Category: شیخوپورہ

شیخوپورہ (نمائندہ باغی ٹی وی) ڈسٹرکٹ پولیس آفیسر شیخوپورہ غازی محمد صلاح الدین نے پولیس ملازمین کے لیے پولیس لائن شیخوپورہ میں ایک افطار پارٹی اور کھانے کا اہتمام کیا ۔ جس میں ریجنل پولیس آفیسر شیخوپورہ سہیل حبیب تاجک نے خصوصی شرکت کی۔ ان کےعلاوہ ایس پی انویسٹی گیشن محمد اکمل ، اے ایس سٹی توحید میمن ، ڈی ایس پی صدر محمد طارق ندیم اے ایس پی یو ٹی عبدالحنان ، ایس ایچ اوز، ہیڈ آف برانچز کے علاوہ ڈسٹرکٹ پولیس ، ایلیٹ فورس ، ٹریفک پولیس، لیڈیز پولیس ، بینڈ سٹاف دفتری سٹاف اور ٹائیگر سکواڈ نے شرکت کی۔ افطاری سے قبل قرآن حدیث کی روشنی میں روزہ اور اس کی افادیت کے متعلق قاری طیب نے بیان کیا ۔ اسکے بعد ملک وقوم کی ترقی ،خوشحالی اور امن وامان کے لیے خصوصی دعا کی گی۔ افطاری کے بعد ریجنل پولیس آفیسر شیخوپورہ سہیل حبیب تاجک نے پولیس افسران و ملازمان سے خطاب کرتے ہوئے کہا کہ ہمارا مقصد عوام کے جان ومال کی حفاظت کرنا اور انصاف فراہم کرنا ہے ، دوسرے ڈیپارٹمنٹ کی نسبت عوام کی توقعات ہم سے کچھ زیادہ ہوتی ہیں ۔جس کی وجہ سے ان کی شکایات بھی زیادہ ہوتی ہیں۔ کیونکہ وہ نہیں جانتےکہ وہ اپنی مذہبی ، ملکی تہواروں کو چھٹیوں کے ساتھ مناتے ہیں لیکن ہم ان دنوں میں بھی ان کے حفاظت کے لیےسیکورٹی دیوٹی کرتے ہیں۔ اس لیے ہمیں چاہیے کہ ہم ان کی توقعات پر پورا اتریں ۔ ان کے ساتھ خوش اخلاقی کے ساتھ پیش آئیں ۔ ان کے مسائل حل کریں۔ خطاب کے بعد ریجنل پولیس آفیسر شیخوپورہ سہیل حبیب تاجک نے پولیس جوان جو مختلف ٹولیوں میں بیٹھے ہوئے تھے ان کے ساتھ ان کی ٹیبل پر بیٹھ کر کھانا کھایا اور ان سے بات چیت بھی کی۔ آخر میں ڈی پی او شیخوپورہ غازی محمد صلاح الدین نے ریجنل پولیس آفیسر شیخوپورہ کو افطار پارٹی پر آمد پر شکریہ ادا کیا۔

شیخوپورہ(نمائندہ باغی ٹی وی ) ڈپٹی کمشنر شیخوپورہ سید طارق محمود بخاری نے کہا ہے کہ مون سون کی آمد سے قبل ضلع شیخوپورہ کے برساتی نالوں کی صفائی کو فوری طور پر
ممکن بنایا جائے جبکہ آبی گزار گاہوں کی پشتوں کو بھی مضبوط کیا جائے
سیلاب کی ممکنہ تباہ کاریوں سے بچنے کے لیے فوری نوعیت کے اقدامات کیےجائیں ان خیالات کا اظہار انہوں نے اپنے آفس میں سیلاب کی ممکنہ تباہ کاریوں سے بچاؤ کے سلسلہ میں اجلاس سے خطاب کرتے ہوئے کہا اس موقع پر ایڈیشنل ڈپٹی کمشنر ریوینیو رانا شکیل اسلم،اسسٹنٹ کمشنر سٹی فضائل مدثر،اسسٹنٹ کمشنر مریدکے سرمد تیمور,اسسٹنٹ کمشنر فیروز والا,شہزاد احمد,اسسٹنٹ کمشنر شرقپور,مظہر علی,ایڈمن آفیسر جاوید چوہان انچارج ریسکیو 1122رانا عجاز اور محکمہ انہار کے افسران بھی موجود تھے ڈپٹی
کمشنر نے کہا کہ سیلاب کے دوران فصلوں کی تباہ کاریوں سے بچنے کے لیے آبی گزر گاہوں کی صفائی اور پانی کی رکاوٹ کو فوری طور پر ختم کیا جائے تاکہ سیلابی پانی بڑی نہروں اور دریاؤں میں ڈالا جائے انہوں نے کہا کہ دیہی علاقوں میں کچے مکانوں کے مکینوں کو آگاہی دی جائے کہ بارش اور سیلاب کے دوران اپنے کچے مکانوں کی مرمت اور دیکھ بھال ضرور کریں اور سیلاب کے دوران محفوط مقامات کی طرف چلے جائیں،انہوں نے کہا کہ سیلاب کے دوران وبائی امراض سے بچنے کے لیے محکمہ ہیلتھ کی ٹیمیں متعلقہ علاقوں میں جائے
گی جہاں لوگوں کو حفاظتی ٹیکہ جات بھی لگائے جائیں گے .

شیخوپورہ(نمائندہ باغی ٹی وی) سیکرٹری اوقاف,ذوالفقار گھمن کا ڈپٹی کمشنر شیخوپورہ سید طارق محمود بخاری کے ہمراہ گندم خریداری مرکز شیخوپورہ اور رمضان بازار کرکٹ سٹیڈیم اور لاہور روڈ کا دورہ. اس موقع پر انہوں نے سستے رمضان بازار میں اشیا خورو نوش کی قیمتیں,معیار اور وزن چیک کیے اور تسلی اور اطمینان کا اظہار کیا

انہوں نے سیکیورٹی انتظامات کا بھی جائزہ لیا اور سیکیورٹی کو مزید بہتر بنانے کی ہدایت جاری کی

ان کا کہنا تھا کہ حکومت کی مقرر کردہ قیمتوں میں اضافہ ہرگز برداشت نہیں کیا جائیگا اور اشیائے خوردو نوش کی قیمتوں میں اضافہ کرنے والوں کے خلاف کاروائی عمل میں لائی جائے. اور مقدس مہینے میں عوام کو ریلیف فراہم کیا جائے تاکہ عوام حکومتی اقدامات سے پوری طرح مستفید ہو سکیں.

حکومت پنجاب کے احکامات کی روشنی میں رمضان المبارک میں عوام الناس کو رعائتی نرخوں پر روز مرہ کی اشیا کی فراہمی یقینی بنائی جائے.