوگ ہراساں تھے تھانہ صفدرآباد میں دوران سرچ آپریشن ترکھاناوالی سے محمد انور وغیرہ بھاری اسلحہ سمیت گرفتار، تھانہ نارنگ میں جیون گورائیہ سے یحیی گورائیہ نامی گروپ بھی اسلحہ کی بڑی مقدار میں حراست پولیس میں لے لیا گیا۔
گرفتار ہونے والے ملزمان پرانی دشمنی کی آڑ میں اسلحہ کی نمائش کر کے علاقہ میں خوف و حراس کی علامت بنے ہوے تھے۔ اسلحہ کی نمائش کرنے والوں کے خلاف گرینڈ آپریشن کرنے کا مقصد شیخوپورہ بھر میں امن و امان کی صورتحال کو برقرار رکھنا ہے. یہ لوگ ایک ہی اسلحہ لائسنس پر کئی کئی ویپن استعمال کرتے ہیں۔ اسی طرح آج سے ڈی پی او شیخوپورہ نے اس مہم کا باقاعدہ آغاز شروع کر دیا ہے۔ تاکہ شہر میں کسی بھی ناخوشگوار واقع سے بچا جا سکے۔
گرفتار ملزمان سے بھاری مقدار میں اسلحہ قبضہ میں لیکر مخلتف دفعات کے تحت مقدمات بھی درج کر لئے گئے ہیں ۔ نشاندہی کرنے پر مزید افراد کے خلاف بھی کاروائیاں جاری رکھی جائیں گی. آگر آپ کے پاس کو اطلاع ہو تو فورا ریسکیو 15 پر کال کریں ۔ آپ کا نام صیغہ راز میں رکھا جائے گا۔

شیخوپورہ (نمائندہ باغی ٹی وی) کمشنر FBR فضاء بتول صاحبہ کی ایمنسٹی سکیم پر شیخوپورہ آمد کے موقع پر مرکزی انجمن تاجران ،ڈاکٹر کمیونٹی ، غلہ منڈی آڑھتیان ، وکلاء کمیونٹی ، بھٹہ ایسوسی ایشن ، میرج ہال ایسوسی ایشن ، سول سوسائٹی کے لوگوں نے خوش آمدید کہا اور موجودہ گورنمنٹ کی دی گئی ایمنسٹی سکیم پر اعتماد کرتے ہوئے ٹیکس نیٹ پر آنے کی یقین دہانی کرائی اور ملک پاکستان کی ترقی میں گورنمنٹ کے ساتھ مل کر چلنے کا اظہار کیا۔