Category: سیالکوٹ

سیالکوٹ، باغی ٹی وی( بیوروچیف شاہد ریاض سے) تھانہ کوٹلی لوہاراں پولیس کی کامیاب کارروائی، ڈکیتی اور منشیات فروشی میں ملوث 2ملزمان گرفتار، 14مقدمات ٹریس، نقدی02لاکھ روپے، 03 موٹر سائیکلیں،2کلو 720گرام چرس اور اسلحہ ناجائز برآمد.

ضلع سیالکوٹ کے مختلف علاقوں میں ڈکیتی اور راہزنی کی وارداتوں کے پیش نظر ڈی پی او سیالکوٹ محمد حسن اقبال کی خصوصی ہدایات پر ڈی ایس پی صدر سرکل محمد نعمان کی زیر نگرانی ایس ایچ او تھانہ کوٹلی لوہاراں انسپکٹر وقاص اکبر نے ٹیم کے ہمراہ جرائم پیشہ عناصر کے خلاف کارروائی کرتے ہوئے شیرا گینگ کے 2 ملزمان حسن اعجاز عرف شیرا ولد اعجاز احمد اور سجاد حسین عرف شادا ولد غلام فرید کے قبضے سے نقدی 2لاکھ روپے،03 عدد موٹر سائیکلیں،2کلو 720گرام چرس اور وارداتوں میں استعمال ہونے والا اسلحہ ناجائز 1عدد پسٹل 30 بور برآمد کرکے گرفتار کرلیا۔

گرفتار ملزمان سے مزید تفتیش جاری ہے جس سے مزید برآمدگی عمل میں لائی جائے گی۔

ڈسکہ ،باغی ٹی وی( نامہ نگار ملک عمران سے) مسلح ملزمان کی پولیس پر فائرنگ،ایک اہلکار زخمی، دو ملزمان زخمی حالت میں گرفتار

پولیس ناکہ سے فرار نامعلوم مسلح ملزمان کے تعاقب پر ملزمان کی پولیس پر فائرنگ، پولیس ملازم ذخمی اور اپنے ہی ساتھیوں کی فائرنگ سے دو ملزمان بھی زخمی ہو گے،

ابتدائی اطلاعات کے مطابق پٹری نہر نزد پنڈوریاں پل پر پولیس ملازمان بسلسلہ ناکہ بندی کھڑے تھے کہ دو مسلح نامعلوم ملزمان کو موٹر سائیکل 125 کو رکنے کا اشارہ کیا جو نہ رکے، جس پر پولیس پارٹی متعینہ تھانہ موترہ نے موٹر سائیکل ملزمان کا تعاقب کیا جو کانواں لٹ روڈ پرنامعلوم ملزمان نے پولیس پارٹی پر سیدھی فائرنگ شروع کر دی.

اسی دوران فرار ہونے والے دو کس نامعلوم ملزمان نے مزید 4/5 نامعلوم ساتھیوں کو بھی بلوا لیا جنہوں نے بھی پولیس پر سیدھی فائرنگ شروع کردی.

پولیس نے بھی حفاظت خود اختیاری کے تحت اکا دکا فائر کیے۔ملزمان کی فائرنگ سے کانسٹیبل عثمان طارق زخمی ہوا. کانسٹیبل محمد اویس کی 15 پر مزید نفری کے لیے کال جو ایس ایچ او تھانہ موترہ عبدالرحمن گشت پر تھا معہ پولیس نفری موقع پر پہنچےکر سرچ آپریشن شروع کیا گیا.

دوران سرچ آپریشن دو کس ملزمان زخمی حالت میں پائے گئے، جنکی شناخت وقار اور احتشام کے نام سے ہوئی جو اپنے ہی ساتھیوں کی فائرنگ سے زخمی ہوئے.

ان ملزمان کے قبضہ سے موٹر سائیکل ہنڈا 125 اور اسلحہ کلاشنکوف برآمد ہوئی، زخمی ملزمان نے انکشاف کیا کہ فہد خان انکا ساتھی ہے جو دیگر ملزمان کے ساتھ فرار ہو گیا ہے.

زخمی پولیس ملازم اور ملزمان کو برائے علاج معالجہ ہسپتال بھجوایا گیا ہے.

سیالکوٹ،باغی ٹی وی( شاہد ریاض بیوروچیف)ڈرائیونگ لائسنس کیلئے جعلی میڈیکل سرٹیفیکیٹ بنانے والا ایجنٹ سمیت گرفتار،مقدمہ درج

ملزمان ڈرائیونگ لائسنس کیلئے آنے والے امیدواران سے پیسے لے کر بغیر ڈاکٹری معائنہ جعلی اور فرضی میڈیکل بنوا کر دیتے تھے۔

انسپکٹر ہیڈکوارٹرز ٹریفک ملک خرم شہزاد کی مدعیت میں دفتر ٹریفک پولیس میں بطور مالی ڈیوٹی سر انجام دینے والا ملزم ثمر عباس اور ضلع کچہری میں موجود اس کا ساتھی ایجنٹ محمد سلیمان کے خلاف تھانہ سول لائنز میں مقدمہ درج کرکے ملزمان کو گرفتار کر لیا گیا ہے۔

