Category: سیالکوٹ

سیالکوٹ( نمائندہ باغی ٹی وی شاہد ریاض سے)بھائی کے پاسپورٹ پر بیرون ملک جانے کی کوشش ناکام،ایف آئی اے امیگریشن کی سیالکوٹ ائرپورٹ پر کارروائی،بیرون ملک جانے والے مسافر کو گرفتار کر لیا۔گرفتار ملزم اپنے بھائی بلال حسن کے پاسپورٹ پر اٹلی جا رہا تھا۔ملزم فلائٹ نمبر GF773 سے اٹلی جا رہا تھا۔ملزم کا اصل نام غلام مصطفی ہے۔

ملزم کا تعلق منڈی بہاؤالدین سے ہے۔ابتدائی تفتیش کے مطابق ملزم کا بھائی گزشتہ سال اٹلی سے پاکستان آیا تھا۔ملزم نے بیرون ملک جانے کے لئے اپنے بھائی کا اٹلی ریزیڈنٹ کارڈ پیش کیا۔اٹلی حکام کی جانب سے ملزم کے بھائی کو غیر قانونی سرگرمیوں کی وجہ سے اٹلی داخلے کی اجازت نہ تھی۔بعد ازاں ملزم کو مزید قانونی کارروائی کے لئے اینٹی ہیومن ٹریفکنگ سرکل گجرانوالہ منتقل کر دیا گیا۔

ترجمان ایف آئی اے کے مطابق امیگریشن آفیسر حمزہ علی اور احمد خان کی نشاندہی پر شفٹ انچارج سلیمان لیاقت نے ملزم کو آف لوڈ کیا تھا۔ڈپٹی ڈائریکٹر امیگریشن امام زیدی کی جانب سے ٹیم کی کارکردگی کو سراہا گیا۔

سیالکوٹ،باغی ٹی وی ( شاہدریاض کی رپورٹ )مراد پور پولیس کی کاروائی۔ پولیس نے قحبہ خانے سے خواتین سمیت 12 افراد کو قابل اعتراض حالت میں دیکھ کر سب کو گرفتار کر کے مقدمہ درج کر لیا گیا۔

تفصیل کے مطابق تھانہ مراد پور پولیس نے ایس ایچ او انسپکٹر میاں عبدالرزاق کی زیرنگرانی علاقہ گوہد پور کے ایک مکان میں بھاری نفری کے ہمراہ چھاپہ مارا تو مکان میں موجود نرگس حنا نامی خاتون کے گھر کی تلاشی لینے پر مختلف کمروں سے مرد و خواتین کو قابل اعتراض حالت میں دیکھا گیا جن کو گرفتار کیا گیا

جنہوں نے دوران تفتیش انکشاف کیا کہ نرگس حنا رہائشی مکان میں قحبہ خانہ چلاتی ہے گرفتارہونے والوں میں ماریہ بی بی،ثمرین بی بی ،سعدیہ،احسان،عثمان،زین،وحید،کاشف،غلام عباس،علی حمزہ اور اشرف شامل ہیں

جس پر مراد پور پولیس نے نرگس بی بی پر قحبہ خانہ چلانے جبکہ دیگر پر قابل اعتراض حالت میں غیر اخلاقی کام میں ملوث ہونے کے الزام میں مقدمہ درج کر لیا ہے

سیالکوٹ،باغی ٹی وی (شاہدریاض کی رپورٹ)اغوا برائے تاوان کا ڈراپ سین ، مغوی خود ہی اغوا کار نکلا
تفصیلات کے مطابق سیالکوٹ کے علاقے تھانہ ائیر پورٹ، موضع کلووال میں، مورخہ 24.01.2024 بوقت 08:45 بجیدن علی وہاب ولد محمد عدنان ارشد بعمر 17 سال بسواری موٹر سائیکل اپنی ہمشیرہ مسمات فضین شہزادی کو گورنمنٹ گرلز ہائی سکول کلووال چھوڑنے گیا جو واپس نہ آنے پر نعمان ارشد نے پکار 15 پر کال کی نامعلوم ملزمان نے اس کے بھتیجے کو اغواء کر لیا ہے اور 15 لاکھ روپے تاوان مانگ رہے ہیں۔

پکار 15 پر موصول ہونے والی کال پر ایس پی انویسٹی گیشن سیالکوٹ غلام عباس اور ڈی ایس پی سمبڑیال سرکل رضا کار حسین شاہ اور تھانہ ائیر پورٹ رانا گلزار انسپکٹر فوری طور پر موقع پر پہنچے۔ وقوعہ کی بابت مقدمہ درج رجسٹر کر کے تفتیش عمل میں لائی گئی۔

اغواء برائے تاوان کی بابت ڈی پی او سیالکوٹ محمد حسن اقبال کی خصوصی ہدایت پر مغوی کی بازیابی کے لیے دو ٹیمیں ڈی ایس پی سمبڑیال سرکل اور DSP / CIA سیالکوٹ کی زیر نگرانی تشکیل دیں جنہوں نے پیشہ وارانہ مہارت اور جدید ٹیکنالوجی کی مدد سے 24 گھنٹے کے اندر مغوی کو لاہور سے بازیاب کروایا اور مقدمہ میں ملوث ملزمان کو گرفتار کر کے انٹیروگیٹ کیا گیا۔

