سیالکوٹ ،باغی ٹی وی( بیوروچیف شاہد ریاض سے)تھانہ نیکا پورہ کی حدود میں تشدد زدہ نعش برآمد ہوئی ہے
تفصیل کے مطابق تھانہ نیکا پورہ کی حدود پل ایک کنارے ایک 40 سالہ شخص کی نعش ملی ہے جوکہ شکل وصورت اور کپڑوں سے کسی پٹھان کی نعش کی ہےجوکہ نصف پانی اور جھاڑیوں میں پڑی ہوئی ملی
ذرائع کے مطابق نعش تشدد شدہ تھی اور ناک سے خون بہہ رہا تھا، پولیس نے ضروری کارروائی کے بعد نعش سول ہسپتال سے پوسٹ مارٹم ہاؤس منتقل کروادی .مزید تحقیقات جاری
سیالکوٹ، باغی ٹی وی( بیوروچیف شاہد ریاض سے)گوجرانوالہ میں بجلی بلز کی مد میں قومی خزانہ کو 10کروڑ 50لاکھ نقصان پہنچانے کا معاملے پر سینئر سول جج گوجرانوالہ نے گیپکو کے 20افسروں سے رقم اور کمپیوٹرز کی برآمدگی کیلئے 2روزہ جسمانی ریمانڈ دیدیا ۔
عدالت کے استفسار پر تفتیشی آفیسر نے بتایا کہ ملزم جعلی بلز پر مختلف بینکوں کی جعلی مہریں لگا کر بینک سکرول تیار کر کے گیپکو کمپیوٹر سنٹر بھجواتے ۔ جعلی بینک سکرول پر درج مختلف صارفین کے ریفرنس نمبرز کے برعکس رقوم کو کریڈٹ ظاہر کیا گیا تاہم رقم گیپکو کو کریڈٹ نہ ہوتی تھیں جبکہ ملزموں نے ریکارڈ چھپانے کے لئے دفتر کے کمپیوٹرز بھی غائب کر دئیے ہیں ۔
گیپکو نے ایف آئی اے دفاتر کی بجلی کاٹ دی،ایف آئی اے کے چار بجلی کنکشنز چل رہے تھے جن میں سے تین 88 لاکھ روپے سے زائد کے نادہندہ نکلے ، ایف آئی اے کا عملہ بغیر بجلی کے ہی کام کرنے لگا،گیپکو افسروں کا کہنا ہے کہ واجبات کی ادائیگی پر بجلی بحال کردی جائے گی۔
دوسری طرف گیپکو افسروں کی گرفتاری کے خلاف گیپکو ہیڈ کوارٹر میں افسر وملازمین نے احتجاجی مظاہرہ کیا اور تمام افسر ولائن سٹاف نے احتجاجاً اپنی اپنی موبائل سمیں سی ای او گیپکو کو جمع کروادیں، گیپکو افسران نے کام چھوڑ ہڑتال کا اعلان کردیا۔
مظاہرہ سے خطاب کرتے گیپکو انجینئررز اینڈ آفیسرزایسوسی ایشن کے سیکرٹری جنرل امتیاز،چیئرمین میاں عبدالقیوم ،واپڈاہائیڈروالیکٹرک لیبریونین کے ریجنل چیئرمین ولی الرحمان خان اور دیگر نے کہا کہ ایف آئی اے نے بلا جواز افسر وملازمین کو گرفتار کیا ،20 افسر وملازمین کی گرفتاری ناجائز،کرپشن میں صرف دو کمرشل اسسٹنٹ ملازم شامل تھے جنہیں معطل کرکے ساڑھے چھ کروڑ کی ریکوری کی گئی۔افسر وملازمین کی رہائی تک کام بند رکھیں گے
پیپلز پارٹی کے رہنما خورشید شاہ نے کہا ہے کہ تین ماہ میں سول اسپتال کے تمام مسائل کا خاتمہ ہوگا،صورتحال تبدیل ہوجائے گی،
