Category: سیالکوٹ

سیالکوٹ، باغی ٹی وی (شاہد ریاض بیوروچیف)وزیر بلدیات پنجاب ذیشان رفیق کا پنجاب انٹرمیڈیٹ سیٹیز ڈویلپمنٹ انویسٹمنٹ پروگرام کا دورہ،
سیالکوٹ سے رکن صوبائی اسمبلی فیصل اکرام اور ساہیوال سے ممبر ملک ارشد کی شرکت،پراجیکٹ ڈائریکٹر پی آئی سی آئی آئی پی ایم حمزہ سالک کی پروگرام کے تحت منصوبوں پر بریفنگ دی،

وزیر بلدیات ذیشان رفیق نے کہا کہ ایشین بینک ساہیوال اور سیالکوٹ میں میونسپل خدمات کیلئے تعاون کر رہا ہے،
ایشین ڈویلپمنٹ بینک نے فیز ون کیلئے 250 ملین ڈالر گرانٹ فراہم کی ہے، محکمہ بلدیات اور پی ایم یو منصوبے پر عملدرآمد کی نگرانی کر رہے ہیں، درمیانے اور چھوٹے شہروں کے مسائل زیادہ تکلیف دہ ہیں،پنجاب حکومت سیوریج، واٹر سپلائی سسٹم اور پارکوں کے قیام پر کام کر رہی ہے،

وزیر بلدیات ذیشان رفیق نے کہا کہ سیالکوٹ اور ساہیوال میں پی آئی سی آئی آئی پی نے ماڈل پراجیکٹ شروع کئے، دونوں شہروں میں سالڈ ویسٹ سمیت تمام میونسپل خدمات پی آئی سی آئی آئی پی مہیا کرے گا،منصوبے کے تحت سیالکوٹ اور ساہیوال میں ادارہ جاتی سپورٹ یقینی بنائیں گے،

ان کا کہنا تھا کہ میونسپل خدمات سے متعلق اداروں کی استعدادکار بھی بڑھائی جائے گی،وزیر بلدیات کی مقامی کمیونٹی بالخصوص عوامی نمائندوں کو پروگرام میں شامل کرنے کی ہدایت،کمیونٹی موبلائزیشن اور آگاہی کے بغیر اہداف حاصل نہیں کئے جا سکتے،

وزیر بلدیات نے مزید بتایا کہ اگلے مرحلے میں دیگر درمیانے شہروں کو اے ڈی پی پروگرام میں شامل کریں گے، وزیراعلی مریم نواز شریف شہروں، دیہات کے لئے یکساں سکیموں کا آغاز چاہتی ہیں، دیہی آبادی بھی شہری خدمات کی برابر کی حقدار ہے، پی آئی سی آئی آئی پی کے ماڈل پراجیکٹ کے تجربات سے سیکھ کر آگے بڑھیں گے،

وزیر بلدیات کی پراجیکٹ ڈائریکٹر کو ٹائم فریم کے مطابق منصوبے مکمل کرنے کی ہدایت

سیالکوٹ ، باغی ٹی وی (بیوروچیف شاہد ریاض سے) ضلعی چیئرمین بیت المال کمیٹی سیالکوٹ چودھری شکیل احمد نے بیت المال حکومت پنجاب کی جانب سے مستحقین میں امدادی رقوم کے چیکس تقسیم کئے۔

ضلعی چیئرمین بیت المال نے کہا ہے کہ بیت المال کمیٹی مستحقین کی خدمت کیلئے کوشاں ہے اور امداد کیلئے موصول ہونے والی درخواستوں کی شفاف طریقے سے سیکروٹنی کرکے حقدار داروں تک ان کا حق پہنچانے کا فریضہ انجام دے رہی ہے۔

اس موقع پر سیکرٹری ،ڈپٹی ڈائریکٹر سوشل ویلفئیر شریف گھمن، وائس چیئرمین ملک احسن اور ممبران بیت المال کمیٹی بھی موجود تھے۔

سیالکوٹ ،باغی ٹی وی( شاہد ریاض بیوروچیف) رکن پنجاب اسمبلی چوہدری نوید اشرف نے سینئر ڈاکٹر طاہر اقبال چیمہ، ڈاکٹر فیصل بشیر، ڈاکٹر محمد عدنان کے ہمراہ کشف میڈیکل سنٹر کا افتتاح کردیا۔

اس موقع پرضلع سیالکوٹ کے سینیئر میڈیکل پریکٹیشنر اور آفیشلز نے شرکت کی، ایم پی اے چودھری نوید اشرف نے کہا کہ حکومت پنجاب صحت کی سہولیات عوام کی دہلیز تک پہنچانے کیلئے کوشاں ہے تاہم اس ضمن میں نجی شعبہ کی خدمات بھی قابل تعریف ہیں جنہیں حکومت قدر کی نگاہ سے دیکھتی ہے۔

