Category: سیالکوٹ

سیالکوٹ ،باغی ٹی وی (بیوروچیف شاہد ریاض سے)منشیات کا عالمی دن، منشیات کے خلاف آگاہی واک کا انعقاد کیا گیا

ملک بھر کی طرح سیالکوٹ میں بھی انسداد منشیات کے عالمی دن 26 جون کے موقع پر ٹریفک ایجوکیشن ونگ سیالکوٹ نے ایڈیشنل آئی جی ٹریفک پنجاب مرزا فاران بیگ کی خصوصی ہدایت پر ڈسٹرکٹ ٹریفک آفیسر سیالکوٹ کی زیر نگرانی انٹی نارکوٹکس فورس کے ساتھ مل کر منشیات کی خلاف آگاہی واک کا انعقاد کیا جس کا مقصد عوام الناس میں منشیات کے استعمال کی حوصلہ شکنی اور اس کے نقصانات سے آگاہی دینا تھا۔

اس آگاہی واک کا آغاز سمبڑیال موڑ سیالکوٹ سے کیا گیا جس میں سیکٹر انچارج ٹریفک محمد طارق گجر، انچارج ایجوکیشن ونگ سیالکوٹ ڈاکٹر سید شفقت رسول، اسسٹنٹ ڈائریکٹر اینٹی نارکوٹکس سیالکوٹ محمود اور اینٹی نارکوٹکس کے عملہ کے علاوہ سول سوسائٹی کے مختلف شعبہ ہاۓ سے تعلق رکھنے والےلوگوں نے شرکت کی

اس موقع پر لوگوں کا بتایا گیا کہ نشہ سے انکار زندگی سے پیار ہے۔ایک صحت مند معاشرہ ہی ملکی ترقی کا ضامن ہے۔ نشہ ایک ایسی لعنت ہے جو انسان زہنی اور جسمانی طور پر مفلوج کر کے موت کے منہ میں دھکیل دیتا ہے لہزا اس سے اجتناب کریں اپنی فیملی سے پیار کریں

ڈسکہ ،باغی ٹی وی(نامہ نگار ملک عمران سے) سرکل ڈسکہ تھانہ سٹی کے علاقہ جامکے روڈ پر ڈکیتی کی بڑی واردات ، ڈاکو گن پوائنٹ پر بلال نامی شخص سے 35 لاکھ چھین کر فرارہوگئے

واردات کے دوران مزاحمت کرنے پر ڈاکوؤں نے فائرنگ کر کے بلال اور ایک راہگیر کو شدید زخمی کر دیا،دو نامعلوم ڈاکو بلا نمبری موٹرسائیکل سوار موقع سے فرار ہوگئے ۔بلال نامی شہری اپنی موبائل شاپ بند کر کے گھر جارہا تھا۔

ڈاکوؤں کی فائرنگ سے علاقہ میں خوف و ہراس پھیل گیا یاد رہے کہ سرکل ڈسکہ آجکل ڈاکوؤں کے نرغے میں آۓ روز رہزانی اور ڈکیتی کے وراداتیں عروج پر ہیں

دوسری طرف ریسکیو1122 نے زخمیوں کو سول ہسپتال ڈسکہ منتقل کردیا ہے.

سیالکوٹ،باغی ٹی وی (بیوروچیف شاہدریاض) توہینِ مذہب کرنے پر مشتعل ہجوم کے ہاتھوں مدین(سوات) میں جانبحق ہونے والے سلیمان کا تعلق سیالکوٹ سے ہے اس کی والدہ کا کہنا ہے کے میں نے اپنے بیٹے کو ڈیڑھ سال قبل عاق کر دیا تھا

سلیمان بیرون ملک محنت مزدوری کرتا تھا، – 2022 کو سلیمان جب بیرون ملک سے واپس آیا تو والدہ اور دیگر گھر والوں سے لڑنا، جھگڑنا اس کا معمول تھا، –

2022 میں والدہ اور بھائی کو جان سے مارنے کی کوشش پر والدہ کی مدعیت میں تھانہ سول لائن میں مقدمہ درج ہوا –

ڈیڑھ سال قبل ہم نے نا فرمانی اور غلط عادات کی وجہ سے بیٹے کو اخبار میں اشتہار دے کر عاق کر دیا تھا، سلیمان کی والدہ کا کہنا ہے نا فرمان بیٹے کے کسی بھی عمل کے ذمہ دار نہیں ہیں،

سیالکوٹ،باغی ٹی وی (بیوروچیف شاہدریاض) تھانہ صدر کے علاقہ پکی کوٹلی میں سیکیورٹی گارڈنے اپنی بیوی اور بیٹی کو قتل کر دیا

سیالکوٹ تھا نہ صدر کے علاقہ پکی کوٹلی میں دوہرے قتلِ کی واردات ہوئی ہے ،مجتبی نے اپنی بیوی 45 سالہ بشیراں بی بی اور بیٹی 24 سالہ راحیلہ کو چھریوں کے وار کر کے قتل کیا ملزم ضلع رحیم یار خان کا رہنے والا ہے

ملزم سیالکوٹ میں گلوز بنانے والی فیکٹری میں سیکیورٹی گارڈ کا کام کرتا تھا ، تھانہ صدر کے علاقہ پکی کوٹلی میں اہلیہ اور بیٹی کو قتل کرنے والے ملزم کو پولیس نے گرفتار کر لیا ہے،

