Category: سیالکوٹ

سیالکوٹ حلقہ پی پی 38 ضمنی الیکشن میں (کالعدم) تحریک لبیک پاکستان کے امیدوارملک فہیم اعوان نے اپنے بیان میں کہا کہ کارکنان کی طرف سے برپورالیکشن کمپین چلاٸی جا رہی ہے، حلقہ پی پی 38 ضمنی الیکشن میں (کالعدم) تحریک لبیک پاکستان کے نامزد امیدوارنوجوان قیادت ملک فہیم اعوان اورکارکنان 2018 کے الیکشن سے زیادہ جوش جزبے کے ساتھ میدان عمل میں پچھلے الیکشن میں بھی حلقہ پی پی 38 میں پاکستان کے دیگر شہروں کی طرح تیسری پوزیشن حاصل کی تھی، اس دفعہ ان کی کمپین ڈورٹو ڈورچلاٸی جا رہی ہے، اپنا منشورعوام الناس تک پہنچا رہے ہیں.
ہمارا منشوراسلام، پاکستان، عوام ہے.

رپورٹ فضل محمود کھوکھر نماٸندہ باغی ٹی وی سیالکوٹ

سیالکوٹ میں پاکستان مسلم لیگ ن کے ہردل عزیزنوجوان شخصیت اورسماجی رہنما ملک محمد طلہ نے پی پی 38 میں ہونے والے ضمنی الیکشن میں ایک بیان میں کہا کہ پاکستان مسلم لیگ ن کے امیدوارچوہدری طارق سبحانی ان شاء اللہ کامیاب ہونگے، عوامی نماٸندے ہیں اور لوگوں سے بے پناہ محبت کرتے ہیں، اسی وجہ سے حلقہ کی عوام ان کو کبھی مایوس نہیں کرسکتی، 28جولاٸی پی پی 38 کا دن دوبارہ پاکستان مسلم لیگ ن کی فتح کا دن ہے، وریوخاندان خدمت میں اپنی ایک مثال ہے.

نماٸندہ باغی ٹی وی فضل محمود کھوکھر

پاکستان مسلم ن جاپان کے ناٸب صدرملک محمد یونس نے باغی ٹی وی کے نماٸندہ سے بات کرتے ہوٸے اپنے بیان میں پی پی 38 ضمنی الیکشن کے حوالے سے گفتگو کرتے ہوٸے کہا کہ میں سیالکوٹ پاکستان مسلم لیگ ن کا گھر ہے، ان شاء اللہ 28 جولاٸی کوعوام ایک بار پھر پاکستان مسلم لیگ ن کے امیدوار چوہدری طارق سبحانی وریوکو بھاری اکثریت سے کامیاب کرواٸے گی، انھوں نے کہا سیالکوٹ میں وریو خاندان کے لیڈرلوگوں کے دلوں میں بستے ہے، یہی ایک وجہ ہے جب بھی وریو خاندان سے کوٸی بھی امیدوارالیکشن کے میدان میں آتا ہے تولوگ ان کومایوس نہیں ہونے دیتے، انھوں نے اپنے چاہنے والوں کو پیغام دیا ہے کہ جیسے آپ لوگوں نے 2018 کےجنرل الیکشن میں چوہدری خوش اخترسبحانی پراعتماد کرکے بھاری اکثریت سے کامیاب کروایا تھا، اس ضمنی الیکشن میں بھی وریو خاندان کے چشم و چراغ چوہدری طارق سبحانی کو 28 جولاٸی کو شیر کے نشان پرمہرلگا کرکامیاب کرواٸیں گے.

