Category: سیالکوٹ

سیالکوٹباغی ٹی وی( بیوروچیف شاہد ریاض )تھانہ نیکا پورہ کے علاقہ میں 4 نامعلوم ملزمان کی زیر حراست ملزم کو چھڑا کر فرار ہونے کی کوشش، فائرنگ کے تبادلے میں اپنے ہی ساتھیوں کی فائرنگ سے ایک ملزم ہلاک۔

ابتدائی اطلاعات کے مطابق موبائل تھانہ نیکا پورہ قتل اور زنا بالجبر جیسے سنگین نوعیت کے مقدمات میں ملوث ملزم قیصر محمود کو طبیعت خراب ہونے پر بعد علاج معالجہ سول ہسپتال سے واپس لے کر آ رہے تھے جو اوور ہیڈ برج کے نیچے پہنچے تو 4 کس نامعلوم مسلح ملزمان نے اسلحہ کے زور پر گاڑی کو روک کر ملزم قیصر کو پولیس کی حراست سے چھڑوا کر اور سرکاری گاڑی کی چابی اور رائفل کی میگزین لے کر فرار ہو گئے جن کی تلاش کے لئے ٹیمیں تشکیل دیدی گئیں۔

مخبر خاص نے اطلاع دی کہ 4 کس ملزمان جنہوں نے ملزم قیصر کو پولیس کی حراست سے چھڑوایا تھا فرار ہونے کی کوشش کر رہے ہیں اطلاع پا کر جب پولیس جلال پورہ پل پہنچی تو پولیس پارٹی کو دیکھ کر ملزمان نے فائرنگ شروع کر دی جن کو باآواز بلند فائرنگ نہ کرنے اور ملزم قیصر کو حوالے پولیس کرنے کو کہا لیکن ملزمان پولیس کی جانب مسلسل فائرنگ کرتے رہے جو کہ پولیس نے بھی حفاظت خود اختیاری کے تحت اکا دکا فائر کیے۔

فائرنگ رکنے پر آگے جاکر دیکھاتو ملزم قیصر مضروبی حالت میں پڑا ہوا تھا جس کے علاج معالجے کے لئے ریسکیو 1122 کو کال کی گئی جو ریسکیو کے آنے سے پہلے ہی ملزم قیصر اپنے ہی ساتھیوں کی فائرنگ سے موقع پر ہلاک ہو گیا۔جبکہ باقی ملزمان فرار ہونے میں کامیاب ہو گئے۔

پولیس ترجمان کے مطابق فرار ہونے والے ملزمان کی تلاش و گرفتاری کیلیے شہر بھر میں ناکہ بندی کر دی گئی ہے۔

سیالکوٹ،باغی ٹی وی (بیوروچیف شاہد ریاض)یوم عاشور کا مرکزی جلوس امام بارگاہ در بتول اڈا پسروریاں سے برآمد ہو گیا ہے ،

ضلع بھر میں 77مجالس منعقد ہونگی جبکہ 87جلوس برآمد ہوں گے، اے کیٹگری میں آٹھ مجالس اور 16 جلوس شامل ہیں،

جلوس کی سکیورٹی کے لئے تین ہزار سے زائد پولیس اہلکار ڈیوٹی سر انجام دے رہے ہیں، جلوس کے داخلی و خارجی راستوں کو خار دار تاریں اور قناتیں لگا کر سیل کر دیا گیا ہے ۔ جلوس کی سکیورٹی کو تین لئیرز میں تقسیم کیا گیا ہے۔

جلوس میں داخل ہونے والے افراد کو مکمل جامہ تلاشی کے بعد جلوس میں داخل ہونے کی اجازت دی جا رہی ہے ۔ترجمان
جلوس کے راستوں پر سکیورٹی کیمرے نصب کئے گے ہیں۔

جلوس کی نگرانی لائیو سکیورٹی کیمروں سے کی جا رہی ہے ، ڈی پی او آفس میں کنٹرول روم قائم کیا گیا ہے۔

دوسری طرف سیالکوٹ پولیس نے آج مورخہ 17 جولائی 2024 کو 10 محرم الحرام کے جلوس کے پیش نظر صدر بازار سیالکوٹ کینٹ صبح 8 بجے سے رات 8 بجے تک بھیڈ پلی سے گھنٹہ گھر چوک تک ٹریفک کے لیے روڈ بند رہے گا

