Category: سکھر

میرپور ماتھیلو،باغی ٹی وی (نامہ نگار مشتاق علی لغاری)خانپورمہر میں دیہاتی سے ڈاکوؤں کی لوٹ مار, مزاحمت پر زخمی، بدامنی کے خلاف احتجاج

خانپورمہر کے قریب گاؤں سعید آباد اور سومر موری روڈ ک پر مسلح افراد کی جانب سے دیہاتی حاجی ملک سے موٹر سائیکل اور دو لاکھ روپے نقدی لوٹ کر فرار ہوگئے،مسلح افراد نے مزاحمت کرنے پر محنت کش کو گولی مار کر زخمی کر دیا۔

زخمی دیہاتی کو اس کے ورثاء نے خانپورمہر کے سرکاری ہسپتال میں علاج کیلئے داخل کردیا ہے .

گاؤں والوں نے بدامنی اور واقعہ کے خلاف خانپور مہر تحصیل ہسپتال کے باہر احتجاجی مظاہرہ کیا،مظاہرین کی قیادت بشیر احمد کر رہے تھےان کے علاوہ صدر، سجاد، موج علی، صحبت، علن مہر اور دیگر شامل تھے۔ پولیس کے خلاف زبردست نعرے بازی کی گئی،

دیہاتیوں کا کہنا تھا کہ بدامنی عروج پر ہے، چوری ڈکیتی کی وارداتیں معمول بن چکی ہیں۔

متاثرہ دیہاتی نے آئی جی سندھ سے بدامنی پر قابو پا کر ملزمان کے خلاف کارروائی کامطالبہ کیا ہے

میرپور ماتھیلو،باغی ٹی وی (نامہ نگار مشتاق علی لغاری)ڈہرکی میں دو گروپوں میں تصادم ، متعدد افراد زخمی ہوگئے،ڈہرکی پولیس کی موجودگی میں سومروں برادری کے دو گروپوں میں جھگڑا ہواہے جس میں لاٹھیوں، ڈنڈوں اور مکوں کا آزادنہ استعمال کیا گیا اور پولیس دیکھتی رہی،

سومرو برادری کے دو گروپوں میں رشتے کے تنازع پر جھگڑا ہوا ،اس جھگڑے میں پانچ افراد زخمی ہوگئے ، زخمیوں میں عباس سومرو، صبور سومرو , آصف سومرو، سردار سومرو ، نوید سومرو شامل ہیں

https://x.com/DrMustafa983/status/1757688818663051762?s=20

زخمیوں کو سول ہسپتال منتقل کردیا گیا ہے اورپولیس کی بھاری نفری سول ہسپتال پر طلب کرلی گئی ہے

دونوں گروپوں کی کمپلینٹ پر ڈہرکی پولیس تھانہ میں مقدمہ درج کرلیا گیا ہے.

میرپور ماتھیلو.باغی ٹی وی (نامہ نگار مشتاق علی لغاری)سی پیک موٹروے پر ڈاکوؤں کا حملہ،ایک جاں بحق،متعدد زخمی
گھوٹکی میں سی پیک موٹر وے M 5 /470 اندل سندرانی کے مقام پر ڈاکووں کا حملہ، گاڑیوں پر فائرنگ کی گئی،جس کے نتیجہ میں سی پیک اندل سندرانی کے مقام پر ڈاکوں کے حملے میں ایک نوجوان جاں بحق اور کئی زخمی ہو گئے ہیں،

گھوٹکی پولیس کے مطابق ڈاکوؤں کے حملے میں بلوچستان کے مشہور قبائلی شخصیت جلال کلپر بگٹی کے بیٹے عبد الرحمن کلپر بگٹی جاں بحق ہوگئے، جبکہ تحصیل روجھان ضلع راجن پور کے رہائشی ربنواز مزاری اور لیاقت علی مزاری زخمیوں میں شامل ہیں،

شہریوں کا کہنا ہے کہ گھوٹکی میں کچے کے ڈاکوؤں ایک مرتبہ پھر سے بے لگام ہوگئے ہیں ،شہریوں نے آئی جی سندھ سے ڈاکوؤں کی سرکوبی کیلئے مؤثراقدامات کرنے کامطالبہ کیا ہے.

