Category: سیالکوٹ

شکست کا خوف،یا کچھ اور ،ن لیگی امیدوار نے آج پھر دھاندلی کا خدشہ ظاہر کر دیا
باغی ٹی وی کی رپورٹ کے مطابق ڈسکہ این اے 75 میں ضمنی الیکشن کے لئے پولنگ کا سلسلہ جاری ہے

این اے 75 ڈسکہ الیکشن میں مسلم لیگ ن کی امیدوار سیدہ نوشین افتخار نے 7 پولینگ اسٹیشن پر بوگس ووٹ کاسٹ ہونے کا خدشہ ظاہر کردیا، RO کو پولینگ اسٹیشن کی فہرست سے بھی تحریری طور پر آگاہ کردیا۔

ن لیگی امیدوار نوشین افتخار کا کہنا تھا کہ لوگ ووٹ ڈالنے آرہے ہیں، میڈیا کو بھی نہیں روکا جائے، میری گزارش ہے کہ میڈیا کو نہیں روکا جائے، خواتین باہر نکلیں اور ووٹ ڈالیں، آپ کی حفاظت کے لئے میں بھی میدان میں ہوں،امن وامان توبرقرار ہے لیکن پولیس اہل کاربد تمیزی کررہےہیں ،آج امن و امان کا کوئی مسئلہ نہیں ،خواتین ووٹ ڈالیں ،

تحریک انصاف کے رہنما علی اسجد ملہی نے کہا کہ صبح کا وقت ہے، دوپہر تک ٹرن آؤٹ بہتر ہوجائے گا، ضمنی الیکشن میں پی ٹی آئی کی فتح ہوگی،سیکیورٹی کی صورتحال بہتر ہے ،یہ لوگ اس بار بھی ہاریں گے اسی لیے خلل ڈالنے کی کوشش کر رہے ہیں ،

قبل ازیں این اے 75 ڈسکہ ضمنی الیکشن کے دوران گوئند پولنگ سٹیشن پر ن لیگ اور پی ٹی آئی کارکنوں میں تلخ کلامی ہو گئی،پولیس کی بھاری نفری موقع پر پہنچ گئی ہے تلخ کلامی ن لیگ کے رہنما عطا تارڑ کے پہنچنے کے بعد ہوئی ،لیگی رہنما عطا تارڑ نے پولیس کو شکایت کرتے ہوئے کہاکہ پی ٹی آئی والے ہمارا راستہ روک رہے ہیں، پی ٹی آئی کارکنوں نے جواب دیتے ہوئے کہاکہ یہ جھوٹ بول رہے ہیں۔

الیکشن کمیشن کی جانب سے ضمنی انتخاب میں سکیورٹی کے سخت انتظامات کئے گئے۔ پولنگ سٹیشنز پر پولیس اور رینجرز تعینات ہے جبکہ پاک فوج سٹینڈ بائی رہے گی۔حلقے میں کل ووٹرز کی تعداد 4 لاکھ 94 ہزار 3 ہے۔ حلقے میں مرد ووٹرز کی تعداد 2 لاکھ 73 ہزار 6 ہے۔ خواتین ووٹرز کی تعداد 2 لاکھ 20 ہزار 997 ہے۔این اے 75 میں 360 پولنگ سٹیشنز قائم کیے گئے ہیں، سیکیورٹی اداروں نے 47 پولنگ سٹیشنز کو انتہائی حساس، 176 کو حساس قرار دیا۔ این اے 75 کے 137 پولنگ سٹیشنز کو سی کیٹیگری میں شامل کیا گیا ہے

صوبائی الیکشن کمشنر پنجاب غلام اسرار خان کا کہنا ہے کہ ڈسکہ کےپولنگ اسٹیشنز میں پولنگ پرامن طور پر جاری ہے، چیف الیکشن کمشنر انتخابی عمل کی خود مانیٹرنگ کر رہے ہیں ،انتظامیہ ،پولیس اور متعلقہ اداروں کی طرف سے بہترین انتظامات کیے گئے ہیں،ووٹرز کورونا سے تحفظ کے لیے ایس او پیز کی مکمل پابندی کریں،

کمشنر گوجرانوالہ ڈویژن کا کہنا ہے کہ ڈسکہ ضمنی انتخاب، سیکیورٹی مزید بڑھا دی گئی ہے، پولیس کی تعداد دگنی اور رینجرز کی تعداد3 گناکردی گئی ،پولیس اور رینجرز اہلکار پریذائیڈنگ افسران کے ہمراہ ہوں گے،ووٹرز پولنگ کے دوران ماسک پہنیں اور سماجی فاصلہ برقرار رکھیں

