Category: شیخوپورہ

شیخوپورہ ہچڑ میں آٹھ بےگناہ افراد کے مبینہ قاتل کا پس منظر۔
باغی ٹی وی: شیخوپورہ (محمد طلال سے)ایم این اے تحریک انصاف برگیڈیئر(ر) راحت امان اللہ بھٹی کے آبائی گاؤں ہچڑ میں آٹھ افراد کوقتل کرنے والا قاتل، اکیس سالہ فیض رسول بھٹی کوٹ عبداللہ کا رہائشی ہے۔ اس نے میٹرک کے امتحان میں اپنے سکول میں ٹاپ کیا۔ ایف ایس سی سٹارز کالج نارنگ سے کی پھر یونیورسٹی آف نارووال میں بی ایس سی زوآلوجی میں داخلہ لیا۔ باغی ٹی وی کو دستیاب معلومات کے مطابق یہ خاندان بہت عرصہ پہلے کوٹ راجپوتاں سے یہاں منتقل ہوا۔ ملزم کے والد ججی پہلوان نشہ کی زیادتی کے سبب فوت ہوئے۔ اس کی والدہ محنت مزدوری کر کے تین بیٹوں چار بیٹیوں کا پیٹ پالتی ہیں۔ فیض نے دو روز پہلے اپنی ماں، بہن، مقامی سکول کے پرنسپل سر زبیر(داخل میو ہسپتال) اور ایک شخص کو زخمی کیا۔ اطلاعات کے مطابق مقامی لوگوں نے اسے قابو کر کے نارنگ پولیس کو اطلاع دی۔ ون فائیو پر کالز، ایس ایچ او، محرر حتیٰ کہ پٹرولنگ پولیس تک کو فون کے باوجود پولیس ٹس سے مس نہ ہوئی۔ اس بارے تھانہ نارنگ میں دو درخواستیں بھی جمع کرائی گئیں۔ اصل صورتحال تو شاید طبی ماہرین کے معائنہ اور پولیس تفتیش کے بعد ہی سامنے آ سکے گی تاہم ملزم فیض کی ذہنی حالت کے بارے میں مختلف آراء ہیں۔ پہلی یہ کہ یہ سرے سے بالکل ٹھیک ہے۔ اسی لیے اس نے رات گئے اکیلے سوئے ہوئے افراد کو ڈھونڈ دھونڈ کے اور کلہاڑی وآہنی راڈ کی مدد سے سروں پر ضرب پہنچا کے مارا۔ دوسری رائے یہ ہے کہ کچھ عرصہ پہلے اس نے اپنے والد کی قبر پر عملیات کیے جس سے ذہنی توازن بگڑا۔ کچھ کے نزدیک حالیہ واقعہ ان کے دماغ میں موجود رسولی اور ذہنی توازن بگڑنے کے باعث ہوا۔ میٹرک میں ملزم فیض رسول کے ایک کلاس فیلو نے بتایا کہ سکول میں فیض رسول ایک شریف شائستہ اور لائق طالب علم تھا۔ خدا معلوم بعد کے واقعات کیسے اور کیونکر پیش آ گئے۔اصل حقائق تک پہنچا قانون نافذکرنے والے اداروں کام ہے.

،شیخوپورہ: سبزی و فروٹ منڈی میں مہنگائی کا طوفاناسسٹنٹ کمشنر شیخوپورہ، پرائس کنٹرول مجسٹریٹس و مارکیٹ کمیٹی شیخوپورہ کا عملہ مہنگائی کنٹرول کرنے میں بری طرح ناکام نظر آتے ہیں، عوام۔
باغی ٹی وی:شیخوپورہ(محمد طلال سے)سبزی و فروٹ منڈی میں ٹھیکیدار اپنی مرضی کے ریٹ لگا کر عوام کودونوں ہاتھوں سے لوٹتے دکھائی دیتے ہیں جس کی وجہ سے دکاندار حضرات سبزی و فروٹ مزید مہنگے کر کے فروخت کرتے ہیں شیخوپورہ کی غریب و مزدور عوام پریشان نظر آتی ہے عوام کا کہنا ہے منگائی کے اس طوفان کو اسسٹنٹ کمشنر شیخوپورہ اور پرائس کنٹرول مجسٹریٹ و مارکیٹ کمیٹی شیخوپورہ کاعملہ کنٹرول کرنے میں بری طرح ناکام دکھائی دیتا ہے ہماری ڈی سی شیخوپورہ اور علی احکام سے پرزور اپیل ہے شیخوپورہ شہر پر بھی تھوڑی توجہ دی جائے اور مہنگائی کوکنٹرول کیا جائے