غیر ضروری سفر سے اجتناب کریں یا متبادل راستہ اختیار کریں

سیالکوٹ،باغی ٹی وی (بیوروچیف شاہدریاض)دس محرم الحرام پولیس اور ریسکیو 1122 ہائی الرٹ

ضلع بھر میں دس محرم الحرام کے سلسلہ میں 87 جلوس اور 77 مجالس کا انعقاد ہو گا، شرکاء کی جان و مال کی حفاظت ،سکیورٹی کے لیے 3 ہزار سے زائد پولیس افسران و اہلکار فرائض سرانجام دے رہے ہیں ،

ڈی پی او محمد حسن اقبال مختلف مقامات کا دورہ کرتے ہوئے خود مانیٹرنگ کر رہے ہیں، ہر قسم کی شر پسندی اور ناگہانی صورت حال سے نمٹنے کے لئے پولیس کو رینجرز کی مدد بھی حاصل ہے۔ ڈی پی او آفس میں قائم مرکزی کنٹرول روم سے لمہ بہ لمہ صورتحال کو مانیٹر کیا جا رہا ہے۔

سکیورٹی کو فول پروف بنانے کے لیے تمام تر وسائل اور صلاحیتیں بروئے کار لائی جا رہی ہیں

دوسری جانب ریسکیورز ڈسٹرکٹ ایمرجنسی آفیسر کی زیر نگرانی تمام اہم جلوسوں میں ایمرجنسی میڈیکل کور کیساتھ روٹین کی ایمرجنسی، سروس میں بھی بلا تعطل سروسز فراہم کر رہے ہیں،ضلع بھر میں تمام بڑی مجالس اور جلوسوں کے ہمراہ ریسکیورز کے ہمراہ ریسکیو سکاوٹس اپنے فرائض سر انجام دینے پر معمور رہے گا،

آج 10 محرم الحرام کے دوران ایمرجنسی کور پلان کے مطابق مختلف جلوسوں اور مجالس میں تمام ریسکیو افسران و انچارجز نگرانی کررہے ہیں،ریسکیورز کے ہمراہ ریسکیو سکاؤٹس بھی ڈسٹرکٹ وارڈن جمیل جنجوعہ کی نگرانی میں ڈیوٹی سر انجام دے رہے ہیں۔جلوس کے دوران زنجیر زنی کرنے والے اعزاداروں کو فوری طبی امداد مہیا کرنے کے لیے ریسکیو موبائل ٹیمیں بھی موجود ہوں گئیں۔

امام بارگا زہرہ بتول اڈہ پسروریاں، کینٹ، شاہ سیداں، مستری عبداللہ، کوٹلی سید میر، کوٹلی امیر علی، رتیاں سیداں, مظفرپور کے علاوہ تمام تحصیلوں کی اہم امام بارگاہوں میں ریسکیورز تعینات کیے گئے ہیں۔

اس کے علاوہ چوک شہیداں میں ایمرجنسی میڈیکل کیمپ بھی لگایا جائے گا جس میں خواتین ریسکیو سکاوٹس بھی تعینات ہوں گے۔کسی بھی ایمرجنسی کی صورت میں فوری امدادی ہیلپ لائن 1122 ڈائل کریں.

سیالکوٹ،باغی ٹی وی( بیوروچیف شاہد ریاض )پولیس محرام الحرام کی ڈیوٹی میں مصروف،موٹر سائیکل چوری کی وارداتیں عروج پر پہنچ گئیں

سیالکوٹ موٹر سائیکل چور گینگ متحرک پولیس بے بس تھانہ اگوکی کی حدود میں مسلسل موٹر سائیکل چوری کی وارداتیں

سیالکوٹ وزیرآباد روڈ پر واقع امتیاز مال پر موٹر سائیکل چوری کا گھر بن گیا، امتیاز مال میں آئے روز موٹرسائیکلزچوری ہو رہی ہیں ان کی روک تھام کے لیے تھانہ اگو کی پولیس مکمل طور پر ناکام ہو چکی ہے

سی ٹی ٹی وی فوٹیج باغی ٹی وی نے حاصل کر لی شہریوں کا کہنا ہےفوٹیج میں چور صاف دیکھائی دے رہے ہیں اس کے باوجود ابھی تک پولیس چوروں کو گرفتار کرنے میں ناکام ہے.