ڈسکہ ضمنی الیکشن، سپریم کورٹ نے دیا ن لیگ کو بڑا جھٹکا

ڈسکہ ضمنی الیکشن کیس،جسٹس عمر عطا بندیال نے کی ن لیگی وکیل سلمان اکرم راجہ کی سرزنش

پریذائیڈنگ افسران پولیس اسکواڈ کے ساتھ لا پتہ ہوگئے؟ ڈسکہ ضمنی الیکشن کیس میں عدالت کا استفسار

ڈسکہ ضمنی انتخابات میں الیکشن کمیشن نے کون سی بڑی غلطی کی؟ جسٹس عمر عطا بندیال نے ریمارکس میں بتا دیا

ڈسکہ ضمنی الیکشن، سپریم کورٹ میں ہو گی سماعت، کس کا وکیل ہوا کرونا کا شکار؟

ن لیگی امیدوار سیدہ نوشین افتخار نے گورنمنٹ ڈگری کالج ڈسکہ کا دورہ کیا پولنگ کے عمل کی نگرانی کی ،اس موقع پر انکا کہنا تھا کہ امید ہے آج سارا دن ووٹرز کو پر امن ماحول ملے گا اور پولنگ بالکل اسی طرح جاری رہے گی

سمبڑیال(عارف محمود)۔مستقبل کے معمار گندے اور تعفن زدہ پانی میں سے گزر کر سکول جانے پر مجبور۔اہل علاقہ کا موجودہ حکومتی نمائندوں اور اعلی حکام سے فوری نوٹس لینے کا مطالبہ۔

تفصیلات کیمطابق ۔سمبڑیال کا موضع ڈھلم بلگن بنیادی سہولیات سے محروم گاؤں کی ایک سائیڈ میں گزشتہ 30 سال سے نکاسی آب نہ ہونے کیوجہ سے پانی نالیوں سے باہر نکل کر روڈ پر جمع ہو جاتا ہے ، جس سے پاس ہی موجود سرکاری سکول میں تعلیم حاصل کرنے والی بچیاں اور اساتذہ اس گندے اور تعفق زدہ پانی سے گزر کر سکول جانے پر مجبور ہیں جنکا کوئی پرسان حال نہیں۔آئے روز کوئی نہ کوئی بچی اس پانی کیوجہ سے بنے کیچڑ میں گر کر شدید زخمی ہو جاتی ہے جس کیوجہ سے کئی والدین نے اپنی بچیوں کو یہ سکول ہی چھڑوا دیا ہے

سکول کیجانب جانے والے اس دشوار گزار راستے کیوجہ سے گاؤں کی کئی بچیاں بنیادی تعلیم سے محروم ہیں ۔سکول کی پرنسپل اور اہل محلہ کیجانب سے اعلی حکام کو اس مسئلے کے فوری حل کیلئے تحریری درخواست بھی دے دی گئی ہے۔۔اہل محلہ نے احتجاج کرتے ہوئے کہا ہے کہ گزشتہ ادوار میں بھی ہماری کہیں شنوائی نہیں ہوئی اب موجودہ حکومتی نمائندوں سے مطالبہ ہے کہ اس دیرینہ مسئلے کا فوری حل نکلوائیں تاکہ اہل محلہ، سکول عملہ اور طالبات کو اس پریشانی سے ہمیشہ کیلئے چھٹکارا مل سکے۔اہل محلہ میں رانا گلفام ،زبیر بٹ ، وسیم میواتی وغیرہ شامل تھے۔

ضمنی الیکشن میں فائرنگ سے جاں بحق ہونے والے پی ٹی آئی کارکن کی نماز جنازہ ادا

باغی ٹی وی کی رپورٹ کے مطابق این اے 75 کے ضمنی الیکشن میں فائرنگ سے جاں بحق ہونے والے پاکستان تحریک انصاف کے کارکن ماجد کی نماز جنازہ ادا کردی گئی۔

گزشتہ روز جاں بحق ہونے والے پی ٹی آئی کارکن ماجد کی نماز جنازہ ڈسکہ میں ادا کی گئی جس میں تحریک انصاف کے نامزد امیدوار این اے75 ڈسکہ علی اسجد ملہی، مرکزی رہنما تحریک انصاف عثمان ڈار، صدر سنٹرل پنجاب اعجاز چوہدری سمیت دیگر نے شرکت کی۔

