Category: سیالکوٹ

سیالکوٹ ،باغی ٹی وی( بیوروچیف شاہد ریاض سے) ٹریفک اسسٹنٹ محمد علی ثاقب کی ریٹائرمنٹ کے موقع پر الوداعی تقریب کا انعقاد کیا گیا جس میں DSP/HQ ٹریفک سیالکوٹ ملک عطاء اللہ نے ریٹائر ہونے والے ٹریفک اسسٹنٹ محمد علی ثاقب کی خدمات کو سراہا اور کہا کہ آپ نے انتہائی محنت اور لگن سے ڈیوٹی سرانجام دی آپ کی خدمات اس محکمے کے لیے ناقابل فراموش ہیں آپ ریٹائرمنٹ کے بعد بھی ٹریفک پولیس کا حصہ ہیں ہمارے دفتر کےدروازہ آپ کے لیے ہمیشہ کھلے ہیں۔

اس موقع پر انسپکٹر ہیڈ کوارٹر ٹریفک ملک خرم، انچارج IT واصف محی الدین، اور ریڈر DSP ٹریفک انسپکٹر منظور احمد نے بھی محمد علی ثاقب کی سروس کو مثالی قرار دیا اور خراج تحسین پیش کیا۔

بعد ازاں DSP/HQ ملک عطاء اللہ نے محمد علی ثاقب کو تحائف دیتے ہوئے نیک خواہشات کے ساتھ الوداع کیا

سیالکوٹ ،باغی ٹی وی( بیوروچیف شاهد ریاض سے) ڈپٹی کمشنر سیالکوٹ محمد ذوالقرنین نے کہا ہے کہ عید الاضحیٰ پر لگائی جانے والی مویشی منڈیوں میں محفوظ خریدو فروخت کو یقینی بنانے کیلئے اسٹیٹ بینک آف پاکستان ڈیجیٹل کرنسی راست پیمنٹ سسٹم کی سہولت فراہم کرے گا۔

یہ بات انہوں نے سینئر ڈپٹی چیف مینیجر نثار احمد، اسسٹنٹ ڈائریکٹر سفیان تاثیر، انچارج فنانشل انکلیوئیر سپورٹ یونٹ غلام محی الدین اود ایڈیشنل ڈپٹی کمشنر جنرل سید اسد رضا کاظمی بھی اس موقع پر موجود تھے۔

سینئر ڈپٹی چیف مینیجر نثار احمد نے کہا کہ راست پیمنٹ سسٹم ملک کے مالیاتی ڈھانچے کو جدید بنانے کی جانب ایک انقلابی قدم ہے۔ Raast ID اس سسٹم کا ایک اہم جزو ہے جو افراد اور کاروباری اداروں کو فوری اور محفوظ ڈیجیٹل ادائیگیاں کرنے کے قابل بناتا ہے۔

راست آئی ڈی بنا کر صارفین سہولت، رفتار، اور لاگت میں بچت جیسے فوائد حاصل کرسکتے ہیں۔ محفوظ ہونے اور آسان استعمال جیسی خصوصیات کے ساتھ Raast پاکستانیوں کے مالی لین دین کے طریقے کو تبدیل کرنے کی صلاحیت رکھتا ہے۔

جیسے جیسے زیادہ لوگ Raast کے فوائد سے واقف ہوں گے ہم ملک میں ڈیجیٹل ادائیگیوں کی طرف ایک اہم تبدیلی دیکھنے کی توقع کر سکتے ہیں۔

لہذا ضروری ہے کہ نئے آنے والے ڈیجیٹل نظام سے بھرپور فائدہ اٹھایا جاۓ۔ اس سلسلہ میں ضلعی انتظامیہ سے تعاون کی درخواست ہے۔

سیالکوٹ، باغی ٹی وی( بیوروچیف شاہد ریاض سے ) ڈپٹی کمشنر سیالکوٹ محمد ذوالقرنین نے کہا ہے کہ اسسٹنٹ کمشنرز اپنی تحصیل میں ایل این جی گیس کی غیر قانونی ڈی کنٹنگ کے خلاف کارروائی کریں اس سلسلہ میں سول ڈیفنس کا عملہ ان کی معاونت کرے گا۔

یہ بات انہوں نے آج ڈسٹرکٹ ایڈمنسٹریشن اور لوکل گورنمنٹ کے مقامی حکام کے اجلاس سے خطاب کرتے ہوئے کہی۔ اجلاس میں ایڈیشنل ڈپٹی کمشنر فنانس اینڈ پلاننگ مظفر مختار کے علاؤہ چاروں تحصیلوں کے اسسٹنٹ کمشنرز اور میونسپل کمیٹیز کے سربراہان نے شرکت کی۔

ڈپٹی کمشنر سیالکوٹ محمد ذوالقرنین نے لوکل گورنمنٹ کے مقامی حکام کو ہدایت کی کہ ستھرا پنجاب پروگرام تحت سروسز چارجز کی وصولی کے عمل کو تیز کیا جائے اور مین شاہرات کے ساتھ کوڑا کرکٹ کے ڈھیر نہ بننے دیئے جائیں۔

انہوں نے اسسٹنٹ کمشنرز کو ہدایت کی کہ وہ میونسپل کمیٹیز کے گردو نواح میں کوڑا کرکٹ کے ٹرانسفر اسٹیشنز، انکولوئیرز اور لینڈ فل سائیٹ کیلئے فوری اسٹیٹ لینڈ مہیا کریں۔

انہوں نے کہا کہ وزیر اعلی پنجاب مریم نواز شریف کا ستھرا پنجاب پروگرام اپنے نوعیت کا منفرد پراجیکٹ ہے، جس میں وہ چاہتی ہیں کہ شہر اور دیہات میں ایک جیسا صفائی کا نظام ہو اور سالڈ ویسٹ کے ذریعے انرجی پیدا کی جائے اور قابل استعمال اشیاء کی ری سائیکلنگ کی جائے۔