سید خورشید شاہ نے میڈیا سے بات چیت کرتے ہوئے کہا کہ حکومت کو ٹف ٹائم ملے گا تو حکومت کی کارکردگی بہتر ہوگی،اگر ہم زراعت پر توجہ دیں تو معیشت کی صورتحال بہتر ہوسکتی ہے،افسران کی تعیناتی کے معاملے پر وفاق اور پنجاب حکومت میں کسی تنازعے کو چچا بھتیجی کا تنازعہ نہیں سمجھتا ،انتخابات میں نگراں حکومت کی جانب سے توجہ نا دینے کے باعث امن و امان کی صورتحال خراب ہوئی ہے،جب تک سندھ پولیس کو جدید اسلحہ نہیں ملے گا امن و امان کی صورتحال ٹھیک نہیں ہوسکے گی،
سوشل میڈیا پر دوستی،پھر عریاں تصاویر،پھر زیادتی،کم عمر لڑکیاںبنتی ہیں زیادہ شکار
حاجرہ خان کی کتاب کا صفحہ سوشل میڈیا پر وائرل،انتہائی شرمناک الزام
سوشل میڈیا پر رابطہ،دبئی ویزے کے چکر میں خاتون عزت لٹوا بیٹھی
زبردستی دوستی کرنے والے ملزم کو خاتون نے شوہر کی مدد سے پکڑوا دیا
دوران دوستی باہمی رضامندی سے جنسی عمل کو شادی کے بعد "زیادتی” قرار دے کر مقدمہ درج
خاتون کو برہنہ کر کے تشدد ،بنائی گئی ویڈیو،آٹھ ملزمان گرفتار
میرپور ماتھیلو،باغی ٹی وی( نامہ نگار مشتاق علی لغاری) گھوٹکی میں ڈاکٹر سمیر نور چنہ نے فوتی کوٹہ کے تحت بھرتی ہونے والے جوانوں کو اپنے دفتر میں آفر لیٹر دیا
تفصیلات کے مطابق ایس ایس پی گھوٹکی ڈاکٹر سمیر نور چنہ نے اپنے دفتر میں ایک سادہ تقریب میں فوتی کوٹہ کے تحت سندھ پولیس میں بطور پولیس کانسٹیبل کے طور پر بھرتی ہونے والے 29 جوانوں کو آفر لیٹر دیا۔
جن میں اللّٰہ ڈتو میر بحر،ناصر حسین شاھ،سدھیر احمد چھجن،ساجد علی چنہ،عبدالرشید وسیر،راشد علی چاچڑ،ایاز احمد بھیو و دیگر شامل ہیں
ترجمان گھوٹکی پولیس کے مطابق اس موقع پر ایس ایس پی گھوٹکی نے نو منتخب پولیس کے جوانوں کو نصیحت کرتے ہوئے کہا کہ آپ لوگ خوش نصیب ہو جو اللہ پاک نے ایک باوقار محکمہ میں روزگار عطا کیا ہے،
اس ڈپارٹمنٹ میں ڈیوٹی کرنا عظیم عبادتوں میں شامل ہے،اپنی ڈیوٹی ایمانداری اور دیانتداری سے کرنی ہے اور محکمہ کے لئے باعث عزت و فخر بننا ہے۔
میرپور ماتھیلو ،باغی ٹی وی( نامہ نگار مشتاق علی لغاری) عادلپور پولیس کی کارروائی 2 اشتہاری ملزم گرفتار
تفصیل کے مطابق ایس ایس پی گھوٹکی ڈاکٹر سمیر نور چنہ کی ہدایات پر پولیس کا روپوش اشتہاری و دیگر جرائم پیشہ افراد کے خلاف کارروائیاں تیز
کردیں، ایس ایچ او تھانہ عادلپور علی اکبر ملک نے بمہ اسٹاف دورانِ گشت خفیہ اطلاع پرکارروائی کرتے ہوئے 2 اشتہاری ملزمان کوگرفتار کرلیا
گرفتارملزمان نزد کھڈ والی پل سے کرائم نمبر 191/2023 دفعہ 379 ت پ تھانہ عادلپور کے کیس میں روپوش تھے ،روپوش اشتہاری ملزمان صدورو چاچڑ اور واحد بخش چاچڑ کو گرفتار کرکے حوالات میں بندکردیا.