پنجاب ہیلتھ کارڈ پرائیویٹ پبلک پارٹنر شپ کی عملی مثال ہے جس کو عوام کے حق میں سود مند بنانے کیلئے وزیر اعلیٰ پنجاب مریم نواز شریف کی نگرانی میں اصلاحات کی جارہی ہیں اور جلد ہی صوبے میں ائیر ایمبولینس سروس بھی شروع کیا جارہی ہے۔

ڈاکٹر محمد عدنان نے تقریب میں شریک مہمانوں کا شکریہ ادا کیا۔

سیالکوٹ ،باغی ٹی وی( بیوروچیف شہد ریاض سے ) چیف ایگزیکٹوگیپکوانجینئر گوجرانوالہ محمد ایوب نے کہا ہے کہ وزارت توانائی (پاورڈویژن)کی ہدایت پر گیپکو میںعید الفطر کی تعطیلات کے دوران ریجن بھر میں لوڈ مینجمنٹ نہیں کی جائے گی اور اس دوران بجلی کی بلا تعطل فراہمی کو یقینی بنایا جائے گا ۔

انہوں نے کہا کہ چاند رات اور عید کی چھٹیوں کی دوران بجلی کی مسلسل فراہمی کو یقینی بنانے کیلئے تمام کمپلینٹ سٹاف کی چھٹیاں منسوخ کر کے ریجن بھر میں سب ڈویژن ، ڈویژن اور سرکل کی سطح پر158ہنگامی مراکز قائم کئے جائیں گے یہ مراکز 3شفٹوں میں 24گھنٹے فوری سروس فراہم کریں گے جبکہ جنرل مینجر آپریشن کی سربراہی میں گیپکو میں ایک خصوصی کنٹرول روم قائم کیا جائے گا تا کہ کسی جگہ ٹرپنگ/فالٹ آنے کی صو رت میں اور کسی بھی ناگہانی حالات کے پیش نظر بجلی کی فی الفور بحالی و فراہمی کو یقینی بنایا جا سکے۔

انہوں نے بتایا کہ اس سلسلہ میں تمام فیلڈ افسران اور دیگر سٹاف کو بھی پابند کیا گیا ہے کہ اس دوران وہ اپنے اپنے اسٹیشنوں پر الرٹ رہیں اور ایمرجنسی کی صورت میں ہمہ وقت حاضر ہوں۔چیف ایگزیکٹو نے کہا کہ صارفین بجلی سے متعلقہ شکایات گیپکو کے ہیلپ لائن نمبر118یا بجلی کے بلوں پر موجود ٹیلی فون/موبائل نمبروں پر کال، ایس ایم ایس اور وٹس ایپ وغیرہ کے ذریعہ درج کروائیں۔

شکایات کا ازالہ نہ ہونے کی صورت میں سرکل کی سطح پر ایس ای سٹی سر کل فون نمبر055-9200597 موبائل نمبر0318-3991952،ایس ای کینٹ سرکل فون نمبر055-4446688،موبائل نمبر0318-3991980، ایس ای گجرات سرکل فون نمبر053-9260290موبائل نمبر0318-3991091،ایس ای سیالکوٹ سرکل فون نمبر052-9330693موبائل نمبر0318-3992050،ایس ای نارووال سرکل کے فون نمبر0542-410060موبائل نمبر0318-3992080 اور ایس ای منڈی بہاوالدین سرکل کے فون نمبر0546-504920اور موبائل نمبر0318-3991058 یاگیپکو ہیڈ کوارٹر میں قائم خصوصی کنٹرول روم کے فون نمبروں 055-9200516,055-9200504,055-9200592 اور موبائل فون نمبروں03183991950اور03183991949پربھی رابطہ کیا جا سکتا ہے۔

چیف ایگزیکٹو انجینئر محمد ایوب نے عوام الناس سے اپیل کی ہے کہ وہ اپنے ارد گرد بجلی چوروں پر کڑی نظر رکھیں اور اسے عناصر کی اطلاع گیپکو کو دیں ۔بجلی چوری کے خلاف ٹیمیں عید کی چھٹیوں میں بھی متحرک رہیں گی کیونکہ بجلی چوری کے خاتمہ سے ہی معزز صارفین کو بجلی کی مسلسل فراہمی ممکن ہو ئی ہے.

