میرپور ماتھیلو: جمیعت علماء اسلام (جے یو آئی) ضلع گھوٹکی کے امیر مولانا محمد اسحاق لغاری اور جنرل سیکرٹری مولانا محمد قاسم کھاوڑ نے تعلقہ ڈھرکی کے مجاہد ساتھی مولانا محمود مہر کے ہمراہ مولانا نثار احمد کلھوڑو کی والدہ کے انتقال پر گہرے دکھ اور افسوس کا اظہار کیا ہے۔
رہنماؤں نے مرحومہ کی مغفرت اور لواحقین کے لیے صبر جمیل کی دعا کی ہے۔ بعد ازاں، مولانا نثار احمد کو مسجد صدیق اکبر رضہ ماتھیلو چوک میں واپس ملنے پر مبارکباد پیش کی گئی۔
میرپورماتھیلو)باغی ٹی وی ،ںامہ نگارمشتاق لغاری): پیپلز پارٹی کے شعبہ خواتین کی مرکزی صدر و ایم پی اے فریال تالپور سے صوبائی وزراء اور ارکان اسمبلی نے ان کی رہائشگاہ زرداری ہاؤس کراچی میں ملاقات کی۔ اس موقع پر پی پی پی ایم این اے علی گوہر خان مہر اور ایم پی اے علی نواز خان مہر نے فریال تالپور کو عمرہ کی سعادت حاصل کرنے پر مبارکباد دی۔
ملاقات میں ضلع گھوٹکی کی سیاسی و تنظیمی صورتحال اور ترقیاتی اسکیموں کے حوالے سے تفصیلی مشاورت کی گئی۔ اس کے علاوہ، صوبائی وزراء شرجیل میمن، ناصر حسین شاہ، ضیاء الحسن لنجار اور ایم پی اے سہیل انور سیال نے بھی فریال تالپور سے ملاقات کی اور سندھ کے وزراء نے بھی عمرہ کی سعادت حاصل کرنے پر انہیں مبارکباد دی۔
ملاقات کے دوران سندھ سمیت ملک کی مجموعی سیاسی صورتحال اور تنظیمی امور پر تبادلہ خیال کیا گیا۔ فریال تالپور نے اس موقع پر کہا کہ پیپلز پارٹی کے وزراء اور ارکان اسمبلی کو یہ یقینی بنانا چاہیے کہ بارش متاثرہ علاقوں کو حکومتی امداد سے محروم نہ رکھا جائے۔ انہوں نے مزید کہا کہ پیپلز پارٹی کی قیادت اور جیالوں کا شعار عوامی خدمت اور جمہوریت کو مضبوط بنانا ہے۔
میرپورماتھیلو(باغی ٹی وی نامہ نگارمشتاق لغاری)گھوٹکی کے علاقے سہانجڑو بوزدار میں ڈکیتی کے دوران ایک شخص کے قتل کے واقعے کے بعد پولیس نے جرائم پیشہ افراد کے خلاف بڑا آپریشن شروع کردیا ہے۔
ڈی ایس پی میرپور ماتھیلو عبدالقادر سومرو کی سربراہی میں مختلف تھانوں کی پولیس نے سہانجڑو بوزدار، پیر بری اور دیگر علاقوں کو گھیرے میں لے لیا ہے۔ پولیس نے جرائم پیشہ افراد کے گھروں کو نذر آتش کرنے کے علاوہ متعدد مشتبہ افراد کو بھی حراست میں لیا ہے۔
ایس ایس پی گھوٹکی سمیر نور چنہ کا کہنا ہے کہ جرائم پیشہ عناصر کو مکمل طور پر ختم کرنے تک یہ آپریشن جاری رہے گا۔ انہوں نے عوام سے اپیل کی ہے کہ وہ پولیس کو تعاون کریں تاکہ علاقے میں امن و امان بحال کیا جا سکے۔
میرپورماتھیلو،باغی ٹی وی (نامہ نگارمشتاق لغاری)گھوٹکی: گھوٹکی میں ایک اور صحافی کو قتل کردیا گیا ہے۔ سوسائٹی آف کورٹ رپورٹرز نے اس واقعے کی شدید مذمت کرتے ہوئے قاتلوں کی فوری گرفتاری کا مطالبہ کیا ہے۔
