Category: سیالکوٹ

سیالکوٹ ،باغی ٹی وی( بیوروچیف شاہد ریاض سے) رکن صوبائی اسمبلی محمد منشاءاللہ بٹ کا یونین کونسل عدالت گڑھا میں واقع گورنمنٹ سکولوں کے دورے، سکولوں کی عمارتوں کی حالت زار اور تدریسی خدمات کا تفصیلی جائزہ لیا۔

چیف ایگزیکٹو آفیسر ڈسٹرکٹ ایجوکیشن اتھارٹی سیالکوٹ جاوید اقبال بابر، ثاقب گھمن ، نذیر پہلوان ، چوہدری اسلم خلیل، خلیل قیصر مولوی، وحید مراد بھی اس موقع پر ان کے ہمراہ تھے۔

محمد منشاء اللہ بٹ نے گورنمنٹ گرلز پرائمری اور گرلز/ بوائز ہائی سکولز کمیونٹی ماڈل سکول عدالت گڑھا کے معائنہ کیا اور گورنمنٹ گرلز پرائمری سکول عدالت گڑھ کی بلڈنگ کو خطرناک حد تک بوسیدہ اور پرانی ہونے پر اس کی از سر نو تعمیرکرنگ گورنمنٹ گرلز ہائی سکول عدالت گڑھ کو گورنمنٹ کمیونٹی ماڈل سکول عدالت گڑھا میں ضم کرنے کی بھی منظوری دی۔

انہوں نے کہا کہ عدالت گڑھا کے سرکاری سکولوں میں بچے، بچیوں کی تعداد کے مطابق اساتذہ کی تعیناتی کیلئے نئی ایس این سی کی حکومت پنجاب سے منظوری حاصل کی جائے گی۔ جس سے عدالت گڑھا کے ہونہار بچے / بچیوں کو معیاری تعلیم ان کی گھر کی دہلیز پر دستیاب ہوگی۔

انہوں نے کہا عدالت گڑھا میں بنیادی مرکز صحت کی تعمیر کیلئے کمیونٹی کی جانب سے زمین مہیا کی گئی ہےجس پر بہت جلد بیسک ہیلتھ یونٹ تعمیر کیا جائے گا۔

سیالکوٹ ،باغی ٹی وی( بیوروچیف شاہد ریاض سے)سیکرٹری لیبر و انسانی وسائل پنجاب نعیم غوث کا ڈی جی لیبر سیدہ کلثوم حئی کے ہمراہ قائد اعظم ورکرز ویلفیئر سکولز اور ایوان صنعت و تجارت سیالکوٹ کا دورہ،

سیکرٹری لیبر و انسانی وسائل پنجاب نعیم غوث نے ایوان صنعت و تجارت سیالکوٹ کے اجلاس سے خطاب کرتے ہوئے کہا کہ وزیر اعلی پنجاب مریم نواز شریف کی ہدایت پر ورکرز کیلئے مالکانہ حقوق پر رہائشی کالونی اور ان کے بچوں کیلئے سکولز کی تعمیر کیلئے چمبر آف کامرس اور ورکرز یونین کی مشاورت سے مجوزہ پراجیکٹ کابینہ کو بھجوائے جائیں گے اور جلد ان منصوبوں پر کام کا آغاز کیا جائے گا،

انہوں نے کہا کہ صوبہ کے اضلاع کے دوروں کا مقصد ان سکلز ورکرز کو کم سے کم اجرت 32 ہزار روپے اور ورکرز کے کام کرنے کی جگہ سیفٹی انتظامات کو یقینی بنانا ہے، انہوں نے ملک و قوم کی ترقی اور خوشحالی میں تاجر برادری کے کلیدی کردار پر زور دیا۔

انہوں نے کہا کہ لیبر ڈیپارٹمنٹ پنجاب تجارت اور صنعت کے فروغ کیلئے زیادہ سے زیادہ سہولیات کی فراہمی کو یقینی بنانے کیلئے کوشاں ہے۔ انہوں نے اس بات پر روشنی ڈالی کہ محکمہ نے ایک ایسی لیبر فورس بنانے کے وژن کے ساتھ پالیسیاں مرتب کی ہیں جو قومی ترقی میں زیادہ سے زیادہ حصہ ڈالنے کے قابل ہو۔

نعیم غوث نے صنعتی ترقی میں لیبر کے بنیادی کردار پر زور دیتے ہوئے سماجی و اقتصادی ترقی کیلئے لیبر مینجمنٹ اور صنعتی تعلقات کو فروغ دینا وقت کی اہم ضرورت ہے۔انہوں نے اس سلسلے میں سیالکوٹ چیمبر آف کامرس اینڈ انڈسٹری کے نمایاں کردار کو سراہتے ہوئے تاجر برادری سے مسلسل تعاون کی خواہش کی۔