مغوی کا والد بیرون ملک سعودی عرب روزگار کے سلسلہ میں مقیم ہے مغوی PUBG گیم کھیلتا تھا جس کو PUBG اکاونٹ خریدنے کے لیے دس لاکھ روپے درکار تھے اسکو یقین تھا کہ اس کا والد اس کام کے لئے رقم نہ دے گا اس لئے اس نے اغواء ہونے کا منصوبہ بنایا اور اپنی ہمشیرہ کو سکول کلو وال چھوڑ کر موٹر سائیکل سمبڑیال کھڑی کی اور علی نامی دوست کے پاس چلا گیا، وہاں پر اس نے فیملی واٹس اپ گروپ میں میسج کیا کہ آپ کے بچے کو اغواء کر لیا گیا ہے اگر اس کی ضرورت ہے تو 15 لاکھ روپے دو دن کے اندر اندر دے دو ۔

بعد اندراج مقدمہ مغوی کو ٹریس آؤٹ کرنے کے لئے کام شروع کر دیا اورجدید ٹیکنالوجی کی مدد سے 24 گھنٹے کے اندر مغوی کو بحفاظت بر آمد کروالیا۔ مغوی اور اس مغوی کا ڈراپ سین سامنے آگیا۔

سیالکوٹ( نمائندہ باغی ٹی وی شاہد ریاض سے)پسرور،سبز پیر موڑ جھگڑا، فائرنگ کےنتیجہ میں دو افراد زخمی

پسرور سبز پیر موڑ جھگڑے میں فائرنگ نتیجے میں دو افراد زخمی جن میں عبدالغفور ولد بنیامین عمر 62 سال سکنہ سیدنیال چاروا روڈ اور عادل حسین ولد تنویر حسین عمر 19 سال سکنہ سیدنیال چاروا روڈ شامل ہیں

ریسکیو ٹیم کی طرف سے ابتدائی طبی امداد دیکر علامہ اقبال میموریل ہسپتال سیالکوٹ شفٹ کر دیا گیا

سیالکوٹ( نمائندہ باغی ٹی وی شاہد ریاض) بانو بازار میں ایف آئی اے گجرانوالہ سرکل کی چھاپہ مار کارروائیاں،غیر قانونی کرنسی ایکسچینج میں ملوث 2 ملزمان گرفتار

ڈائریکٹر گوجرانوالہ زون ساجد اکرم کی ہدایت پر حوالہ ہنڈی اور غیر قانونی کرنسی ایکسچینج میں ملوث عناصر کے خلاف کریک ڈاؤن جاری۔غیر قانونی کرنسی ایکسچینج میں ملوث 2 ملزمان گرفتار۔گرفتار ملزمان میں عبد الحمید اور محمد منشا شامل۔

ملزمان حوالہ ہنڈی اور غیر قانونی کرنسی ایکسچینج میں ملوث تھے۔ملزمان کو بانو بازار سیالکوٹ سے گرفتار کیا گیا۔ملزمان کے قبضے سے ملکی و غیر ملکی کرنسی برآمد۔

ملزمان سے مجموعی طور پر 3 لاکھ 99 ہزار پاکستانی روپے 1500 سعودی ریال، 260 امریکی ڈالر اور 100 درہم برآمد ہوئے۔ملزمان سے ملائشین رنگٹ، تھائی لینڈ بھات، چائنیز ین اور ایرانی ریال بھی برآمد ہوئے۔

ملزمان بغیر لائسنس کرنسی ایکسچینج میں ملوث تھے۔ملزمان سے برآمد ہونے والی کرنسی کے حوالے سے حکام کو مطمئن نہ کر سکے۔ملزمان کو گرفتار کر کے تفتیش کا آغاز کر دیا گیا۔دیگر ملزمان کی گرفتاری کے لئے بھی چھاپے مارے جا رہے ہیں

سیالکوٹ ۔اوٹھیاں سٹاپ ڈسکہ گوجرانوالہ روڈ پر بس اور ٹرک کے درمیان تصادم ، 19 افراد زخمی
سیالکوٹ سے شاہدریاض کی رپورٹ کے مطابق اوٹھیاں سٹاپ ڈسکہ گوجرانوالہ روڈ پرراجہ بس سروس کی مسافر بس اور ٹرک کے درمیان تصادم ہوا ہے ،اس حادثہ میں 19 افراد زخمی ہوگئے،

بس سیالکوٹ سے فیصل آباد جا رہی تھی جو دھند کے باعث یوٹرن لیتے ہوئے ٹرک سے ٹکرا گئی۔ حادثہ کے نتیجے میں 19 مسافر زخمی ہوگئے 8،افراد کو ریسکیو 1122 نے ابتداء طبی امداد کے بعد ہسپتال منتقل کر دیا جبکہ 11زخمیوں کو موقع پر ہی ابتداء طبی امداد مہیا کی گئی۔