میرپور ماتھیلو، باغی ٹی وی (نامہ نگار مشتاق علی لغاری)شالیمار ایکسپریس کی زد میں آکر ایک بچہ جاں بحق
ڈہرکی، سانکو پھاٹک کے قریب شالیمار ایکسپریس کراچی سے پنجاب کی طرف جانے والی ٹرین کی زد میں آ کر ایک بچہ جاں بحق ہوگیا ہے،بچے کی شناخت سات سالہ شیراز مغل ولد شاہ میر مغل کے نام سے ہوئی ہے

شہریوں کی اطلاع پر ریلوے پولیس نے موقع پر پہنچ کر بچے کی نعش کو تحویل میں لے لیا

ریلوے پولیس کا کہنا ہے کہ جاں بحق بچے کی نعش کو سول ہسپتال منتقل کیا گیا جہاں ضروری قانونی کارروائی کے بعد نعش ورثاء کے حوالے کردی جائے گی.

میرپورماتھیلو،باغی ٹی وی (نامہ نگارمشتاق علی لغاری)گھوٹکی پولیس کا الیکشن 2024 کے حوالے سے انتظامات،گھوٹکی پولیس کا ضلعی انتظامیہ، پاک فوج اور رینجرز کے ہمراہ ضلع گھوٹکی کے مختلف علاقوں میں فلیگ مارچ

ایس ایس پی گھوٹکی محمد انور کھیتران کی سربراہی میں ڈی سی گھوٹکی آغا شیر زمان ،پاک فوج کے لیفٹیننٹ حماد ،رینجرز کے ڈی ایس آر طارق و غلام حسین اور پولیس کی بھاری نفری کے ہمراہ عام انتخابات 2024 کے دوران امن وامان کو برقرار رکھنے کے لئے،ضلع گھوٹکی کے مختلف علاقوں میں فلیگ مارچ کیا گیا

ایس ایس پی کی سربراہی میں عام انتخابات 2024 کے موقع پر سیکیورٹی کے حوالے سے اے ایس پی گھوٹکی حامد امتیاز ،ڈی ایس پی کچو بنڈی عباس علی بگٹی ،ڈی ایس پی میر پور ماتھیلو نزیر احمد سومرو ،ڈی ایس پی اباڑو قلندر بخش سومرو ،انچارج ڈی آئی بی عبدالوحید بھٹو اور ضلع گھوٹکی کے تمام ایس ایچ اوز ،پاک فوج کی 10 موبائلز، سںدھ رینجرز کی 10 موبائلز،پولیس کی 30 موبائلز سمیت دیگر پولیس افسران و اہلکاروں نے فلیگ مارچ میں حصہ لیا
فلیگ مارچ میں موٹر سائیکل کے دستوں نے بھی شرکت کی

فلیگ مارچ پولیس ایس ایس پی آفس سے شروع ہوا جو کہ میر پور ماتھیلوشہر، گھوٹکی شہر، ڈہرکی شہر،اباڑو شہر و دیگر مختلف مقامات سے ہوتا ہوا واپس ایس ایس پی آفس اختتام پذیر ہوا

اس موقع پر ایس ایس پی گھوٹکی نے بتایا کہ فلیگ مارچ کا مقصد عام انتخابات کے دوران سیکیورٹی کو مزید بہتر کرنا ہے اور انتخابات کے دوران امن و امان کی صورت حال کو مزید بہتر بنانا ہے

فلیگ مارچ کا مقصد امن وامان کی صورتحال کو برقرار رکھنا، سیکیورٹی انتظامات کو چیک کرنا اور عوام میں تحفظ کا احساس دلانا اور شر پسند عناصر کو یہ پیغام دینا ہے کہ گھوٹکی پولیس اور تمام قانون نافذ کرنے والے ادارے شر پسند عناصر پر نظر رکھے ہوئے ہیں اور ہر طرح کے چیلنج سے نمٹنے کی بھر پور صلاحیت رکھتے ہیں

پولیس کی جانب سےانتہائی حساس اور حساس پولنگ اسٹیشنز کے اطراف بھی فلیگ مارچ کیا گیا۔ فلیگ مارچ کے دوران شہریوں نے ہاتھ ہلا کر پولیس کو سلام پیش کرتے ہوئے پولیس کے اس عمل کو سراہا، عوام کی جان ومال کی حفاظت ہماری اولین ترجیحات میں شامل ہے۔