میرپور ماتھیلو ،باغی ٹی وی (نامہ نگار مشتاق علی لغاری) گھوٹکی پولیس کا جرائم پیشہ افراد کے خلاف کریک ڈاؤن،متعدد گرفتار
گھوٹکی پولیس کی جاری کردہ پریس ریلیز کے مطابق ایس ایس پی گھوٹکی ڈاکٹر سمیر نور چنہ کی ہدایت پہ گھوٹکی پولیس کا جرائم پیشہ افراد کے خلاف کریک ڈاؤن۔
تھانہ اباڑو پولیس نے دورانِ گشت خفیہ اطلاع پر کارروائی کرتے ہوئے،نصیر دوندھو لنک روڈ نزد صوفی محمد علی پل سے ایک ملزم غلام حسین ولد چھٹو ملک سکنہ گوٹھ بانہو ملک تعلقہ ڈھرکی کو بغیر لائسنس ایک پسٹل اور دو عدد گولیوں سمیت گرفتار کر لیا۔
پولیس گرفتار ملزم کو برآمد اسلحہ سمیت تھانہ میں لے آئی اور اس کے خلاف بغیر لائسنس پسٹل رکھنے کے جرم میں کرائم نمبر 73/2024 دفعہ 24 سندھ آرمز ایکٹ کے تحت مقدمہ درج کر دیا گیا.
اسکے علاوہ تھانہ اباڑو پولیس نے دورانِ گشت خفیہ اطلاع پر کارروائی کرتے ہوئے، نیشنل ہائی وے روڈ نزد راٹھہ آباد سے ایک ملزم محسن علی ولد خالق ڈنو میرانی سکنہ گوٹھ چھٹی میرانی تعلقہ و ضلع گھوٹکی کو 100 عدد گٹکا پان پراگ کی پڑیوں اور نقد رقم سمیت گرفتار کر لیا۔
پولیس گرفتار ملزم کو برآمد پان پراگ سمیت تھانہ میں لے آئی اور اس کے خلاف کرائم نمبر 72/2024 دفعہ 4/8 گٹکا مین پڑی ایکٹ کے تحت مقدمہ درج کرکے پابند سلاسل کردیا.
تھانہ اے سیکشن پولیس نے خفیہ اطلاع پہ کاروائی کرتے ہوئے،نزد چاکی ہوٹل گھوٹکی سے تاش کے پتوں پہ جواء کھیلتے ہوئے ملزمان/جواریوں پہ چھاپہ مارکر 06 جواریوں معشوق عاربانی،منظور عاربانی،منصور عاربانی اور راجہ مقصود کولاچی والوں کو 52 پتے تاش اور 5000 نقد رقم سمیت گرفتار کرلیا۔
جبکہ دو نامعلوم جواری/ملزمان فرار ہو گئے۔
پولیس گرفتار ملزمان/جواریوں کو تھانہ پر لے آئی،گرفتار ملزمان اور فرار ملزمان کے خلاف کرائم نمبر 122/2024 دفعہ 5 سندھ جواء ایکٹ کے تحت مقدمہ درج کر دیا گیا۔
اسکے علاوہ تھانہ خانپور مہر پولیس نے دورانِ گشت خفیہ اطلاع پہ کارروائی کرتے ہوئے،تاش کے پتوں پرجواء کھیلتے ہوئے ملزمان پر چھاپہ مارکر 05 جواریوں سائینداد ملک،لعل محمد ملک،محمد جیئل ملک،عرض محمد ملک اور شوکت علی شیخ کو ایک عدد تاش،تین موبائل فونز اور نقدی سمیت تحویل میں لے لیا.