سیالکوٹ چیمبر آف کامرس کے سینئر نائب وہاب جہانگیر نے کاروباری برادری اور سرکاری محکموں کے درمیان اعتماد سازی کی ضرورت پر زور دیتے ہوئے اسے ہموار تعاون کیلئے ضروری قرار دیا۔ انہوں نے مطالبہ کیا کہ قائد اعظم ورکرز ویلفیئر سکول اور سوشل سیکیورٹی ہسپتال کو دور حاضر کی ضروریات سے ہم آہنگ کہا جائے اور ورکرز کی گرانٹس کی بروقت ادائیگی کو یقینی بنانے کیلئے لیبر ویلفئیر ڈیپارٹمنٹ اپنا کردار ادا کرے۔

انہوں نے کہا کہ پاکستان میں پائیدار اقتصادی ترقی حصول کے مشترکہ وژن کے ساتھ حکومت اور کاروباری برادری کے درمیان مضبوط شراکت داری کو فروغ دینے کیلئے دونوں اطراف سے عزم پر زور دیا۔

ڈائریکٹر جنرل لیبر ویلفئیر سیدہ کلثوم حئی نے انڈسٹریز کی انسپکشن، ورکرز کے ریکارڈ کی کمپیوٹرائزئشن، چائلڈ لیبر کے خاتمہ اور محکمہ کے متعلق شکایات کی بابت جوابات دیئے۔

قبل ازیں سیکرٹری لیبر ویلفئیر و انسانی وسائل نعیم غوث اور ڈی جی ایل ڈبلیو کلثوم حئی کے ہمراہ قائد اعظم ورکرز ویلفیئر گرلز/بوائز سکولوں کا تفصیلی دورہ کیا اور بچّوں کو فراہم کی جانے والی تدریسی سہولیات کا جائزہ لیا۔

انہوں نے کہا کہ پلے گروپ میں بچوں کیلئے فوڈ اور دودھ کی فراہمی کا پراجیکٹ زیر غور ہے۔ انہوں نے لیبر یونین کی جانب سے نئے ورکرز ویلفیئر سکولوں کے قیام کیلئے تجاویز اور آراء طلب کرتے ہوئے کہا کہ ورکرز کے مسائل کو سنجیدگی سے حل کریں گے اور تعلیمی اور صحت کی سہولیات کو بہتر سے بہترین بنانے کیلئے ہر ممکن وسائل بروئے کار لائیں گے۔

سیکرٹری لیبر ویلفئیر نعیم غوث نے قائد اعظم ورکرز ویلفیئر سکولوں میں کمپیوٹر لیب کو بحال کرنے کے احکامات جاری کئے اور ڈی جی ایل ڈبلیو کلثوم حئی کے ہمراہ ورکرز ویلفیئر سکول کے سبزہ زار میں پودا بھی لگایا۔اس موقع ڈائریکٹر لیبر ویلفئیر ہیڈ کوارٹر محمد شاہد، ڈپٹی ڈائریکٹر لیبر طیب ورک، لیبر لیڈر نیاز احمد ناجی، بھی موجود تھے
۔۔۔۔۔۔۔

سیالکوٹ،باغی ٹی وی (بیوروچیف شاہدریاض کی رپورٹ)وفاق اورپنجاب میں مسلم لیگ ‘ن’خدمت کی سیاست کو آگے بڑھا رہی ہے،چوہدری شمروز الہی گھمن

پاکستان مسلم لیگ ‘ن ‘فرانس کے سیئنر نائب صدر چوہدری شمروز الہی گھمن نے کہا ہے کہ وزیر اعظم محمد شہباز شریف اور وزیر اعلی پنجاب مریم نواز شریف وفاق اور صوبے میں خدمت کی سیاست کو آگے بڑھا رہے ہیں اور ملک کی معیشت کو بہتر بنانے کیلئے دن رات کوشاں ہیں، اسٹاک ایکسچینج میں انڈکس نے بلندی کے تمام پرانے ریکارڈ توڑ دیئے ہیں سرمایہ کاروں اور بزنس کمیونٹی کے اعتماد میں اضافہ ہو رہا ہے،

