Category: سیالکوٹ

سیالکوٹ،باغی ٹی وی( بیوروچیف شاہد ریاض سے) ڈپٹی کمشنر سیالکوٹ محمد ذوالقرنین نے کہا ہے کہ وزیر اعلٰی پنجاب مریم نواز شریف کی ہدایت پر تندوری نان/ روٹی کی مقررہ نرخوں پر فراہمی کو یقینی بنانے کیلئے تندوروں کی نگرانی کی جارہی ہے،

اسپیشل پرائس مجسٹریٹس نے مجموعی طور پر 174 تندوروں کی اچانک انسپکشن کیں اور 69 تندور مالکان کو قیمت سے زائد روٹی فروخت کرنے اور وزن پورا نہ ہونے پر 2 لاکھ 35 ہزار روپے جرمانے عائد کئے، جبکہ ایک تندور مالک کے خلاف پرائس ایکٹ کے تحت مقدمہ درج کروادیا گیا ایک تندور کو سر بمہر کیا گیا اور ایک تندور مالک کو گراں فروشی کی پاداش میں حوالات میں بند کر دیا گیا۔

ڈپٹی کمشنر سیالکوٹ محمد ذوالقرنین نے کہا کہ روٹی کی قیمت پر زیرو ٹالرننس پالیسی اپنائی گئی ہے۔ انہوں نے تندور مالکان کو خبردار کیا کہ وہ روٹی اور نان کا مقررہ نرخ نامہ تندور پر واضح جگہ پر آویزاں کریں اور گراں فروشی سے باز رہیں۔

انہوں نے کہا کہ جن تندوروں کو جرمانے کئے گئے یا وارننگ جاری کی گئیں ہیں دوبارہ شکایت پر تندور سیل کئے جائیں گے اور مقدمات بھی درج کروائے جائیں گے،

سیالکوٹ باغی ٹی وی( بیوروچیف شاہد ریاض سے)ایف آئی اے کا کلاتھ ہاؤس اور شوز سٹور پر چھاپہ ملکی و غیر ملکی کرنسی کے تین بیگ برآمد

تھانہ بڈیانہ کے علاقہ بڈیانہ بازار میں عامر کلاتھ ہاؤس اور خالد شوز پر ایف آئی اے کا چھاپہ ملکی و غیر ملکی کرنسی کے تین بیگ برآمد. برآمد شدہ رقم پاکستانی تقریباً 4 کروڑ روپے کے قریب بنتی ہے.

ذرائع کے مطابق عامر کلاتھ ہاوس پر غیر قانونی طور پر غیر ملکی کرنسی اکسچینج کا کاروبار کیا جاتا رہا. مخبر خاص کی اطلاع پر پر ایف آئی اے نے چھاپہ مار کر موقع سے غیر ملکی کرنسی کے تین بیگ جبکہ پاکستانی کرنسی بھی برآمد کر کے عامرکلاتھ ہاؤس اور خالد شوز کے مالک کےخلاف کارروائی کا آغاز کر دیا۔

ابتدائی اطلاع کے مطابق عامر کلاتھ ہاؤس مالکان پاکستانی نئی کرنسی کا کام کرتے تھے ذرائع کے مطابق عامر کلاتھ ہاؤس اور خالد شوز ہاؤس سے ملکی و غیر ملکی کرنسی تقریباً تین سے 4 کروڑ تھی۔زرائع کا کہنا ہے سیاسی اثررسوخ سے قانون نافذ کرنے والے ادارے سے ڈیل کی کوشش جاری.

سیالکوٹ،باغی ٹی وی (بیوروچیف شاہدریاض) سرکل ڈسکہ کے تھانہ بمبانوالہ کے علاقہ اوٹھیاں میں سکول ٹیچر نے 11سالہ طالبہ کو سکول میں ہوس کا نشانہ بنانے کی کوشش کرنے پر ٹیچر کے خلاف تھانہ بمبانوالہ پولیس نے چچا نعمان کی مدعیت میں مقدمہ درج کرلیا اورملزم کوگرفتار کرلیا گیاہے