سیالکوٹ،باغی ٹی وی( بیوروچیف شاہد ریاض سے)حکومت پنجاب کی ہدایات کے مطابق ضلع بھر میں گرانفروشوں کے خلاف کریک ڈاؤن، رواں ماہ ابتک 1246ناجائز منافع خوروں پر 62لاکھ93500روپے جرمانہ عائد، 14ملزمان کے خلاف مقدمات درج کرائے گئے،

پرائس کنٹرول مجسٹریٹس چیکنگ کو مزید موثر بنائیں اور اوور چارجنگ کرنے والوں کے خلاف بلا تفریق ایکشن لیا جائے، ان خیالات کا اظہار ڈپٹی کمشنر محمد ذوالقرنین نے پرائس کنٹرول مجسٹریٹس کے اجلاس سے خطاب کرتے ہوئے کیا، اے ڈی سی جی سید اسد رضا کاظمی، ڈی او انڈسٹریز راشدہ بتول بھی موجود تھے۔

ڈپٹی کمشنر محمد ذوالقرنین نے بتایا کہ چاروں تحصیلوں میں یکم جون سے 21جون تک پرائس مجسٹریٹس نے مجموعی طور پر 21906انسپکشنز کیں اس دوران مقررہ نرخوں سے زائد قیمتیں وصول کرنے، ریٹ لسٹ آویزاں نہ کرنے والوں کے خلاف بلا تفریق کاروائی کی گئی جبکہ ضلع کے مختلف علاقوں میں 84دکانوں، کاروباری مراکز کو سیل بھی کیا گیا،

پرائس مجسٹریٹس نے دوران کارروائی 147 افراد کو حراست میں بھی لیا گیا جن ملزمان کے خلاف مقدمات درج کئے گئے انکے خلاف پولیس نے قانون کے مطابق فوجداری کارروائی کی ہے۔

سیالکوٹ،باغی ٹی وی( سٹی رپورٹر مدثر رتو ) شہر اقبال کے ممتاز سابق بنکار اعجاز رتو کا جوان سال بیٹا گزشتہ روز مالک حقیقی سے جا ملا۔

جس کی تعزیت و فاتحہ خوانی کے لئے وزیر دفاع خواجہ محمد آصف اور چوہدری فیصل اکرام (ایم پی اے) کی قیادت میں مسلم لیگ ن کے وفد نے ان کی رہائش گاہ پر مرحوم ڈاکٹر رستم کے والد سے ملاقات کی دعائے مغفرت کی اور موقع پر تمام سیاسی اور سماجی شخصیات بھی موجود تھی

مرحوم کے والد محترم سابق بنکار اعجاز رتو کا کہنا تھا کہ میرا بیٹا تو میرے وطن کاعظیم کا سپوت تھا جس نے سعودی عرب میں دوسروں کی مدد کرنے اور دین اسلام کی خدمت کرنے میں اپنی صلاحیتوں کی بنا پر ایک نمایاں مقام حاصل کیا تھا ۔

اللہ تبارک وتعالی پر اس کے کامل ایمان اور نبی پاک صلی اللہ علیہ وسلم سے اس کی عقیدت کو الفاظ میں بیان کرنا میرے بس میں نہیں ، اعجاز رتو کا کہا کہ ہر کسی نے موت کا ذائقہ چکھنا ہے لیکن امر اسی نے ہونا ہے جس نے اللہ تعالیٰ کی خوشنودی کے لئے اپنے آپ کو وقف کرنا ہے

میرا بیٹا صوم و صلوٰۃ کا پابند بھی تھا اور انتہائی خوبصورت آواز میں ازان دیا کرتا تھا اسے خانہ کعبہ میں ازان دینے کی سعادت بھی حاصل ہوئی ۔

وفد کے شرکاء نے مرحوم کے درجات کی بلندی و لواحقین کے صبر کے لئیے دعا کی اور ان کی ملک و قوم کے لئے ان کی شاندار خدمات پر خراج تحسین پیش کیا ۔

سیالکوٹ، باغی ٹی وی( بیوروچیف شاہد ریاض کی رپورٹ )خانیوال میں نرس,ساہیوال میں ڈاکٹرز کی گرفتاری کے خلاف پنجاب بھر کے ہسپتالوں میں احتجاج

تفصیل کے مطابق خانیوال میں نرس اقصی اور ساہیوال میں ڈاکٹرز کی گرفتاری کے خلاف پنجاب بھر کے ہسپتالوں کی طرح سیالکوٹ میں بھی احتجاج جاری ہے

احتجاج کے شرکا نے پلے کارڈز اور بینرز اٹھا رکھے تھے اور ان کا کہنا تھا کہ پیرامیڈیکل سٹاف کے ساتھ زیادتی بند کی جائے۔ نرس اقصی کو رہا کیا جائے اور سی ای او ہیلتھ خانیوال کو فی الفور معطل کیا جائے۔

مزید ان کا کہنا تھا کہ وزیراعلی پنجاب مریم نواز اس واقعے کی غیر جانبدار انکوائری عمل میں لائیں تا کہ ان واقعات میں ملوث انسان دشمن عناصر کو کیفر کردار تک پہنچایا جائے۔

ینگ نرسز ایسوسی ایشن کی عہدیداروں نے مطالبات منظور نہ ہونے پر احتجاج کا دائرہ کار وسیع کرنے کا بھی اعلان کیا ہے