Category: سیالکوٹ

سیالکوٹ(باغی ٹی،ڈسٹرکٹ رپورٹرمدثررتو )یوم دفاع پاکستان 6 ستمبر 1965ء کی یاد میں مرکزی تقریب جناح ہال قلعہ پر منعقد ہوئی

تفصیل کے مطابق وفاقی وزیر دفاع خواجہ محمد آصف نے جناح ہال قلعہ پر ہلال استقلال کی تبدیلی کی رسم انجام دی۔ اسٹیشن کمانڈر بریگیڈئر اویس توقیر،ارکان اسمبلی محمد منشاء اللہ بٹ، چودھری فیصل اکرام ، چودھری طارق سبحانی، ڈپٹی کمشنر صبا اصغر علی اور ڈی پی او فیصل شہزاد بھی اس موقع پر ان کی ہمراہ تھے۔

معاون وزیر اعظم شاہد کہگ،ایڈمنسٹریٹر میونسپل کارپوریشن عباس ذوالقرنین ، ایڈیشنل ڈپٹی کمشنر جنرل ایوب بخاری، اسسٹنٹ کمشنر خواجہ عمیر بھی اس موقع پر موجود تھے۔

پولیس ، ریسکیو 1122 اور تنظیم شہری دفاع کے رضاکاروں نے قومی پرچم کو سلامی پیش کی۔

سیالکوٹ (باغی ٹی وی،ڈسٹرکٹ رپورٹر مدثر رتو) سیالکوٹ میں ریکارڈ توڑ بارشوں اور سیلاب کے باعث بڑے پیمانے پر تباہی ہوئی ہے، جس میں لوگوں کے گھر اور مال مویشی بہہ گئے ہیں۔ اگرچہ شہر کے بہت سے حصوں میں زندگی معمول پر آ چکی ہے، لیکن کئی علاقے اب بھی زیرِ آب ہیں اور وہاں کے مکینوں کو شدید مشکلات کا سامنا ہے۔

ان مشکل حالات میں سیالکوٹ انفارمیشن اور خدمت خلق فاؤنڈیشن سیلاب کے آغاز سے ہی متاثرین کی مدد کر رہے ہیں۔ اسی سلسلے کو جاری رکھتے ہوئے، دونوں تنظیموں نے مشترکہ طور پر سیوکی کے علاقے میں ایک امدادی کیمپ لگایا۔

امدادی سرگرمیاں:
اس کیمپ میں سیلاب سے متاثرہ افراد کو درج ذیل سہولیات فراہم کی گئیں:

میڈیکل کیمپ: ڈاکٹروں کی ٹیم نے سیلاب متاثرین کا طبی معائنہ کیا اور انہیں مفت ادویات فراہم کیں۔

فوڈ اور پینے کا پانی: متاثرین کے لیے تیار کھانا اور پینے کی صاف پانی کی بوتلیں تقسیم کی گئیں۔

امدادی ٹیم کا کہنا ہے کہ جب تک تمام متاثرین کو مکمل طور پر بحال نہیں کیا جاتا، امدادی سرگرمیاں جاری رہیں گی۔ یہ اقدامات سیلاب زدہ علاقوں میں رہنے والے لوگوں کے لیے ایک بڑا سہارا ہیں، جو اس آفت کے بعد زندگی کی بنیادی ضروریات سے محروم ہیں۔

سیالکوٹ (باغی ٹی وی ڈسٹرکٹ رپورٹر مدثر رتو) وزیراعلیٰ پنجاب مریم نواز شریف سیلابی صورتحال کا جائزہ لینے کے لیے سیالکوٹ سمبڑیال ایئرپورٹ چوک پہنچیں۔ اس موقع پر ڈپٹی کمشنر صباء اصغر علی نے وزیراعلیٰ کو سیلاب اور اس کے بعد پیدا ہونے والی صورتحال پر تفصیلی بریفنگ دی۔

وزیراعلیٰ مریم نواز نے ڈپٹی کمشنر اور ان کی ٹیم کی کاوشوں کو سراہتے ہوئے کہا کہ سیلاب متاثرین کی بحالی تک ان کے لیے کھانے کی فراہمی یقینی بنائی جائے۔ انہوں نے نشیبی علاقوں سے پانی نکالنے کے لیے مزید ڈی واٹرنگ پمپس لگانے کی ہدایت بھی کی۔

