Category: شیخوپورہ

شیخوپورہ:( نمائندہ باغی ٹی وی )حکومت پنجاب کے وژن کے مطابق ڈپٹی کمشنر شیخوپورہ سید طارق محمود بخاری کی ہدایت پر ایڈیشنل ڈپٹی کمشنر ریونیو رانا شکیل اسلم نے ڈی سی آفس کے احاطہ میں کھلی کچہری کا انعقاد کیا گیا۔کھلی کچہری میں جمع کرائی گئی شکایات کے ازالہ کے لئے متعلقہ محکموں کو موقع پر ہی احکامات جاری کیے گئے ۔ایڈیشنل ڈپٹی کمشنر ریونیو رانا شکیل اسلم نے کہا کہ عوام کے مسائل کے حل کے لیے کھلی کچہریاں کلیدی کردار ادا کر رہی ہیں جہاں شہری براہ راست اپنی شکایات پر کارروائی کے متحمل ہیں جبکہ اداروں کی کارکردگی میں بھی نمایاں بہتری آئی ہے جس سے شہریوں کے اداروں پر اعتماد میں زبردست اضافہ ہوا ہے انہوں نے کہا کہ ہماری اولین ترجیح عوام کو ریلیف کی فراہمی ہے جس پر کوئی سمجھوتا نہیں کیا جاسکتا اس موقع پر اسسٹنٹ کمشنرشیخوپورہ شبیر حسین بٹ و دیگر محکموں کے افسران بھی موجود تھے

شیخوپورہ (نمائندہ باغی ٹی وی) عوام کی سہولت اور انکو انصاف کی فراہمی کیلئے روزمرہ کی بنیاد پر کمپلینٹ کی سماعت کیا جاتی ہے۔اور ہفتہ وار کھلی کچہری کا انعقاد کیا جاتا ہے۔
تفصیل کے مطابق ڈی پی او شیخوپورہ غازی محمد صلاح الدین نے ڈی پی آفس میں شہریوں کے مسائل اور ان کے حل کیلئے کھلی کچہری کا اہتمام کیا۔کھلی کچہری میں عوام نےاپنے مسائل براہ راست ڈی پی او کو بتائے۔ مسائل میں جو فوری اور اہم نوعیت کے تھے ان کے متعلق فی الفور متعلقہ افسر کو بذریعہ فون احکامات جاری کیے اور متعلقہ افسران کو مخصوص وقت میں مسائل کو حقائق پر یکسو کر کے رپورٹ پیش کرنے کے احکامات جاری کیے۔ ڈی پی او کا کہنا تھا کہ وہ روزنہ کی بنیاد پر عوام کے لیئے دفتر پولیس براہ راست مسائل سننے کیلئے بیٹھے ہیں اور عوام تک براہ راست مسائل سماعت کرنے کیلئے تمام فورم جن سے عوام منسلک یے کو استعمال کر رہے ہیں۔ ہماری ہمہ وقت کوشش ہے کہ ہم شہریوں کی جان ومال کے شہر میں امن کی فضا کو بھی برقرار رکھیں۔ اس میں آپ کا بھرپور تعاون بھی بہت ضروری ہے۔

شیخوپورہ (نمائندہ باغی ٹی وی) فروٹ منڈی میں گندگی کے ڈھیروں نے خریداوں کی ناک میں دم کرکے رکھ دیا۔گندگی سے اٹھنے والے تعفن سے بیماریاں پھیلنے کاخدشہ منڈلانے لگا۔

ضلعی انتظامیہ صفائی ستھراٸی پرتوجہ دے عوامی سماجی حلقوں کامطالبہ۔

لیکن غضب ہے کہ عرصہ دراز سے یہ مطالبہ زور پکڑ رہا ہے لیکن انتظامیہ کے کانوں پر جوں تک نہیں رینگ رہی

شیخوپورہ(نمائندہ باغی ٹی وی) ڈپٹی کمشنر شیخوپورہ سید طارق محمود بخاری کا صوبائی وزیر برائے ڈیزاسٹرمنیجمنٹ اور ممبر صوبائی اسمبلی خان شیر اکبر کے ہمراہ جاری ترقیاتی سکیموں کا دورہ۔ اس موقع پر انہوں نے ترقیاتی کاموں کے معیار اور کوالٹی کا چیک کیا. ڈپٹی کمشنر اور صوبائی وزیر نے یونائیٹڈ پارک،ہرن مینارروڈ،جناز گاہ نزد ریلوے اسٹیشن اور دیگر ترقیاتی سکیموں کو جلد مکمل کرنے کی ہدایت کی

ڈی سی شیخوپورہ کا کہنا تھا کہ ترقیاتی سکیموں کے مٹیریل اور معیار پر سمجھوتہ نہیں کیا جائے گا۔

صوبائی وزیر میاں خالد محمود کا کہنا تھا کہ حکومت پنجاب عوام کی فلاح و بہبود کے لیے شیخوپورہ میں مزید ترقیاتی سکیمیں شروع کر رہی ہے۔

شیخوپورہ (نمائندہ باغی ٹی وی) ڈسٹرکٹ پولیس آفیسر شیخوپورہ غازی محمد صلاح الدین نے موٹر ٹرانسپورٹ ونگ افتخار شہید پولیس لائن شیخوپورہ کا دورہ کیا۔ جس میں انہوں نے ضلع بھر کے تھانہ جات اور پولیس لائن کی گاڑیوں کی انسپکشن کی۔ جس میں 38 گاڑیوں میں سے 29 ٹویوٹا پک اپ ، 2 وگو ڈالے ، 2 ٹویوٹا جیپ ، ،3 جیل وین اور 2بسوں کو نئے ٹائر اور 99 گاڑیوں کو نئی بیٹر یاں تقسیم کی گی۔ جن کی مالیت تقریبا 30 لاکھ روپے ہے۔اس کے علاوہ گاڑیوں کی متفرق کاموں اور دیکھ بھال کے متعلق MTO کو خصوصی احکامات بھی جاری کیے۔