ایف آئی آر کے مطابق جس میں لڑکی کےچچا نعمان نے درخواست میں لکھا کہ میں موضع اوٹھیاں کا رہائشی ہوں اور دیہ میں ہی کاروبار کرتا ہوں میر ابھائی مدثر بیرون ملک یو نان روزگار کے سلسلہ میں مقیم ہے امروز مورمورخہ 16.04.24 کو میری بھتیجی رو حمامدثر دختر مدثر قوم میواتی ساکن اوٹھیاں عمر 11 سال یو نیک انگلش گرائمر سکول اوٹھیاں کلاس 6 میں پڑھنے کے لیے سکول گئی ہوئی تھی بوقت قریب 01:30 بجیدن اپنی بھتیجی کو سکول سے لینے کے لیے گئے تو بچی کا پتہ کیا تو پتہ چلا کہ بچی اس کے کلاس ٹیچر مبشر ولد محمد اشرف قوم آرائیں ساکن اوٹھیاں کے آفس میں ہے

جب ہم اس کے آفس کے پاس پہنچے تو روحما کے رونے کی آواز آرہی تھی آفس کا دروازہ کھول کر دیکھا تو ملزم مبشر میری بھتیجی روحماکے ساتھ زنا بالجبر کرنے کی کوشش کر رہا تھا جو ہمیں دیکھ کر فرار ہو گیا

تھانہ بمبانوالہ پولیس نے کارروائی کرتے ہوئے مقدمہ نمبر 301/24 زیردفعہ 377B کرکے ملزم مبشر کو گرفتار کرکے حوالات میں بند کردیا اور تفتیش شروع کردی ہے۔

سیالکوٹ، باغی ٹی وی( بیوروچیف شاہد ریاض سے)وزیر اعلیٰ پنجاب مریم نواز شریف نے پسرور میں کھیت سے تین سالہ بچی کی نعش برآمد ہونے کا نوٹس لے لیا،

وزیر اعلیٰ مریم نواز شریف کا غمزدہ والدین سے ہمدردی کا اظہار کیا ، وزیر اعلیٰ مریم نواز شریف نے ڈی پی او سیالکوٹ سے رپورٹ طلب کرلی .

وزیر اعلیٰ مریم نواز شریف نے کہا کہ معصوم جنت فاطمہ کے قاتل کو کیفرِ کردار تک پہنچا یا جائے گا۔تین سالہ جنت فاطمہ عید کے دوسرے روز سے لاپتہ تھی
یہ بھی پڑھیں.
سیالکوٹ: چار روز قبل اغوا ہونے والی اڑھائی سالہ بچی کی تلاش کیلئے پولیس کاسرچ اپریشن

اس سے قبل تھانہ بڈیانہ کے گاؤں سرائے شاہ فتح سے بچی جنت فاطمہ کی تلاش کیلئے پولیس کی بھاری نفری نے قریبی علاقوں میں تمام گھروں کا سرچ آپریشن شروع کیا اور گھر گھر تلاشی لی گئی

اس سلسلہ میں ڈی ایس پی پسرور سرفراز رانجھا کی زیرنگرانی قصبہ بڈیانہ میں واقع ویران مقامات کی بھی چیکنگ کی گئی اور سرچ آپریشن میں تمام وسائل کو بروئے کار لایا گیا

عید کے دوسرے روز جنت فاطمہ گھر سے قریبی دکان پر چیز لینے گئی تھی جو واپس نہ آئی تھی،جس کی نعش کھیتوں سے ملی ہے.

سیالکوٹ ،باغی ٹی وی( بیوروچیف شاہد ریاض سے) شہر اقبال کے باسیوں کو محفوظ خوراک کی یقینی فراہمی کیلئے پنجاب فوڈ اتھارٹی متحرک ہوگئی

وزیر اعلیٰ پنجاب مریم نواز شریف کے ویژن اور ڈی جی فوڈ اتھارٹی کی ہدایت پر فوڈ سیفٹی ٹیموں کی سٹی ایریا میں مختلف فاسٹ فوڈ پوائنٹس، ریسٹورنٹس کی چیکنگ،53فوڈ پوائنٹس کی چیکنگ،11کو 1لاکھ27ہزار کے جرمانے عائد، ایک یونٹ کی پروڈکشن بند،55 لٹر ایکسپائر، مضر صحت کولڈ ڈرنکس سمیت بھاری مقدار میں زائد المیعاد اشیاء تلف کی گئیں

ڈی جی فوڈ اتھارٹی عاصم جاوید نے بتایا کہ ریسٹورنٹس میں صفائی کے ناقص انتظامات، کیڑے مکوڑوں کی بھرمار پائی گئی،بدبودار فریزرز، کچن ایریا میں گندی دیواریں موجود ہونے پر کارروائی عمل میں لائی گئی۔ملازمین کے میڈیکل سرٹیفکیٹس اور لازم ریکارڈ عدم موجود پایا گیا۔

