Category: سکھر

سکھر (باغی ٹی وی ،نامہ نگار) ڈی آئی جی فیصل چاچڑ کی قیادت میں کامیاب پولیس کارروائیاں، اہم گرفتاریاں

تفصیل کے مطابق ڈی آئی جی سکھر کیپٹن (ر) فیصل عبداللہ چاچڑ کی زیرِ نگرانی جرائم پیشہ عناصر کے خلاف جاری مہم میں اہم کامیابیاں حاصل کی گئیں ہیں خیرپور کے تھانہ ٹنڈو مستی کی حدود میں پولیس مقابلے کے دوران خطرناک ڈکیت بہادر مری اور عظیم بگٹی کو زخمی حالت میں گرفتار کر لیا گیا۔

بہادر مری ڈکیتی، چوری، قتل اور پولیس مقابلوں سمیت 6 سے زائد مقدمات میں مطلوب تھا، جبکہ عظیم بگٹی کے کرمنل ریکارڈ کی تفصیلات معلوم کی جا رہی ہیں۔اسی ضلع میں تھانہ رانی پور کی کارروائی میں منشیات فروش عامر چانڈیو کو گرفتار کیا گیا، جس کے قبضے سے 600 گرام چرس برآمد ہوئی۔ ملزم 6 سے زائد مقدمات میں ملوث تھا۔

گھوٹکی کے تھانہ اے سیکشن میں جائیداد کے تنازعے پر اپنے والد بھرام سنگھڑ کو قتل کرنے والے ملزم علی حسن سنگھڑ کو گرفتار کر لیا گیا۔ اس کے قبضے سے غیر قانونی پستول برآمد ہوا اور اس کے خلاف 25 آرمز ایکٹ کے تحت مقدمہ درج کیا گیا۔

ڈی آئی جی سکھر نے ان کامیاب کارروائیوں پر ایس ایس پی خیرپور اور گھوٹکی کو شاباش دی اور پولیس ٹیموں کے لیے سی سی سیکنڈ اور تعریفی سرٹیفکیٹ کا اعلان کیا۔

میرپور ماتھیلو(باغی ٹی وی ،نامہ نگار مشتاق لغاری)سکھر پولیس مقابلے میں ہلاک ڈاکوؤں کی شناخت، لوٹی گئی رقم برآمد

سکھر کے تھانہ ائیرپورٹ کی حدود میں جاگیر موڑ کے قریب پولیس مقابلے میں ہلاک ہونے والے دونوں ڈاکوؤں کی شناخت عبدالخالق سولنگی اور مختیار سولنگی کے نام سے ہو گئی ہے۔

پولیس کے مطابق، یہ دونوں ملزمان ہفتے قبل تھانہ بی سیکشن کی حدود بندر روڈ پر ڈکیتی کی واردات میں ملوث تھے، جہاں ایک موبائل کمپنی کی گاڑی کو گن پوائنٹ پر لوٹ کر بھاری رقم لے کر فرار ہو گئے تھے۔ ہلاک ڈاکوؤں کے قبضے سے 11 لاکھ 25 ہزار روپے کی نقدی برآمد کی گئی ہے، جو ڈکیتی کے دوران چھینی گئی تھی۔

پولیس کا کہنا ہے کہ ہلاک ہونے والے ڈاکوؤں کا مجرمانہ ریکارڈ مختلف تھانوں اور اضلاع سے حاصل کیا جا رہا ہے تاکہ ان کے دیگر جرائم کا پتہ لگایا جا سکے۔

ایس ایس پی سکھر امجد احمد شیخ نے پولیس پارٹی کی جواں مردی کو سراہتے ہوئے ان کے لیے سی سی تھرڈ اور کیش انعام کا اعلان کیا ہے۔ ترجمان سکھر پولیس نے واقعے کو قانون کی بالادستی کی مثال قرار دیا ہے۔

میرپورماتھیلو(باغی ٹی وی،نامہ نگارمشتاق لغاری)سکھر ڈسٹرکٹ بار ایسوسی ایشن کا پاراچنار واقعے کے خلاف احتجاج

تفصیل کے مطابق ڈسٹرکٹ بار ایسوسی ایشن سکھر نے پاراچنار میں معصوم افراد کے بہیمانہ قتل کے خلاف احتجاج کرتے ہوئے واقعے کی شدید مذمت کی اور حکومت سے فوری کارروائی کا مطالبہ کیا ہے۔