میرپورماتھیلو،باغی ٹی وی (نامہ نگارمشتاق علی لغاری)بے نظیر انکم سپورٹ پروگرام رقوم کٹوتی،حبیب بنک ماسٹرمائنڈ نکلا
تفصیل کے مطابق بے نظیر انکم سپورٹ پروگرام کٹوتی کی اصل وجہ سامنے آگئی ہے کچھ ریٹیلر نے نام ظاہر نہ کرنے کی شرط پر بتایا ہے کہ ہمیشہ ہی ریٹیلرز پر الزام لگایا جاتا ہے کہ یہ کٹوتی کرتے ہیں جب اس کٹوٹی اور کرپشن کی وجہ ریٹیلرز نہیں بلکہ حبیب بینک خود ہے کیونکہ کے بینک ہر ریٹیلرز سے ہر مہینے تقریباً 30000 ہزار روپے بنڈل کی صورت میں وصول کرتا ہے جب کہ جو ریٹیلرز کو بینک کمیشن دیتا ہے وہ تقریباً 14 روپے ہے
ے نظیر انکم سپورٹ پروگرام کی قسط ہر 3 مہینے بعد جاری کی جاتی ہے جبکہ HBL بینک ہر مہینے ریٹیلرز سے 30000 ہزار بنڈل کی صورت میں وصول کرتا ہے،ڈیوائس جب دی جاتی ہے توبنک کے کرتادھرتا ڈھائی سے تین لاکھ روپے ایڈوانس میں لیتے ہیں اور ایچ بی ایل بینک کے ارباب اختیارریٹیلرز کا کمیشن بھی ہڑپ کرجاتے ہیں
ذرائع کابتانا ہےبنک عملے کو ریٹیلرکوعلیحدہ سے خرچہ پانی بھی دینا ہوتا ہےجو خرچہ یاکمیشن نہ دے اس پر ناجائزکٹوٹی کالزام لگاکراس کی ڈیوائس بلاک کردی جاتی ہے ،اس بناپر ریٹیلر زبنک کے ارباب اختیارکے ہاتھوں بلیک میل ہوکر مجبوراََ کرپشن کرنےکیلئے کٹوتی کرتا ہے
ذرائع کاکہناہے کہ حبیب بنک نےریٹیلرزسے سیکورٹی کی مد تقریباً جودو لاکھ روپے لئے ہوئے ہیں ،وہ رقم بھی رٹیلر کوواپس کرنے کی بجائے بینک کاکرپٹ عملہ ہضم کر جاتاہے،
عوامی وسماجی حلقوں نے وزیراعظم شہبازشریف سے بینظیرانکم سپورٹس پروگرام میں مبینہ ہونے والی کرپشن اورحبیب بنک کے ملوث افسران کے خلاف تحقیقات کامطالبہ کیا ہے
میرپورماتھیلو،باغی ٹی وی(مشتاق علی لغاری کی رپورٹ)بس کی موٹرسائیکل کوٹکر2جاں بحق، دکان کی چھت گرنے متعدد زخمی
تفصیل کے مطابق چنا پمپ سٹاپ کے قریب ٹریفک حادثہ ہواہے جس میں مسافر بس نے موٹر سائیکل پر سوار 2 افراد کو ٹکر مار دی، وہ موقع پر ہی جاں بحق ہو گئے۔
موٹر سائیکل سوار اعجاز لغاری اور آسیہ لغاری اپنے گاؤں گلن لغاری سے پنوعاقل جا رہے تھے کہ سڑک عبور کرتے ہوئے حادثہ پیش آیا۔
پولیس نےشہریوں ن کی مددسے لاشیں تعلقہ اسپتال گھوٹکی پہنچائیں، اسپتال انتظامیہ نے ضروری کارروائی کے بعد لاش لواحقین کے حوالے کردی۔
دوسرے واقعہ میں سیٹھ منچھورام پیڑو والوں کی دکان کی چھت گر گئی، جس کے نتیجہ میں محمد اقبال سیال،میر حسن لغاری گاؤں گلن لغاری،حاجی ایاز احمد سولنگی قادر پور،عبدالجبار شیخ انورآباد،عبدالرحمان سومرو، صادق لکھن،علی نواز ولد گلزار احمد کوری انور آبادسمیت 6 افراد شدید زخمی، زخمیوں کو تعلقہ ہسپتال گھوٹکی کے ایمرجنسی وارڈ میں داخل کرا دیا گیا ہے۔
میرپور ماتھیلو ،باغی ٹی وی( نامہ نگار مشتاق علی لغاری) باغی ٹی وی کی خبرپرایکشن ، انچارج بینظیر انکم سپورٹ پروگرام جروارپہنچ گئے،انچارج بینظیر انکم سپورٹ پروگرام دلیپ کمار فوری طورپرجروارپہنچ گئے،رٹیلرزسےخواتین کے چھینے گئے شناختی کارڈاور پوری رقم دلوائی