سوسائٹی آف کورٹ رپورٹرز کے صدر لیاقت علی رانا کا کہنا ہے کہ گھوٹکی ضلع صحافیوں کے لیے انتہائی خطرناک بن چکا ہے۔ انہوں نے کہا کہ سندھ حکومت اور گھوٹکی پولیس صحافیوں کو تحفظ دینے میں مکمل طور پر ناکام رہی ہے۔
جنرل سیکرٹری سکندر علی بھٹو نے کہا کہ شہید صحافی محمد بچل گھنجو کے قتل کی ہم شدید الفاظ میں مذمت کرتے ہیں۔ انہوں نے آئی جی سندھ، ڈی آئی جی سکھر اور ایس ایس پی گھوٹکی سے مطالبہ کیا ہے کہ ملزمان کو فوری طور پر گرفتار کرکے قانون کے مطابق سزا دی جائے۔ انہوں نے یہ بھی مطالبہ کیا کہ ڈی ایس پی اور ایس ایچ او رونتی کو معطل کیا جائے۔
سوسائٹی آف کورٹ رپورٹرز کی مجلس عاملہ نے شہید صحافی کے خاندان سے اظہار تعزیت کیا اور اللہ پاک سے ان کی مغفرت کی دعا کی۔
میرپورماتھیلو،باغی ٹی وی (نامہ نگار مشتاق علی لغاری) گھوٹکی میں ڈاکوؤں نے پنجاب پولیس کو کھلا چیلنج دیتے ہوئے دھمکی آمیز ویڈیو سوشل میڈیا پر جاری کر دی ہے۔ اس ویڈیو میں ڈاکوؤں نے واضح طور پر کہا ہے کہ اب وہ پنجاب پولیس کو چیلنج کرتے ہیں اور کچے میں پولیس کی چوکیوں کو ختم کر دیں گے۔
ڈاکوؤں کا الزام ہے کہ پولیس ان کے گھروں پر فائرنگ کر رہی ہے۔ انہوں نے سوشل میڈیا پر جاری کردہ ویڈیو میں پولیس کے خلاف سخت الفاظ استعمال کرتے ہوئے دھمکی دی ہے۔
یہ واقعہ گھوٹکی میں قانون و نظم کی صورتحال کی سنگینی کو ظاہر کرتا ہے۔ ڈاکوؤں کی جانب سے کھلے عام دھمکیاں دینا انتہائی تشویشناک ہے۔ اس واقعے نے علاقے میں خوف و ہراس کی فضا پیدا کر دی ہے۔
میرماتھیلو (نامہ نگارمشتاق علی لغاری): گھوٹکی میں سب انسپکٹر غلام مرتضیٰ جٹ نے پولیس ڈیپارٹمنٹ میں مدت ملازمت مکمل ہونے پر سب انسپکٹر ریٹائرہو گئے ہیں۔
ڈی ایس پی اباڑو حافظ عبدالقادر چاچڑ، ڈی ایس پی لیگل عطا محمد سومرو سمیت دیگر پولیس افسران اور جوانوں نے ایک تقریب میں رٹائر ہونے والے سب انسپکٹر کو سندھ کی روایتی اجرک، ٹوپی اور پھولوں کا ہار پہنا کر خراج تحسین پیش کیا۔
ڈی ایس پی اباڑو نے کہا کہ سب انسپکٹر غلام مرتضیٰ جٹ نےدوران ڈیوٹی محنت، ایمانداری اور حب الوطنی کا مظاہرہ کیا ہے۔ انہوں نے کہا کہ ریٹائر ہونے والے پولیس افسران اور اہلکاروں کے لیے ایس ایس پی آفس گھوٹکی کے دروازے ہمیشہ کے لیے کھلے ہیں۔
ڈی ایس پی لیگل عطا محمد سومرو نے بھی ریٹائر ہونے والے سب انسپکٹر کو مبارکباد دیتے ہوئے ان کی خدمات کو سراہا۔
سکھر میں گزشتہ روز کی بارش سے 77 سالہ ریکارڈ ٹوٹ گیا،بارش رک چکی تا ہم پانی نکالنے کا کام ابھی بھی جاری ہے،