32 پوائنٹس کو مزید بہتری کے لیے اصلاحی نوٹس جاری کیے گئے پنجاب کی عوام تک محفوظ خوراک کی فراہمی ہر صورت یقینی بنائی جائے گی

صوبائی وزیرخوراک بلال یاسین کی ہدایت پر جعلساز مافیا کے خلاف مربوط کارروائیوں کا سلسلہ جاری ہے،شہری خوراک میں ملاوٹ اور جعلسازی کے خاتمے کے لیے فوڈ اتھارٹی کا ساتھ دیں، کسی بھی شکایت کی صورت میں 1223پر اطلاع دیں۔

ڈسکہ،باغی ٹی وی(نامہ نگار ملک عمران کی رپورٹ)ڈسکہ تھانہ سٹی ایک ہی روز میں تین لڑکیوں کو 24 ملزمان نے زیادتی کا نشانہ بنا دینے کے تین مقدمات درج ملزمان موقع سے فرار ہونے میں کامیاب ہو گئے پولیس نے ملزمان کے خلاف الگ الگ مقدمات درج کر لیے

ڈسکہ تھانہ سٹی کے علاقہ میں تین مختلف واقعات میں 24 ملزمان کی تین خواتین کیساتھ اجتماعی زیادتی کے تین مقدمات درج پولیس رپورٹ کے مطابق پہلے واقعہ میں ڈسکہ کی خاتون فرح شہزادی کے گھر ملزم افضل آیا اور اس کو کہاکہ تمہاراخاوند میرے فلیٹ پرموجود ہے میرے ساتھ چلو جب وہ اس کیساتھ فلیٹ پرگئی تو وہاں پر موجود افضل‘رضوان اور دونامعلوم نے اس کو کمرہ میں بندکرلیا اور پوری رات اس کیساتھ زیادتی کرتے رہے جبکہ فرح شہزادی اپنی جان بچا کر اپنے سسرال جارہی تھی کہ اس کو راستے میں کھڑے ملزم عاقب بٹ سکنہ جامکے روڈ ڈسکہ زبردستی اغوا کرکے اپنے ساتھ حویلی لے گیا اور وہاں پر تین دن تک خاتون کواپنے پاس حبس بے جامیں رکھا اور ملزمان عاقب بٹ‘احسان اللہ اور دس نامعلوم خاتون کیساتھ اجتماعی زیادتی کرتے رہے خاتون موقع پاکر مضروبی حالت میں وہاں سے بھاگ نکلی اور گھرپہنچ گئی اور سارا واقعہ اپنے گھروالوں کوسنایا

دوسرا واقعہ ڈسکہ شفیق ٹاوٴن کی رہائشی نبیہ سے سیالکوٹ کے ملزمان ازان ملک،اسامہ خان،مہر جی،رانا خان نے زبردستی زیادتی کر کے فرار ہو گئے

تیسرا واقعہ ڈسکہ سول ہسپتال دوائی لینے گئی 20 سالہ نشاء شہزادی سے ملزم ذیشان نے واش روم میں دھمکیاں دیکر زبردستی زیادتی کی اور موقع سے فرار ہو گیا تھانہ سٹی پولیس نے ملزمان کے خلاف الگ الگ مقدمات درج کر کے تفتیش شروع کر دی

سیالکوٹ ،باغی ٹی وی( بیوروچیف شاہد ریاض سے)چار روز قبل اغوا ہونے والی اڑھائی سالہ بچی کی تلاش کیلئے پولیس کاسرچ اپریشن

تھانہ بڈیانہ کے گاؤں سرائے شاہ فتح سے چار روز قبل اغوا ہونے والی اڑھائی سالہ بچی جنت فاطمہ کی تلاش کیلئے پولیس کی بھاری نفری نے قریبی علاقوں میں تمام گھروں کا سرچ اپریشن شروع کر دیا ہے اور گھر گھر تلاشی کا عمل تاحال جاری ہے

اس سلسلہ میں ڈی ایس پی پسرور سرفراز رانجھا کی زیرنگرانی قصبہ بڈیانہ میں واقع ویران مقامات کی بھی چیکنگ کی جا رہی ہے اور سرچ آپریشن میں تمام وسائل کو بروئے کار لایا جا رہا ہے

چار روز قبل جنت فاطمہ گھر سے قریبی دکان پر چیز لینے گئی تھی جو واپس نہ آئی تھی