وزیراعلیٰ نے ارکان اسمبلی کو ہدایت کی کہ وہ مشکل کے وقت عوام کے درمیان موجود رہیں اور نکاسیِ آب کے پائیدار اقدامات کے لیے تجاویز دیں۔ انہوں نے سیلاب سے ہونے والے نقصانات کا تخمینہ جلد از جلد پیش کرنے کی بھی ہدایت کی۔

بریفنگ میں بتایا گیا کہ حالیہ بارشوں کے دوران تقریباً 20 ہزار افراد کو محفوظ مقامات پر منتقل کیا گیا، جب کہ انتظامیہ کی کاوشوں سے سیلاب میں پھنسے 6 ہزار 860 افراد کو بروقت ریسکیو کیا گیا۔ سیلابی ریلوں سے سیالکوٹ کے 300 سے زائد دیہات متاثر ہوئے ہیں۔ ضلع بھر میں 38 ریلیف کیمپ اور 18 فوڈ کیمپ قائم کیے گئے ہیں۔

سیالکوٹ (ڈسٹرکٹ رپورٹر) سیلاب متاثرین کی جانیں بچانے کے لیے اپنی جانوں کی پرواہ نہ کرنے والے ریسکیو 1122 سیالکوٹ کے اہلکاروں کے اعزاز میں عشائیہ کا اہتمام کیا گیا۔ سماجی تنظیموں روز ویلفئیر آرگنائزیشن کے صدر محمد اشفاق نذر، میلاد ویلفئیر آرگنائزیشن کے صدر محمد وسیم عطاری، سیالکوٹ انفارمیشن کے مینیجنگ ڈائریکٹر مدثر رتو، میاں سرفراز نواز، حسنین راجہ، پیر غلام حسین سلطانی، محمد شازیب، حسنین ندیم، محمد احمد، نجیب الرحمن اور دیگر رہنماؤں نے عشائیہ میں شرکت کی۔

شرکاء کا کہنا تھا کہ ریسکیو اہلکاروں نے فرنٹ لائن پر رہتے ہوئے سیلاب زدگان کی قیمتی جانوں کو بچایا، مشکل وقت میں عوام کے ساتھ کھڑے رہے اور اپنی جانوں کو خطرے میں ڈال کر خدمت کی مثال قائم کی۔ ان کی یہ قربانیاں ہمیشہ یاد رکھی جائیں گی۔

سیالکوٹ(باغی ٹی وی،ڈسٹرکٹ رپورٹرمدثررتو) ڈپٹی کمشنر صبا اصغر علی نے شہر کے نشیبی علاقوں، بشمول رنگپورہ اور نیکاپورہ، کا دورہ کیا تاکہ سیلاب کے بعد کی صورتحال اور نکاسی آب کی کوششوں کا جائزہ لے سکیں۔ انہوں نے میڈیا کو بتایا کہ سیالکوٹ میں 512 ملی میٹر ریکارڈ بارش شدید موسمیاتی تبدیلی کا نتیجہ ہے۔

انہوں نے کہا کہ شہر کے تینوں برساتی نالوں—ایک، بھیڈ، اور پلکھو—میں گنجائش سے زیادہ پانی بھر چکا ہے۔ اس کی وجہ سے کئی جگہوں پر پانی کناروں سے باہر نکل رہا ہے اور شگاف پڑ رہے ہیں، اور جب تک ان نالوں میں پانی معمول کی سطح پر نہیں آجاتا، نشیبی علاقوں سے پانی نکالنا مشکل ہے۔

ڈپٹی کمشنر نے بتایا کہ سیلاب کے باعث ضلع میں اب تک 5 افراد کی ہلاکت کی تصدیق ہو چکی ہے اور مزید جانوں کے ضیاع کا خدشہ ہے۔ انہوں نے مزید کہا کہ ضلعی انتظامیہ، ریسکیو 1122، پاک فوج، اور پولیس نے گزشتہ رات تقریباً 6,900 افراد کو ریسکیو کیا ہے۔ ان افراد کے لیے ریلیف کیمپوں میں کھانے، پینے اور رہائش کا انتظام کیا گیا ہے۔

ایک سوال کے جواب میں، ڈپٹی کمشنر نے بتایا کہ ایم ڈی واسا کو ایچ آر کا بروقت انتظام نہ کرنے کی وجہ سے معطل کیا گیا ہے۔ اس موقع پر نئے ایم ڈی واسا فیصل شہزاد بھی موجود تھے، جنہوں نے اپنا چارج سنبھال کر کام شروع کر دیا ہے۔