سکھر میں گزشتہ 36 گھنٹوں کے دوران ریکارڈ توڑ بارش ہوئی اور مجموعی طور پر 300 ملی میٹر تک بارش ریکارڈ کی گئی،ڈپٹی کمشنر کے مطابق 2 روز کی برسات کے دوران مختلف واقعات میں 24 افراد زخمی ہوئے، بارش سے 48 مکانات کونقصان پہنچا اور کرنٹ لگنے سے 5 جانورمرگئے ہیں،میئر سکھر کے مطابق شہر میں 77 سالہ تاریخ کی تیز ترین برسات ریکارڈ کی گئی ہے، بارش سے لاڑکانہ اور نوشہرو فیروز کے علاقے بھی پانی میں ڈوب گئے ہیں،سکھر اورخیر پور میں بارش سے کھجور کی فصل کو بھی نقصان پہنچاہے
ضلعی انتظامیہ کا دعویٰ ہے کہ شہر کے 95 فیصد سے زائد علاقوں کو کلیئر کردیا گیا ہے، پرانا سکھر، شالیمار، بکھرچوک، تجارتی مرکز گھنٹہ گھر اور اطراف کے تجارتی مراکز سے پانی کی نکاسی کردی گئی ہے تاہم سکھر ریلوے اسٹیشن پر پانی اب بھی موجود ہے، سکھر میں 40گھنٹے بعد بجلی بحال کردی گئی ہے۔
ایم کیو ایم اراکین اسمبلی نے سکھر اور لاڑکانہ میں بارش کے بعد کی صورتحال پراظہار تشویش کا اظہار کرتے ہوئے کہا ہے کہ کہا سکھر،لاڑکانہ اور نواحی علاقے برسات کے پانی میں ڈوب چکے ہیں، پیپلزپارٹی کی حکومت ہرسطح پر عوام کیلئے وبال جان بن چکی ہے۔
ادھر ترجمان سندھ حکومت گنہور اسران کا کہنا ہے کہ ایم کیوایم تفرقہ انگیزبیان بازی نہیں کرے ریلیف کی کوششوں میں تعاون کرے، یہ یکجہتی کا وقت ہے، سیاسی پوائنٹس اسکورنگ کانہیں،کسی بھی صورتحال سے نمٹنےکیلئے حکومت اور بلدیاتی ادارے پوری طرح الرٹ ہیں۔
گورنر سندھ کامران ٹیسوری کا کہنا ہے کہ ضلع سکھر کے چیئرمین کمیل شاہ اور ڈپٹی کمشنر ایم بی دھاریجو سے طوفانی بارش اور سیلاب متاثرین کے حوالہ سے ٹیلی فونک رابطے کئے۔ ضلع چیئرمین اور ڈپٹی کمشنر نے بتایا کہ متاثرہ علاقوں میں ریلیف کے اقدامات یقینی بنائے جا رہے ہیں اس ضمن میں متاثرین کو محفوظ مقام پر منتقل اور ان کی دیکھ بھال بالخصوص کھانے پینے کے انتظامات کئے جا رہے ہیں۔ متعلقہ حکام کے شاندار اقدامات پر انہیں شاباش دی۔ اس وقت طوفانی بارش اور سیلاب سے متاثرہ افراد کی بڑی توقعات حکومت سے وابستہ ہیں ان کی ان توقعات پر پورا اتر کر ہی ان کا اعتماد حاصل کیا جاسکتا ہے۔
گرفتاری کا خوف،حسینہ کی پارٹی کے رہنما”دودھ کا غسل” کر کے پارٹی چھوڑنے لگے
بنگلہ دیش، ریلوے اسٹیشن پر لوٹ مار،تشدد،100 سے زائد زخمی
ڈاکٹر یونس کی مودی کو فون کال، اقلیتوں کے تحفظ کی یقین دہانی
حسینہ واجد پر قتل کا ایک اور مقدمہ درج
حسینہ واجد کی پسندیدہ بلی 40 ہزار میں فروخت
امریکی دباؤ اور خونریزی کے خوف نے مستعفی ہونے پر مجبور کیا ، شیخ حسینہ واجد کا انکشاف
پاکستان دشمن حسینہ کا بیٹا بھی عمران خان کی طرح” یوٹرن” ماسٹر نکلا