سعودیہ اور ایران کے ساتھ تجارتی حجم بڑھانے اور اربوں ڈالر کی سرمایہ کاری کے معاہدے سائن کئے گئے ہیں۔یہ بات انہوں نے پاکستان تحریک انصاف یوسی (جھیٹی کے) کے سیکرٹری جنرل چوہدری گلزار مشتاق کی مسلم لیگ ن میں شمولیت کے اعلان کے موقع پر منعقدہ پریس کانفرنس سے خطاب کرتے ہوئے کیا۔

چودھری شمروز الہی گھمن نے کہا کہ پاکستان مسلم لیگ ن ملک کی سب سے بڑی سیاسی جماعت ہے جو سیاست میں رواداری اور روایات پر یقین رکھتی ہے۔

انہوں نے کہا کہ وہ چودھری گلزار مشتاق کو مسلم لیگ ن میں شمولیت پر کھلے دل سے خوش آمدید کہتے ہیں اور امید کرتے ہیں کہ وہ پی ایم ایل این کے منشور اور پارٹی قواعد و ضوابط کی پاسداری کریں گے

چوہدری گلزار احمد نے کہا کہ تحریک انصاف کو چھوڑ کر مسلم لیگ ن میں شمولیت کررہا ہوں کیونکہ میں یہ سمجھتا ہوں اس وقت جو ملک و قوم کو جو چیلجز در پیش ہیں ان سے نمٹنے کی صلاحیت مسلم لیگ ن کے قیادت رکھتی ہے اور مسلم لیگ ن ہی وہ واحد جماعت جو ورکروں کو عزت دیتی ہے۔

انہوں نے کہا کہ میں مسلم لیگ ن کے قائد میاں محمد نواز شریف اور وزیر اعلی پنجاب مریم نواز کی قیادت پر مکمل اعتماد کرتا ہوں۔

سیالکوٹ،باغی ٹی وی (مدثراشفاق رتوکی رپورٹ)9 مئی سب سے بڑی بغاوت تھی،ریڈ لائن عبور کرکے پاکستان کی اساس پر حملہ کیا گیا.خواجہ آصف

سیالکوٹ میں پریس کانفرنس کرتے ہوئے خواجہ آصف نے پی ٹی آئی کو شدید تنقید کا نشانہ بناتے ہوئے کہا کہ ایک سال قبل تاریخی واقعہ ہوا اور پہلی بار ایک سیاسی جماعت نے عدم اعتماد پر کورکمانڈر ہاؤس، جی ایچ کیو، میانوالی ائیر فیلڈ پر حملہ کیا۔

خواجہ آصف نے کہا کہ 9 مئی کو ایک ریڈ لائن کراس کی گئی، حملےکی شہادتیں ویڈیو کی صورت میں سامنے آئیں، نظریاتی، سیاسی اختلافات اپنی جگہ لیکن اس جماعت نے یہ منصوبہ پہلے بنایا اور پاکستان کی سالمیت کے خلاف بہت بڑی سازش کی۔

لیگی رہنما کا کہنا تھا کہ فوج میں بغاوت کرانے کی کوشش کی گئی جس کی جرات ملکی تاریخ میں کسی نے نہیں کی اور یہ اب کہتے ہیں کہ آرمی چیف اور ڈی جی آئی ایس آئی کے ساتھ مذاکرات کریں گے، 9مئی سے لے کر آج تک اس پارٹی کا کردار دیکھیں تو نظر آتا ہے اتنا تضاد کسی جماعت میں نہیں جتنا پی ٹی آئی میں ہے۔

وفاقی وزیر کا کہنا تھا کل انہوں (پی ٹی آئی) نے کہا کہ مذاکرات کے دروازے کھلے رہتے ہیں مگر ایک بھی مثال نہیں کہ اسمبلی میں اس کا اظہار کیا گیا، ان کو اب پتاچلا کہ سیاست میں مذاکرات ہونے چاہئیں، ہمیں تو یہ بات پہلے سے پتہ تھی۔

ن لیگی رہنما کا کہنا تھا کہ پی ٹی آئی نے سودے بازی میں حکومت میں توسیع کیلئے جنرل باجوہ کو توسیع کی پیشکش کی، امریکا کو گالیاں دیتے تھے کہ غلامی نامنظور اور اب لابی ہائر کرکے ترلے کر رہےہیں، انہوں نے پارٹی بھی اب وکلا کے حوالے کر دی ہے، ابھی نندن کے معاملے پر بھی ہم انتظار کرتے رہے لیکن بانی پی ٹی آئی اپنی انا میں رہے۔

انھوں نے کہا کہ بانی پی ٹی آئی نے مولانا فضل الرحمان کی تضحیک کی، اور اب انھیں بھی دعوت دی جارہی ہے۔