Category: سیالکوٹ

ڈسکہ،باغی ٹی وی (نامہ نگارملک عمران) قومی انسداد پولیو مہم کا آغاز، 1,76,140 بچوں کو قطرے پلانے کا ہدف

ڈسکہ میں رواں سال کی پہلی پانچ روزہ قومی انسداد پولیو مہم کا آغاز کر دیا گیا۔ ڈپٹی ڈسٹرکٹ ہیلتھ آفیسر ڈاکٹر سادات انور نے خانہ بدوش بچوں کو پولیو کے قطرے پلا کر مہم کا افتتاح کیا۔

تحصیل بھر میں پانچ سال تک کے 1,76,140 بچوں کو پولیو سے بچاؤ کے قطرے پلانے کا ہدف مقرر کیا گیا ہے، جس کے لیے 611 ٹیمیں تشکیل دی گئی ہیں۔ ڈاکٹر سادات انور کے مطابق 568 موبائل ٹیمیں، 29 فکسڈ ٹیمیں اور 14 ٹرانزٹ ٹیمیں اپنی خدمات سرانجام دے رہی ہیں۔ پولیو ٹیمیں گھر گھر جا کر، اسکولوں، بھٹہ جات، بس اسٹینڈز اور دیگر مقامات پر بچوں کو قطرے پلا رہی ہیں۔

انسداد پولیو مہم 3 فروری سے 7 فروری تک جاری رہے گی۔ والدین سے گزارش ہے کہ وہ اپنے بچوں کو عمر بھر کی معذوری سے بچانے کے لیے پولیو کے قطرے ضرور پلوائیں اور محکمہ صحت کی ٹیموں سے تعاون کریں۔

سیالکوٹ،باغی ٹی وی(بیوروچیف شاہدریاض) ڈپٹی کمشنر نے پانچ روزہ قومی انسداد پولیو مہم کا افتتاح کرتے ہوئے بنیادی مرکز صحت مراد پور میں بچوں کو پولیو سے بچاؤ کے قطرے پلائے۔ اس موقع پر ڈی ایچ او ڈاکٹر وسیم مرزا، ڈی ایس سی ڈاکٹر شہزاد اقبال، ڈاکٹر احمد ناصر چوہدری، ڈاکٹر سلمان اکبر اور میڈیکل آفیسر ڈاکٹر سدرہ گیلانی بھی موجود تھیں۔

ڈپٹی کمشنر کے مطابق 3 فروری سے ضلع سیالکوٹ میں پولیو مہم کا آغاز کیا جا رہا ہے، جس کے دوران پانچ سال سے کم عمر 7 لاکھ 95 ہزار 877 بچوں کو حفاظتی قطرے پلانے کا ہدف مقرر کیا گیا ہے۔

6,288 پولیو ورکرز پر مشتمل ٹیمیں تشکیل،مہم میں کل 2,879 ٹیمیں حصہ لیں گی، جن میں2,276 موبائل ٹیمیں گھر گھر جا کر بچوں کو پولیو کے قطرے پلائیں گی۔133 فکسڈ/ رومنگ ٹیمیں بنیادی و دیہی مراکز صحت اور اسپتالوں میں تعینات ہوں گی۔69 ٹرانزٹ ٹیمیں بس اسٹینڈز، ریلوے اسٹیشن اور مصروف چوراہوں پر بچوں کو قطرے پلائیں گی۔

ڈپٹی کمشنر نے کہا کہ تمام پولیو ٹیموں کے ساتھ پولیس سیکیورٹی تعینات رہے گی تاکہ مہم کو محفوظ اور مؤثر بنایا جا سکے۔ انہوں نے متعلقہ اداروں کو ہدایت کی کہ وہ اپنی قومی ذمہ داری سمجھ کر مہم کو کامیاب بنائیں۔

سیالکوٹ ،باغی ٹی وی(بیوروچیف شاہدریاض) چیف جسٹس میڈم عالیہ نیلم، جسٹس فاروق حیدر، رجسٹرار ایمبر گل، ڈسٹرکٹ اینڈ سیشن جج ندیم طاہر سید، اور سینیئر سول جج احسن یعقوب ثاقب نے سیالکوٹ میں فیملی کورٹ کمپلیکس کا افتتاح کیا۔

اس موقع پر شجرکاری مہم میں حصہ لیا اور سیشن کورٹ کے کمیٹی روم میں جج صاحبان سے خطاب کیا۔ چیف جسٹس نے خطاب میں زور دیا کہ سائلین کو فوری انصاف فراہم کیا جائے اور مقدمات کو جلد نمٹایا جائے۔