باغی ٹی وی: شیخوپور(محمد طلال سے) شیخوپورہ سرگودھا روڈ کی آبادی ماچھیکے اور اسکے قرب میں 100سے زائد ڈمپنگ اسٹیشنز کے قائم ہونے کا انکشاف ہوا ہے جن میں پارکنگ، ہوٹلزاور سروس اسٹیشنز کی آڑ میں غیر قانونی طور پر مختلف ملٹی نیشنل کمپنیوں کے آئل ڈپوز سے سپلائی کی خاطر تیل لوڈ کروا کر آنیوالے آئل ٹینکروں سے تیل نکالا اور اسے ملاوٹ کرکے فروخت کیا جارہا ہے، ذرائع کے مطابق ان ڈمپنگ اسٹیشنز مالکان کے پاس اس غیر قانونی دھندے کا کوئی قانونی جواز موجود نہیں جس کے باوجود ضلعی انتظامیہ اور پولیس سمیت دیگر متعلقہ ادارے کاروائی سے گریزاں ہیں جس کی بنیادی وجہ ان ڈمپنگ اسٹیشنز مالکان سے حاصل ہونے والی ماہانہ بھتہ کی کمائی بیان کی جارہی ہے، ذرائع کے مطابق مختلف آئل کمپنیوں سے مقامی فیکٹریوں اور شیخوپورہ سمیت دیگر اضلاع کے پٹرول پمپس کو آئل سپلائی کرنے والے آئل ٹینکرز کا عملہ ان ڈمپنگ اسٹیشنوں پر غیر قانونی طور پر آئل نکلوالتا ہے اور اس نکالے گئے آئل کو ڈمپنگ اسٹیشن مالکان کیمیکل کی ملاوٹ کے بعد نہ صرف مقامی پٹرول پمپس بلکہ شہر کے مختلف علاقوں میں قائم غیر قانونی آئل ایجنسیوں کو فروخت کررہے ہیں اور یہ مکروہ دھندہ ایک عرصہ سے نہایت منظم انداز سے جاری اس غیرقانونی کام کے ذریعے ڈمپنگ اسٹیشنزمالکان اور آئل ٹینکرز کا عملہ خوب کمائی کررہا ہے ذرائع کے مطابق ان ڈمپنگ اسٹیشنز کے مالکان بااثر ہونے کے باعث کارروائی سے محفوظ ہیں جبکہ ضلعی انتظامیہ،پولیس اور دیگر قانون نافذ کرنیوالے اداروں کے بعض کرپٹ افسران و ملازمین مبینہ طور پر کرپشن و لاقانونیت کی اس بہتی گنگا میں ہاتھ دھو رہے ہیں یہی وجہ ہے کہ وہ ان کے خلاف کسی طرح کی موثر کارروائی نہیں ہوپاتی جبکہ عوامی سماجی حلقوں کی جانب سے توجہ طلبی کی غرض سے حکام بالا کو کی گئیں تحریری درخواستیں دی گئیں ،انہیں ردی کی ٹوکری کی نذر کردیاگیا اور کوئی کاروائی نہیں کی گئی، ذرائع کا کہنا ہے کہ انڈمپنگ اسٹیشن مالکان کے ماچھیکے میں قائم 16ملٹی نیشنل آئل کمپنیوں کے ڈپوؤں میں تعینات بعض افسران و ملازمین سے بھی ہاتھ ملے ہوئے ہیں جو ٹینکرز سے چوری کئے جانیوالے تیل کا حصہ وصول کرتے ہیں واضح رہے کہ ان ڈمپنگ اسٹیشنزپر آئل چوری کے دوران متعدد بار آتشزدگی کے دلخراش اور ہولناک واقعات رونماہوچکے ہیں جن میں آئل ٹینکرز اوراملاک کو شدید نقصان پہنچنے سمیت درجنو ں انسانی جانیں اب تک لقمہ اجل بن چکی ہیں،عوامی سماجی حلقوں نے مطالبہ کیا ہے کہ اعلیٰ حکام صورتحال کا فوری نوٹس لیں اور ان غیرقانونی ڈمپنگ اسٹیشنزکا خاتمہ یقینی بنائیں اور ان تمام افراد کے خلاف بھی کارروائی کی جائے جن کا اس غیر قانونی اور خطرناک دھندے میں کسی طرح کا کوئی بھی کردار ہے۔

باغی ٹی وی : شیخوپورہ ( نامہ نگار) ۔محلہ کھنڈ پوریاں گلی لوہاراں میں ڈاکٹر کے غلط انجیکشن سے 8 سالہ بچہ جانبحق ، ڈاکٹر منیر چوہدری نے 8 سالہ بچے آذان علی ولد قاسم کو غلط انجیکشن لگا دیا،بچے کے ,ورثاء کا کہنا ہے کہ ڈاکٹر منیر چوہدری کے لگائے گئے انجیکشن نے بچے کی جان لے لی، ورثاء نے مزید بتایا کہ کہ غلط انجیکشن سے 8 سالہ بچے آذان علی ولد قاسم کا جسم سیاہ ہوگیا ،تاحال محکمہ صحت یا پولیس کی جانب سے ڈاکٹر کے خلاف کوئی کارروائی نہ کی گئی، اہل علاقہ نے غفلت برتنے والے جلاد ڈاکٹر منیر چوہدری کے خلاف کارروائی کا مطالبہ کر دیا

شیخوپورہ (محمد طلال سے) ریجن میں سب سے زیادہ حادثات شیخوپورہ اور فاروق آباد کے درمیان 14کلومیٹر کی سڑک پر ہورہے ہیں ذرائع کے مطابق اس روڈ پر ماچھیکے قریب پاور کو اور پرائیوٹ آئل کمپنیوں کے ڈپوؤں کے تعمیر کے بعد اس روڈ پر ٹریفک کا نظام درہم برہم ہو چکا ہے اور آئل ٹینکروں کے عملے سے چوری شدہ ڈیزل اور پٹرول خریدنے کی خاطر بننے والے ڈبی اسٹیشنوں کے باہر آئل ٹینکروں کے کھڑے ہونے باعث روزانہ اس روڈ پر بار بار ٹریفک بلاک ہوتی ہے کئی حکومتیں بدلنے کے باوجود اس روڈ کو ڈبل نہیں کیا گیا سروے رپورٹ کے مطابق گذشتہ 6ماہ کے دوران اس سڑک پر 700 سے زیادہ حادثات ہوئے ہیں جن میں سے کئی حادثات میں ہلاک ہونے والے افراد کی تعداد چار تا پانچ تھی ان حادثات میں سینکڑوں افراد معذور ہو چکے ہیں۔