سیالکوٹ( فضل محمود کھوکھر باغی ٹی وی )

تھانہ سول لائن ایس ایچ او تحسین محسن گھمن کی زیرنگرانی ٹیم نے ڈکیت طیب حسن عرف بادشاہ گینگ سرغنہ سمیت 5 ملزمان گرفتار کرلئے گئے ہیں، ملزمان کے قبضہ سے مال مسروقہ میں نقدی، موٹرسائیکلز، قیمتی سمارٹ فونز اورناجائز اسلحہ پسٹل 30 بوربرآمد کیا گیا ہے.
پولیس کے مطابق ڈسٹرکٹ پولیس آفیسرسیالکوٹ عبدالغفارقیصرانی کی خصوصی ہدایات اورایس ڈی ایس پی سٹی سرکل کی زیرنگرانی ایس ایچ اوتھانہ سول لائن سب انسپکٹرتحسین محسن گھمن پولیس ٹیم نے جرائم پیشہ افراد اورمجرمان اشتہاریوں کے خلاف جاری خصوصی مہم میں اپنی پیشہ وارانہ صلاحیتوں کو بروئے کار لاتے ہوئے اور جدید ٹیکنالوجی کی مدد سے ڈکیتی اورچوری کی وارداتوں میں ملوث طیب حسن عرف بادشاہ گینگ کے ملزمان، طیب حسن عرف بادشاہ ولد شفاقت علی سکنہ آڈھا چھبیل پورسیالکوٹ، محمد سفیان ولد شوکت سکنہ آڈھا سیالکوٹ، محمد توصیف ولد محمد رفیق سکنہ سدرہ بدرہ سیالکوٹ، نعمان ولد محمد عرفان سکنہ چھبیل پورآڈھا سیالکوٹ، علی رضا ولد محمد یوسف سکنہ چھبیل پورآڈھا کوگرفتارکرلیا گیا ہے، ملزمان کی گرفتاری سے دوران انٹروگیشن مال مسروقہ میں نقدی 3 لاکھ روپے، 2 موٹرسائیکلز، قیمتی سمارٹ موبائل فون 6 عدد اور پسٹل 30 بور 4 عدد معہ متعدد گولیاں برآمد کی گئی ہیں، ملزمان نے ڈکیتی اورچوری کی 19 وارداتوں کے انکشافات کیے ہیں، جن کی گرفتاری سے 7 مقدمات درج اور ٹریس ہوئے ہیں، ملزمان سے مزید تفتیش جاری ہے، جن سے مزید برآمدگی عمل میں لائی جائے گی۔
ڈی پی او سیالکوٹ نے پولیس ٹیم میں موجود تمام افسران و ملازمان کوتعریفی سرٹیفکیٹ و نقد انعام دینے کا اعلان کیا ہے، ہدایت کی ہے کہ عوام کے جان و مال کی ٍحفاظت کو ہرصورت یقینی بنایا جائے گا.

رپورٹ فضل محمود کھوکھر

17ارب روپے کی لاگت سے سیالکوٹ کے باسیوں کو پینے کے صاف پانی کی فراہمی ,نکاسی آب کیلئے جدید سیوریج کے نظام ، آلودہ پانی کیلئے ٹریٹمنٹ پلانٹ،سالڈ ویسٹ مشینری کی فراہمی، سیالکوٹ ملٹی پرپز آڈیٹوریم اورتفریحی پارکس اپ گریڈیشن کے منصوبوں پر کام کا آغاز کردیا ہے، یہ منصوبے حکومت پنجاب، پنجاب انٹر میڈیٹ سٹیز امپروومنٹ انویسٹمنٹ پروگرام کے تحت مکمل کروارہی ہے ،زیر تکمیل منصوبوں کی ڈیزائننگ ، معیار کو یقینی بنانے اور منصوبوں بروقت تکمیل کیلئے ایشین ڈویلپمنٹ بینک کے ماہرین کی خدمات حاصل کی گئی ہیں ۔

ان خیالات کا اظہار انہوں نے سیالکوٹ شہر میں جاری تعمیراتی منصوبوں کا جائزہ لینے کے دوران کیا۔یہ بات ڈپٹی کمشنر سیالکوٹ طاہر فاروق نے گلشن اقبال پارک ، عبدالحکیم لیڈیز پارک، ماڈل ٹاو¿ن پارک اورزیر تعمیر آڈیٹوریم سمیت دیگر جاری منصوبوں کا جائزہ لینے کے دوران بتائی ۔سی ای او ایم سی ایس فیصل شہزاد، انفراسٹریکچر انجینئر غلام مصطفےٰ اور ایم ڈی سالڈ ویسٹ مینجمنٹ کمپنی خالد گورائیہ سمیت متعلقہ محکموں کے مقامی حکام بھی ان کے ہمراہ تھے ۔