سیالکوٹ،باغی ٹی وی (بیوروچیف شاہد ریاض سے)دارالعلوم انوارا لقرآن جامعہ مسجد گلزار رسول ، اسلام نگر پکا گڑھا سیالکوٹ میں قرآن پاک مکمل حفظ کرنے والے آٹھ خوش نصیب حفاظ کرام کو شیخ الجامعہ قاری اللّٰہ داد ، مسجد انتظامیہ معزز ین علاقہ نے اپنے ہاتھوں سند حفظ قرآن پاک عطا کیں

اس شاندار پر وقار تقریب کے انعقاد کےموقع پر اچھی کارکردگی کا مظاہرہ کرنے والے35خوش نصیب طلبہ جو حفظ کے طالب علم ہیں جنہوں نے اچھی کارکردگی کے ساتھ ابھی جزوی قرآن پاک حفظ کیا ہے انکی حوصلہ افزائی کے لیے بھی سرٹیفیکیٹ دئے گئے ،

اس موقع پر خطاب کرتے ہوئے شیخ الجامعہ علامہ قاری اللہ داد نے اپنے خطاب میں کہا کہ ، قرآن پاک اللہ تعالیٰ کا کلام ہے جواللہ تعالیٰ کا مقرب فرشتہ حضرت جبرائیل امین ہمارے پیارے آخری نبی حضرت محمد صلی اللہ علیہ وآلہ وسلم پر اللہ تعالیٰ کی طرف سے لیکر نازل ہوئے اور اس قرآن کی حفاظت اللّٰہ تعالٰی نے خود اپنے ذمہ لے رکھی ہے ،

انہوں نے کہا قرآن پاک کی شان یہ ہے کہ اگر یہ قرآن پہاڑوں پر نازل کیا جاتا تو وہ خشیت الٰہی سے ریزہ ریزہ ہو جاتے ، انہوں نے کہا پیارے آخری نبی حضرت محمد صلی اللہ علیہ وسلم کے امتیوں کی یہ شان ہے اس کے چھوٹے چھوٹے بچے الحمد تا والناس زبانی قرآن زیر زبر شد مد غنہ کی غلطی کیئے بغیر مکمل تیس سپارے حفظ کر لیتے ہیں ،

انہوں نے مزید کہا جو لوگ دامن قرآن سے وابستہ ہو جاتے ہیں اللہ تعالیٰ کی رحمت ان کے سر پہ سایہ فگن ہوتی ہے ،کامیابی انکے قدم چومتی ہے ،انکی یہ زندگی بہتر اور آخرت میں جنت الفردوس منزل ہوتی ہے ،

انہوں نےاپنے خطاب میں مزید کہا قرآن پاک کتاب ھدایت، کتاب نور ،کتاب شفاء ہے اس کی تلاوت کرنے سے اللہ کا نور حاصل ہوتا ہے اور یہ دونوں جہانوں میں کامیابی کی ضمانت ہے ،

اس موقع پر علامہ قاری اللہ داد نے اپنے خطاب میں مزید کہا کہ دارا لعلوم انور قرآن جامعہ مسجد گلزار رسول میں حفظ قرآن پاک کا بہترین انتظام موجود ہے ، یہاں بچوں کو تعلیم قرآن کے بہتر اخلاقی تربیت کے ساتھ عشق رسولِ صلی اللہ علیہ وآلہ وسلم کی گھٹی دی جاتی ہے ،والدین اپنے قابل بچوں کو قرآن پاک حفظ کروانے کے لئے یہاں داخل کروائیں

اس موقع پر حافظ محمد احسن نے خطاب کرتے ہوئے کہا کہ قاری اللہ داد درویش صفت انسان ہیں انہوں نے میرے بیٹے حافظ محمد علی حیدر کو جامعہ ہذا میں قرآن پاک حفظ کروایا اور جامعہ ہذا میں ہی صلواۃ التراویح میںپہلا مصلہ سنانے کا موقع مرہمت فرما کر شفقت کی انتہا کی ہے ،

سیالکوٹ،باغی ٹی وی (بیوروچیف شاہدریاض) وزیر اعلی پنجاب مریم نواز شریف نے 2 سالہ محمد معاذ کے علاج کیلئے 68 لاکھ 62 ہزار روپے جاری کردئیے۔
صوبائی وزیر بلدیات میاں ذیشان رفیق اور ڈپٹی کمشنر محمد ذوالقرنین نے محمد معاذ کے گھر واقع جامکے چیمہ جاکر وزیر اعلی مریم نواز شریف کی جانب سے بچے کی جلد صحت یابی کیلئے دعائیہ پیغام پہنچایا۔

جامکے چیمہ کے رہائشی محمد عثمان نے وزیر اعلی کو بچے کے علاج کیلئے اپیل کی تھی۔دو سالہ محمد معاذ پیدائشی طور پر ایم پی ایس ٹائپ ix نامی جینیٹک بیماری میں مبتلا ہے۔

محمد معاذ چلڈرن ہسپتال لاہور میں زیر علاج ہے ،محمد معاذ کے والد اور اہلخانہ نے وزیر اعلی پنجاب کا شکریہ ادا کیا