Category: سیالکوٹ

سیالکوٹ,باغی ٹی وی (بیوروچیف شاہدریاض) پولیس نے مویشی چوری کی وارداتوں میں ملوث شہریار عرف چوا بین الاضلعی گینگ کے سرغنہ سمیت 4 ارکان کو گرفتار کر لیا، لاکھوں روپے مالیت کے 25 مویشی، 2لوڈر رکشے اور منشیات برآمد کر کے اصل مالکان کے حوالے۔

تفصیلات کے مطابق ڈی پی او سیالکوٹ محمد حسن اقبال کی ہدایت پر سیالکوٹ پولیس نے جرائم پیشہ عناصر کے خلاف کریک ڈاؤن جاری کر رکھا ہے اس سلسلہ میں ڈی ایس پی پسرور سرکل کی زیر نگرانی ایس ایچ او تھانہ بڈیانہ انسپکٹر عرفان اشرف نے ٹیم کے ہمراہ کاروائی عمل میں لاتے ہوئے مویشی چوری کی وارداتوں اور منشیات فروشی میں ملوث شہریار عرف چوا گینگ کے سرغنہ سمیت 4 افراد کو گرفتار کر لیا ہے۔ گرفتار ملزمان میں شہریار عرف چوا ولد یعقوب سکنہ خانہ بدوش حال بڈیانہ،عمر عرف بلال ولد حاکم دین سکنہ خانہ بدوش حال بڈیانہ،یعقوب عرف اشرف ولد اکبر چنگڑ سکنہ خانہ بدوش حال بڈیانہ،مجید عرف کالا قصائی ولد غلام رسول سکنہ کشنے والی کوٹھے سیالکوٹ شامل ہیں

دوران تفتیش ملزمان سے 11 مقدمات ٹریس ہوئے ہیں اور قبضہ سے 53 لاکھ 40 ہزار روپے سے زائد مالیت کا مال مسروقہ جس میں 25 مال مویشی(بھینسیں، گائیں، کٹے اور بچھڑے)، 2 لوڈر رکشے اور 2 کلو 680 گرام چرس برآمد ہوئی ہے۔ برآمد شدہ مال مویشی اصل مالکان کے حوالے کر دئیے گئے۔

گرفتار ملزمان سے مزید تفتیش جاری ہے. جن سے مزید برآمدگی عمل میں لائی جائے گی۔

ڈی پی او سیالکوٹ محمد حسن اقبال نے پولیس ٹیم میں شامل افسران و ملازمان کو مویشی چور گینگ کو گرفتار کرنے پر تعریفی سرٹفیکیٹ اور نقد انعام دینے کا اعلان کیا ہے ۔

سیالکوٹ،باغی ٹی وی (بیوروچیف شاہدریاض) کسٹمز حکام نے کلیکٹر کسٹمز صائمہ آفتاب کی زیر نگرانی بھاری مقدار میں پکڑی گئی منشیات ، نان پی ٹی اے درآمد شدہ موبائل فونز ، سمگل شدہ مضر صحت خشک دودھ اور ممنوعہ ہیلتھ میشنری کو تلف کردیا

کسٹمز کلیکٹریٹ سمبڑیال کے زیر اہتمام نیو ڈرائی پورٹ پر منعقدہ تقریب کے دوران کسٹم حکام اور اینٹی نارکوٹکس حکام نے کلیکٹر کسٹمز میڈیم صائمہ آفتاب کی زیر نگرانی مختلف اوقات میں ضبط کیے گئے موبائلز، خشک دودھ، کاسمیٹکس ، پرانی ہیلتھ مشینری ، سگریٹ کو نذر آتش اور دفن کر دیا گیا ہے۔

لاکھوں روپے مالیت کی سمگل شدہ اشیاء جن میں نان پی ٹی اے 5 ہزار موبائل فونز، سمگل شدہ ضبط کیا گیا20 ہزار کلوگرام غیر معیاری خشک دودھ ، بھاری تعداد میں استعمال شدہ ممنوعہ ہیلتھ میشنری، ممنوعہ کاسمیٹکس سامان ، ممنوعہ 20 ہزار سگریٹ ، ضبط کی گئی ممنوعہ 1لاکھ جنسی ٹیبلیٹ، 500 کلوگرام ایکسپائر ڈرائی فروٹ اور بھاری مقدار میں ممنوعہ کیمکل جبکہ 5 کلو پکڑی گئی ہیروئن ،چرس بھی شامل تھی جسے تلف کر دیا گیا۔