میری ماں اب بھی بنگلہ دیش کی وزیراعظم ہے،حسینہ کے بیٹے کا دعویٰ
حسینہ کی بھارت میں 30 ہزار کی شاپنگ،پیسے ختم ہو گئے
در بدر کے ٹھوکرے: شیخ حسینہ واجد کی سیاسی سفر کا المناک انجام
حسینہ کی حکومت کا بد ترین خاتمہ،مودی کی سفارتی سطح پر ایک اور بڑی ناکامی
ہم پاکستان کے ساتھ جانا پسند کریں گے۔ بنگلہ دیشی شہریوں کا اعلان
بنگالی "حسینہ”مشکل میں،امریکی ویزہ منسوخ،سیاسی پناہ کیلیے لندن سے نہ ملا جواب
بنگلہ دیش،طلبا کی ڈیڈ لائن ختم ہونے سے قبل ہی پارلیمنٹ تحلیل
حسینہ واجد کی ساڑھی بیوی کو پہنا کر وزیراعظم بناؤں گا،شہری
بنگلادیش کی سابق وزیراعظم پر سنگین الزامات: بین الاقوامی عدالت میں مقدمہ درج
میرپورماتھیلو،باغی ٹی وی (نامہ نگارمشتاق لغاری) گھوٹکی میں 65 سالہ شخص کے اغوا کا ڈراما پولیس نے بے نقاب کردیا ہے۔ تفصیلات کے مطابق، سہراب نامی شخص نے اپنے بیٹوں سے پیسے لینے کے لیے اپنے اغوا کا ڈراما رچایا تھا۔
پولیس کے مطابق، سہراب نے اپنے دوستوں کے ساتھ مل کر اپنی اغوا کی ویڈیو بنائی اور اپنے بیٹوں کو بھیجی۔ اس کا مقصد اپنے بیٹوں کو مجبور کرنا تھا کہ وہ اس کا قرض ادا کریں۔ سہراب مقروض تھا اور اس کے بیٹے اس کا قرض ادا کرنے میں اس کی مدد نہیں کر رہے تھے۔
پولیس نے جدید ٹیکنالوجی کی مدد سے سہراب کا پتہ لگایا اور اسے اس کے 4 ساتھیوں سمیت گرفتار کر لیا۔ ڈی ایس پی کے مطابق، سہراب کے بیٹے سعید احمد والد کی تلاش میں ایک حادثے کا شکار ہو کر جاں بحق ہو گئے تھے۔
دوسری طرف یہ واقعہ نہ صرف ایک خاندان کو تباہ کرنے والا ثابت ہوا بلکہ یہ بھی ثابت کرتا ہے کہ پیسے کے لیے لوگ کس حد تک جاسکتے ہیں۔
میرپورماتھیلو،باغی ٹی وی (نامہ نگارمشتاق علی لغاری)صوبائی وزیر زراعت، اینٹی کرپشن اور ضلع گھوٹکی رین ایمرجنسی کے فوکل پرسن سردار محمد بخش مہر نے گھوٹکی کا دورہ کیا اور بارشوں کے بعد پیدا ہونے والی صورتحال کا جائزہ لیا۔
ڈپٹی کمشنر گھوٹکی اور دیگر بلدیاتی افسران نے صوبائی وزیر کو تفصیلی بریفنگ دی۔ اس موقع پر وزیر زراعت نے شہید جان محمد مہر اور نصراللہ گڈانی کے قاتلوں کو عبرتناک سزا دلوانے کا عزم ظاہر کیا اور کہا کہ شہید صحافیوں کے قتل میں ملوث ملزمان کو کسی صورت بخشا نہیں جائے گا۔
انہوں نے ڈنگڑو کینال اور بگو کینال پر دوبارہ کام کروا کے مستقل حل کے لیے منصوبہ جوڑنے کا اعلان کیا۔ ساتھ ہی، سرفیس ڈرین کی بحالی کے لیے شروع کیے گئے کروڑوں روپے کے منصوبے پر کام نہ ہونے پر انکوائری کا حکم دیا۔
وزیر زراعت نے ضلع گھوٹکی کی سرکاری اسپتالوں میں ادویات، عملے کی کمی اور سہولیات نہ ملنے کی شکایات کا نوٹس لیتے ہوئے کہا کہ صحت کی سہولیات کی فراہمی کے لیے وزیر صحت اور محکمہ صحت سے رابطہ کرکے جلد تدارک کیا جائے گا۔
