Category: سیالکوٹ

سیالکوٹ ،باغی ٹی وی( بیوروچیف شاہد ریاض سے )منہاج ویلفیئر فاؤنڈیشن سیالکوٹ کا آؤ بھوک مٹائیں مہم کے تحت رمضان المبارک کے بابرکت مہینے میں عزت نفس مجروح کیے بغیر سینکڑوں سفید پوش گھرانوں تک راشن کی فراہمی کا سلسلہ جاری ہے

منہاج ویلفیئر فاؤنڈیشن سیالکوٹ کی جانب سے مستحق افراد کو گھر کی دہلیز پر راشن کی تقسیم کا سلسلہ جاری ہے اب تک ایک ہزار سفید پوش گھرانوں تک راشن پہنچایا جاچکا ہے

منہاج ویلفیئر فاؤنڈیشن سیالکوٹ نے مستحقین کا بیڑا اٹھاتے ہوئے رعائیتی دستر خوان ، سفید پوشں گھرانوں تک راشن کی تقسیم ، بجوات میڈیکل سینٹر ، تخفیظ القرآن کا آغاز کیا ہے تاکہ سفید پوش گھرانوں کو بہترین ماحول مہیا کیا جاسکے

خافظ اختشام کا کہنا ہے اللہ کی رضا کی خاطر سفید پوش گھرانوں کو گھر دہلیز پر راشن کی فراہمی منہاج ویلفیئر فاؤنڈیشن سیالکوٹ کا قابل تحسین اقدام ہے

سیالکوٹ،باغی ٹی وی (بیوروچیف شاہدریاض کی رپورٹ)وزیر دفاع خواجہ آصف نےکہا ہےکہ اس وقت سب سے زیادہ دہشت گردی خیبرپختونخوا میں ہو رہی ہے، جو شہدا کے خلاف بیانات دیتے ہیں ان کا دہشت گردوں سے ضرور کوئی رابطہ ہے۔

سیالکوٹ میں میڈیا سےگفتگو کرتے ہوئے خواجہ آصف کا کہنا تھا کہ دہشت گردی زیادہ تر افغان سرزمین سے ہمارے خلاف ہو رہی ہے، جو دہشت گرد افغانستان سے پاکستان آرہے ہیں یہ ہی لوگ ان کو پناہ دیتے ہیں۔

خواجہ آصف کا کہنا تھا کہ فوج جس طرح قربانیاں دے رہی ہے ان کی جتنی عزت کریں کم ہے، دہشت گردی کے خلاف جنگ متحد ہوکرلڑی جاسکتی ہے،کچھ لوگوں نے شہدا کا مذاق اڑایا، انہیں ریٹرننگ افسروں سے تشبیہ دی، شہدا ہمارے محسن ہیں، ملک انہیں کی وجہ سے قائم ہے۔

تحریک انصاف پر تنقید کرتے ہوئے وزیر دفاع کا کہنا تھا کہ یہ پارٹی شناخت کھوچکی ہے، یہ سنی اتحاد کونسل ہے یا پی ٹی آئی کچھ پتا نہیں، اسمبلی میں انہوں نے غزہ قرارداد کے خلاف ووٹ دیا۔

ان کا کہنا تھا کہ اسٹیبلشمنٹ سے تمام جماعتوں کے اختلافات رہے لیکن کسی نے یہ رویہ نہیں اپنایا، یہ لوگ اپنی شناخت ڈھونڈرہے ہیں یہ بے نامی پارٹی ہے، ان کے اپنے کرتوتوں کی وجہ سے ان کے ہاتھ سے اقتدار گیا،جس قسم کے خط امریکی کانگریس کو لکھے جارہے ہیں وہ پاکستان دشمنی ہے۔

سیالکوٹ ،باغی ٹی وی( بیوروچیف شاہد ریاض سے ) اراکین صوبائی اسمبلی محمد منشاء اللہ بٹ اور چودھری فیصل اکرام نے امام بی بی میٹرنٹی ہوم مرکز صحتِ کا افتتاح کردیا، امام بی بی میٹرنٹی ہوم 24/7 کھلا رہے گا جہاں حاملہ خواتین کے میڈیکل چیک اپ، الٹراساؤنڈ، لیبارٹری ٹیسٹ، نیوٹریشن سپلیمنٹس اور ادویات سمیت تمام سہولیات بالکل مفت دستیاب ہوں گی۔