اس موقع پر ایڈیشنل کلیکٹر کسٹمز شہزاد رانجھا ، اسسٹنٹ کلکٹر کسٹمز امیر حمزہ چیمہ ، اپریزنگ آفیسر حافظ محمد ابوبکر، سپرٹینڈنٹ کسٹمز امان اللہ ، رشید عالم ڈوگر ، اینٹی نارکوٹکس فورس تھانہ سیالکوٹ کے ایس ایچ او شفقت محمود ، نیو ڈرائی پورٹ (SICTL) عبد الحمید جرال ، ایجنٹس گروپ کے رہنما لیڈر چوہدری جمشید اسلم چیمہ، ڈائریکٹرز نیو ڈرائی پورٹ (SICTL) سمیت دیگر بھی موجود تھے

تقریب کے اختتام پر کلیکٹر کسٹمز صائمہ آفتاب کا کہنا تھا کہ محکمہ کسٹمز انشاء اللہ تعالیٰ سمگلنگ کی روک تھام اور ملکی معیشت کو نقصان پہنچانے کے حوالے سے سماج دشمن عناصر کی کاروائیوں کی حوصلہ شکنی کرتا رہے گا اور فیڈرل بورڈ آف ریونیو کی ہدایات کے مطابق سمگلنگ میں ملوث عناصر کو کیفرِ کردار تک پہنچانے سمیت سمگلنگ کی ہر ممکن حوصلہ شکنی کی جاۓ گی اور کسٹمز کے پلیٹ فارم سے اقدامات کیے حوالے سے کوئی دقیقہ فروگزاشت نہیں کیا جاۓ گا ۔

ڈسکہ،باغی ٹی وی (نامہ نگارعمران ملک)ڈسکہ میں شہری کے گھر میں دن دیہاڑے ڈکیتی کی واردات میں ڈاکو نئی نویلی دلہن اور گھر میں موجود دیگر خواتین سے 14 تولے زیورات، نقدی اور قیمتی موبائل فونز لوٹ کر فرار ہو گئے، ڈاکوؤں نے آدھا گھنٹہ تک فیملی کو یرغمال بنائے رکھا۔

ڈسکہ کے محلہ مشن کمپاونڈ کے رہائشی سید صہیب حیدر کا 13 سالہ بھانجا گھر کے باہر کھیل رہا تھا کہ اسی دوران دن دیہاڑے دو موٹر سائیکلوں پر سوار 4 ڈاکو گن پوائنٹ پر اسے گھر کے اندر لے آئے اور تمام افراد کو یرغمال بنا لیا، اس دوران صہیب کی والدہ اور بہن سے ہاتھوں میں پہنی سونے کی چوڑیاں اور سیٹ اتروائے

ان کے علاوہ اوپری منزل پر جا کر صہیب اور اس کی نئی نویلی دلہن فرخندہ کو بھی اسلحہ کے زور پر یرغمال بناتے ہوئے تین سونے کے سیٹ، چوڑیاں، بالیاں، کنگن، 2 لاکھ روپے نقدی اور آئی فونز لوٹتے ہوئے ان کو بھی نیچے لا کر ایک کمرے میں بند کر دیا اور دھمکیاں دیتے ہوئے فرار ہو گئے،

ڈاکو آدھا گھنٹے تک گھر میں لوٹ مار کرتے رہے، گھر کے باہر لگے ہوئے سی سی ٹی وی کیمروں میں ڈاکوؤں کو دیکھا جا سکتا ہے، تھانہ سٹی ڈسکہ پولیس نے موقع پر پہنچ کر تفتیش کا آغاز کر دیا ہے

سیالکوٹ ،باغی ٹی وی (بیوروچیف شاہدریاض کی رپورٹ)پولیس کی بروقت کارروائی،ہیڈ مرالہ علاقہ درگاہ پور میں امن و امان کو سبوتاژ کرنے کی کوشش 2 متحرک گروپوں کے ملزمان گرفتار،بھاری مقدار میں آتشیں اسلحہ برآمد۔