ڈپٹی کمشنر طاہر فاروق نے بتایا کہ پنجاب حکومت نے سیالکوٹ میں 9ارب روپے مالیت کے واٹر سپلائی اور جدید سیوریج سسٹم پرتعمیراتی کام کا آغاز کر دیا ہے جو شہر کی ترقی کے لئے 17ارب روپے کے پیکج کا حصہ ہے جس میں پینے کے صاف پانی کی فراہمی،نکاسی آب کے نظام کو جدید خطوط پر استوار کرنا شامل ہے ۔ پراجیکٹ کے ذریعے سیالکوٹ میں پینے کے صاف پانی،سیوریج مسائل کے حل اور صفائی کی 20 سال تک کی ضروریات کو پورا کیا جا سکے گا جبکہ اس نئے سسٹم میں تقریبا3لاکھ22ہزار افراد کو پینے کا صاف پانی بھی مہیا ہو گا۔

اس پراجیکٹ کے ذریعے تقریبا260کلو میٹر تک پھیلی پرانی و زنگ آلود پائپ لائنز کو تبدیل کر دیا جائے گا اور آنے والے 2سالوں میں 15نئے ٹیوب ویل،7نئے فلٹریشن پلانٹس اور5نئے واٹر ریزر وائرتعمیر ہوں گے اور اسی طرح تحت نکاسی آب کے نظام کی اپ گریڈیشن سے 8لاکھ75ہزار افراد کو سینٹیشن کی معیاری سہولیات فراہمی کو یقینی بنانے کیلئے تقریبا 72کلو میٹر لمبی نئی سیوریج لائن بچھائی جائیں گی جس سے نکاسی آب کا نظام بہتر اور مستحکم ہوگا۔

شہر میں اربن فلڈنگ کے خاتمہ کیلئے پرانے 5چھوٹے ڈسپوزل اسٹیشنز ختم کر کے دو مرکزی ڈسپوزل اسٹیشنز بنائے جا رہے ہیں جس سے کارپوریشن کے بجلی کے اخراجات بھی کم ہونگے ۔ پانی کا ضیاع روکنے اور گندے پانی کو ری سائیکل کرنے کے لئے 2 ارب کی لاگت سے ویسٹ واٹر ٹریٹمنٹ پلانٹ بھی لگایا جائے گا تا کہ اسے آبپاشی و دیگر مقاصد کے لئے استعمال کیا جا سکے ۔

لوکل گورنمنٹ اور کمیونٹی ڈویلپمنٹ ڈیپارٹمنٹ کے اس پراجیکٹ کے تحت میونسپل کارپوریشن(سیالکوٹ ویسٹ مینجمنٹ کمپنی ) کو ساڑھے52کروڑ روپے کی جدید مشینری فراہم کی جا چکی ہے جبکہ بقیہ 8کروڑ80لاکھ روپے کی مشینری جلد فراہم کر دی جائے گی جس سے شہر میں صفائی کی صورتحال بہتر ہو سکے گی۔308ملین روپے کی لاگت سے سیالکوٹ کے باسیوں کو بہتر تفریحی سہولیات کی فراہمی کے لئے 3 پارکس مکمل کئے جا چکے ہیںجس میں لیڈیز اینڈ چلڈرن پارک،عبدالحکیم پارک اور قلعہ پارک شامل ہے۔ جبکہ گلشن اقبال پارک میں ترقیاتی کام جاری ہے۔

حکومت پنجاب ، ضلعی انتظامیہ اور میونسپل کارپوریشن سیالکوٹ جاری منصوبے کے تحت لوکل گورنمنٹ موجودہ پارکس اور گرین ایریاز کی تعمیر نو،پینے کے صاف پانی کی یقینی فراہمی،گندے پانی سے پھیلنے والی بیماریوں سے بچاو¿،سینی ٹیشن کے نظام کی بہتری اور گندے پانی کے نکاس کے منظم سسٹم کے قیام کیلئے پر عزم ہے۔

فضل محمود کھوکھر نمائندہ باغی ٹی وی سیالکوٹ