تفصیل کے مطابق گذشتہ روزباغی وی پر شائع ہونے خبر جس میں بتایا گیا تھا کہ بینظیر انکم سپورٹ پروگرام فرنچائز اور کیش پوائنٹ ریٹیلرز ایجنٹ بے لگام ہو گئے، حکومت کی جانب سے مستحق خواتین کو ملنے والی سہ ماہی امدادی رقم قسط خواتین کی فرنچائز، کیش پوائنٹ ایجنٹ اور ریٹیلرز بغیر ڈر و خوف اپنی من مانیاں عروج پر پہنچ گئی ہیں ضلع گھوٹکی کے قریبی شہر جروار شہر میں بینظیر انکم سپورٹ پروگرام کا فرنچائز اور ریٹیلر امیردین گبول اور احساق نائچ دونوں مل کر غریب خواتین کی آئی ہوئی رقم 1500 سے لے 2000 تک کٹوتی کررہے ہیں
یہ خبر بھی پڑھیں
میرپورماتھیلو:بینظیر انکم سپورٹ پروگرام کےفرنچائز ر، ریٹیلرزاورایجنٹ مافیاء بے لگام
اس خبر گھوٹکی میں انچارج بینظیر انکم سپورٹ پروگرام دلیپ کمارنے فوری نوٹس لیتے ہوئے پولیس فورس کے ساتھ جروار پہنچ گئے جن خواتین کورقم نہیں مل رہی تھی ان خواتین کو اپنی موجودگی میں پوری رقم دلائی اور گذشتہ روز خواتین سے چھینے گئے ان شناختی کارڈز بھی واپس کروا ئے
انچارج بینظیر انکم سپورٹ پروگرام دلیپ کمار نے آنے والی تکلیف اور پریشانی پر معذرت کی اور خواتین کویقین دلایا کہ اب کسی بھی مستحق کی رقم میں سے کوئی کٹوٹی نہیں ہوگی ،اگرایجنٹ یارٹیلرکٹوٹی کرے تو میرے دفترآکر اپنی شکایت درج کرواۓ،جس پر فوری ایکشن لیاجائے گا
میرپورماتھیلو،باغی ٹی وی (نامہ نگارمشتاق علی لغاری)بینظیر انکم سپورٹ پروگرام کےفرنچائز ر، ریٹیلرزاورایجنٹ مافیاء بے لگام
بینظیر انکم سپورٹ پروگرام فرنچائز اور کیش پوائنٹ ریٹیلرز ایجنٹ بے لگام ہو گئے، حکومت کی جانب سے مستحق خواتین کو ملنے والی سہ ماہی امدادی رقم قسط خواتین کی فرنچائز، کیش پوائنٹ ایجنٹ اور ریٹیلرز بغیر ڈر و خوف اپنی من مانیاں عروج پر پہنچ گئی ہیں ضلع گھوٹکی کے قریبی شہر جروار شہر میں بینظیر انکم سپورٹ پروگرام کا فرنچائز اور ریٹیلر امیردین گبول اور احساق نائچ دونوں مل کر غریب خواتین کی آئی ہوئی رقم 1500 سے لے 2000 تک کٹوتی کررہے ہیں
اس دوران مقامی صحافی مشتاق علی لغاری اپنی فیملی کے ساتھ حکومت کی طرف سے ہوئی رقم نکلوانے گیا تو اس سے بھی 2000 روپے کاٹ لئے تواس نے ان سے پوچھا کہ ہماری رقم سے اتناکٹوتی کیوں کر رہے ہوتو ایجنٹ امیردین گبول نے کہاکہ تم کون ہو ہم سے پوچھنے والے اورحساب کتاب رکھنے والے اوراس سےدو شناختی کارڈ اور رقن بھی چھین لی اورغنڈہ گردی کرتے ہوئے مرنے مارنے پرتیارہوگیا،
بینظیر انکم سپورٹ پروگرام کی امدادی رقم دینے والے فرنچائز، کیش پوائنٹ ریٹیلرز ایجنٹ کا ضلعی انتظامیہ اور بی آئی ایس پی ذمہ داران کی جانب سے کوئی چیک اینڈ بیلنس نہ ہونے کی وجہ سے کھلی چھوٹ دینے پرغنڈہ عناصر نے خواتین سمیت ان کے ساتھ آنے والے مردوں کو بھی بے عزت کرنامعمول بنالیا ہے
اورمستحق خواتین کی حکومت کی طرف سے ملنے والی رقم سے غیر قانونی کٹوتی کا کھلے عام جاری ہےاور خواتین سے روزانہ لاکھوں روپے کی لوٹ مار کا سلسلہ جاری ہے،متاثرین نےاعلیٰ حکام سے نوٹس لیکر ان غنڈہ عناصر کیخلاف قانونی کارروائی کرنےکا مطالبہ کیا ہے.