تفصیلات کے مطابق ڈی پی او سیالکوٹ محمد حسن اقبال کی ہدایت پر سیالکوٹ پولیس نے جرائم پیشہ عناصر کے خلاف کریک ڈاؤن جاری کر رکھا ہے اس سلسلہ میں SHO تھانہ ہیڈ مرالہ سب انسپکٹر کاشف علی کو اطلاع ملی کہ موضع درگاہ پور میں دو متحرک گروپوں میں فائرنگ ہو رہی ہے جس پر SHO معہ نفری تھانہ ہیڈ مرالہ نے فوری رسپانس کرتے ہوئے دونوں گروپس کے 6 ملزمان جو اپنا اپنا اسلحہ قبرستان درگاہ پور جھاڑیوں اور لکڑیوں میں چھپا کر فرار ہونے کی کوشش کر رہے تھے کو پیشہ ورانہ مہارت اور ٹیم ورک سے گرفتار کر لیا۔

ساگر ولد محمد الیاس سکنہ بسنت پور،عادل عرف علی ولد اصغر علی سکنہ کپور والی،علی حمزہ ولد محمد افضل سکنہ اجو والی ،محبت علی ولد محمد یونس سکتہ بسنت پور ،محمد خلیل ولد محم مجید سکنہ اجو والی،عدیل عرف عادل ولد مقصود سکنہ درگاہ ملزمان کوگرفتار کرلیا ہے ،ملزمان کے قبضہ سے 1عدد رائفل کلاشنکوف، 1عدد گن رپیٹر، پسٹل 30 بور 5عدد معہ درجنوں گولیاں و کارتوس اور ایک عدد کار کرولا برآمد ہوئی ہے۔

ڈی پی او سیالکوٹ محمد حسن اقبال نے ایس ایچ او تھانہ ہیڈ مرالہ کو بروقت کارروائی کرنے پر شاباش دی اور پولیس ٹیم میں شامل افسران و جوانون کو ملزمان کو گرفتار کرنے پر تعریفی سرٹیفیکیٹ اور نقد انعام سے نوازا ہے

سیالکوٹ،باغی ٹی وی (بیوروچیف شاہدریاض) تھانہ ہیڈ مرالہ پولیس کی قابل تحسین کاروائی تھانہ ہیڈ مرالہ کے بیشتر علاقوں کے لیے درد سر بننے والے 6 رکنی خطرناک ڈکیت گینگ کو اسلحہ سمیت گرفتار کر لیا گیاگرفتار ملزمان کئی وارداتوں میں ملوث ہونے کے انکشاف

ڈی پی او سیالکوٹ کے خصوصی احکامات پر جدید ٹیکنالوجی کو بروئے کار لاتے ہوئے ایس ایچ او تھانہ ہیڈ مرالہ کاشف بٹ اور اسسٹنٹ سب انسپکٹر امجد خاں اور ٹیم کے ہمرا ہ کارروائی عمل میں لاتے ہوئے درجنوں وارداتوں میں ملوث 6 رکنی ڈکیت گینگ کو گرفتار کر لیا،

گرفتار ملزمان سے 5 عدد پسٹل 30 بور، دو رائفل اور درجنوں گولیاں بھی برآمد کر لی گئیں، دوران تفتیش ملزمان نے انکشاف کیا کے نہر کنارے الگ الگ مقامات پر ناکہ بندی کر کے وارداتیں عمل میں لاتے تھے اور وارداتوں میں سینکڑوں راہگیروں کو یرغمال بنا کر لاکھوں روپوں سے محروم کرنے کا بھی انکشاف کیا تاہم ایس ایچ او تھانہ ہیڈ مرالہ نے ملزمان کا تعاقب کرتے ہوئے رنگے ہاتھوں گرفتار کر لیا

گرفتار ملزمان سے مزید تفتیش جاری باغی ٹی وی کے بیوروچیف شاہد ریاض سے گفتگو کرتے ہوئے ایس ایچ او تھانہ ہیڈ مرالہ کاشف بٹ کا کہنا تھا کے کوئی قانون سے بالاتر نہیں، قانون شکنی کرنے والوں کو آڑے ہاتھوں نمٹا جائے گا

علاقہ میں امن و امان کی صور حال کو برقرار رکھنا پولیس کا اولین فریضہ ہے اور تھانہ ہیڈ مرالہ پولیس یہ فرائض احسن طریقے سے ادا کرنے کے لیے دن رات کوشاں ہے.