Category: سکھر

میرپور ماتھیلو،باغی ٹی وی (نامہ نگار مشتاق علی لغاری)میرپور ماتھیلو میں مغویوں کی بازیابی کے لیے شہریوں کے ساتھ سیاسی سماجی شخصیات اور ورثاء کا ایس ایس پی گھوٹکی آفس کے سامنے احتجاجی دھرنا

ایک ماہ قبل ہندو نوجوان ریتک کمار اور عجب گل لغاری کو ڈاکوؤں نے اغوا کرلیا تھا جن کو ابھی تک گھوٹکی پولیس بازیاب نہیں کرا سکی ،ورثاء کا کہنا ہے کہ ڈاکوؤں نے مغویوں کی بازیابی کے لیے بھاری تاوان کی رقم طلب کی ہے جو ہمارے دینے سے باہر ہے

دھرنے کے شرکاءنے ہاتھوں میں پلے کارڈ اٹھارکھے اورگھوٹکی پولیس کے خلاف شدید نعرے بازی کی گئی ،

احتجاجی دھرنے میں شریک شہریوں کے ساتھ سیاسی و سماجی شخصیات کے ساتھ ورثاء اور وکلا برادری شامل تھی، دھرنے کی قیادت صحافی نصراللہ گڈانی، وکیل عبدالمجید جلبانی، وکیل امر دایو، اکبر لغاری راجیش کمار، جاوید لانگاہ، الھڈنو سمیجو، سکندر علی، فیاض کورائی، فراز شاہانی اور دیگر شامل ، دھرنے کے شرکاء کا کہنا ہے کہ مغویوں کی بازیابی کے لیے آخری سانس تک دھرنا دیں گے

تمام مغویوں کو بازیاب کروا کے ضلع گھوٹکی میں امن و امان کی فضاء قائم کی جائے

میرپورماتھیلو،باغی ٹی وی (نامہ نگار مشتاق علی لغاری)سندھ حکومت کی جانب سے آفت زدہ بارش متاثرین کیلئے قسط جاری کردی،بینک عملہ خواتین کے ساتھ بدتمیزی سے پیش آرہا ہے،ہمیں یہاں تذلیل کا نشانہ بنایا جاتا ہے جان بوجھ کر گھنٹوں کھڑا کردیا جاتا ہے، متاثرین

تفصیل کے مطابق میرپور ماتھیلو: سندھ حکومت کی جانب سے افتزدہ بارشوں کے متاثرین کی قسط جاری کردی گئی

سندھ حکومت کی جانب سے متاثرین کے لیے قسط سندھ بینک کے اشتراک سے دی جا رہی ہے ،متاثرین میں مرد و خواتین بڑی تعداد میں بینک کے اطراف پر جمع ہے، متاثرین کا کہنا ہے کہ بینک عملہ خواتین کے ساتھ بدتمیزی سے پیش آ رہا ہے

متاثرین نے الزم لگایا ہے کہ کسی کو بینک کے اندر بغیر مبینہ رشوت دئے نہیں چھوڑ رہے من پسند افراد کو چھوڑا جا رہا ہے، گھر نہیں سب بارشوں میں تباہ ہوگیا اب یہاں پر بینک والے لوٹ رہے ہیں، حصہ مانگ رہے ہیں، ہمیں یہاں تذلیل کا نشانہ بنایا جاتا ہے جان بوجھ کر گھنٹوں کھڑا کردیا جاتا ہے، بینک کے باہر ایجنٹ مافیا کا بازار سر گرم،

متاثرین ڈپٹی کمشنر گھوٹکی اور حکومت سندھ سے مطالبہ کیا ہے کہ بینک عملے کے خلاف کارروائی کی جائے

میرپورماتھیلو،باغی ٹی وی (نامہ نگارمشتاق علی لغاری)ڈھرکی کاقدیمی قبرستان محمد پناہ میں سیوریج کاپانی چھوڑدیاگیا،قبرستان کاتقدس پامال
چاردیواری نہ ہونے سے جانوروں نے کے ساتھ ساتھ نشیوؤں کے ڈیرے ڈال،شہرخموشاں کے باسیوں کی روحیں زندہ اہل اقتدارکی طرف دیکھنے لگیں

ڈھرکی کا قدیمی قبرستان محمد پناہ منتخب نمائندگان اور مونسپل کمیٹی کے نااہل عملے کی عدم توجہ کی وجہ سے تباہی کے کنارے پر پہنچ گیا ،قبرستان کے اندر گندے نالوں اور گٹروں کا پانی چھوڑدیا گیا، چاردیواری نہ ہونے کی وجہ سے آوارہ جانوروں ن کے ساتھ نشیوؤں نے ڈیرے ڈال لئے ہیں

قدیمی قبرستان کے ساتھ چلنے والا گندہ نالا اور گٹروں کا پانی قبرستان میں داخل ہونے سےکئی قبریں زمین بوس ہوگئی ہیں،قبرستان میں صفائی ستھرائی اور لائٹنگ کا بھی انتظام درہم برہم ہے