سیالکوٹ ،باغی ٹی وی(بیوروچیف شاہدریاض) ایڈیشنل ڈپٹی کمشنر فنانس اینڈ پلاننگ مظفر مختار نے کہا ہے کہ سرکاری و نجی اداروں میں خصوصی افراد (معذور افراد) کے لیے 3 فیصد کوٹہ قانون کے مطابق لازمی ہے۔ سوشل ویلفیئر افسران کو ہدایت کی گئی ہے کہ وہ صنعتی و کمرشل یونٹس میں کوٹہ پر عملدرآمد یقینی بنانے کے لیے خصوصی مہم کا آغاز کریں اور مالکان کو باور کرائیں کہ خصوصی افراد معاشرے کا حصہ ہیں، ان کی فلاح و بہبود اور ضروریات کا خیال رکھنا اجتماعی ذمہ داری ہے۔

یہ ہدایات انہوں نے آج ضلعی بہبود و بحالی یونٹ برائے معاونت معذور افراد سیالکوٹ کے اجلاس میں دیں، جس میں ڈپٹی ڈائریکٹر سوشل ویلفیئر شریف گھمن، اسسٹنٹ ڈائریکٹر عدنان راٹھور، سدرہ سلطانہ، ڈی ایچ او احمد ناصر چودھری، اشفاق نذر گھمن، ڈی او انڈسٹریز تنویر احمد، ڈی ای او سیکنڈری ایجوکیشن محمد نواز، انجینئر وقاص لودھی، نمائندگان معذور افراد شاہ زیب، حافظ شاہد رضا اور نمائندہ زکوٰۃ ڈیپارٹمنٹ سلمان احمد شریک تھے۔

اے ڈی سی نے کہا کہ ہمت کارڈ کے اجراء کے لیے "ناٹ فٹ ٹو ورک” سرٹیفکیٹ کے لیے باقاعدہ میڈیکل بورڈ تشکیل دیا جائے اور معذوری جانچنے کے لیے درکار آلات کی دستیابی یقینی بنائی جائے۔ اس حوالے سے اسپیشلائزڈ ہیلتھ کیئر ڈیپارٹمنٹ کو سفارشات بھیجی جائیں گی۔

سیکرٹری ریجنل ٹرانسپورٹ اور ڈپٹی ڈائریکٹر سوشل ویلفیئر کو ہدایت کی گئی ہے کہ وہ معذور افراد کے لیے مفت سفری کارڈ کے اجراء کو یقینی بنائیں اور پبلک ٹرانسپورٹ میں معذور افراد کے لیے مخصوص نشستیں مختص کریں۔

ٹیکنیکل ایجوکیشن اینڈ ووکیشنل ٹریننگ انسٹی ٹیوٹ کے حکام کو ہدایت کی گئی کہ وہ معذور افراد کو ترجیحی بنیادوں پر ہنر مند بنانے کے مواقع فراہم کریں اور ان کے داخلے بڑھائیں۔

اے ڈی سی نے کہا کہ نئے تعمیر ہونے والے کمرشل پلازوں اور مارکیٹوں کو معذور افراد کے لیے دوستانہ بنانے کی ہدایات دی جائیں گی۔ اس حوالے سے ڈسٹرکٹ ہائی لیول ڈیزائن کمیٹی کو سفارشات بھیجی جائیں گی کہ وہ عمارتوں کے نقشے منظور کرتے وقت معذور افراد کے لیے ریمپس، خصوصی ٹائلٹس اور آسان رسائی یقینی بنائیں۔

اجلاس میں شریک افسران نے معذور افراد کے حقوق کے تحفظ کے لیے حکومتی اقدامات پر زور دیا اور عملدرآمد کے لیے مزید سخت اقدامات کی ضرورت پر بھی اتفاق کیا۔

سیالکوٹ ،باغی ٹی وی(بیوروچیف) ڈپٹی ڈائریکٹر تحفظ ماحولیات ڈاکٹر محمد اویس کی زیرِ سربراہی ٹیموں نے سمبڑیال کی مین مارکیٹ میں اچانک چھاپے مار کر ممنوعہ پلاسٹک بیگز کے خلاف کارروائی کی۔ دورانِ کارروائی 711 کلوگرام وزنی غیر قانونی پولی تھین بیگز ضبط کر لیے گئے، جبکہ 75 مائیکرون سے کم موٹائی کے شاپنگ بیگز کے استعمال پر متعدد دکانداروں کو مجموعی طور پر 45 ہزار روپے جرمانہ کیا گیا۔

محکمہ تحفظ ماحولیات کے مطابق، یہ کریک ڈاؤن ماحولیاتی قوانین پر عمل درآمد یقینی بنانے اور ماحولیاتی آلودگی کم کرنے کے لیے جاری رہے گا۔ شہریوں اور دکانداروں کو متنبہ کیا گیا ہے کہ وہ ممنوعہ پولی تھین بیگز کے بجائے ماحول دوست بیگز کا استعمال کریں ورنہ سخت قانونی کارروائی عمل میں لائی جائے گی۔

سیالکوٹ ،باغی ٹی وی(بیوروچیف شاہدریاض) ضلع سیالکوٹ میں رواں سال کی پہلی قومی انسداد پولیو مہم کا آغاز 3 فروری سے کیا جائے گا، جس کے دوران پانچ سال سے کم عمر 7 لاکھ 95 ہزار 877 بچوں کو پولیو سے بچاؤ کے حفاظتی قطرے پلائے جائیں گے۔