ڈپٹی کمشنر محمد ذوالقرنین نے کہا کہ گندم کی فصلوں کی باقیات کو آگ لگانے والے زمیندار ہر گز آگ نہ لگائیں بصورت دیگر ان کو جرمانہ کیا جائے گا اور ان کے خلاف ایف آئی آر درج کروائی جائے گی۔

ڈپٹی کمشنر نے ضلع کونسل، میونسپل کارپوریشن/ کمیٹیز کے سی ای او ز کو ہدایت کی کہ آوارہ کتوں کے خاتمہ کی مہم کو تیز کیا جائے۔

انہوں نے کہا کہ ون ڈش پر عملدرآمد کروانے کیلئے مانیٹرنگ کی جائے۔

انہوں نے اسسٹنٹ کمشنرزاور سی ای اوز ایم سی ایس ، ایم سیز اور زیڈ سی کو ہدایت کی کہ وہ میونسپل سروسز کے متعلق شکایات کے ازالہ کیلئے خصوصی ٹیمیں تشکیل دیں اور علی الصبح ڈیلی میٹنگ کے بعد ان کو فیلڈ میں روانہ کریں اور ان سے فیڈ بیک لیں۔

ڈپٹی کمشنر محمد ذوالقرنین نے کہا کہ وزیر اعلی پنجاب مریم نواز شریف اداروں کی جانب سے انفورسمنٹ اور سروسز کے معیار کو بہتر بنانے پر یقین رکھتی ہیں اور اس ضمن میں اداروں کی کارکردگی کو مانیٹرنگ کیا جارہا ہے۔

سیالکوٹ،باغی ٹی وی (بیوروچیف شاہدریاض)اسسٹنٹ کمشنر انعم بابر کی زیر صدارت اسموگ آگاہی ریلی نکالی گئی

سیالکوٹ اسسٹنٹ کمشنر سیالکوٹ انعم بابر نے کہا ہے کہ ماحولیاتی آلودگی کی وجہ سے اسموگ جیسے مسائل جنم لے رہے ہیں، ماحول کو انسان دوست بنانے کیلئے معاشرے کے ہر ذمہ دار فرد کو اپنا کردار ادا کرنا ہوگا،

سیالکوٹ اسسٹنٹ کمشنر انم بابر نے کہا ہے کاشتکار گندم کی کٹائی کے بعد مڈھوں زمین میں ملائیں اور آگ نہ لگائیں، آگ لگانے سے جہاں ماحولیاتی آلودگی میں اضافہ ہوتا ہے وہی پر زمین کی زرخیزی متاثر ہوتی ہے۔

یہ بات انہوں نے آج محکمہ مال کے ریسٹ ہاؤس کچہری میں اسموگ کے خاتمہ کیلئے منعقد سیمینار سے خطاب کرتے ہوئے کیا۔ اجلاس میں لمبرداروں، کسانوں، کاشتکاروں کے نمائندگان اور ریونیو افسران اور سٹاف بھی موجود تھا۔

بعد ازاں اسسٹنٹ کمشنر سیالکوٹ انعم بابر کی زیر صدارت ریونیو ریسٹ ہاؤس تا ضلع کچہری چوک تک اسموگ آگاہی ریلی بھی نکالی گئی۔

سیالکوٹ،باغی ٹی وی ( مہر مصطفی کی رپورٹ ) حکومت پنجاب کی ہدایات کے مطابق ضلع بھر کے 553مڈل و ہائی سکولوں میں سٹوڈنٹس کونسلز کا انتخاب مکمل کر لیا گیا ہے، ڈپٹی کمشنر محمد ذوالقرنین نے مختلف تعلیمی اداروں کا دورہ کیا اور رائے شماری کے بعد منتخب ہونے والے عہدے داروں کو مبارکباد دی۔

وزیر اعلی پنجاب مریم نواز کے وژن کے مطابق وزارتِ تعلیم حکومت پنجاب نے اسٹوڈنٹس کونسل کے ضابطہ اخلاق اور انتخابی شیڈول جاری کیا تھا جس کے مطابق ضلع سیالکوٹ کے 309ہائی اور 144مڈل سکولوں میں طلبہ و طالبات نے خفیہ رائے شماری کے ذریعے صدر، نائب صدر، جنرل سیکرٹری اور فنانس سیکرٹری کا انتخاب کیا،

شیڈول کے مطابق ہر کلاس میں بھی ایک ایک کلاس نمائندہ بھی منتخب کیا جائے گا، ہر سیٹ کے لئے بار کونسلز اسٹائل میں صرف ہر امیدوار انفرادی حیثیت میں الیکشن کا اہل تھا۔

ڈپٹی کمشنر محمد ذوالقرنین نے اسٹوڈنٹس کونسل کے انتخابی عمل کا جائزہ لینے کے دوران کہا کہ اسٹوڈنٹس کونسل کے انتخابات کا مقصد سکولوں کے نصابی و ہم نصابی سرگرمیوں کے حوالے سے فیصلہ سازی میں طلبہ کی عملی شرکت یقینی بنانا ہے، جلد تمام سٹوڈنٹس کونسلز کے نمائندے حلف اٹھائیں گے۔

دریں اثناء ڈی او سیکنڈری /فوکل پرسن ملک اللہ داد نے بتایا کہ ضلع کے 35ہائر سیکنڈری سکولوں میں اسٹوڈنٹس کونسلز کا انتخاب گرمیوں کی چھٹیوں کے بعد ہوگا۔