انہوں نے گھوٹکی میں انجنیئرنگ یونیورسٹی اور تعلیمی ادارے قائم کر کے بیروزگار نوجوانوں کو تربیت دے کر صنعتی اداروں میں روزگار فراہم کرنے کا وعدہ کیا۔
بارش سے متاثر ہونے والے افراد کی ہر ممکن مدد کا یقین دلاتے ہوئے وزیر زراعت نے کہا کہ بارشوں کے پانی کی نکاسی میں کوئی کوتاہی قبول نہیں کی جائے گی۔ انہوں نے ڈپٹی کمشنر کو ہدایت کی کہ بارشوں کے دوران عوام کو پریشانی سے بچانے کیلئے ہرممکن اقدامات کیے جائیں اور پانی کی نکاسی کو یقینی بنایا جائے۔
وزیر زراعت نے ضلع گھوٹکی کے عوام کی بجلی کی لوڈشیڈنگ سے پریشانی کا اظہار کرتے ہوئے بلدیاتی افسران کو ہدایت کی کہ ضلع گھوٹکی کے بڑے چھوٹے نالوں، سیم نالوں اور نہروں کی نگرانی کی جائے۔
میرپورماتھیلو،باغی ٹی وی (نامہ نگارمشتاق علی لغاری)خیرپور میں ایس ڈی او محکمہ انہار ٹیل کے کاشتکاروں تک نہری پانی پہنچانے کیلئے سرگرم ہوگئے ہیں، ایس ڈی او نے 50 سے زیادہ غیر قانونی پائپ اور موٹریں تحویل میں لیکر پانی چوروں کیخلاف مقدمات درج کرادئیے
تفصیل کے مطابق خیرپور مٰیں محکمہ انہار کے ایس ڈی او مظہرالدین شیخ کی طرف سے آبادگاروں تک پانی پہنچانے کے لئے گذشتہ روز اپنی ٹیم سمیت سرگرم رہےجیئل مائینر اور اجن مائینر کی مسلسل شکایات کے حوالےسے ایس ڈی او مظہرالدین شیخ نے ایکشن لیتے ہوئے مختلف جگہوں پر پانی چوری کا نوٹس لے لیا
ٹیل کے کاشتکاروں کا کہنا تھا کہ یہاں کے بااثروڈیرے پانی کی چوری کرتے ہیں اور جن کی وجہ سے پانی ہماری زمینوں تک نہیں پہنچ پاتا جس پر فوری ایکشن لیتے ہوئے ایس ڈی او مظہرالدین شیخ نے موقع پر پہنچ کر 50 سے زیادہ غیر قانونی پائپ اور موٹرز اپنی تحویل میں لیکر پانی چوری کرنے والوں کے خلاف مقدمات درج کر ا دئے۔
ایس ڈی او کا کہنا تھا گذشتہ پانچ سالوں سے جیئل مائینر اور اجن مائینر کے ٹیل کے کاشتکاروں تک پانی نہیں پہنچ پاتا تھا ،2دن میں ٹیل تک پانی کے رسائی کو یقینی بنایا ،کچھ لوگ غیر ضروری شکایات کرکے بلیک میل کرتے ہیں ایس ڈی او نے کہا اب کوئی حقیقی آبادگار کی شکایات نہیں۔
ایس ڈی او مظہرالدین شیخ نے کہا میری پوسٹنگ کے بعد دو مہینوں سے سکون کی نیند نہیں سویا مزید کہا مجھے پانی چوروں کے خلاف کارروائی کرنے پر با اثر وڈیروں کی جانب سے دھمکیاں مل رہی ہیں مگر میں کسی کے دباؤ میں نہیں آؤں گا پانی چوروں کی طرف سے فضول کے احتجاج کرکے حراسمینٹ ہراساں کیا جارہاہے
انہوں نے کہا کہ احتجاج کرنے والوں میں کوئی آبادگار شامل نہیں ہوا کیوں کہ دونوں مائینرزکے آخر کے آبادگاروں تک پانی پہنچا کر سکھ کا سانس لوں گا۔