Category: سکھر

میرپورماتھیلو،باغی ٹی وی (نامہ نگارمشتاق لغاری) گھوٹکی میں 65 سالہ شخص کے اغوا کا ڈراما پولیس نے بے نقاب کردیا ہے۔ تفصیلات کے مطابق، سہراب نامی شخص نے اپنے بیٹوں سے پیسے لینے کے لیے اپنے اغوا کا ڈراما رچایا تھا۔

پولیس کے مطابق، سہراب نے اپنے دوستوں کے ساتھ مل کر اپنی اغوا کی ویڈیو بنائی اور اپنے بیٹوں کو بھیجی۔ اس کا مقصد اپنے بیٹوں کو مجبور کرنا تھا کہ وہ اس کا قرض ادا کریں۔ سہراب مقروض تھا اور اس کے بیٹے اس کا قرض ادا کرنے میں اس کی مدد نہیں کر رہے تھے۔

پولیس نے جدید ٹیکنالوجی کی مدد سے سہراب کا پتہ لگایا اور اسے اس کے 4 ساتھیوں سمیت گرفتار کر لیا۔ ڈی ایس پی کے مطابق، سہراب کے بیٹے سعید احمد والد کی تلاش میں ایک حادثے کا شکار ہو کر جاں بحق ہو گئے تھے۔

دوسری طرف یہ واقعہ نہ صرف ایک خاندان کو تباہ کرنے والا ثابت ہوا بلکہ یہ بھی ثابت کرتا ہے کہ پیسے کے لیے لوگ کس حد تک جاسکتے ہیں۔

میرپورماتھیلو،باغی ٹی وی (نامہ نگارمشتاق علی لغاری)خیرپور میں ایس ڈی او محکمہ انہار ٹیل کے کاشتکاروں تک نہری پانی پہنچانے کیلئے سرگرم ہوگئے ہیں، ایس ڈی او نے 50 سے زیادہ غیر قانونی پائپ اور موٹریں تحویل میں لیکر پانی چوروں کیخلاف مقدمات درج کرادئیے

تفصیل کے مطابق خیرپور مٰیں محکمہ انہار کے ایس ڈی او مظہرالدین شیخ کی طرف سے آبادگاروں تک پانی پہنچانے کے لئے گذشتہ روز اپنی ٹیم سمیت سرگرم رہےجیئل مائینر اور اجن مائینر کی مسلسل شکایات کے حوالےسے ایس ڈی او مظہرالدین شیخ نے ایکشن لیتے ہوئے مختلف جگہوں پر پانی چوری کا نوٹس لے لیا

ٹیل کے کاشتکاروں کا کہنا تھا کہ یہاں کے بااثروڈیرے پانی کی چوری کرتے ہیں اور جن کی وجہ سے پانی ہماری زمینوں تک نہیں پہنچ پاتا جس پر فوری ایکشن لیتے ہوئے ایس ڈی او مظہرالدین شیخ نے موقع پر پہنچ کر 50 سے زیادہ غیر قانونی پائپ اور موٹرز اپنی تحویل میں لیکر پانی چوری کرنے والوں کے خلاف مقدمات درج کر ا دئے۔

ایس ڈی او کا کہنا تھا گذشتہ پانچ سالوں سے جیئل مائینر اور اجن مائینر کے ٹیل کے کاشتکاروں تک پانی نہیں پہنچ پاتا تھا ،2دن میں ٹیل تک پانی کے رسائی کو یقینی بنایا ،کچھ لوگ غیر ضروری شکایات کرکے بلیک میل کرتے ہیں ایس ڈی او نے کہا اب کوئی حقیقی آبادگار کی شکایات نہیں۔

ایس ڈی او مظہرالدین شیخ نے کہا میری پوسٹنگ کے بعد دو مہینوں سے سکون کی نیند نہیں سویا مزید کہا مجھے پانی چوروں کے خلاف کارروائی کرنے پر با اثر وڈیروں کی جانب سے دھمکیاں مل رہی ہیں مگر میں کسی کے دباؤ میں نہیں آؤں گا پانی چوروں کی طرف سے فضول کے احتجاج کرکے حراسمینٹ ہراساں کیا جارہاہے

انہوں نے کہا کہ احتجاج کرنے والوں میں کوئی آبادگار شامل نہیں ہوا کیوں کہ دونوں مائینرزکے آخر کے آبادگاروں تک پانی پہنچا کر سکھ کا سانس لوں گا۔

میرپورماتھیلو،باغی ٹی وی (نامہ نگارمشتاق علی لغاری)گھوٹکی پولیس اور سندھ رینجرز کا ڈاکوؤں اوراغواء کاروں کے خلاف گرینڈ آپریشن دوسرے روز بھی تیزی اور کامیابی سے جاری رہا،

پولیس ترجان کے مطابق پولیس کو اپنے خفیہ ذرائع سے معلومات ملی ہیں کہ آج کے آپریشن میں شر گینگ کے 02 ڈکیت زخمی ہوئے ہیں

ایس ایس پی گھوٹکی ڈاکٹر سمیر نور چنہ خود آپریشن میں فورس کی کمانڈ کر رہے ہیں،ایس ایس پی گھوٹکی ڈاکٹر سمیر نور چنہ کی قیادت میں رینجرز کے میجر اسد صاحب و دیگر افسران و جوان بھی پولیس کے ساتھ ہیں