میرپور ماتھیلو،باغی ٹی وی (نامہ نگار مشتاق علی لغاری)ہندو برادری کی جانب سے اپنے مغوی کی بازیابی کے لیے شٹر ڈاؤن ہڑتال اور دھرنا
تفصیل کے مطابق ضلع گھوٹکی اغوا کی انڈسٹری بنا ہوا ہے ایک طرف عام انتخابات کی گہما گہمی جاری ہےتو دوسری جانب گزشتہ ایک ہفتے کے دوران ڈہرکی میرپور ماتھیلو اور دیگر شہروں سے عام شہریوں اور کاروباری شخصیات کے ساتھ گورنمنٹ ملازم کو اغوا کرلیا گیا

جس پر میرپور ماتھیلو میں ہندو برادری کی جانب سے اپنے مغوی کے لیے شٹر بند ہڑتال اور دھرنا دے دیا گیا ، اور پیپلز پارٹی کے سابقہ ایم پی بھی ہندو مغوی کے ورثاء کے پاس پہنچ گئے لیکن گھوٹکی پولیس ورثا ءکو دلاسہ دلانے یاکوئی قانونی کارروائی کی یقین دہانی کیلئے نہ پہنچ سکی.

ورثاء کا کہنا ہے کے اگر ہمارے لوگوں کو ڈاکوؤں کے چنگل سے آزاد نہ کروایا تو ہم ایس ایس پی گھوٹکی کے آفس کے باھر دھرنا دے دینگے ورثاء کا کہنا ہے کے ہم سے ووٹ مانگنے کے لیے وڈیرے نہ رات دیکھتے ہیں اور نہ ہی دن اور اب ہمارے لوگوں کو ڈاکووں نے اغوا کر لیا ہے کسی پوچھا تک نہیں ہے.

میرپور ماتھیلو، باغی ٹی وی (نامہ نگار مشتاق علی لغاری) میرپور ماتھیلو نیشنل روڈ سے ڈاکوؤں نے تین شہریوں کو اغوا کر لیا۔ مغویوں میں ایس ڈی او ایریگیشن اختر لغاری ،ہندو رک کمار ، میر احمد جلبانی شامل ہیں

تفصیل کے مطابق میرپور ماتھیلو نیشنل روڈ سے ڈاکوؤں نے تین شہریوں جن میں ایس ڈی او ایریگیشن اختر لغاری اور ایک شخص جس کاتعلق ہندوبرادری سے رک کمار اور میر احمد جلبانی شامل ہیں کو اغوا کر لیا گیا ہے ،پولیس کے مطابق تینوں مغوی کا تعلق میرپور ماتھیلو سے ہے

ہندو برادری نے رک کمار کی بازیابی کے لئے شٹرڈاؤن ہڑتال اور ایس ایس پی آفس کے سامنے احتجاج دھرنادینے کا فیصلہ کیا ہے
دوسری طرف گھوٹکی پولیس تبلیغی اجتماع کی وجہ سے پولیس کی بھاری نفری داخلی اور خارجی راستوں پرتعینات ہے.

میرپور ماتھیلو،باغی ٹی وی (نامہ نگار مشتاق علی لغاری)ایس ایس پی گھوٹکی جناب محمد انور کھیتران صاحب کی ہدایت پہ گھوٹکی پولیس کا جرائم پیشہ افراد کے خلاف کریک ڈاؤن

تھانہ اوباڑو پولیس کی بہترین کاروائی تھانہ اوباڑو پولیس نے دورانِ گشت خفیہ اطلاع پہ کاروائی کرتے ہوئے،لنک روڈ گڈو نزد وروالو سے ایک ملزم ایاز علی ولد مرید بنگوار سکنہ گوٹھ شفوند جعفری کو بغیر لائسنس پسٹل اور 03 عدد گولیوں اور نقد رقم سمیت گرفتار کر لیا۔

پولیس گرفتار ملزم کو برآمدشدہ پسٹل اور گولیوں سمیت تھانے لے آئی اور اس کے خلاف بغیر لائسنس پسٹل اور گولیاں رکھنے کے جرم میں کرائم نمبر 21/2024 دفعہ 23 سندھ آرمز ایکٹ کے تحت مقدمہ درج کر دیا گیا.