ڈی پی او سیالکوٹ محمد حسن اقبال کا کہنا ہے کہ سیالکوٹ پولیس نے انسپکٹر جنرل پولیس کے ویژن کے مطابق ڈرائیونگ لائسنس کے حصول کو کرپشن سے پاک ، شفاف اور آسان بنانے کیلیے متعدد اقدامات کیے ہیں شہری بغیر کسی سفارش ڈرائیونگ لائسنس کی 24/7 خدمات سے استفادہ حاصل کر سکتے ہیں۔

تاہم بدعنوانی کے مرتکب اہلکار اور شہریوں سے فراڈ کرنے والے ٹاؤٹ یا ایجنٹس کے خلاف قانون کے مطابق کارروائی عمل میں لائی جائے گی

سیالکوٹ، باغی ٹی وی( شاہد ریاض بیوروچیف) 13 سالہ لڑکی کے ساتھ جنسی زیادتی کے مقدمہ میں مطلوب اشتہاری ملزم گرفتار

وزیر اعلٰی پنجاب مریم نواز شریف کے ویژن "Never Again” خواتین کے ساتھ زیادتی اب نہیں” کے تحت تھانہ کینٹ کے علاقہ میں ایک سال قبل 13 سالہ لڑکی (ک) سے جنسی زیادتی کرنے کے مقدمہ میں مطلوب ملزم عامر کو تھانہ کینٹ پولیس نے ٹریس کر کے گرفتار کر لیا۔

خواتین و بچوں کے ساتھ زیادتی، ہراسگی اور تشدد وزیراعلٰی پنجاب مریم نواز شریف کی ریڈ لائن ہے،

ڈی پی او سیالکوٹ احسن اقبال کاکہنا تھاکہ واقعہ میں ملوث ملزم کو قرار واقعی سزا دلوائی جائے گی۔

سیالکوٹ، باغی ٹی وی (بیوروچیف شاہد ریاض سے)ریسکیو 1122نے ہنگامی صورتحال میں بروقت کارروائی کے لیے ڈسٹرکٹ اور تحصیل کے سرکاری ہسپتالوں میں تربیت و مشق کا انعقاد کیا گیا،

ڈسٹرکٹ ایمرجنسی آفیسر انجینئر نوید اقبال کی زیر نگرانی زلزلہ، آتشزدگی سمیت قدرتی آفات و حادثات کی صورت میں ہنگامی اقدامات کیلئے یہ مشق علامہ اقبال ٹیچنگ ہسپتال، تحصیل ہیڈکوارٹر ہسپتال ڈسکہ، سمبڑیال اورٹی ایچ کیو لیول ہسپتال کوٹلی لوہار۱ں میں کی گئی جس میں ان ہسپتالوں کی انتظامیہ و ملازمین نے بھی شرکت کی۔

ڈی ای او ایمرجنسی نوید اقبال نے بتایا کہ مشق کا مقصد ہسپتال کے عملہ، ڈاکٹرز، مریض اور لواحقین کو تربیت دینا ہے تا کہ کسی بھی ہنگامی صورت میں ان عمارتوں سے محفوظ انخلا یقینی بنایا جاسکے۔

انہوں نے کہا کہ تمام بڑے ہسپتالوں اور اداروں میں فائر سیفٹی ٹیم اور سیفٹی آلات ہونا نہایت اہم ہے۔ ریسکیو 1122 کے جوانوں اور رضا کاروں نے آگ لگنے کی صورت میں بلڈنگ کے اندر پھنسے لوگوں کو بچاکر باہر نکالنے، زخمیوں کو ابتدائی طبی امداد اور قریبی ہسپتال مننقل کرنے کا عملی نمونہ پیش کیا گیا۔

ایم ایس علامہ اقبال ہسپتال ڈاکٹر سہیل انجم بٹ، فائر اینڈ سیفٹی ٹیم انچارج ڈاکٹر نعیم بٹ نے مشق کے انعقاد کو سراہا اور ریسکیو کی اس کاوش کو سراہا اور کہا کہ مشق کا مقصد ایمرجنسی صورتحال کیلئے خود کو تیار کرنا ہے۔

سیالکوٹ،باغی ٹی وی( بیوروچیف شاہد ریاض سے)ریسکیو 1122 نے بروقت کارروائی کرکے خودکشی کرنے والے شخص کوبچالیا

ریسکیو فائر وہیکل تحصیل سمبڑیال میں نہر اپر چناب پر پیٹرولنگ کر رہی تھی کہ ایک شخص نے سمبڑیال مین پل سے خود کشی کی نیت سے چھلانگ لگا دی۔

ریسکیو 1122 نے بروقت کارروائی کرتے ہوئے نہر میں چھلانگ لگا کر اس نوجوان کو زندہ باہر نکال لیا، نہرمیں چھلانگ لگاکرخودکشی کی کوشش کرنے والے نوجوان کی شناخت شہزادہ کامران اور عمر 20سال معلوم ہوئی ہ

بے روزگاری اورکام نہ ملنے کی پریشانی کے باعث اس نے نہر میںچھلانگ لگا کر خود کشی کی کوشش کی،ریسکیورز نے اس کے لواحقین کو بلا کر ان کے حوالے کر دیا۔