آپریشن کے سلسلے میں ڈی ایس پی رونتی حافظ عبدالقادر چاچڑ ،ایس ایچ او خانپور مہر محمد مٹھل کھکھرانی، ایس ایچ او میر پور ماتھیلو محمد قابل بھیو،ایس ایچ او تھانہ شہید دین محمد لغاری عبدالشکور لاکھو بھی بھاری نفری بکتر بند گاڑیوں و جدید اسلحہ سمیت کچہ میں موجود ہیں۔

پولیس کی بھاری نفری اور جدید اسلحہ کے ساتھ رونتی کچہ کے علاقے میں ڈاکو رحب شر اور اس کے دیگر ساتھیوں کے خلاف ٹارگٹڈ آپریشن تیز کر دیا گیا ہے۔

مذکورہ علاقوں میں پولیس کی بھاری نفری اور بکتر بند گاڑیوں کے ساتھ آپریشن جاری ہے

گھوٹکی(باغی ٹی وی رپورٹ) لین دین کا تنازعہ،سابق ایس ایس پی بینک عملے پرچڑھ دوڑے

تفصیل کے مطابق گھوٹکی میں سابق ایس ایس پی جام ظفراللہ دھاریجو نے مبینہ طور پر بینک عملے کو تشدد نشانہ بنا ڈالا، بینک عملے کی جانب سے ظفراللہ دھاریجو کے پاؤں پکڑنے کی ویڈیو وائرل ہو گئی۔

بینک منیجر نے الزام عائد کیا کہ ظفراللہ دھاریجو کا پیسوں کی لین دین کا تنازع تاجر سے تھا لیکن تشدد بینک عملے پر کیا گیا۔

ظفراللہ دھاریجو کا کہنا ہے کہ بینک عملے سے معافی منگوانے کا کوئی واقعہ پیش نہیں آیا۔

واضح رہے کہ جام ظفر اللہ دھاریجو صوبائی وزیر سندھ جام اکرام اللہ دھاریجو کے بھائی ہیں۔

میرپورماتھیلو،باغی ٹی وی (نامہ نگارمشتاق علی لغاری)گھوٹکی میں ڈاکوؤں نے حفاظتی بند پر قائم پولیس چوکی پر حملہ کردیا جس کے نتیجے میں2 پولیس اہلکار شہید ہوگئے۔

ایس ایس پی گھوٹکی سمیر نور کے مطابق شر گینگ کے درجن سے زائد ڈاکوؤں نے جدید اسلحہ اور راکٹ لانچر سے تھانہ آندل سندرانی کی حدود میں واقع حفاظتی بند پر پولیس کی چوکی نمبر 46 پر حملہ کیا۔

انہوں نے بتایا کہ حملے میں 2 پولیس اہلکار ظہیر تھہیم اور عبدالقادر مہر موقع پہر شہید ہوگئے۔ پولیس کی جوابی فائرنگ سے ڈاکوؤں کے زخمی ہونے کی اطلاعات ہیں۔

ایس ایس پی کے مطابق پولیس کی بھاری نفری طلب کرکے ڈاکوؤں کا تعاقب جاری ہے۔

میرپورماتھیلو،باغی ٹی وی(نامہ نگارمشتاق علی لغاری)ڈہرکی میں 2 بچوں کی ماں، 22 سالہ خاتون کومبینہ زہر دیکر قتل کردیا گیا

تفصیل کے مطابق گھوٹکی کے علاقہ نرلی گاؤں محمد بخش شر کی رہائشی خاتون مائی ساجدہ شر کو مبینہ زہر دیکر قتل کردیا گیا ہے

ریتی پولیس کو اطلاع ملنے پر لاش سول ہسپتال ڈہرکی منتقل کیا گیا

ورثا کا کہنا ہے کہ انصاف شر مائی ساجدہ سے دوستی کرنا چاہتا تھا اس نے عدلی شر سے مل کر زہردیا ہے

دوسری طرف ڈہرکی کے تھانہ ریتی پولیس نے جاں بحق ہونے والی ساجدہ مائی کے شوہر یقوب شر اور والد نواز شر کو حراست میں لے لیاہے
اور تحقیقات کا آغاز کردیا ہے

میرپور ماتھیلو،باغی ٹی وی (نامہ نگارمشتاق لغاری)نصراللہ گڈانی قتل کیس،گرفتارملزم کوانسداددہشت گردی عدالت میں پیش کیاگیا

تفصیلات کے مطابق آج انسداد دہشت گردی کی عدالت میں نصراللہ گڈانی قتل کیس میں گرفتارملزم اصغرلنڈ کو پیش کیا گیا اور
تفتیشی آفیسر سراج لاشاری بھی عدالت میں پیش ہوئے

تفتیشی آفیسر سراج لاشاری نے عدالت سے استدعا کی مجھے وقت دیا جائے گرفتار ملزم کے بیان ریکارڈ کرنے ہیں،اس پرجج نے استفسارکیا کہ صرف بیان ہی ریکارڈ کرنے ہیں یا کوئی اورتفتیش بھی ہوگی، اب تک کیس میں کیا پیش رفت کی گئی ہے.

عدالت نے ملزم اصغر لنڈ کے جیل میں بیان ریکارڈ کرنے کی اجازت دیتے ہوئے سماعت یکم اگست تک ملتوی کردی.