قبرستان میں گندے نالوں اور گٹروں کا پانی داخل ہونے پر قبرستان میں قبریں زمین بوس ہونے پر لواحقین میں سخت غم وعصہ کی لہر پائی جارہی ہے

قبرستان کی اس حالت پر دفن اپنے پیاروں کی قبریں محفوظ کرنے کے لئے لواحقین نے منتخب نمائندگان سے اپیل کی ہے کہ قدیمی قبرستان کو مزید تباہی سے بچایا جائے

میرپور ماتھیلو، باغی ٹی وی (نامہ نگار مشتاق علی لغاری)گھوٹکی میں شوہر کے ہاتھوں بیوی قتل

پولیس کا بتانا ہے کہ ملزم نے اپنی بیوی کے گلے میں پھندا ڈال کر قتل کر دیا ، وحشی ملزم محمد علی سومرو نے نا چاکی کی وجہ سے اپنی بیوی صاحبہ سومرو کی گلے میں پھندا ڈال کر قتل کر دیا ہے،

مقتولہ کی نعش کو ضروری کارروائی کیلئے تعلقہ ہسپتال گھوٹکی منتقل کر دیا گیا ہے،

پولیس کے مطابق ملزم وقوعہ کے بعد گھر سے فرار ہو گیا ہے ،ملزم کی گرفتاری کیلئے مختلف مقامات پر چھاپےمارے جا رہے ہیں،

میرپور ماتھیلو،باغی ٹی وی (نامہ نگار مشتاق علی لغاری)گھوٹکی میں پولیس اور ڈاکوؤں میں مقابلہ ہوا ہے فائرنگ کے تبادلے میں تین ڈاکو مارے گئے۔ہلاک ڈاکوؤں سے اسلحہ برآمد ہوا۔

پولیس کے مطابق ڈاکو موٹروے ایم فائیو پر واردات کے لئے کھڑے تھے کہ مقابلہ ہوا۔ ڈاکؤوں کی لاشیں تحصیل اسپتال اوباڑو منتقل کردی گئیں۔

یہ پولیس مقابلہ ایک ایسے موقع پر سامنے آیا ہے جب ملتان سکھر موٹروے ایم فائیو پر ڈکیتی کی وارداتوں میں اضافہ ہو چکا ہے۔

کئی وارداتوں میں ڈاکو مسافر گاڑیوں اور نجی کاروں پر فائرنگ کر چکے ہیں جس کے نتیجے میں فروری میں بلوچستان کے معروف قبائلی سردار جلال کلپر بگٹی کا بیٹا عبد الرحمان بگٹی جاں بحق اور متعدد زخمی ہوئے۔

میرپور ماتھیلو، باغی ٹی وی (نامہ نگار مشتاق علی لغاری) کچے میں ٹارگیٹڈ آپریشن میں پولیس کو دوسرے روز کامیابی مل گئی مغوی پولیس مقابلے میں بازیاب،ایک ماہ قبل اغواء ہونے والے مغوی کو گھوٹکی پولیس کا مقابلے میں بازیاب کرانے کا دعویٰ

پولیس کاکہنا ہے کہ ایک ماہ قبل سرحد تھانہ کی حدود سے ڈاکو نظر شاہ کو اغواء کر کے لے گئے تھے ،پولیس کی جانب سے مغویوں کی بازیابی کے لئے کچہ میں جاگیرانی گینگ کے خلاف ٹارگٹڈ آپریشن جاری ہے

ڈاکووں کے ٹھکانوں کو مسمار کر دیا گیا ہے،جاگیرانی گینگ کے ڈاکو مغوی کو دوسری جگہ شفٹ کر رہے تھے پولیس کو دیکھ کر ڈاکوؤں نے پولیس پر فائرنگ کر دی

پولیس کی جوابی فائرنگ سے ڈاکوؤں نے گھیرا تنگ ہوتا ہوا دیکھ کر مغوی کو چھوڑ کر فرار ہو گئے

ایس ایس پی گھوٹکی کا کہنا ہے کہ مغویوں کی بازیابی تک گھوٹکی کے کچے میں ڈاکوؤں کے خلاف ٹارگیٹڈ آپریشن جاری رہے گا

میرپور ماتھیلو، باغی ٹی وی (نامہ نگار مشتاق علی لغاری)گھوٹکی پولیس کا مغویوں کی بازیابی کے لیے کچہ میں ڈاکوؤں کے خلاف ٹارگیٹڈ آپریشن جاری

ایس ایس پی گھوٹکی کے مطابق کچو بنڈی میں ڈاکوؤں کے ٹھکانوں پر ٹارگیٹڈ حملہ، ڈاکوؤں کے خلاف گھیرا تنگ،آپریشن میں پولیس کی بہاری نفری کے ساتھ بکتر بند گاڑیوں اور جدید اسلحہ سے ڈاکوؤں کے ٹھکانوں پر حملہ کیاگیا ہے

کچو بنڈی میں جاگیرانی گینگ کے ٹھکانوں کو تباہ و مسمار کرکے نذر آتش کردیا گیا، ڈاکوؤں فرار، جلد مغویوں کو بھی بازیاب کرایا جائے گا،