نامزد امیدوار این اے 75 ڈسکہ علی اسجد ملہی، مرکزی رہنما تحریک انصاف عثمان ڈار، صدر سنٹرل پنجاب تحریک انصاف اعجاز چوہدری نے کل ڈسکہ میں ضمنی انتخاب کے دن مسلم لیگ ن کی جانب سے کی جانے والی فائرنگ سے شہید پانے والے تحریک انصاف کے سرگرم کارکن ماجد کی نماز جنازہ میں شرکت کی۔ pic.twitter.com/UcQtvqiTeG

— PTI Punjab (@PTIPunjabPK) February 20, 2021

نماز جنازہ میں تحریک انصاف کے کارکنان بھی شرکت کی، گزشتہ روز این اے 75 میں پولنگ کے دوران ہونے والی فائرنگ کے نتیجے میں دو افراد جاں بحق ہوئے تھے جن میں سے ایک کی شناخت ماجد (پی ٹی آئی) اور دوسرے کی شناخت ذیشان (مسلم لیگ ن) کے نام سے ہوئی تھی۔

پولنگ ایجنٹس پولنگ بیگ سمیت لا پتہ ہوئے، عمران خان پر مقدمہ ہونا چاہئے،مریم اورنگزیب

ن لیگ کے افتخار الحسن عرف ظاہرے شاہ کے انتقال سے خالی ہونیوالی نشست این اے 75 ڈسکہ پر رات ساڑھے چار بجے تک زبر دست مقابلہ چل رہا تھا ، ادھر این اے 75 ڈسکہ میں سارا دن کشیدگی کا ماحول رہا، موٹر سائیکل سوار افراد کھلے عام جدید اسلحہ لیے سڑکوں پر دندناتے رہے، پولنگ کے دوران لڑائی جھگڑے کے واقعات بھی ہوئے اس دوران ایک پولنگ سٹیشن پر جھگڑے کے بعد فائرنگ سے 2 افراد جاں بحق اور 10 زخمی ہوگئے۔

پاکستان مسلم لیگ نون کے رہنما احسن اقبال نے ڈسکہ میں میڈیا سے گفتگو کرتے ہوئے کہا کہ این اے 75 میں جعلسازی کے ساتھ نتائج بنائے گئے، پریذائیڈنگ آفیسرز کو اغوا کیا گیا، انکوائری ہونے چاہیے کہ کن لوگوں نے یہ کام کیا، ان پولنگ سٹیشنز میں دوبارہ پولنگ ہونی چاہیے۔

ڈسکہ(عارف محمود ، باغی ٹی وی): شدید دھند کے باعث ڈسکہ روڈ موترہ سٹاپ کے قریب لاہور جانے والی ایوری وین ٹریکٹر ٹرالی سے ٹکرا گئی جس کے نتیجے میں 7افراد زخمی ہو گئے۔

تفصیل کے مطابق ایوری وین لاہور جا رہی تھی کہ موترہ سٹاپ ڈسکہ روڈ پر شدید دھند کے باعث سامنے جانے والی ٹریکٹر ٹرالی سے ٹکر ا گئی، جس کے نتیجے میں وین کا ڈرائیور 23سالہ ذیشان ولد منظر گاڑی میں پھنس گیا، جبکہ 6افراد زخمی ہو گئے۔ ریسکیو1122نے بروقت کاروائی کر کے ڈرائیور کو باہر نکالا اور 5شدید زخمی افراد بشمول ڈرائیور کو ابتدائی طبی امدادکے بعد ہسپتال منتقل کر دیا۔

ہسپتال منتقل کرنے والوں میں 35سالہ کوثر زوجہ زاہد اور اس کی 15سالہ بیٹی لائبہ ولد زاہد لنگڑیانوالی، 33سالہ ارسلان ولد فضل لنگڑیانوالی، 23سالہ ڈرائیور ذیشان ولد منظر نول موڑ اور 20سالہ احمد ولد زاہد لنگڑیانوالی شامل تھے۔ جبکہ20سالہ عبداللہ ولد محمد اکبر مادی پور اور 22سالہ زاہد ولد صدیق کو موقع پر ہی ابتدائی طبی امداد مہیا کی گئی۔

ریسکیو1122نے بعدازاں مزید کسی بھی قسم کے حادثہ سے محفوظ رکھنے کے لیے حادثہ کی وجہ سے سڑک پرپڑی اینٹوں کو بھی روڈ کہ ایک طرف کر کے ٹریفک کے لیے راستہ بحال کر دیا۔