وکلاء جن میں قربان کلواڑ، ظہیر صوفی بابر، امتیاز شیخ، فرحان راجپوت، آصف علی سومرو، شاہد علی میمن، قربان شر، نورالدین چوہان، محمد علی چھدھر، وسیم پٹھان، محمد نواز سومرو سمیت دیگر شامل تھے نے مظاہرے کے دوران حکومت سے مطالبہ کیا کہ ملزمان کو فوری گرفتار کیا جائے اور قانونی ورثاء کو انصاف فراہم کیا جائے۔

وکلاء نے کہا کہ معصوم جانوں کے ضیاع کا یہ واقعہ انتہائی قابلِ افسوس ہے اور حکومت کو اس پر فوری اور مؤثر کارروائی کرتے ہوئے ورثاء کو معاوضہ دینا چاہیے۔ احتجاج کے دوران مظاہرین نے پاراچنار کے شہداء کے ساتھ اظہارِ یکجہتی کرتے ہوئے انصاف کے حصول تک جدوجہد جاری رکھنے کا عزم کیا۔

میرپورماتھیلو (باغی ٹی وی،نامہ نگارمشتاق علی لغاری) ڈی آئی جی سکھر فیصل عبداللہ چاچڑ کے احکامات پر جرائم پیشہ عناصر کے خلاف جاری کارروائیوں میں اہم کامیابیاں حاصل کی گئیں۔

ضلع خیرپور کے تھانہ شہید مرتضیٰ میرانی کی حدود میں قتل کے مقدمہ نمبر 368/2024 میں مطلوب مرکزی ملزم رجب علی جلبانی کو گرفتار کر لیا گیا۔ اس پر شکیل احمد، حاتم، اور غلام اکبر کاندڑو کے قتل کا الزام تھا۔

ایک اور کارروائی میں تھانہ فیض گنج کی حدود سے قتل کے مقدمے میں ملوث مرکزی ملزم رسول بخش چانگ کو آلہ قتل (پستول) سمیت گرفتار کر لیا گیا، جبکہ تفتیش جاری ہے۔

ضلع سکھر کے تھانہ اے سیکشن کی حدود میں سنیپ چیکنگ کے دوران ملزم اقرار چوہان کو گرفتار کرتے ہوئے شراب کے 264 بوتلوں پر مشتمل 9 کارٹنز برآمد کیے گئے۔ ملزم کے خلاف 3/4 PEHO کے تحت مقدمہ درج کر لیا گیا۔

ضلع گھوٹکی کے تھانہ یارو لونڈ کی حدود میں اقدام قتل کے مقدمات 18/2022 اور 11/2023 میں مطلوب اشتہاری ملزم اللہ ورایو بوزدار کو بھی گرفتار کیا گیا۔

ڈی آئی جی سکھر نے ان کامیاب کارروائیوں میں حصہ لینے والی پولیس ٹیموں کے لیے سی سی سیکنڈ سرٹیفیکیٹ دینے کا اعلان کیا۔

میرپور ماتھیلو (نامہ نگار مشتاق علی لغاری) درجنوں مقدمات میں ملوث بدنام مجرم نے خود کو پولیس کے حوالے کر دیا

ضلع گھوٹکی میں تعینات ایس ایس پی ڈاکٹر سمیع اللّٰہ سومرو کی جانب سے جرائم پیشہ عناصر کو جرم ترک کرکے خود کو قانون کے حوالے کرنے کی رعایت کی پیشکش کے بعد جرائم کی دنیا میں مشہور درجنوں مقدمات میں ملوث مجرم محمد نواز عرف نوازو سمیجو نے خود کو پولیس کے سامنے پیش کردیا۔

گھوٹکی میں دہشت کی علامت سمجھے جانے والے نواز عرف نوازو سمیجو کے خلاف اغواء برائے تاوان، قتل، ڈکیتی، چوری اور پولیس مقابلوں سمیت سنگین نوعیت کے مقدمات درج تھے۔ نوازو سمیجو نے ڈی ایس پی میرپور ماتھیلو عبدالقادر سومرو کے روبرو سرنڈر کرتے ہوئے کہا کہ ایس ایس پی کے پیغام اور پولیس کے سخت اقدامات کے باعث اس نے جرم کی دنیا چھوڑنے کا فیصلہ کیا ہے۔

ضلع گھوٹکی میں پولیس کی مجرموں کے خلاف کاروائیاں جاری ہیں جبکہ مزید جرائم پیشہ عناصر کی گرفتاری متوقع ہے۔