ڈپٹی کمشنر محمد ذوالقرنین لنگڑیال نے ضلعی انسداد پولیو کمیٹی کے اجلاس سے خطاب کرتے ہوئے بتایا کہ اس قومی مہم میں 6,288 پولیو ورکرز حصہ لیں گے، جنہیں 2,879 ٹیموں میں تقسیم کیا گیا ہے۔ ان میں:
🔹 2,276 موبائل ٹیمیں گھر گھر جا کر، اسکولوں، جھونپڑ بستیوں، بھٹوں اور کچی آبادیوں میں بچوں کو ویکسین پلائیں گی۔
🔹 133 فکسڈ/ رومنگ ٹیمیں بنیادی مراکز صحت، دیہی مراکز اور اسپتالوں میں خدمات انجام دیں گی۔
🔹 69 ٹرانزٹ ٹیمیں بس اسٹینڈز، ریلوے اسٹیشنز، اہم چوراہوں اور مصروف مقامات پر بچوں کو پولیو سے بچاؤ کے قطرے پلائیں گی۔

ڈپٹی کمشنر نے ہدایت دی کہ مہم کی کامیابی کے لیے تمام متعلقہ ادارے اپنی ذمہ داری قومی فریضہ سمجھ کر ادا کریں، جبکہ رومنگ اور ٹرانزٹ ٹیموں کی سیکیورٹی کے لیے پولیس اہلکار ہر وقت موجود رہیں گے۔

سیالکوٹ،باغی ٹی وی(بیوروچیف شاہد ریاض) ڈی پی او فیصل شہزاد کا اہم اقدام، شہریوں کو محفوظ ماحول دینے کے لیے سٹی سیالکوٹ اور ڈسکہ میں جدید سنیپ چیکنگ ٹیمیں تشکیل دے دی گئیں۔

یہ اسپیشل ٹیمیں باڈی کیم، بلٹ پروف جیکٹس، جدید اسلحہ اور الیکٹرانک گیجٹس سے لیس ہوں گی، جنہیں سیف سٹی سسٹم سے منسلک کیا گیا ہے۔ ٹیمیں کرائم ہاٹ اسپاٹس پر سرپرائز چیک پوسٹ قائم کر کے 45 منٹ میں سنیپ چیکنگ مکمل کریں گی، جبکہ مشکوک افراد کو کرائم پروینشن ایپ کے ذریعے چیک کیا جائے گا۔

پولیس ٹیم کے باڈی کیم سے ہونے والی آڈیو اور ویڈیو ریکارڈنگ سیف سٹی ڈیٹا سسٹم کا حصہ ہوگی، جس سے نہ صرف مجرموں کی سرکوبی بلکہ پولیس کے رویے کی نگرانی بھی ممکن ہوگی۔ شہریوں سے تعاون کی اپیل کرتے ہوئے ڈی پی او نے کہا کہ یہ اقدام عوامی تحفظ اور بہتر پولیس سروس ڈلیوری کے لیے ہے۔

عوامی شکایات پر کارروائی کرتے ہوئے، ٹریفک پولیس اسٹاف کو بھی باڈی کیم سے لیس کر دیا گیا ہے، جس کا لنک سیف سٹی سسٹم سے ہوگا، تاکہ غیر ضروری چالان اور ناروا سلوک کی روک تھام کی جا سکے۔

ڈی پی او فیصل شہزاد کے مطابق، جدید آئی ٹی بیسڈ سسٹم سیالکوٹ کے شہریوں کو محفوظ اور شفاف ماحول فراہم کرنے میں معاون ثابت ہوگا۔

سیالکوٹ،باغی ٹی وی (بیوروچیف شاہدریاض)سمبڑیال میں ممنوعہ شاپنگ بیگز کے خلاف کارروائی، 711 کلو ضبط، دکانداروں پر جرمانہ

تفصیل کے مطابق ڈپٹی کمشنر سیالکوٹ کی ہدایت پر ڈپٹی ڈائریکٹر تحفظ ماحولیات ڈاکٹر محمد اویس کی سربراہی میں ٹیموں نے سمبڑیال مین مارکیٹ میں چھاپے مار کر 711 کلوگرام ممنوعہ پولی تھین بیگز ضبط کر لیے۔ 75 مائیکرون سے کم موٹائی کے شاپنگ بیگز کے استعمال پر دکانداروں کو مجموعی طور پر 45 ہزار روپے جرمانہ عائد کر دیا گیا۔

انسپکٹر ماحولیات شاہد علی ڈوگر اور احمد یار کے مطابق وزیر اعلیٰ پنجاب کی ہدایت پر ممنوعہ شاپنگ بیگز کے خلاف زیرو ٹالرنس پالیسی پر عمل کیا جا رہا ہے۔ انہوں نے خبردار کیا کہ گریس پیریڈ ختم ہو چکا ہے اور اب خلاف ورزی پر سخت قانونی کارروائی کی جائے گی۔