اراکین صوبائی اسمبلی محمد منشاء اللہ بٹ اور چودھری محمد اکرام نے امام بی بی میٹرنٹی ہوم مرکز صحت کا دورہ کیا اور سہولیات کو معیار قرار دیتے ہوئے موقع پر موجود سی ای او ہیلتھ ڈاکٹر ریحان اظہر کو ہدایت کی کہ وہ خواجہ صفدر ڈسپنسری جس کو اپ گریڈ کرکے میٹرنٹی ہوم کا درجہ دے دیا گیا ہے ایسا عملہ تعینات کیا جائے جس با اخلاق اور فرض شناس ہو۔

انہوں نے کہا کہ شہر کے وسط رنگپورہ چوک میں میٹرنٹی ہوم کی سہولت وقت کی اہم ضرورت تھی شہری اس سہولت سے بھرپور استفادہ حاصل کریں۔

انہوں نے کہا کہ میٹرنٹی ہوم میں زچہ بچہ کو غذائی ضروریات پورا کرنے کیلئے بی آئی ایس پی پروگرام کے تحت کیش معاونت بھی کی جارہی ہے۔

اس موقع پر خواجہ ٹیپو سلطان ، فرخ حفیظ بٹ، امین میر ، طارق میر بول، چودھری سیف اللہ اور ڈپٹی ڈسٹرکٹ ہیلتھ آفیسر ڈاکٹر وسیم مرزا کے علاؤہ لیڈیز ہیلتھ ورکرز اور پیرا میڈیکس سٹاف کے ممبران بھی موجود تھے۔

ای ڈی او ہیلتھ ڈاکٹر ریحان اظہر نے بتایا کہ میٹرنٹی ہوم میں لیبر روم، وارڈز، لیبارٹری اور الٹراساؤنڈ کی سہولیات 24 گھنٹے بالکل مفت فراہم کی جائیں گی

سیالکوٹ ،باغی ٹی وی( بیوروچیف شاہد ریاض سے )سلسلہ نقشبندیہ اویسیہ تنظیم الااخوان ضلع سیالکوٹ کا ماہانہ اجتماع دارالعرفان ڈسکہ مرکز میں منعقد ہوا۔

سلسلہ نقشبندیہ اویسیہ تنظیم الا اخوان ضلع سیالکوٹ کا ماہانہ اجتماع دارالعرفان ڈسکہ مرکز میں منعقد ہوا، جس میں ضلع بھر کے سالکین نے بھرپور شرکت کی.

شیخ مکرم امیر عبدالقدیر اعوان نے سالکین سے ویڈیو لنک خطاب کیا، ذکر قلبی و مختصر خطاب اور دعاۓ خیر صاحب مجاز عبدالحمید چھینہ ایڈووکیٹ نے کروائی۔

اس موقع پر ضلعی جنرل سیکرٹری عارف رفیق نے بھی سالکین سے مختصر خطاب کیا اور ذمہ داران کی ماہانہ میٹنگ منعقد ہوئی ۔ کتب سلسلہ سٹال پر ماسٹر افضل اور سوشل میڈیا ڈیسک کی ذمہ داری صہیب ریحان نے نبھائی۔ آخر پر سالکین کی لنگر سے تواضع کی گئی۔

سیالکوٹ،باغی ٹی وی( بیوروچیف شاہد ریاض سے)وزیر اعلی پنجاب مریم نواز کا”ستھرا پنجاب”صرف کاغذی نعرہ ثابت ہوا

وزیر اعلی پنجاب مریم نواز کے صاف ستھرا پنجاب کے جاری کردہ احکامات کاغذی کارروائی تک محدود ہو کر رہ گئے ،سیالکوٹ ویسٹ مینجمنٹ کے عملہ نےوزیر اعلیٰ پنجاب مریم نواز کے ویژن کی دھجیاں بکھیردیں

چند روز قبل ڈپٹی کمشنر سیالکوٹ نے ستھرا پنجاب مہم کا آغاز کیا لیکن سیالکوٹ کے گلی محلے گندا پنجاب کا منظر پیش کرنے لگے، نیو غلہ منڈی بہار کلونی میں سیوریج کا نظام درہم برہم ، علاقہ مکین پریشان گندہ پانی گھروں میں داخل ہونے لگا

سیوریج نظام ناکارہ ہونے کے باعث علاقہ مکین پریشان علاقعہ مکینوں کا کہنا ہے گندہ پانی کھڑا ہونے کے سبب ہم نماز پڑھنے نہیں جا سکتے انتظامیہ کو متعدد بار شکایات درج کروائی ہیں لیکن تاحال کسی کے سر پر جُوں تک نہیں رینگی

بہار کلونی کے شہری پھٹ پڑے ، شہریوں کا وزیراعلیٰ پنجاب مریم نوازشریف سے اس معاملے پر ازخود نوٹس لینے کا پُرزور مطالبہ کیا ہے۔